ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಜಿವನ್ ರಂಗಾಚೆಂ (- ಜ್ಯೋಸ್ನಾ ಆಬ್ರೆವ್)

ಕವಿತಾ ಟ್ರಸ್ಟಾಮುಖಾಂತ್ರ್ ಬಾಬ್ ಮೆಲ್ವಿನ್ ಲುದ್ರಿಕ್ ಮಂಗ್ಳುರಾಂತ್ ತಶೆಂಚ್ ಹೆರ್ ರಾಜ್ಯಾಂನಿ ಸಯ್ತ್ ಆಸ್ಚ್ಯಾ ಕವಿತಾ ತಾಲೆಂತಾಕ್ ಸೊಧುನ್ ವರ್ಸಾನ್ ವರಸ್ ಭಂವ್ಡಿ ಮಾರ್ತಾ. 2017 ಇಸ್ವ್ಂತ್ ಕವಿತಾ ಟ್ರಸ್ಟಾಸವೆಂ ಮೆಳುನ್ ಆಶಾವಾದಿ ಪ್ರಕಾಶನಾನ್ ಮುಂಬಂಯ್ತ್ ಸಯ್ತ್ ಹಿಂ ಸೊಧ್ನಾಂ ಕೆಲ್ಲೆವೆಳಾರ್ ಜಾಯ್ತೆಂ ತಾಲೆಂತ್ ಮುಂಬಂಯ್ತ್ ಮೆಳ್ಳೆಂ. ಹೊ ಕವಿತಾ ಸಾದರ್ ಕರ್ಚೊ ಸ್ಪರ್ಧೊ ತರ್‌ಯೀ, ಹ್ಯಾ ಕವಿತಾ ಸಾದರ್ ಕರ್ಚೆಮುಖಾಂತ್ರ್ ಕೊಂಕಣಿ ಕವಿತೆಂಚ್ಯಾ ಮೊಗಾರ್ ಪಡ್ಚಿ ಕಲಾ ಸರ್ವಾಂಕ್ ಆಪ್ಣಾಂವ್ಕ್ ಸಾಧ್ಯ್ ನಾ. ಪುಣ್ ವಸಯ್ ಫಿರ್ಗಜಿಂತ್ ಫುಲ್‌ಲ್ಲೊ ಏಕ್ ಕಾವ್ಯಾಳ್ ಕಳೊ ಆಜ್ ಅಪ್ಲಿ ಪಯ್ಲಿ ಕವಿತಾ ಆಮ್ಚೆಸಮೊರ್ ವಾಂಟುನ್ ಘೆತಾ. ಜಿವಿತಾಚ್ಯಾ ಸುಕ್ತೆ-ಭರ್ತೆಕ್ ಪಾವ್ಸಾಚ್ಯಾ ಧೊಣಾಸವೆಂ ತುಲನ್ ಕರ್ಚೆಂ ಚಿಂತಪ್ ಭೋವ್ ಸೊಭಿತ್ ರಿತಿನ್ ವ್ಹಾಳಯಿಲ್ಲೆಂ ಹ್ಯಾ ಕವಿತೆಂತ್ ದಿಸುನ್ ಯೆತಾ. ಫುಡೆಂ ಹಿಚೆಥಾವ್ನ್ ಅನಿಕ್‌ಯೀ ಬರಿಂ ಕವಿತಾ ಯೇಂವ್ದಿತ್ ಮ್ಹಳ್ಳೆಚ್ ಮ್ಹಜೆ ಆಂವ್ಡೆ.

- ಸಂ

[ಕವಿತಾ] ಜಿವನ್ ರಂಗಾಚೆಂ (- ಜ್ಯೋಸ್ನಾ ಆಬ್ರೆವ್)

ಜಿವನ್ ರಂಗಾಚೆಂ ಜಿವನ್ ಮ್ಹಜೆಂ ದೊನ್‌ಚ್ ಖಿಣಾಂಚೆಂ ಹೆಂ ಜಿವನ್ ಮ್ಹಜೆಂ ದೊನ್‌ಚ್ ಖಿಣಾಂಚೆಂ ಹ್ಯಾ ದೊನ್ ಖಿಣಾಂಚ್ಯಾ ಜಿವಿತಾಂತ್‌ಯೀ ವೆವೆಗಳೆ ರಂಗ್ ಜಶೆ ಪಾವ್ಸಾಧೊಣಾಂತ್ ಆಸಾತ್ ಸಾತ್ ರಂಗ್ ರಂಗ್ ಆಸಾ ಸುಕಾಕ್ ರಂಗ್ ಆಸಾ ದುಕಾಕ್ ರಂಗ್ ಆಸಾ ನಾತ್ಯಾಕ್ ರಂಗ್ ಆಸಾ ಮೊಗಾಕ್ ರಂಗ್ ಪಶ್ಚಾತಾಪಾಕ್ ರಂಗ್ ಆಸಾ ಸಂತೊಸಕ್ ರಂಗ್ ಆಸಾ ಸಂಕಶ್ಟಾಕ್ ಸಾತ್ ರಂಗ್ ಜರ್ ಮೆಳಾನಾಸ್ಲೆ ಪಾವ್ಸಾಧೊಣು ಕಶೆಂ ಜಾಯ್ತ್ ಸೊಭಿತ್ ಮನಶಾ ಜಿವಿತಾಂತ್ ರಂಗ್ ನಾಸ್ಲೆ ಕಶೆಂ ಜಾಂವ್ಚೆಂ ಪೂರ್ಣ್ ಜಿವಿತ್ ದಿಶಾಚ್ ಜಿವಿತಾಚೆಂ ರೋದ್ ಪಾಟಲಿ ದಿಶಾ ತೊಜೊ ಕಾಳ್ ಭಂವ್ತಿಂತ್ ಭರ್ವಸೊ ಸೊಧ್ ಮನಶಾ ವಾಟ್ ಮುಕಾರ್ ಚಲ್ **** - ಜ್ಯೋಸ್ನಾ ಆಬ್ರೆವ್**. [ಮಾಯ್, 2020]

	ಜ್ಯೋಸ್ನಾ ಆಬ್ರೆವ್: 2017 ಇಸ್ವೆಂತ್ ಮುಂಬಂಯ್ತ್ ಆಸಾ ಕೆಲ್ಲ್ಯಾ ಕೊಂಕಣಿ ಕವಿತಾ ಸಾದರ್ ಸರ್ತೆಂತ್ ಇನಾಮ್ ಆಪ್ಣಾಯಿಲ್ಲಿ ಬಾಯ್ ಜ್ಯೋಸ್ನಾ ಆಬ್ರೆವ್ ವಸಯ್ ಗಾಂವ್ಚಿ. ಸಾಹಿತಿಕ್ ಅಭಿರುಚ್ ಆಸ್ಚ್ಯಾ ಹಿಚಿ ಕವಿತಾ ಹಿಕಾ ಫುಡ್ಲ್ಯಾ ದಿಸಾಂನಿ ಕೊಂಕಣಿಂತ್ ಏಕ್ ಕವಿ ಜಾಂವ್ಕ್ ಪ್ರೇರಣ್ ದೀಂವ್ಕ್ ಮ್ಹಳ್ಳೆ ಮ್ಹಜೆ ಆಂವ್ಡೆ.
[kovita] Jivon Rongachem* (- Jyosna Abrew)*
Kovita ttrosttamukhantr Bab Melwin Ludrik Mongllurant toxench her rajeamni soit aschea kovita talentak sodhun vorsan voros bhomvddi marta. 2017 isvnt kovita ttrosttasovem mellun axavadi prokaxonan mumbomyt soit him sodhnam kel'levellar zaitem talent mumbomyt mell'llem. Ho kovita sador korcho spordho tor‌yi, hea kovita sador korchemukhantr konkonni kovitenchea mogar poddchi kola sorvank apnnaunko sadhy na. Punn vosoi firgojint ful‌l'lo ek kaveall kollo az opli poili kovita amchesomor vanttun gheta. Jivitachea sukte-bhortek pausachea dhonnasovem tulon korchem chintop bhovo sobhit ritin vhalloyil'lem hea kovitent disun yeta. Fuddem hichethaun onik‌yi borim kovita yemvdit mholl'llech mhoje amvdde. - Som
[kovita] Jivon Rongachem* (- Jyosna Abrew)*
*Jivon Rongachem* jivon mhojem don‌ch khinnanchem hem jivon mhojem don‌ch khinnanchem hea don khinnanchea jivitant‌yi vevegolle rong zoxe pausadhonnant asat sat rong rong asa sukak rong asa dukak rong asa nateak rong asa mogak rong poxchatapak rong asa sontosok rong asa sonkoxttak sat rong zor mellanasle pausadhonnu koxem zait sobhit monoxa jivitant rong nasle koxem zamvchem purnn jivit dixach jivitachem rod pattoli dixa tozo kall bhomvtint bhorvoso sodh monoxa vatt mukar chol **** - Jyosna Abrew.** [May, 2020]

	Jyosna Abrew: 2017 isvent mumbomyt asa kel'lea konkonni kovita sador sortent inam' apnnayil'li Bai Jyosna Abrew Vasai gamvchi. Sahitik obhiruch aschea hichi kovita hika fuddlea disamni konkonnint ek kovi zaunko preronn diunko mholl'lle mhoje amvdde.
[कविता] जिवन रंगाचें (- ज्यॊस्ना आबरेव)
कविता ट्रसटामुखांत्र बाब मेलवीन लुद्रीक मंगळुरांत तशेंच हेर राज्यांनी सयत आसच्या कविता तालेंताक सोधून वर्सान वरस भंवडी मार्ता. २०१७ इस्व्ंत कविता ट्रसटासवें मेळून आशावादी प्रकाशनान मुंबंयत सयत हीं सोधनां केल्लेवेळार जायतें तालेंत मुंबंयत मेळ्ळें. हो कविता सादर कर्चो स्पर्धो तर‌यी, ह्या कविता सादर कर्चेमुखांत्र कोंकणी कवितेंच्या मोगार पडची कला सर्वांक आपणावंक साध्य ना. पूण वसय फिर्गजिंत फूल‌ल्लो एक काव्याळ कळो आज अपली पयली कविता आमचेसमोर वांटून घेता. जिविताच्या सुक्ते-भर्तेक पावसाच्या धोणासवें तुलन कर्चें चिंतप भोव सोभीत रितीन व्हाळयिल्लें ह्या कवितेंत दिसून येता. फुडें हिचेथावन अनीक‌यी बरीं कविता येंवदीत म्हळ्ळेच म्हजे आंवडे. - सं
[कविता] जिवन रंगाचें (- ज्यॊस्ना आबरेव)
जिवन रंगाचें जिवन म्हजें दोन‌च खिणांचें हें जिवन म्हजें दोन‌च खिणांचें ह्या दोन खिणांच्या जिवितांत‌यी वेवेगळे रंग जशे पावसाधोणांत आसात सात रंग रंग आसा सुकाक रंग आसा दुकाक रंग आसा नात्याक रंग आसा मोगाक रंग पश्चातापाक रंग आसा संतोसक रंग आसा संकश्टाक सात रंग जर मेळानासले पावसाधोणू कशें जायत सोभीत मनशा जिवितांत रंग नासले कशें जांवचें पूर्ण जिवीत दिशाच जिविताचें रोद पाटली दिशा तोजो काळ भंवतिंत भर्वसो सोध मनशा वाट मुकार चल **** - ज्यॊस्ना आबरेव.** [माय, २०२०]

	ज्यॊस्ना आबरेव: २०१७ इस्वेंत मुंबंयत आसा केल्ल्या कोंकणी कविता सादर सर्तेंत इनाम आपणायिल्ली बाय ज्यॊस्ना आबरेव वसय गांवची. साहितीक अभिरूच आसच्या हिची कविता हिका फुडल्या दिसांनी कोंकणिंत एक कवी जावंक प्रेरण दीवंक म्हळ्ळे म्हजे आंवडे.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.