ಕೊಂಕಣಿ ಉಲಯ್, ಕೊಂಕಣಿ ಉರಯ್, ಕೊಂಕಣಿ ಆಮ್ಚಿ ಆವಯ್..    कोंकणी उलोय, कोंकणी उरय, कोंकणी आमची आवय..       
Writers Writing
ಸಂಪಾದಕೀಯಾಂ
ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..
ಲೇಖನಾಂ
ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ
ಕವಿತಾ
ಬ್ರೊತೊ (ಪಯ್ಲಿ ಕವಿತಾ)
ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ
ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ (ವಿಶ್ಲೇಷಣ್)

ಸಂವಾದ್
ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015
ಅಂಕಣಾಂ
ದಿವ್ಟಿ (ಜಿಯೋ ಆಗ್ರಾರ್)
ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)
ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)
ನಾನು-ಇಸಂ (ನಾನು ಮರೋಳ್)

ಕವಿತಾ

ಕವಿತಾ ಜಿಣ್ಯೆಅನ್ಭೋಗಾಚೆಂ ಕಾಪ್, ಕವಿತಾ ಕಾಳ್ಜಾಚಿ ಭಾಸ್, ಪುಣ್ ಕವಿತಾಚ್ಚ್ ಏಕ್ ಭಾಸ್ ಆನಿ ಸಚೇತನ್ (ಅಂತಸ್ಕರ್ನ್) ಮ್ಹಳ್ಳೆಂ ಆಸ್ಚ್ಯಾಂನಿ ಉಚಾರ್ಚೆ ತಸಲಿ ಜಾವ್ನಾಸಾ. ಅನಿ ತೆದ್ನಾಂ ತಿ ಕವಿತಾ ಫಕತ್ತ್ ಉತ್ರಾಂಚಿ/ಪ್ರಾಸಾಂಚಿ ಜಾವ್ನ್ ಉರ್ಚೆಬದ್ಲಾಕ್ ವೆವೆಗ್ಳ್ಯೊ ಕಾಣ್ಯೊ ಥಂಯ್ಚರ್ ಉಭ್ಜತಾತ್ ಮ್ಹಣ್ಚ್ಯಾಕ್ ಹಿ ಕವಿತಾ ಗೊವಾಯ್ ದಿತಾ.

ಗೊಂಯ್ಚೊ ಪರೇಶ್ ನರೇಶ್ ಕಾಮತ್ ವೃತ್ತೆನ್ ಏಕ್ ವ್ಹಖ್ತಾಂ ದುಕಾನ್ ಚಲಯ್ತಾ, ಪಯ್ಲೊ ಹವ್ಯಾಸ್ ಪೇಂಟಿಂಗ್, ರಂಗಾಂನಿ ಖೆಳ್ಚಿ ವಿಧ್ಯಾ ಭೋವ್ ಬರೆ ರಿತಿನ್ ಸಮ್ಜಾಲ್ಲೊ. ಹಾಂಗಾಸರ್ ತಾಚ್ಯಾ ಕವಿತೆಂತ್ ವ್ಹಾಪಾರ್ ಕೆಲ್ಲೆ ಎಕೇಕ್ ಸಬ್ಧ್ ಎಕೇಕ್ ರಂಗ್ ದಿತಾತ್ ಅಶೆಂ ಅಂತಸ್ಕರ್ನಾಚೆಂ ಪಿಂತುರ್ ವಾಚ್ಪ್ಯಾಚ್ಯಾ ಮತಿಂತ್ ಉಭೆಂ ಜಾತಾ.

 

ಸಚೇತನ್

ನಾ ವಾರೆಂ
ನಾ ಪಾನಾಂಚಿ ಸಳ್‌ಸಳ್
ನಾ ಏಕಾಂದ್ರೆ ಶೆವಣೊಂ ಲೆಗೀತ್
ಆಶಿಕುಶೀಕ್

ಹೆಂ ಝಡಾಂಚೆಂ ಮೌನ್
ಕಾಂಯ್
ಹೆಂ ಮರಣ್ ಝಡಾಂಚೆಂ?

ದಿಸ್ತಾ:
ಹ್ಯಾ ಝಿಳ್ಮಿಳ್ಚ್ಯಾ ಕಾಳೊಕಾಂತ್
ಆಸುಂಯೆತಾ ಏಕಾದ್ರಿ ಅವ್ಯಕ್ತ್ ಆಸ್
ಹ್ಯಾ ಝಡಾಂಚ್ಯಾ ಸುಕ್ಲೆಲ್ಯಾ ಖಂದ್ಯಾಂನೀ
ಖಂಯ್ ತರೀ ದಡಿಲ್ಲಿ
ಕೊಂಬ್ಯಾಂಚಿ
ರಂಗ್‍ಪಿಶೀ
ಸಚೇತನ್!

- ಪರೇಶ್ ನರೇಂದ್ರ ಕಾಮತ್ [ಫೆಬ್ರೆರ್, 2016]

 

ಪರೇಶ್ ನರೇಂದ್ರ ಕಾಮತ್:  'ಅಲಂಗ್', 'ಗರ್ಭಾಖೊಳ್', 'ಶುಭಾಂಕರ್' ಆನಿ 'ಚಿತ್ರಲಿಪಿ' ಮ್ಹಳ್ಳೆ ಚ್ಯಾರ್ ಕವಿತಾಜಮೆ ಪರ್ಗಟ್ ಜಾಲ್ಯಾತ್. ವೆಗಿಂಚ್ ಪಾಂಚ್ವೊ ಕವಿತಾಜಮೊ ’ರಂಗಬೊಲಿ’ ಪರ್ಗಟ್ಚ್ಯಾರ್ ಆಸಾ. ಕೊಂಕ್ಣಿ ಭಾಶಾ ಮಂಡಳ್ ಪುರಸ್ಕಾರ್, ಬಿ.ಬಿ.ಬೋರ್ಕರ್ ಸ್ಮಾರಕ್ ಪುರಸ್ಕಾರ್, ಕಲಾ ಅಕಾಡೆಮಿ ಸಾಹಿತ್ಯ ಪುರಸ್ಕಾರ್, ಜನಗಣ ಸಾಹಿತ್ಯ ಪುರಸ್ಕಾರ್, ಗೋವಾ ಕೊಂಕಣಿ ಅಕಾಡೆಮಿ ಸಾಹಿತ್ಯ ಪುರಸ್ಕಾರ್ ಆನಿ ಗೊಯಾಂ ಸರ್ಕಾರಾ ಥಾವ್ನ್ ಯುವ ಸೃಜನ್ ಪುರಸ್ಕಾರ್ ಲಾಭ್ಲ್ಯಾತ್. ಹಾಚ್ಯೊ ಕವಿತಾ ಹಿಂದಿ, ಗುಜರಾತಿ, ಸಿಂಧಿ, ಮರಾಠಿ, ಪಂಜಬಿ, ತೆಲುಗು ಆನಿ ಇಗ್ಲಿಶ್ ಭಾಸೆಂನಿ ಅನುವಾದಿತ್ ಜಾಲ್ಯಾತ್.

कविता

कविता जिण्येअन्भॊगाचें काप, कविता काळ्जाचि भास, पुण कविताच्च ऎक भास आनि सचॆतन (अंतस्कर्न) म्हळ्ळें आस्च्यांनि उचार्चे तसलि जाव्नासा. अनि तेद्नां ति कविता फकत्त उत्रांचि/प्रासांचि जाव्न उर्चेबद्लाक वेवेग्ळ्यो काण्यो थंय्चर उभ्जतात म्हण्च्याक हि कविता गोवाय दिता.

गोंय्चो परॆश नरॆश कामत वृत्तेन ऎक व्हख्तां दुकान चलय्ता, पय्लो हव्यास पॆंटिंग, रंगांनि खेळ्चि विध्या भॊव बरे रितिन सम्जाल्लो. हांगासर ताच्या कवितेंत व्हापार केल्ले एकॆक सब्ध एकॆक रंग दितात अशें अंतस्कर्नाचें पिंतुर वाच्प्याच्या मतिंत उभें जाता.

 

सचॆतन


ना वारें
ना पानांचि सळ्‌सळ
ना ऎकांद्रे शेवणों लेगीत
आशिकुशीक

हें झडांचें मौन
कांय
हें मरण झडांचें?

दिस्ता:
ह्या झिळ्मिळ्च्या काळोकांत
आसुंयेता ऎकाद्रि अव्यक्त आस
ह्या झडांच्या सुक्लेल्या खंद्यांनी
खंय तरी दडिल्लि
कोंब्यांचि
रंग्‍पिशी
सचॆतन!

- परॆश नरॆंद्र कामत [फेब्रेर, २०१६]

 

परॆश नरॆंद्र कामत: अलंग, गर्भाखोळ, शुभांकर आनि चित्रलिपि म्हळ्ळे च्यार कविताजमे पर्गट जाल्यात. वेगिंच पांच्वो कविताजमो ’रंगबोलि’ पर्गट्च्यार आसा. कोंक्णि भाशा मंडळ पुरस्कार, बि.बि.बॊर्कर स्मारक पुरस्कार, कला अकाडेमि साहित्य पुरस्कार, जनगण साहित्य पुरस्कार, गॊवा कोंकणि अकाडेमि साहित्य पुरस्कार आनि गोयां सर्कारा थाव्न युव सृजन पुरस्कार लाभ्ल्यात. हाच्यो कविता हिंदि, गुजराति, सिंधि, मराठि, पंजबि, तेलुगु आनि इग्लिश भासेंनि अनुवादित जाल्यात.

 

   

Creative Writing / Writer / Writersದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.
ಮುಖ್‌ಪಾನ್
 
ಆಶಾವಾದಿ ಪ್ರಕಾಶನ್
ಪ್ರಗತಿಶೀಲ್ ಬರಯ್ಣಾರ್

Buffer Email Facebook Google LinkedIn Print



Copyright 2003 - 2015
All rights reserved. This site is property
Ashawadi Prakashan.
All poinnari.com content are copyrighted and may not be copied / modified in any way.
Send questions or comments to:
editor
  [Archive / Links]