ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಭಟ್‌ಪಣ್ (- ಶಾಂತನೂ ಅಯ್ಯ)

"ಹ್ಯಾ ಸಂಸಾರಾಂತ್ ಜಯ್ತ್ ಜೊಡುಂಕ್ ಸಕ್ಚೊ ಮನಿಸ್ ಚಡ್ ಸಕ್ತೆವಂತ್ ನ್ಹಯ್, ಚಡ್ ಬುಧ್ವಂತ್‌ಯೀ ನ್ಹಯ್, ಪುಣ್ ಜೊ ಮನಿಸ್ ಬದ್ಲಾವಣೆಕ್ ಸರಿ ಕರುನ್ ಅಪ್ಲಿ ಜಿವಿತ್ ಬದ್ಲಿತಾ ತೊ" ಅಶೆಂ ಮ್ಹಣತಾ ಡಾರ್ವಿನ್. ಹಾಂಗಾಸರ್ ಬದಲ್ಚ್ಯಾ ಮನಶಾಚೆಂ ಚಿಂತಪ್, ಜಿವಿತ್, ಸಂಸ್ಕೃತಿ ತಶೆಂಚ್ ಮನಶಾಂ ಮೊಲಾಂ ಹ್ಯಾ ಕವಿತೆಂತ್ ಭೋವ್ ನಾಜೂಕಯೆನ್ ಪಿಂತ್ರಾಯಿಲ್ಲಿಂ ದಿಸುನ್ ಯೆತಾತ್. ಹ್ಯಾ ಕವಿತೆಂತಲಿ ವಯ್ಚಾರಿಕತಾ ಖರಿಚ್ ಜಾವ್ನ್ ಭೋವ್ ಸೊಭಿತ್ ರಿತಿನ್ ವೆಕ್ತ್ ಕೆಲ್ಲಿ ದಿಸುನ್ ಯೆತಾ.

ಕವಿ ಬಾಬ್ ಶಾಂತನೂ ಅಯ್ಯ ಏಕ್ ಬರೆಂ ತಾಲೆಂತ್. ಗೊಂಯ್ಚ್ಯಾ ಕೆಪೆಂತಲ್ಯಾ ಸರಕಾರಿ ಕೊಲೆಜಿಂತ್ ಮರಾಠಿಂತ್ ಬಿ.ಎ. ಶಿಕುನ್ ಆಸ್ಚ್ಯಾ ಹಾಚ್ಯಾ ಬರಪಾಂಕ್ ಆಧ್ಲ್ಯಾ ವರಸಾಚ್ಯಾ ಪಯ್ಣಾರಿ-ವೀಜ್ ಮಾಂಡುನ್ ಹಾಡ್‌ಲ್ಲ್ಯಾ ವಿಲ್ಫಿ ರೆಬಿಂಬಸ್ ಸ್ಮಾರಕ್ ರಾಶ್ಟ್ರೀಯ್ ಸಾಹಿತಿಕ್ ಸ್ಪರ್ಧ್ಯಾಂತ್ ಇನಾಮ್ ಸಯ್ತ್ ಲಾಭ್ಲಾಂ. ಹ್ಯಾ ಕವಿತೆಚಿ ಸಕತ್ ಸಮ್ಜುಂಕ್ ಆತಾಂ ತುಕಾ ಸೊಡತಾಂ.

- ಸಂ

[ಕವಿತಾ] ಭಟ್‌ಪಣ್ (- ಶಾಂತನೂ ಅಯ್ಯ)

ಭಟ್‌ಪಣ್ ಆಧುನಿಕ್ ಯುಗಾ ವಾಂಗ್ಡಾ ಜೀಣ್ ಮ್ಹಜಿ ಬದ್ಲಲಾ ಲೊಕ್ ಮ್ಹಣ್ಟಾ ಭಟ್‌ಪಣ್ ಮ್ಹಜೆಂ ಜೊಡ್ಪಾಚೊ ಧಂದೊ ಜಾಲಾ... ಕೊಣ್ ಮೆಲ್ಯಾರೂಯ್ ಹಾಂವ್ ಜಾಯ್ ಕೊಣಿ ಜಾಲ್ಯಾರೂಯ್ ಹಾಂವ್ ಜಾಯ್ ಶಾಸ್ತ್ರಾ ಪುರಾಣಾತಲೆಂ ಕಾಂಯ್ಚ್ ಕಳ್ನಾ ತರಿ ಲೊಕ್ ಮ್ಹಣ್ಟಾ ಭಟ್ಮಾಮ್ ಸಗ್ಳೆಂ ಸಾರ್ಖೆಂ ಜಾವ್ಪಾಕ್ ಜಾಯ್... ಗಾಂವ್ಕಾರಾಲೆ ಭುರ್ಗೆ ಆಮ್ದಾರ್ ಜಾಲೆ ವೆಳ್ಪಾಲೆಂ ಮಾಮ್ಲೆದಾರ್ ಮ್ಹಜ್ಯಾ ದೆವ್ಳಾಂಕ್ ಭಟ್‌ಪಣಾಚೆ ಉಕ್ತೆಂ ಆಸಾ ಎಕೂಚ್ ದಾರ್... ಆಮ್ಚೆಯ್ ಲೊಕ್ ಜಾಲೆ ದೊತೊರ್ ಆರ್ಟೀಒ, ಝೆಡ್ಪಿ ಆನಿ ಪ್ರೊಫೆಸರ್ ಲಕ್ಷ್ಮಿ ಯೆತಾ ಘರಾಂತ್ ಆಡ್ವಾಟೆನ್ ಪೂಣ್ ಅಸ್ತಿತ್ವ್ ಮ್ಹಜೆಂ ಜಾಲೆಂ ಕಾಬಾರ್ ಭಟ್‌ಪಣ್ ಆಯ್ಜ್ ಶೆಣ್ಲಾಂ ಮ್ಹಜೆಂ ಮ್ಹಜಿ ಶೆತಾ ಭಾಟಾಂಯ್ ನಾ ಜಾಲ್ಯಾ ಫುಡಾರಾಚೆ ಮಂತ್ರ್ ಮ್ಹಜೆ ದೆವ್ಳಾಂ ಘಾಟೀಂತ್ ವಿರೂನ್ ಗೆಲಾಂ... ಗರ್ಭಕುಡೀನ್ ದೆವ್ ಮ್ಹಜೊ ಸಾಂಗ್ತಾ ಮ್ಹಾಕಾ ಕೆನ್ನಾ ಕೆನ್ನಾ ಪುಜಾ ಕರ್ ತು ಯಾ ಫಾತ್ರಾಚಿ ಮನಾಕ್ ಮಾತ್ ಫಾತರ್ ಕರಿ ನಾಕಾ... ಮನ್ ಮ್ಹಜೆಂ ಘುಸ್ಪಲಾಂ ಮಮ್ ಮ್ಹಣೂನ್ ನಿರ್ಶೆಲಾಂ ಆಚ್ಮನ್ ಕರುನ್ ಮುಕಾರ್ ವಚ್ಪಾಕ್ ನಶೀಬುಯ್ ಮಾತ್ಶೆಂ ಖರ್ಶೆಲಾಂ... ಕೆಶ್ವಾಯ್ ಮಾಧ್ವಾಯ್ ನಾರಾಯ್ಣಾಯ್ ಉತ್ರಾಂ ಮೊನಿ ಜಾಲ್ಯಾಂ ಮನಾತ್ಲ್ಯಾನ್ ತಸ್ಥಾಸ್ತು ಮ್ಹಣ್ಪಾಕ್ ದಕ್ಷಿಣಾಯ್ ಭೀಕ್ ಜಾಲ್ಯಾ... ಆಧುನಿಕ್ ಯುಗಾ ವಾಂಗ್ಡಾ ಜೀಣ್ ಮ್ಹಜಿ ಬದ್ಲಲಾ ಕೊಣಿ ಆತಾ ಕಿತೆಂಯ್ ಮ್ಹಣು ಮ್ಹಜಿ ಗಣೆಶ್ ಪುಜಾ ಸೊಪ್ಲಾ ಸಮಾಜಸೆವಾ ಹೀಚ್ ಇಶ್ವರಸೆವಾ ಹೊಚ್ ಮ್ಹಜೊ ಮಂತ್ರ್ ಜಾಲಾ... ****** - ಶಾಂತನೂ ಅಯ್ಯ. [ಮಾರ್ಚ್, 2020]

	ಶಾಂತನೂ ಅಯ್ಯ: ಗೊಂಯ್ಚ್ಯಾ ಕೆಪೆಂತಲ್ಯಾ ಸರಕಾರಿ ಕೊಲೆಜಿಂತ್ ಮರಾಠಿಂತ್ ಬಿ.ಎ. ಶಿಕುನ್ ಆಸ್ಚ್ಯಾ ಶಾಂತನೂ ಅಯ್ಯ ಏಕ್ ಕಥಾಕಾರ್, ಕವಿ. ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಜೊಡಲ್ಯಾಂತ್. 2019 ವರಸಾಚ್ಯಾ (ಪಯ್ಣಾರಿ-ವೀಜ್ ಹಾಣಿಂ ಮಾಂಡುನ್ ಹಾಡ್‌ಲ್ಲ್ಯಾ) ವಿಲ್ಫಿ ರೆಬಿಂಬಸ್ ಸ್ಮಾರಕ್ ರಾಶ್ಟ್ರೀಯ್ ಸಾಹಿತಿಕ್ ಸ್ಪರ್ಧ್ಯಾಂತ್ ಇನಾಮ್ ಲಾಭ್ಲಾಂ.
[kovita] *Bhottponn* (- Shantanu Aiya)
"hea somsarant zoit zoddunk sokcho monis chodd sokteunt nhoi, chodd budhvont‌yi nhoi, punn zo monis bodlaunnek sori korun opli jivit bodlita to" oxem mhonnota ddarvin. Hangasor bodolchea monoxachem chintop, jivit, somskriti toxench monoxam molam hea kovitent bhovo nazukoyen pintrayil'lim disun yetat. Hea kovitentoli voicharikota khorich zaun bhovo sobhit ritin vekt kel'li disun yeta. Kovi Bab Shantanu Aiya ek borem talent. Gõychea kepentolea sorokari kolejint moratthint B.A. Xikun aschea hachea boropank adhlea vorosachea poinnari-viz manddun hadd‌l'lea vilfi rebimbos smarok raxttri-i sahitik spordheant inam' soit labhlam. Hea kovitechi sokot somzunk atam tuka soddotam. - Som
[kovita] *Bhottponn* (- Shantanu Aiya)
Bhottponn adhunik yuga vangdda jinn mhoji bodlola lok mhonntta bhottponn mhojem zoddpacho dhondo zala... Konn melearuy hamv zai konni zalearuy hamv zai xastra purannatolem kainch kollna tori lok mhonntta bhottmam' sogllem sarkhem zaupak zai... Gamvkarale bhurge amdar zale vellpalem mamledar mhojea deullank bhottponnache uktem asa ekuch dar... Amchey lok zale dotor arttio, jheddpi ani profesor lokxmi yeta ghorant addvatten punn ostitv mhojem zalem kabar bhottponn aiz xennlam mhojem mhoji xeta bhattam-i na zalea fuddarache montr mhoje deullam ghattint virun gelam... Gorbhokuddin devo mhozo sangta mhaka ken'na ken'na puza kor tu ya fatrachi monak mat fator kori naka... Mon mhojem ghuspolam mom' mhonnun nirxelam achmon korun mukar vochpak noxibui matxem khorxelam... Kexvai madhvai narainnai utram moni zaleam monatlean tosthastu mhonnpak dokxinnai bhik zalea... Adhunik yuga vangdda jinn mhoji bodlola konni ata kitem-i mhonnu mhoji gonnex puza sopla somazoseva hich ixvoroseva hoch mhozo montr zala... **** - Shantanu Aiya.** [March, 2020]

	Shantanu Aiya: Gõychea Quepentolea Sorokari Collejint moratthint B.A. Xikun aschea xantonu oyyo ek kothakar, kovi. Sahitik spordheamni inamam zoddoleant. 2019 vorosachea (Poinnari-Viz hannim manddun hadd‌l'lea) Wilfy Rebimbus smarok raxttri-i sahitik spordheant inam' labhlam.
[कविता] भटपण (- शांतनू अय्य)
"ह्या संसारांत जयत जोडुंक सकचो मनीस चड सक्तेवंत न्हय, चड बुध्वंत‌यी न्हय, पूण जो मनीस बदलावणेक सरी करून अपली जिवीत बदलिता तो" अशें म्हणता डार्वीन. हांगासर बदल्च्या मनशाचें चिंतप, जिवीत, संसकृती तशेंच मनशां मोलां ह्या कवितेंत भोव नाजूकयेन पिंत्रायिल्लीं दिसून येतात. ह्या कवितेंतली वयचारिकता खरीच जावन भोव सोभीत रितीन वेक्त केल्ली दिसून येता. कवी बाब शांतनू अय्य एक बरें तालेंत. गोंयच्या केपेंतल्या सरकारी कोलेजिंत मराठिंत बी.ए. शिकून आसच्या हाच्या बरपांक आधल्या वरसाच्या पयणारी-वीज मांडून हाड‌ल्ल्या विलफी रेबिंबस स्मारक राश्ट्रीय साहितीक स्पर्ध्यांत इनाम सयत लाभलां. ह्या कवितेची सकत समजुंक आतां तुका सोडतां. - सं
[कविता] भटपण (- शांतनू अय्य)
भटपण आधुनिक युगा वांगडा जीण म्हजी बदलला लोक म्हणटा भटपण म्हजें जोडपाचो धंदो जाला... कोण मेल्यारूय हांव जाय कोणी जाल्यारूय हांव जाय शास्त्रा पुराणातलें कांयच कळना तरी लोक म्हणटा भटमाम सगळें सारखें जावपाक जाय... गांवकाराले भुरगे आमदार जाले वेळपालें मामलेदार म्हज्या देवळांक भटपणाचे उकतें आसा एकूच दार... आमचेय लोक जाले दोतोर आरटीओ, झेडपी आनी प्रोफेसर लक्ष्मी येता घरांत आडवाटेन पूण अस्तित्व म्हजें जालें काबार भटपण आयज शेणलां म्हजें म्हजी शेता भाटांय ना जाल्या फुडाराचे मंत्र म्हजे देवळां घाटींत विरून गेलां... गर्भकुडीन देव म्हजो सांगता म्हाका केन्ना केन्ना पुजा कर तू या फातराची मनाक मात फातर करी नाका... मन म्हजें घुस्पलां मम म्हणून निरशेलां आचमन करुन मुकार वचपाक नशीबुय मात्शें खरशेलां... केशवाय माधवाय नारायणाय उतरां मोनी जाल्यां मनातल्यान तस्थास्तू म्हणपाक दक्षिणाय भीक जाल्या... आधुनिक युगा वांगडा जीण म्हजी बदलला कोणी आता कितेंय म्हणू म्हजी गणेश पुजा सोपला समाजसेवा हीच इश्वरसेवा होच म्हजो मंत्र जाला... **** - शांतनू अय्य.** [मार्च, २०२०]

	शांतनू अय्य: गोंयच्या केपेंतल्या सरकारी कोलेजिंत मराठिंत बी.ए. शिकून आसच्या शांतनू अय्य एक कथाकार, कवी. साहितीक स्पर्ध्यांनी इनामां जोडल्यांत. २०१९ वरसाच्या (पयणारी-वीज हाणीं मांडून हाड‌ल्ल्या) विलफी रेबिंबस स्मारक राश्ट्रीय साहितीक स्पर्ध्यांत इनाम लाभलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.