ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ದಾಯ್ಜ್ (- ಸಂಗೀತಾ ನಾಯ್ಕ್)

ವೇಳ್ ಬದ್ಲುನ್ ಆಸಾ ವ ವೇಳ್ ಮುಕಾರ್ ಗೆಲ್ಲೆಪರಿಂ ಮನಿಸ್ ಬದ್ಲುನ್ ಆಸಾ? ಏಕ್ ಪಿಳ್ಗಿ ಬದ್ಲುನ್ ದುಸ್ರಿ ಪಿಳ್ಗಿ ಉದೆತಾನಾ ಜಾಯ್ತಿ ಬದ್ಲಾವಣ್ ತ್ಯಾ ನವ್ಯಾ ಪಿಳ್ಗೆನ್ ಹಾಡುಂಕ್ ಪಡ್ತಾ. ವೆಳಾಕಾಳಾಕ್ ತೆಕಿದ್ ಸಗ್ಳೆಂ ಬದಲ್ತಾನಾ ಫೆಸ್ತಾಂ-ಪರ್ಬೊ, ನ್ಹೆಸಪ್-ಖಾಣಾಂ, ನಾತಿಂ ಆನಿ ಆಮ್ಚಿಂ ಮುಳಾಂ-ಪಾಳಾಂಚಿ ಸಯ್ತ್ ವಿಸರ್ ಪಡುನ್ ಜಿಯೆಂವ್ಚೊ ಕಾಳ್ ಆಯ್ಲಾ ದೆಕುನ್ ಆಯ್ಚಿ ಪಿಳ್ಗಿ ಆಮ್ಚೆಂ ದಾಯ್ಜ್ ಮ್ಹಳ್ಳೆಂ ಕಿತೆಂ ಮ್ಹಳ್ಳೆಂಚ್ ಸಮ್ಜುಂಕ್ ಸಕಾನಾ ಜಾಲಾ ಮ್ಹಳ್ಳೆಂ ಮಾರ್ಮಿಕ್ ಚಿಂತಪ್ ಹ್ಯಾ ಕವಿತೆಂತ್ ಆಸಾ.

- ಸಂ

[ಕವಿತಾ] ದಾಯ್ಜ್ (- ಸಂಗೀತಾ ನಾಯ್ಕ್)

ದಾಯ್ಜ್ ದಿವಾಳೆ ಫರಾಳ್, ನಾತ್ಲಾ ಕುಸ್ವಾರ್, ಈದಾಚ್ಯೊ ಶೆವ್ಯಾ ಖೀರಿ ವಾಡ್ಯಾ ವಾಡ್ಯಾರ್ ವಾಟತ್ ಭೊಂವ್ಪಿ, ಭುರ್ಗ್ಯಾಂಚಿಂ ಭೀರಿಂ ಕೆಳ್ಬಾಯ್, ಲಯ್ರಾಯ್, ಮಿಲಾಗ್ರ್ ಮಾಯ್ ಮೆಳೂನ್ ಖೆಳ್ಟಾತ್ ಖೆಳ್ ಸುರ್ಲಾ ತಾರೀರ್ ಪೀರಾಕ್ ಭೆಟುಕ್, ಯೆತಾ ಶಿಗ್ಮ್ಯಾ ಮೆಳ್ ಗೊಯ್ಚೆಂ ಫೆಸ್ತ್, ಸಾಖ್ಳೆ ಉರೂಸ್, ಫಾತ್ರ್ಪೆಚಿ ಜಾತ್ರಾ ವೆಗ್ಳೆಚಾರ್ ವಿಸ್ರುನ್ ಸಗ್ಳಿ, ಬೆಂಸಾವೀತ್ ಗಾತ್ರಾಂ ದೆವ್ಚಾರಾಕ್ ರೊಟ್, ಜಾಗ್ಯಾಚ್ಯಾಕ್ ಫುಲ್, ಭೆಟಯ್ತನಾ ಖುರ್ಸಾಕ್ ವಾತ್ ಘೆವ್ನ್ ಹಾಂಗಾ ಬಸ್ನಾಶೀಲ್ಲೊ ಕೊಣ್, ಧರ್ಮ್ ಆನಿ ಜಾತ್ ಮುಸಳ್ ಫೆಳ್, ಬಾಂಯ್ತಲೊ ಸಾಂಜಾವ್, ಮಾತ್ಯೆಂತಲೊ ಚಿಖಲ್ ಕಾಲೊ ಮನೀಸ್ ಮೊಗಿ ಗೊಯಂಕಾರಾನ್, ದೆವಾಕ್ ಸೈಮಾರೂಪಾನ್ ಜೊಖ್ಲೊ ಎಕ್ಚಾರ್ ಮೀರಯ್ತ್, ಆಪ್ಲೆಪಣ್ ಮುರಯ್ತ್, ಪಿಳ್ಗ್ಯೊ ಜಾಲ್ಯೊ ವ್ಹಡ್ ಘಟ್ಟ್ ವೀಣೀನಂ ಗುತತ್ ಗೆಲೆ, ಸಾಸ್ಣಾಂ ನಾತ್ಯಾ ಪೊಡ್ ಕೊಣೆ ಪಾಪ್ಯಾನಿ ಒಂಪ್ಲಾ ಹಾಲಿ, ದುಸ್ವಾಸಾಚೆ ಬಿಂ, ಖಣುನ್ ಮನಿಸಪಣಾನ್ ಚರ್ ಅಚ್ಳಯ್ ಸುಕೂಂಕ್ ಲಾಗ್ಲ್ಯಾ, ಹಾಂಗ್ಚಿ ಸಹಿಷ್ಣುತೆ ಝರ್ ... ಹುಸ್ಕೊ ಕರ್ನಾಸ್ತಾನಾ ಸಾಯ್ಬಾ ರಾವುಂ ನಜೊ ಆಯ್ಜ್ ಹಾತಾಂತ್ಲ್ಯಾನ್ ಅಳಂಗ್ ಸುಟತ್ ಚಲ್ಲಾ... ದಿಸಾ ಮಾಸಾನಿ ಶೆಣತ್ ಚಲ್ಲಾ... ಗೊಂಯ್ಚೆಂ ಮ್ಹಜ್ಯಾ ದಾಯ್ಜ್! ಮ್ಹಜ್ಯಾ ಗೊಂಯ್ಚೆಂ ದಾಯ್ಜ್! **** - ಸಂಗೀತಾ ನಾಯ್ಕ್**. [ಮಾಯ್, 2020]

	ಸಂಗೀತಾ ನಾಯ್ಕ್: ಡಿಜಿಟಲ್ ಗೋವಾಚಿ ಎಕ್ಸೆಕ್ಯುಟಿವ್ ಸಂಪಾದಕ್ ಜಾವ್ನ್ ವಾವ್ರ್ ಕರುನ್ ಆಸ್ಚಿ ಬಾಯ್ ಸಂಗೀತಾ ನಾಯ್ಕಾಕ್ ಪ್ರತಿಶ್ಟಿತ್ ಎಮ್.ಬಿಲಿಯನ್ತ್ ಪುರಸ್ಕಾರ್ ಸೌತ್ ಏಶಿಯಾ 2018 ಲಾಭ್ಲಾ. ಗೊಂಯ್ ಕೊಂಕಣಿ ಅಕಾಡೆಮಿಂತ್ ಸಯ್ತ್ ವಾವ್ರ್ ಕೆಲ್ಲ್ಯಾ ಹಿಣೆಂ ಪತ್ರಿಕೋಧ್ಯಮ್, ಸಾಹಿತ್ಯ್, ಶಿಕ್ಷಣ್ ಅಶೆಂ ವೆವೆಗ್ಳ್ಯಾ ಶೆತಾಂತ್ ಖೂಬ್ ವಾವ್ರ್ ಕೆಲಾ. ಕೊಂಕಣಿ ಸಾಹಿತ್ಯಾಂತ್ ಸಯ್ತ್ ತಿಚಿ ದೇಣ್ಗಿ ಆಸಾ.
[kovita] Daiz* (- Sangeeta Naik)*
Vell bodlun asa vo vell mukar gel'leporim monis bodlun asa? ek pillgi bodlun dusri pillgi udetana zaiti bodlaunn tea novea pillgen haddunk poddta. Vellakallak tekid sogllem bodoltana festam-porbo, nhesop-khannam, natim ani amchim mullam-pallanchi soit visor poddun jiemvcho kall aila dekun aichi pillgi amchem daiz mholl'llem kitem mholl'llench somzunk sokana zala mholl'llem marmik chintop hea kovitent asa. - Som
[kovita] Daiz* (- Sangeeta Naik)*
Daiz divalle forall, natla kusvar, idacheo xevea khiri vaddea vaddear vattot bhomvpi, bhurgeanchim bhirim kellbai, loirai, milagr mai mellun khellttat khell surla tarir pirak bhettuk, yeta xigmea mell goichem fest, sakhlle urus, fatrpechi zatra vegllechar visrun soglli, bemsavit gatram deucharak rott, zageacheak ful, bhettoitona khursak vat gheun hanga bosnaxil'lo konn, dhorm' ani zat musoll fell, bamytolo sanzavo, matyentolo chikhol kalo monis mogi goinkaran, devak soimarupan zokhlo ekchar miroit, apleponn muroit, pillgeo zaleo vhodd ghott'tt vinninom gutot gele, sasnnam natea podd konne papeani ompla hali, dusvasache bim, khonnun monisoponnan chor ochlloi sukunk laglea, hangchi sohixnnute zhor ... Husko kornastana saiba ravum nozo aiz hatantlean ollong suttot chol'la... Disa masani xennot chol'la... gõychem mhojea daiz! mhojea gõychem daiz! **** - Songita Naik.** [May, 2020]

	Songita Naik: Ddijittol govachi eksekyuttiv sompadok zaun vaur korun aschi bai songita naikak protixttit em'.Biliyont puroskar sout exia 2018 labhla. Gõy konkonni okaddemint soit vaur kel'lea hinnem potrikodhyom', sahity, xikxonn oxem vevegllea xetant khub vaur kela. Konkonni sahiteant soit tichi denngi asa.
[कविता] दायज (- संगीता नाईक)
वेळ बदलून आसा व वेळ मुकार गेल्लेपरीं मनीस बदलून आसा? एक पिळगी बदलून दुस्री पिळगी उदेताना जायती बदलावण त्या नव्या पिळगेन हाडुंक पडता. वेळाकाळाक तेकीद सगळें बदल्ताना फेसतां-परबो, न्हेसप-खाणां, नातीं आनी आमचीं मुळां-पाळांची सयत विसर पडून जियेंवचो काळ आयला देकून आयची पिळगी आमचें दायज म्हळ्ळें कितें म्हळ्ळेंच समजुंक सकाना जाला म्हळ्ळें मार्मीक चिंतप ह्या कवितेंत आसा. - सं
[कविता] दायज (- संगीता नाईक)
दायज दिवाळे फराळ, नातला कुसवार, ईदाच्यो शेवया खीरी वाड्या वाड्यार वाटत भोंवपी, भुरग्यांचीं भीरीं केळबाय, लयराय, मिलाग्र माय मेळून खेळटात खेळ सुर्ला तारीर पीराक भेटुक, येता शिगम्या मेळ गोयचें फेस्त, साखळे उरूस, फातर्पेची जात्रा वेगळेचार विसरुन सगळी, बेंसावीत गात्रां देवचाराक रोट, जाग्याच्याक फुल, भेटयतना खुर्साक वात घेवन हांगा बसनाशील्लो कोण, धर्म आनी जात मुसळ फेळ, बांयतलो सांजाव, मातयेंतलो चिखल कालो मनीस मोगी गोयंकारान, देवाक सैमारूपान जोखलो एकचार मीरयत, आपलेपण मुरयत, पिळग्यो जाल्यो व्हड घट्ट वीणीनं गुतत गेले, सासणां नात्या पोड कोणे पापयानी ओंपला हाली, दुस्वासाचे बीं, खणुन मनिसपणान चर अचळय सुकूंक लागल्या, हांगची सहिष्णुते झर ... हुसको करनास्ताना सायबा रावूं नजो आयज हातांतल्यान अळंग सुटत चल्ला... दिसा मासानी शेणत चल्ला... गोंयचें म्हज्या दायज! म्हज्या गोंयचें दायज! *** - संगीता नाईक.** [माय, २०२०]

	संगीता नाईक: डिजिटल गोवाची एक्सेक्युटीव संपादक जावन वावर करून आसची बाय संगीता नायकाक प्रतिश्टीत एम.बिलियनत पुरसकार सौत एशिया २०१८ लाभला. गोंय कोंकणी अकाडेमिंत सयत वावर केल्ल्या हिणें पत्रिकोध्यम, साहित्य, शिक्षण अशें वेवेगळ्या शेतांत खूब वावर केला. कोंकणी साहित्यांत सयत तिची देणगी आसा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.