ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ಕಾಳ್ಖಾತಲೆಂ ಉಲೆ (- ಮಹೇಶ್ ಗಾಂವ್ಕಾರ್)

ದೀಸ್ ಗೆಲ್ಲೆಪರಿಂಚ್ ಸಂಸಾರಾಚೆಂ ನೇಮ್ ಸುಟಾವೆಂ ಜಾವ್ನ್ ಆಮ್ಕಾಂ ದಿಸುಂಕ್ ಲಾಗ್ಲಾಂ. ಕಾಳೊಕಾಚೆಂಚ್ ಕಾರ್ಭಾರ್ ಆನಿ ಕಾಳೊಕಾಚೆಂಚ್ ದರ್ಭಾರ್ ಸಂಸಾರಾಂತ್ ದೆಕುನ್ ಕಾಳೊಕಾಚೊಚ್ ಆವಾಜ್ ಆನಿ ಸಗ್ಳ್ಯಾಂನಿ ತಾಚೊಚ್ ಗಾಜ್. ಕಾಳೊಕ್ ಅನೀತ್ ಆಸುಯೆತಾ, ಖೊಟೆಂ ಆಸುಯೆತಾ, ಅರಾಜಕೀಯ್ ಆಸುಯೆತಾ ವಾ ಅ-ಸಂವಿದಾನಿಕ್ ಆಸುಯೆತಾ. ಪುಣ್ ಉಜ್ವಾಡ್ ಅಜೂನ್ ಸತ್-ನೀತ್ ಆನಿ ಬರೆಂಚ್ ದೆಕುನ್ ಉಜ್ವಾಡಾಚೊ ಪಾಟ್ಲಾವ್ ಕರ್ತಲೊ ಅಜೂನ್ ಗಾದ್ಯಾಮೆರೆಂನಿ ಆಪ್ಲೊ ಘಾಮ್ ವ್ಹಾಳಯ್ತಾ ಆನಿ ಅಪ್ಲಿಂ ದುಕಾಂ ಜಿರಯ್ತಾ. ವ್ಹಾ! ಕಸಲೊ ಕಾವ್ಯಾಳ್ ವ್ಹಾಳೊ ಹ್ಯಾ ಕವಿತೆಂತಲೊ? ಕಾಳ್ಕಾ ಉಲೆ ಹೆ ಜೀವ್-ಕುಡ್-ಅತ್ಮೊ ತಶೆಂಚ್ ಜಾಗೃತಿ ಎಕ್ಟಾಂಯ್ ಕರುನ್ ಘರಾನ್ ಘರ್ ಜಾಗಯ್ತಾಲೆ. ಪುಣ್ ಕಶ್ಟಿ ಮನಿಸ್ ಉಜ್ವಾಡಾನ್ ಭರುನ್ ರಾನಾಂವ್ನಾಂತ್ ದಾಂವ್ತಾಲೆ. ಹಾಂಗಾಸರ್ ಕಾಳೊಕ್ ಅನಿ ಉಜ್ವಾಡ್ ಮ್ಹಳ್ಳೆ ದೋನ್ ಚಿಂತ್ಪಾಪ್ರಕಾರ್ ಭೋವ್ ಮಹತ್ವಾಚೆ. ಆನಿ ಹ್ಯಾ ಇಮಾಜಿಂಕ್ ಸಮ್ಜುಂಚೆಂ ಪ್ರೇತನ್ ಕಿತ್ಲೆಂ ಆಮಿ ಕರ್ತಾಂವ್ ತಿತ್ಲಿ ಹಿ ಕವಿತಾ ಸೊಭಿತ್ ತಶೆಂಚ್ ಸಕ್ತೆವಂತ್ ಜಾವ್ನ್ ದಿಸ್ತಾ.

ಬಾಬ್ ಮಹೇಶ್ ಗಾಂವ್ಕಾರಾಚಿ ಹಿ ಕವಿತಾ ಖಂದಿತ್ ಜಾವ್ನ್ ಕವಿತಾರಸಿಕಾಚ್ಯಾ ಕಾಳ್ಜಾತ್ ನಾಟ್ವುಂಚಿ ಕವಿತಾ. ಬಾಕಿಚೆಂ ತುಜೆರ್ ಸೊಡ್ತಾಂ.

- ಸಂ

[ಕವಿತಾ] ಕಾಳ್ಖಾತಲೆಂ ಉಲೆ (- ಮಹೇಶ್ ಗಾಂವ್ಕಾರ್)

ಕಾಳ್ಖಾತಲೆಂ ಉಲೆ ಭಿಣ್ಣ್ ಭಿಣ್ಣ್ ಕಾಳ್ಖಾಂತ್ಲ್ಯಾನ್ ಸಾದಯ್ತಾಲೆ ಕಾಳ್ಖಿ ಉಲೆ ಜಾಗಯ್ತಾಲೆ ಗಾಂವಾ ಶಿಮೆರ್ ಮಸ್ತ್ ಭೊವ್ಪಿ ಶಿಬ್ರೆ ಕೊಲೆ ಶಿಯಾಂ ದಿಸಾನಿ ಕಾನಾಕ್ ತೊಂಪ್ರೆಂ ಕುಡೀಕ್ ಆವ್ಳ್ಳಿಲಿ ಗೊಜ್ಡಿ ಜಡ್ ವಾಡ್ಟೆ ರಾತೀಕ್ ಕುಲ್ಕೂಲೊ ಚಡ್ ಜಾತಾಲೆ ನ್ಹಿದೆ ಭಾರಾಂನ್ ದೊಳೆ ಜಡ್ ಆಮುಲ್ಲೆಂ ಮುಳಾಂತ್ ಪೆಟ್ಟಾಲೊ ಪರ್ಸೊ ಆಂಗ್ ಶೆಕೊವ್ಪಾಕ್ ಗರ್ದಿ ವ್ಹಡ್ ಬಿನ್ ಅರ್ಥಾಚ್ಯಾ ಫುಟ್ಕ್ಯಾ ತೊಂಡಾತ್ಲ್ಯಾನ್ ಗಾಂವಾವ್ಯ್ಲ್ಯೊಚ್ ಗಜಾಲಿ ಚಡ್ ಕಾನಾಂಕ್ ಖೊಯ್ಲ್ಲಿ ಶೆನ್ವಾತಾಂ ವಿಡಿ ಫುಲ್ಲಿಲ್ಯಾ ಇಂಗಳ್ಯಾರ್ ಪೆಟ್ಟಾಲಿ ಝುರ್ಕ್ಯಾರ್ ಝುರ್ಕೆ ಮಾರ್ ಮಾರೂಂನ್ ಕೂಡ್ ಧುಂವ್ರಾನ್ ಸೊಶೆಂತಾಲಿ ಧುಂವ್ರಿಲ್ಲ್ಯಾ ವಾತಾವ್ರಣಾಂತ್ ಮನ್ ಮನಾಕ್ ಮೆಳ್ಟಾಲೆಂ ಸುಖ್ದುಖ್ಖಾ ಕುಶೀಕ್ ದವ್ರೂಂನ್ ಭೊಂವ್ತಣಿ ಲ್ಹಾರ್ ಖೊಸ್ಯೆಚೆ ಖೆಳ್ಟಾಲೆಂ ಸೈಮ್ಪೂತ್ ಸೈಮ್ ಉಲೆ ಕಾಳ್ಜಾ ಮದಿ ಜಿರಯ್ತಾಲೆ ಕಾಳ್ಖಾತ್ಲ್ಯಾಂ ಗಾಂವಾಂತ್ ಕಾಳ್ಖಾತಲೆ ಉಲೆ ಘರಾಂನ್ ಘರ್ ಜಾಗಯ್ತಾಲೆ ದೀಸ್ ಫುಟ್ಟಾಚ್ ಕಾಳ್ಖಿ ಉಲೆ ಮನ್ಶಾಂ ಕುಡೀಂತ್ ರಿಗ್ತಾಲೆ ಉಜ್ವಾಂಡಾನ್ ಭರೊಂನ್ ಕಶ್ಟಿ ಮನೀಸ್ ರಾನಾಂವ್ನಾಂತ್ ಧಾವ್ತಾಲೆ ಸೈಮ್ ಭಾರೀತ್ ಜಾಂವ್ನ್ ಖಿಣಾಂತ್ ಸೈಮೀಕ್ ಜೀಣ್ ಜಗ್ತಾಲೆ ರಾಬ್ ರಾಬೂನ್ ಶೆತಾ ಕುಮೆರೀನಿ ಘಾಮ್ ಮಾತ್ಯೆಂತ್ ವಾರಯ್ತಾಲೆ ಉಜ್ವಾಡಾನ್ ಭರಿಲ್ಲೆ ಆಖ್ಖೆ ಮಳಬ್ ತಾಂಚೆರ್ ಸೈಮ್ಸಾಸಾಯ್ ಶಿಂವ್ರಾಯತಾಲೆ ತಾಂಚೆರ್ ಸೈಮ್ಸಾಸಾಯ್ ಶಿಂವ್ರಾಯತಾಲೆ. **** - ಮಹೇಶ್ ಗಾಂವ್ಕಾರ್**. [ಜನೆರ್, 2020]

	ಮಹೇಶ್ ಗಾಂವ್ಕಾರ್: ನಾಟಕಾಂ, ಕವಿತಾ ಬರಂವ್ಚೊ ಹೊ ನಟನ್, ನಿರ್ದೇಶನ್ ಕರ್ತಾ ತಶೆಂಚ್ ವಾಜಂತ್ರಾಂ ಸಯ್ತ್ ಖೆಳತಾ. ಹಾಚ್ಯೊ ಮರಾಠಿ ಕವಿತಾ ಸಾಹಿತ್ಯ್ ಯಾತ್ರಿ ಕಲಾ ಪ್ರಕಾಶನ್ ಪುಣೆ ಹಾಂಚ್ಯಾ ಪ್ರೇಮ್ ಸಾಗರ್, ಪ್ರೇಮ್ ಗೃಂಥ್, ಆನಿ ಪೊಯೆಟ್ರಿ, ದ ಮಾಯ್ಲ್ ಸ್ಟೋನ್ ಹ್ಯಾ ಜಮ್ಯಾಂನಿ ಕವಿತಾ ಪರ್ಗಟ್ಲ್ಯಾತ್. 2015 ಇಸ್ವೆಚೊ ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಸಾಹಿತ್ ಪುರಸ್ಕಾರ್ ಜೊಡ್‌ಲ್ಲ್ಯಾ ಹಾಚೆ ’ಫುಲಾ ಪಾಕ್ಳ್ಯೊ’, ’ಯಾದೀಂಚೆ ಉಮಾಳೆ’, ’ಅವ್ಯಕ್ತ್ ಭಾಸ್’ ಯೆದೊಳ್ ಪರ್ಗಟ್‌ಲ್ಲೆ ಬೂಕ್. ’ಕಾಳ್ಖಾತಲೆಂ ಉಲೊ’ ಸದ್ದ್ಯಾಕ್ ಪರ್ಗಟ್ಣೆರ್ ಆಸಾ. ಆಕಾಶ್‌ವಾಣಿ ಪಣ್ಜಿ ಕೇಮ್ದ್ರಾರ್ ತಶೆಂಚ್ ಅಖಿಲ್ ಭಾರತೀಯ್ ಕೊಂಕಣಿ ಪರಿಶದೆಂತ್ ಕವಿತಾ ಸಾದರ್ ಕೆಲ್ಯಾತ್.
[kovita] Kallkhatolem ule* (- Mahesh Gaonkar)*
Dis gel'leporinch somsarachem nem' suttavem zaun amkam disunk laglam. Kallokachench karbhar ani kallokachench dorbhar somsarant dekun kallokachoch avaz ani soglleamni tachoch gaz. Kallok onit asuyeta, khottem asuyeta, orazoki-i asuyeta va o-somvidanik asuyeta. Punn ujvadd ozun sot-nit ani borench dekun ujvaddacho pattlavo kortolo ozun gadeameremni aplo gham' vhalloita ani oplim dukam jiroita. Vha! kosolo kaveall vhallo hea kovitentolo? kallka ule he jivo-kudd-otmo toxench zagriti ekttam-i korun ghoran ghor zagoitale. Punn koxtti monis ujvaddan bhorun ranamvnant damvtale. Hangasor kallok oni ujvadd mholl'lle don chintpaprokar bhovo mohotvache. Ani hea imajink somzunchem preton kitlem ami kortamv titli hi kovita sobhit toxench sokteunt zaun dista. Bab Mahesh Gaonkarachi hi kovita khondit zaun kovitarosikachea kallzat nattvunchi kovita. Bakichem tujer soddtam. - Som
[kovita] Kallkhatolem ule* (- Mahesh Gaonkar)*
Kallkhatolem ule bhinn'nn bhinn'nn kallkhantlean sadoitale kallkhi ule zagoitale gamva ximer most bhoupi xibre kole xiam disani kanak tomprem kuddik aull'llili gojddi zodd vaddtte ratik kulkulo chodd zatale nhide bharamn dolle zodd amul'lem mullant pett'ttalo porso ang xekoupak gordi vhodd bin orthachea futtkea tonddatlean gamvauyleoch gozali chodd kanank khoil'li xenvatam viddi ful'lilea ingollear pett'ttali zhurkear zhurke mar marumn kudd dhumvran soxentali dhumvril'lea vatauronnant mon monak mellttalem sukhdukhkha kuxik dourumn bhomvtonni lhar khosyeche khellttalem soimput soim' ule kallza modi jiroitale kallkhatleam gamvant kallkhatole ule ghoramn ghor zagoitale dis futt'ttach kallkhi ule monxam kuddint rigtale ujvanddan bhoromn koxtti monis ranamvnant dhautale soim' bharit zamvn khinnant soimik jinn zogtale rab rabun xeta kumerini gham' matyent varoitale ujvaddan bhoril'le akhkhe mollob tancher soimsasai ximvraitale tancher soimsasai ximvraitale. ** - Mahesh Gaonkar.** [Jan, 2020]

	Mahesh Gaonkar: Nattokam, kovita boromvcho ho notton, nirdexon korta toxench vazontram soit khellota. Hacheo moratthi kovita sahity yatri kola prokaxon punne hanchea Prem' Sagor, Prem' Grinth, ani Poyettri, 'The Milestone' hea zomeamni kovita porgottleat. 2015 isvecho Konkani Basha Mandal (Gõy) sahit puroskar zodd‌l'lea hache ’*Fula Paklleo’, ’Yadinche umalle’, ’Avyokt bhas’ yedoll porgott‌l'le buk. ’Kallkhantole Ulo*’ sod'deak porgottnner asa. Akax‌vanni ponnji kemdrar toxench okhil bharoti-i konkonni porixodent kovita sador keleat.
[कविता] काळखातलें उले (- महेश गांवकार)
दीस गेल्लेपरिंच संसाराचें नेम सुटावें जावन आमकां दिसुंक लागलां. काळोकाचेंच कार्भार आनी काळोकाचेंच दर्भार संसारांत देकून काळोकाचोच आवाज आनी सगळ्यांनी ताचोच गाज. काळोक अनीत आसुयेता, खोटें आसुयेता, अराजकीय आसुयेता वा अ-संविदानीक आसुयेता. पूण उज्वाड अजून सत-नीत आनी बरेंच देकून उज्वाडाचो पाटलाव कर्तलो अजून गाद्यामेरेंनी आपलो घाम व्हाळयता आनी अपलीं दुकां जिरयता. व्हा! कसलो काव्याळ व्हाळो ह्या कवितेंतलो? काळका उले हे जीव-कूड-अत्मो तशेंच जागृती एकटांय करून घरान घर जागयताले. पूण कश्टी मनीस उज्वाडान भरून रानांवनांत दांवताले. हांगासर काळोक अनी उज्वाड म्हळ्ळे दोन चिंत्पापरकार भोव महत्वाचे. आनी ह्या इमाजिंक समजुंचें प्रेतन कितलें आमी कर्तांव तितली ही कविता सोभीत तशेंच सक्तेवंत जावन दिसता. बाब महेश गांवकाराची ही कविता खंदीत जावन कवितारसिकाच्या काळजात नाटवुंची कविता. बाकिचें तुजेर सोडतां. सं.
[कविता] काळखातलें उले (- महेश गांवकार)
काळखातलें उले भिण्ण भिण्ण काळखांतल्यान सादयताले काळखी उले जागयताले गांवा शिमेर मस्त भोवपी शिबरे कोले शियां दिसानी कानाक तोंपरें कुडीक आवळ्ळिली गोजडी जड वाडटे रातीक कुलकूलो चड जाताले न्हिदे भारांन दोळे जड आमुल्लें मुळांत पेट्टालो परसो आंग शेकोवपाक गर्दी व्हड बिन अर्थाच्या फुटक्या तोंडातल्यान गांवावयल्योच गजाली चड कानांक खोयल्ली शेनवातां विडी फुल्लिल्या इंगळ्यार पेट्टाली झुरक्यार झुरके मार मारूंन कूड धुंवरान सोशेंताली धुंवरिल्ल्या वातावरणांत मन मनाक मेळटालें सुखदुख्खा कुशीक दवरूंन भोंवतणी ल्हार खोसयेचे खेळटालें सैमपूत सैम उले काळजा मदी जिरयताले काळखातल्यां गांवांत काळखातले उले घरांन घर जागयताले दीस फुट्टाच काळखी उले मनशां कुडींत रिगताले उजवांडान भरोंन कश्टी मनीस रानांवनांत धावताले सैम भारीत जांवन खिणांत सैमीक जीण जगताले राब राबून शेता कुमेरीनी घाम मातयेंत वारयताले उजवाडान भरिल्ले आख्खे मळब तांचेर सैमसासाय शिंवरायताले तांचेर सैमसासाय शिंवरायताले. **** - महेश गांवकार.** [जनेर, २०२०]

	महेश गांवकार: नाटकां, कविता बरंवचो हो नटन, निर्देशन कर्ता तशेंच वाजंत्रां सयत खेळता. हाच्यो मराठी कविता साहित्य यात्री कला प्रकाशन पुणे हांच्या प्रेम सागर, प्रेम गृंथ, आनी पोयेट्री, द मायल स्टोन ह्या जम्यांनी कविता पर्गटल्यात. २०१५ इस्वेचो कोंकणी भाशा मंडळ (गोंय) साहीत पुरसकार जोड‌ल्ल्या हाचे ’फुला पाकळ्यो’, ’यादींचे उमाळे’, ’अव्यक्त भास’ येदोळ पर्गट‌ल्ले बूक. ’काळखातलें उलो’ सद्द्याक पर्गटणेर आसा. आकाश‌वाणी पणजी केमद्रार तशेंच अखील भारतीय कोंकणी परिशदेंत कविता सादर केल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.