ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ನಾಕಾ ರೆ ನಾಕಾ sssss(- ಕಾಜಲ್ ಪ್ರಕಾಶ್ ರಾಯ್ಕರ್)

ಸಂಸಾರಾಂತ್, ತೆಂವೀ ಭಾರತಾಂತ್ ಆಯ್ಚ್ಯಾ ಸಮಾಜೆಂತ್ ಆಮಿ ದರೇಕಾ ದಿಸಾ ಮ್ಹಳ್ಳೆಪರಿಂ ಖಬರೆ ಪತ್ರಾಂನಿ ವಾಚತಾಂವ್, ಆಯ್ಕತಾಂವ್ ತಶೆಂಚ್ ಪಳೆತಾಂವ್ ಅಸ್ತುರೆಕ್ ವೆವ್ಗಳ್ಯಾ ರಿತಿಂನಿ, ವೆವೆಗಳ್ಯಾ ಪ್ರಕಾರಾಂನಿ ಅನೀತ್ ಶೋಷಣ್ ಚಡುನ್ ಆಸಾ. ದರೇಕಾ ವರಗಾಂತ್ ಹೊ ಸಮಸ್ಸೊ ಆಮಿ ಫುಡ್ ಕರತಾಂವ್. ಪುಣ್ ಕೆದನಾಂಚ್ ಕೊಣ್‌ಂಚ್ ಚಿಂತುಂಕ್ ವಚಾನಾ, ತಿ ಅಸ್ತುರಿ, ಜಿ ಕೊಣಾಚಿಕೀ ಭಯ್ಣ್, ಕೊಣಾಚಿಕೀ ಧುವ್, ಕೊಣಾಚಿಕೀ ಬಾಯ್ಲ್ ಆನಿ ಕೊಣಾಚಿಕೀ ಆವಯ್.

ಬಾಯ್ ಕಾಜಲ್ ಪ್ರಕಾಶ್ ರಾಯ್ಕರ್ ಗೊಂಯ್ಚಿ ಯುವಕವಿ. ಗೊಂಯ್ಚ್ಯಾ ಯುನಿವರ್ಸಿಟಿಂತ್ M.A. ಶಿಕುನ್ ಆಸ್ಚಿ. ಹಿಚ್ಯಾ ಕವಿತೆಚಿ ಸೊಭಾಯ್ ಪಾರ್ಕುಂಕ್ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ನಾಕಾ ರೆ ನಾಕಾ sssss(- ಕಾಜಲ್ ಪ್ರಕಾಶ್ ರಾಯ್ಕರ್)

ನಾಕಾ ರೆ ನಾಕಾ sssss ನಾಕಾ ರೆ ನಾಕಾsssss ವಾಚ್ಯಾತ್ ರೆ ಮ್ಹಾಕಾ ಆವ್ಯ್ ಗೆssss ಪಾವಾತ್ ರೆ ಸಾಯ್ಬಾ sss ನಾಕಾ ರೆsss ಪಾಂಯಾಂ ಪಡ್ಟಾsss ನಾಕಾ sss ದಿಸ್ಲಿ ಕಾಯ್ ಕಾಕುಳಟ್ ತಾಂಕಾಂ? ಫಡ್ಫಡಲೆಂ ಕಾಯ್ ಆಂಗ್ ತಾಂಚೆಂ? ತಳಮ್ಳ್ಳೆಂ ಕಾಯ್ ಕಾಳೀಜ್ ತಾಂಚೆಂ? ಭಿಯೆಲೆ ಕಾಯ್ ಹಾತ್ ತಾಂಚೆ? ನಾ.. ನಾ... ಮ್ಹಣೂನ್ ತರ್ ಕಾಡ್ಲಿಂ ತಾಂಣಿ ಪಾನಾಂ ತಾಂಚಿಂ ವ್ಹಾಂವಂಕ್ ಲಾಗ್ಲಿ ರಗ್ತಾಚಿ ಪಾವ್ಳಿ ದಿಸ್ಪಾಕ್ ಲಾಗ್ಲಿಂ ತಿಂ ಸಾಳ್ಕಾಂ ನಾಗ್ಡಿಂ ಕೊಣಾಚಿ ಆವ್ಯ್, ಕೊಣಾಚಿ ಧೂವ್ ಕೊಣಾಚಿ ಭಯ್ಣ್ ಜಾಲ್ಯಾರ್ ಕೊಣಾಚಿ ಬಾಯ್ಲ್ ವಸ್ತ್ರಾಂನಿ ಲಿಪಿಲ್ಲಿ ಕೂಡ್ ತಾಂಚಿ ಕೆಲಿ ಉಗ್ಡಿ ತುಮ್ಚ್ಯಾ ಶಸ್ತ್ರಾಂನಿ ರಾತ್ರಾಣಿ ಫುಲ್ಪಿ ಆಂಗ್ಣಾಂತ್ ತಿ ಸಗ್ಲ್ಯಾ ಜಿವ್ನಾಚಿ ಎಕ್ ದಿಶಾ ತಿ ನಾಜೂಕ್ ಕಶಿ ಬಾವ್ಲಿ ತಿ ಸಂವ್ಸಾರಾಚಿ ಸೊಬೀತಕಾಯ್ ವಾಡೊವ್ಪಾಚಿ ಕಿರ್ಣಾಂ ತಿ ಆನಿ.....ಆನಿ ಕರ್ತಾತ್ ಹತ್ಯಾ ತಿಚೀಚ್ ತುಮಿ? ತ್ಯಾ ದಿಸಾ... ಖೆಳ್ಟಾಲೆಂ ಹಾಂವ್ ಪಾಳ್ಣ್ಯಾಂತ್ ಆಸ್ಲೊ ಮ್ಹಜೊಚ್ ಭಾವ್ ಫುಡ್ಯಾಂತ್ ಅಚ್ಕೀತ್... ಲಾಗ್ಲೊ ತೊ ಮ್ಹಜ್ಯಾ ಕುಡಿ ವಾಂಗ್ಡಾ ಖೆಳ್ಪಾಕ್ ಫಡ್ಫಡಲೆಂ ಮ್ಹಜೆ ಹಾತ್-ಪಾಂಯ್ ಮಾರ್ಲಿ ಹಾಂವೆಂ ಕಿಳಾಂಚ್ ವೆಂssss ವೆಂssss ವೆಂssss ಪೂಣ್... ಪೂಣ್ ಕೊಣ್ ಆಯ್ಲೊ ನಾ ನಾಸ್ಲಿಂ ಮ್ಹಜಿಂ ಆವ್ಯ್-ಬಾಪೂಯ್ ಘರಾಂತ್ ಹುಸ್ಕಾರ್ ಮ್ಹಜೊ ಜಾಲೊ ಲ್ಹವ್ ಸ್ವಾಸ್ ಗೆಲೊ ಲ್ಹಾರಾಂ ವಾಂಗ್ಡಾ ವ್ಹಾಂವೂನ್ ಆಶೆಲ್ಲ್ಯಾ ದೊಳ್ಯಾಂಕ್ ಮೆಳೂಂಕ್ ನಾ ಆದಾರ್ ಭರ್ಲೆಂ ಭೊಂವ್ತಣ್ ಮ್ಹಜೆಂ ತಾಂಬ್ಡ್ಯಾ-ತಾಂಬ್ಡ್ಯಾ ರಗ್ತಾನ್ ಹಾಂವೆಂ ಘಾತಿಲ್ಲಿ ಸೊಬೀತ್ ಎಕ್ ಖೊಮ್ಶಿ ತಿ ಲೆಗೀತ್ ಪಳೊವಂಕ್ ನಜ್ ಜಾಲಿ ಸಂವ್ಸಾರಾಚಿ ಕರ್ಚಿ ಆಸ್ಲಿ ಆಜೂನ್ ಭೊಂವ್ಡಿ ಸುರು ಜಾವ್ಚೆ ಪಯ್ಲೀಂಚ್ ತಾಣೆಂ ತಿ ಸೊಪಯ್ಲಿ ಕಿತೆಂ ಆಶಿಲ್ಲಿ ದೆವಾ ಮ್ಹಜಿ ಚೂಕ್? ವ್ಹಿಸ್ತೀದ್ ಘಾಲ್ತಾಂ ಮ್ಹಣ್? ಸಲ್ವಾರ್ ಘಾಲ್ತಾಂ ಮ್ಹಣ್? ಸಾಡಿ ನ್ಹೆಸ್ತಾಂ ಮ್ಹಣ್? ಬುರ್ಖೊ ಘಾಲ್ತಾಂ ಮ್ಹಣ್? ಆರೆ!!! ಹಾಂವೆಂ ತರ್ ಖೊಮ್ಶಿ ಘಾತಿಲ್ಲಿ ಮ್ಹಾಕಾ ಲೆಗೀತ್ ಸೊಡ್ಲೆಂ ನಾ ನ್ಹಿ? ಜಾಲ್ಯಾರ್ ಚೂಕ್ ಕೊಣಾಚಿ? ಫಕತ್ ತ್ಯಾ ಮಾಣ್ಕುಲ್ಯಾ ಫುಲಾಂಚಿ? ಕಾಯ್ ಸಮಾಜಾಚ್ಯಾ ನದ್ರೆಚಿ? ಜಾಯಾತ್ ಜಾಗೆ, ಜಾಯಾತ್ ಜಾಗೆ ಪಳೊವ್ಪಾಚಿ ದೃಶ್ಟಿ ಸಾಂಬಾಳಾತ್ ಸಾರ್ಕೆ ಮಾನ್ ದಿಯಾತ್ ತ್ಯಾ ಚಲ್ಯೆಕ್ ಮಾತ್ಶೆ ಆಪ್ಣಾಯಾತ್ ತಿಕಾ ಆವ್ಯ್ ಸಾರ್ಕೆ ಕಾರಣ್... ಜಗ್ಪಾಚೊ ಆಸಾ ತಿಚೆರ್ ಭಾರ್ ನಟ್ಪಾಚಿ ಆಸಾ ತಿಚಿ ಆಸ್ ಆಪ್ಲ್ಯಾ ದೆವ್ಳಾಕ್ ರಾಖ್ತಾಯ್ ತಿ ಸದಾಂಚ್ ಮಾತ್ ತುಮಿ ಕರುಂ ನಾಕಾತ್ ತಿಕಾ ಬೊಡ್ಕೆಂ ಝಾಡ್. ****** - ಕಾಜಲ್ ಪ್ರಕಾಶ್ ರಾಯ್ಕರ್. [ಫೆಬ್ರೆರ್, 2020]

	ಕಾಜಲ್ ಪ್ರಕಾಶ್ ರಾಯ್ಕರ್: ಗೊಂಯ್ಚ್ಯಾ ಯುನಿವರ್ಸಿಟಿಂತ್ ಎಮ್.ಎ. ಶಿಕುನ್ ಆಸ್ಚಿ ಹಿ ಯುವಕವಿ, ಲೇಕನ್ ಬರಯ್ತಾ. ಭಾಂಗಾರ್‌ಭುಂಯ್‌ಚೆರ್ ಹಿಚಿಂ ಕವಿತಾ ತಶೆಂಚ್ ಲೇಕಾಂ ಪರ್ಗಟ್ಲ್ಯಾಂತ್.
[kovita] Porikroma* (- Shailendra Mehta)*
Somsarant, temvi bharotant aichea somajent ami doreka disa mholl'lleporim khobore potramni vachotamv, aikotamv toxench polletamv osturek veugollea ritimni, vevegollea prokaramni onit xoxonn choddun asa. Doreka vorogant ho somosso ami fudd korotamv. Punn kedonanch konn‌nch chintunk vochana, ti osturi, ji konnachiki bhoinn, konnachiki dhuv, konnachiki bail ani konnachiki auy. Bai Kajal Prakash Raikar Gõychi yuvokovi. Gõychea yunivorsittint M.A. Xikun aschi. Hichea kovitechi sobhai parkunk tukach ulo ditam. - Som
[kovita] Naka re Naka* ssss (- Kajal Prakash Raikar)*
Naka re naka sssss naka re nakasssss vacheat re mhaka auy gessss pavat re saiba sss naka resss pamyam poddttasss naka sss disli kai kakullott tankam? foddfoddolem kai ang tanchem? tollomll'llem kai kalliz tanchem? bhiele kai hat tanche? na.. Na... Mhonnun tor kaddlim tamnni panam tanchim vhamvonk lagli rogtachi paulli dispak laglim tim sallkam nagddim konnachi auy, konnachi dhuv konnachi bhoinn zalear konnachi bail vostramni lipil'li kudd tanchi keli ugddi tumchea xostramni ratranni fulpi angnnant ti soglea jivnachi ek dixa ti nazuk koxi bauli ti somvsarachi sobitokai vaddoupachi kirnnam ti ani.....Ani kortat hotea tichich tumi? tea disa... Khellttalem hamv pallnneant aslo mhozoch bhavo fuddeant ochkit... Laglo to mhojea kuddi vangdda khellpak foddfoddolem mhoje hat-pam-i marli hamvem killanch vemssss vemssss vemssss punn... Punn konn ailo na naslim mhojim auy-bapuy ghorant huskar mhozo zalo lhou svas gelo lharam vangdda vhamvun axel'lea dolleank mellunk na adar bhorlem bhomvtonn mhojem tambddea-tambddea rogtan hamvem ghatil'li sobit ek khomxi ti legit pollounk noz zali somvsarachi korchi asli azun bhomvddi suru zauche poilinch tannem ti sopoili kitem axil'li deva mhoji chuk? vhistid ghaltam mhonn? solvar ghaltam mhonn? saddi nhestam mhonn? burkho ghaltam mhonn? are!!! hamvem tor khomxi ghatil'li mhaka legit soddlem na nhi? zalear chuk konnachi? fokot tea mannkulea fulanchi? kai somazachea nodrechi? zayat zage, zayat zage polloupachi drixtti samballat sarke man diat tea cholyek matxe apnnayat tika auy sarke karonn... Zogpacho asa ticher bhar nottpachi asa tichi as aplea deullak rakhtai ti sodanch mat tumi korum nakat tika boddkem zhadd. ** - Kajal Prakash Raikar.** [Feb, 2020]

	Kajal Prakash Raikar: Gõychea University M.A. Xikun aschi hi yuvokovi, lekon boroita. Bhangar‌bhum-i‌cher hichim kovita toxench lekam porgottleant.
[कविता] नाका रे नाका sssss (- काजल प्रकाश रायकर)
संसारांत, तेंवी भारतांत आयच्या समाजेंत आमी दरेका दिसा म्हळ्ळेपरीं खबरे पत्रांनी वाचतांव, आयकतांव तशेंच पळेतांव असतुरेक वेवगळ्या रितिंनी, वेवेगळ्या प्रकारांनी अनीत शोषण चडून आसा. दरेका वरगांत हो समस्सो आमी फूड करतांव. पूण केदनांच कोण‌ंच चिंतुंक वचाना, ती असतुरी, जी कोणाचिकी भयण, कोणाचिकी धूव, कोणाचिकी बायल आनी कोणाचिकी आवय. बाय काजल प्रकाश रायकर गोंयची युवकवी. गोंयच्या युनिवर्सिटिंत M.A. शिकून आसची. हिच्या कवितेची सोभाय पार्कुंक तुकाच उलो दितां. सं.
[कविता] नाका रे नाका sssss (- काजल प्रकाश रायकर)
नाका रे नाका sssss नाका रे नाकाsssss वाचयात रे म्हाका आवय गेssss पावात रे सायबा sss नाका रेsss पांयां पडटाsss नाका sss दिसली काय काकुळट तांकां? फडफडलें काय आंग तांचें? तळमळ्ळें काय काळीज तांचें? भियेले काय हात तांचे? ना.. ना... म्हणून तर काडलीं तांणी पानां तांचीं व्हांवंक लागली रगताची पावळी दिसपाक लागलीं तीं साळकां नागडीं कोणाची आवय, कोणाची धूव कोणाची भयण जाल्यार कोणाची बायल वस्त्रांनी लिपिल्ली कूड तांची केली उगडी तुमच्या शस्त्रांनी रातराणी फुलपी आंगणांत ती सगल्या जिवनाची एक दिशा ती नाजूक कशी बावली ती संवसाराची सोबीतकाय वाडोवपाची किरणां ती आनी.....आनी करतात हत्या तिचीच तुमी? त्या दिसा... खेळटालें हांव पाळण्यांत आसलो म्हजोच भाव फुड्यांत अचकीत... लागलो तो म्हज्या कुडी वांगडा खेळपाक फडफडलें म्हजे हात-पांय मारली हांवें किळांच वेंssss वेंssss वेंssss पूण... पूण कोण आयलो ना नासलीं म्हजीं आवय-बापूय घरांत हुस्कार म्हजो जालो ल्हव स्वास गेलो ल्हारां वांगडा व्हांवून आशेल्ल्या दोळ्यांक मेळूंक ना आदार भरलें भोंवतण म्हजें तांबड्या-तांबड्या रगतान हांवें घातिल्ली सोबीत एक खोमशी ती लेगीत पळोवंक नज जाली संवसाराची करची आसली आजून भोंवडी सुरू जावचे पयलींच ताणें ती सोपयली कितें आशिल्ली देवा म्हजी चूक? व्हिस्तीद घालतां म्हण? सलवार घालतां म्हण? साडी न्हेसतां म्हण? बुरखो घालतां म्हण? आरे!!! हांवें तर खोमशी घातिल्ली म्हाका लेगीत सोडलें ना न्ही? जाल्यार चूक कोणाची? फकत त्या माणकुल्या फुलांची? काय समाजाच्या नदरेची? जायात जागे, जायात जागे पळोवपाची दृश्टी सांबाळात सारके मान दियात त्या चलयेक मातशे आपणायात तिका आवय सारके कारण... जगपाचो आसा तिचेर भार नटपाची आसा तिची आस आपल्या देवळाक राखताय ती सदांच मात तुमी करूं नाकात तिका बोडकें झाड. **** - काजल प्रकाश रायकर.** [फेबरेर, २०२०]

	काजल प्रकाश रायकर: गोंयच्या युनिवर्सिटिंत एम.ए. शिकून आसची ही युवकवी, लेकन बरयता. भांगार‌भुंय‌चेर हिचीं कविता तशेंच लेकां पर्गटल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.