ಕೊಂಕ್ಣಿ ಕಾರ್ಯಿಂ

ಮೌನ ಆನೀ ಹಾಸು

ಮೌನ ಆನೀ ಹಾಸು
ಹಾಸಲ್ಲೀ ತೀ ದೋಳ್ಯಾಂತ,
ಉಲೋವಕಾ ಮ್ಹಣ
ಒಂಟಾರ ಆಯಿಲೆ ಉತ್ರಾಂ
ಉಶ್ಟೇಂತ ಗೀಳೂನ
ಚಿಂತಲೆ ಬರೋವಯಾ ಪತ್ರಾಂ
ಶಬ್ದಾರ ವಜನ ಪಡಲೆ
ಉತ್ತರ ಮೌನ ಜಾಲೆ

ಜಾವನು ಗೆಲೆಲೆ ಇತಿಹಾಸ ಮಾಕಶೀ
ಸಕ್ಕಡ ಸಮಜೂನ ದೊಳ್ಯಾ ಮುಖಾರ
ಮೌನಾಂತೂಚ ಸಕ್ಕಡ
ಪಾವ್ಲ ಮುಖಾರ ಕಾಡಲೆ
ಕಾಳಾಕ ಮಾನೂನ ಫಾಟಿ ತಾಂಡಲೆ

ಕಾಳ ಪರದೋ ಮೋಡ ಜಾವನು
ತೋಂಡಾರ ದೆಂವಲೆ
ಗಡಗಡೇಚೋ ಆವಾಜ
ಅಚಾನಕ್ ಕಾನ್ನಾರ ಪಡಲೆ
ದೋಳ್ಯಾಂತ ಕಾಳೋಕ, ಕರಾಳ ದೀಸ್
ಕಾಳಕಾಂತ ಮುಖಲೆ ಚಿತ್ರ ದಿಷ್ಟಿ ಪಡಲೆ
ಫಕತ ಹಾಸಾಂತ ಉತ್ತರ್
ತೇಂವಯ ನಾ, ಆಖೇರಿಕ
ಮೌನಚೀ ಉತ್ತರ್ ಜಾಲೆ
ತೀ ಲಾಗೀ ಯೆತನಾ
ವ್ಹಾರೆಂಯ ನಿಶ್ಯಬ್ದ ಜಾಲೆ

ಬಂದ್, ಗಲಾಟೋ
ಆಮೀ ಉಲೋವನು ಉತ್ರಾಂ
ನಿಮಿತ ನಾಕಾ ಮ್ಹಣ
ಮೌನ ಆನೀ ಹಾಸಾಂತು ಉತ್ತರ ಜಾಲೆ
ಆಜೀಕಯ ತೀ ಮೆಳತನಾ ಹಾಸತಾ
ಆನೀ ಹಾಂವಯ ಹಾಸತಾ.

- ವೆಂಕಟೇಶ ನಾಯಕ್ [ಫೆಬ್ರೆರ್ 2016]

कविता

उलव्पाक फकत उत्रांच जांव्क जाय म्हणुन ना, पार्कुंचि श्याथि काळ्जांत आसा तर, मौनांत सय्त तिं उत्रां सोध्येता, आनि त्या सब्धांनि लिप्लले अर्थ सम्जुयेता म्हण्च्याक कांय हि कविता अपुर्भायेचि गोवाय दिता.

वेंकटॆश नायक वृत्तेन प्राध्यापक तर्‌यी साहित्याचि वॊड पय्लि. प्रत्यॆक जाव्न कविताशेतांत ताचि आसक्त चड देकुन, कोंक्णेंत कांय फुड्ल्या दिसांनि भर्वसो उदेशें कर्चि श्याथि हाच्या बर्पांनि आस्चि मात कोणेंय नेगार कर्चेपरिं ना. म्हजो आशावाद्‍यी तोच्च.

- सं

मन अनी हासु

मन अनी हासु
हासल्ली ती दॊळ्यांत,
उलॊवका म्हण
ओंटार अयिले उत्रां
उश्टॆंत गीळून
चिंतले बरॊवया पत्रां
शब्धार वजन पदले
उत्तर मौन जाले


जावन गेलेले इतिहास माकशी
सक्कड समजून दोळ्या मुखार
मौनंतूच सक्कड
पाव्ल मुखार काडले
काळाक मानून फाटि तांडले

काळ परदॊ मॊड जाव्नु
तॊंडार देंवले
गडगडॆचॊ आवाज
अचानक कानारा पडले
दॊळ्यांत काळॊक, कराळ दीस
काळकांत मुखले चित्र दिष्टि पदले
फकत हासांत उत्तर
तॆंवय ना, अखॆरिक
मौनची उत्तर जाले
ती लागि येतना
व्हारेंय निश्शब्ध जाले

बंद, गलाटॊ
आमी उलॊवनु उत्रां
निमित नाका म्हण
मौन आनि हासांतु उत्तर जाले
अजीकय ती मेळतना हासता
आनी हांवय हासता

- वेंकटॆश नायक (फेब्रेर, २०१६)

वेंकटॆश नायक: वृत्तेन प्राध्यपक जाव्न वाव्र कर्चो वेंकटॆश नायक, कोंक्णि साहित्यांत काण्येगार/कवि जाव्न व्हळ्केचो तर्‌यी, ऎक संवॆदन्‌शील चिंत्पाचो कवि, कविता ताचि पय्लि आसक्त. कोंक्णेच्या फुडारांत ऎक भर्वश्याचो कवि जाव्न उदेतलो म्हळ्ळो म्हजो आशावाद.

Som

- Som.

KOVITA

Mon oni Hasu

mon oni hasu
hasl'li ti dolleant,
ulouka mhonn
onttar oyile utram
uxttent gillun
chintle borovea potram
xobdhar vozon podle
ut'tor moun zale

zaun gelele itihas makxi
sokkodd somzun dollea mukhar
mounontuch sokkodd
paul mukhar kaddle
kallak manun fatti tanddle

kall pordo modd zaunu
tonddar demvle
goddgoddecho avaz
ochanok kanara poddle
dolleant kallok, korall dis
kallkant mukhle chitr dixtti podle
fokot hasant ut'tor
temvy na, okherik
mounchi ut'tor zale
ti lagi yetna
vharem-i nixxobdh zale

bond, golatto
ami ulounu utram
nimit naka mhonn
moun ani hasantu ut'tor zale
ojikoi ti melltona hasta
ani hamvy hasta

- Venkttex Nayak (Febrer, 2016)

Venkttex Naik: vrit'ten pradhyopok zaun vaur korcho venkttex naik, konknni sahiteant kannyegar/kovi zaun vhollkecho tor‌yi, ek somvedon‌xil chintpacho kovi, kovita tachi poili askt. Konknnechea fuddarant ek bhorvoxeacho kovi zaun udetolo mholl'llo mhozo axavad.

ದಾಯ್ಜ್.ಕೊಮ್