ಕೊಂಕಣಿ ಉಲಯ್, ಕೊಂಕಣಿ ಉರಯ್, ಕೊಂಕಣಿ ಆಮ್ಚಿ ಆವಯ್..    कोंकणी उलोय, कोंकणी उरय, कोंकणी आमची आवय..       
Writers Writing
 

[ಕವಿತಾ] ಅನೈತಿಕ್ ನಾತೆಂ (- ಅನ್ವೇಶಾ ಸಿಂಗ್‌ಬಳ್)

ಮನೀಸ್ ಏಕ್ ಸಂಘ್‌ಜೀವಿ ಮ್ಹಣ್ತಕಚ್ ಕೊಣ್‌ಯೀ ಎಕ್ಸುರೊ ಜಿಯೆಂವ್ಕ್ ಸಕಾನಾ. ತಾಕಾ ಅಪ್ಲಿಂ ಪೆಲಿಂ ಆನಿ ಸಮಾಜ್ ಗರ್ಜ್ ಆಸಾ. ಆನಿ ಹ್ಯಾ ಸಮಾಜೆನ್ ಎಕಾಮೆಕಾ ’ನಾತಿಂ’ ಘಡಲ್ಯಾಂತ್ ಅನಿ ಎಕೆಕಾ ನಾತ್ಯಾಕ್ ಸೀಮಾ (ಗಡಿ) ರಚಲ್ಯಾತ್. ಆನಿ ಹ್ಯಾ ಸೀಮಾಂಕ್ ಆಧಾರುನ್ ’ನಯ್ತಿಕ್’ ತಶೆಂಚ್ ’ಅನಯ್ತಿಕ್’ ಮ್ಹಳ್ಳೆ ಪ್ರಕಾರ್ ಕೆಲ್ಯಾತ್. ಪುಣ್ ಮನೀಸ್ ಅಪ್ಲೆಂ ಶರೀರ್, ಅಪ್ಲೆಂ ಅಂತರ್‌‍ಮನ್, ಅಪ್ಲೆಂ ಕಾಳಿಜ್, ಅಪ್ಲೆಂ ಮನ್ ಕಾಂಯ್ ಕಯ್ದ್ ದವರುಂಕ್ ಸಕತಾ? ಹ್ಯಾ ಚಿಂತಪಾಚೆರ್ ಉಭಿ ಕೆಲ್ಯಾ ಹಿ ಭೋವ್ ಸೊಭಿತ್ ಕವಿತಾ.

- ಸಂ

[ಕವಿತಾ] ಅನೈತಿಕ್ ನಾತೆಂ (- ಅನ್ವೇಶಾ ಸಿಂಗ್‌ಬಳ್)

ಅನೈತಿಕ್ ನಾತೆಂ


ಅನೈತಿಕ್ ನಾತೆಂ ಮ್ಹಣ್ಲ್ಯಾರ್ ಕಿತೆಂ
ತಾಣೆ ವಿಚಾರಲೆಂ
ಆನಿ ಹಾಂವ್ ಬುಚಕ್ಳ್ಯಾನ್ ಪಡ್ಲೆಂ.

ಲಗ್ನಾ ಉಪ್ರಾಂತ್
ಎಕಾ ದುಸ್ರ್ಯಾ ಬಾಯ್ಲೆ ಕಡೆನ್
ಶಾರಿರೀಕ್ ಸಂಬಂದ್ ದವ್ರಪ್
ಇತ್ಲೀಚ್ ಹ್ಯಾ ಉತ್ರಾಚಿ ವ್ಯಾಪ್ತಿ?

ಕಾಂಯ್ ತಾಚೆಯ್ ಪಲ್ತಡೀನ್
ಆಸತ್ ಕಿತೆಂ ತರಿ ಪ್ರಾಪ್ತಿ?

ದೊನ್ ಮನಾಂ ಜುಳಪ್
ನ್ಹಯ್ ಖರೆಂಚ್ ಸೊಪೆಂ
ಲಗ್ನ್ ಹಿಯ್ ನ್ಹಯ್
ಜಿಣೆಚಿ ಸಮಾಪ್ತಿ

ತರೀಯ್ ತ್ಯಾ ಎಕಾಚ್ ಬಂಧ್ನಾತ್
ಘುಸ್ಪೂನ್ ರಾವ್ಪಾಚ್ಯೊ
ಕಿತ್ಯಾಕ್ ಆಸ್ಚ್ಯೊ ಅಟಿ?

ಜುಳ್ಳೀಂಚ್ ಮನಾಂ ಹೆರ್ ಕಡೆನ್
ಜಾಲ್ಯಾರ್ ಭೊಂವ್ಯೊ ವಯ್ರ್
ಸರ್ಚ್ಯೊ ಕಿತ್ಯಾಕ್?
ಮನಾಂ ಮನಾಂಚೊ ಮೆಳ್
ನಾಸತ್ ಸದಾಂಚ್ ಆಸ್ಕ್ತಿ

ಮಾಗೀರ್ ಲಾವ್ಚಿಂ ಕಶಿಂ ಪರಿಮಾಣಾಂ
ಆಖ್ಚಿ ರೆಗ್ ಕಶಿ?

ಜಯ್ ನಾ ಕಸ್ಲೆಂ ಶೊಶಣ್
ಫಕ್ತ್ ನಾತ್ಯಾಂಚಿ ಭಕ್ತಿ

ಕಾಂಯ್ ನಿಸ್ವಾರ್ಥಿ ನಾತಿಂ
ಜ್ಯಾಂಕಾಂ ಲಾಗ್ನಾ
ಶಿಮ್, ಮೆರ್, ಸಮಾಜಾಚಿ ಸಕ್ತಿ

ಸಮಾಜಾಕ್ ದಿಸ್ಪಿ ಯೊಗ್ಯ್ ನಾತೆಂ
ಘಡ್ಯೆ ಆಸತ್ ಸ್ವಾರ್ಥ್, ದುಬಾವ್,
ಇರ್ಶೆನ್ ಮಾಖೀಲ್ಲೆ
ತರೀಯ್ ಗೊಂಡಸ್
ಸಮಾಜಾಚಿ ಹಿಚ್
ವಿಕ್ಷಿಪ್ತ್ ಪ್ರವೃತ್ತಿ
ಅನೈತಿಕ್ ಹೀಯ್ ನ್ಹಯ್
ಖರೆಂ ಮ್ಹಣ್ಲ್ಯಾರ್ ವೃತ್ತಿ

ಪೂಣ್ ನಿಸಿಮ್ಮ್ ನಿರಾಗಸ್
ಪಾರದ್ರ್ಶಿ ನಾತ್ಯಾಂಕ್
ಲೆಬ್ಲಾಂಚಿ ನಾಸ್ತಾಚ್ ಗರಜ್
ತ್ಯಾ ನಾತ್ಯಾಂಚಿ ವೆಗ್ಳೀಚ್ ತೃಪ್ತಿ
ಥಂಯ್ ಫಕ್ತ್
ಕಾಳ್ಜಾಂ ಉಕ್ತಿಂ
ಮೊಗಾಚಿ ಸಕ್ತಿ
ಮನಾಂಚಿ ಭಕ್ತಿ

 ******

- ಅನ್ವೇಶಾ ಸಿಂಗ್‌ಬಳ್. [ಮಾಯ್, 2020]

 

ಅನ್ವೇಶಾ ಸಿಂಗ್‌ಬಳ್: ವಕೀಲ್‌ಗಿರಿಚಿ ಸನದ್ ಜೊಡ್ಪಿ ವೃತ್ತೆನ್ ಪತ್ರಿಕೋಧ್ಯಮಿ ತಶೆಂಚ್ ಕೊಂಕಣಿ ವಾವ್ರಾಡಿ, ಕವಿ ಆನಿ ಸಂಘಟಕ್. ಹಿಚೆ ದೋನ್ ಕವಿತಾಜಮೆ 'ಸುಲೂಸ್ (2011)', 'ಪಡ್‌ಸಾದ್ (2015)' ಪರ್ಗಟ್ಲ್ಯಾತ್. ಸಾಹಿತ್ಯ್ ಅಕಾಡೆಮಿಚೊ ಯುವ ಪುರಸ್ಕಾರ್ ಹಿಕಾ ಲಾಭ್ಲಾ. ಗೊಂಯಾಂತ್ ಕೊಂಕಣಿ ಭುರಗ್ಯಾಂಕ್ ಖೂಪ್ ತರ್ಭೆತ್ ತಶೆಂಚ್ ಡಿಜಿಟಲ್ ಮಾಧ್ಯಾಮಾಚೊ ಮೊಟೊ ವಾವ್ರ್ ಕರುನ್ ಆಸಾ.

[kovita] Onoitik natem (- Anwesha Singbal)

Monis ek songh‌jivi mhonntokoch konn‌yi eksuro jieunko sokana. Taka oplim pelim ani somaz gorz asa. Ani hea somajen ekameka ’natim’ ghoddoleant oni ekeka nateak sima (goddi) rocholeat. Ani hea simank adharun ’noitik’ toxench ’onoitik’ mholl'lle prokar keleat. Punn monis oplem xorir, oplem ontor‌‍mon, oplem kalliz, oplem mon kaim koid dourunk sokota? hea chintopacher ubhi kelea hi bhovo sobhit kovita.

- Som

[kovita] Onoitik natem (- Anwesha Singbal)

Onoitik natem

Onoitik natem mhonnlear kitem
tanne vicharolem
ani hamv buchokllean poddlem.

Logna uprant
eka dusrea baile kodden
xaririk sombond dourop
itlich hea utrachi veapti?

kaim tachey poltoddin
asot kitem tori prapti?

don monam zullop
nhoi khorench sopem
logn hiy nhoi
jinnechi somapti

tori-i tea ekach bondhnat
ghuspun raupacheo
kiteak ascheo otti?

zull'llinch monam her kodden
zalear bhomveo voir
sorcheo kiteak?
monam monancho mell
nasot sodanch askti

magir lauchim koxim porimannam
akhchi reg koxi?

zoi na koslem xoxonn
fokt nateanchi bhokti

kaim nisvarthi natim
jeankam lagna
xim', mer, somazachi sokti

somazak dispi yogy natem
ghoddye asot svarth, dubavo,
irxen makhil'le
tori-i gonddos
somazachi hich
vikxipt prourit'ti
onoitik hi-i nhoi
khorem mhonnlear vrit'ti

punn nisim'm' niragos
parodrxi nateank
leblanchi nastach goroz
tea nateanchi vegllich tripti
thoim fokt
kallzam uktim
mogachi sokti
monanchi bhokti

******

- Anwesha Singbal. [May, 2020]

 

Anwesha Singbal: vokil‌girichi sonod zoddpi vrit'ten potrikodhyomi toxench konkonni vauraddi, kovi ani songhottok. Hiche don kovitazome 'Sulus (2011)', 'Podd‌sad (2015)' porgottleat. Sahity okaddemicho yuvo puroskar hika labhla. Gõyant konkonni bhurogeank khup torbhet toxench ddijittol madheamacho motto vaur korun asa.

[कविता] अनैतिक नातें (- अन्वेषा सिंगबळ)

मनीस एक संघ‌जीवी म्हणतकच कोण‌यी एक्सुरो जियेवंक सकाना. ताका अपलीं पेलीं आनी समाज गर्ज आसा. आनी ह्या समाजेन एकामेका ’नातीं’ घडल्यांत अनी एकेका नात्याक सीमा (गडी) रचल्यात. आनी ह्या सीमांक आधारून ’नयतीक’ तशेंच ’अनयतीक’ म्हळ्ळे प्रकार केल्यात. पूण मनीस अपलें शरीर, अपलें अंतर‌‍मन, अपलें काळीज, अपलें मन कांय कयद दवरुंक सकता? ह्या चिंतपाचेर उभी केल्या ही भोव सोभीत कविता.

- सं

[कविता] अनैतिक नातें (- अन्वेषा सिंगबळ)

अनैतिक नातें

अनैतिक नातें म्हणल्यार कितें
ताणे विचारलें
आनी हांव बुचकळ्यान पडलें.

लग्ना उपरांत
एका दुसऱ्या बायले कडेन
शारिरीक संबंद दवरप
इतलीच ह्या उतराची व्याप्ती?

कांय ताचेय पलतडीन
आसत कितें तरी प्राप्ती?

दोन मनां जुळप
न्हय खरेंच सोपें
लग्न हिय न्हय
जिणेची समाप्ती

तरीय त्या एकाच बंधनात
घुस्पून रावपाच्यो
कित्याक आसच्यो अटी?

जुळ्ळींच मनां हेर कडेन
जाल्यार भोंवयो वयर
सरच्यो कित्याक?
मनां मनांचो मेळ
नासत सदांच आसक्ती

मागीर लावचीं कशीं परिमाणां
आखची रेग कशी?

जय ना कसलें शोशण
फक्त नात्यांची भक्ती

कांय निस्वार्थी नातीं
ज्यांकां लागना
शिम, मेर, समाजाची सक्ती

समाजाक दिसपी योग्य नातें
घडये आसत स्वार्थ, दुबाव,
इर्शेन माखील्ले
तरीय गोंडस
समाजाची हिच
विक्षिप्त प्रवृत्ती
अनैतिक हीय न्हय
खरें म्हणल्यार वृत्ती

पूण निसिम्म निरागस
पारदर्शी नात्यांक
लेबलांची नासताच गरज
त्या नात्यांची वेगळीच तृप्ती
थंय फक्त
काळजां उक्तीं
मोगाची सक्ती
मनांची भक्ती

******

- अन्वेशा सिंग‌बळ. [माय, २०२०]

 

अन्वेशा सिंग‌बळ: वकील‌गिरिची सनद जोडपी वृत्तेन पत्रिकोध्यमी तशेंच कोंकणी वावराडी, कवी आनी संघटक. हिचे दोन कविताजमे 'सुलूस (२०११)', 'पड‌साद (२०१५)' पर्गटल्यात. साहित्य अकाडेमिचो यूव पुरसकार हिका लाभला. गोंयांत कोंकणी भुरग्यांक खूप तर्भेत तशेंच डिजिटल माध्यामाचो मोटो वावर करून आसा.

 

   

ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.
ಆಧ್ಲೆ ಆಂಕ್ಡೆ

ಸವ್ಣೆಂ | सवणें

ಬೊಬ್ ಮಾರ್ | बोब मार

ದೆವಾ ದಿವೊ | देवा दिवो

ಸಾಕ್ರಿಫಿಸ್ | साक्रिफीस

ವ್ಯಥಾ | व्यथा

ಸುರ್ಯಾ ಉದೆತಾ | सुर्या उदेता

ಮರಣ್ | मरण

ಭಿರಾಂತ್ | भिरांत

ಆವಯ್ | आवय!

ಮಾಮಾಲೊ | मामालो गांव

ಭಟ್‌ಪಣ್ | भटपण

ದರ್ಯಾ | दरया

ಹಾಂವ್ ಕೊಣ್ | हांव कोण

ನಾಕಾ ರೆ ನಾಕಾ | नाका रे नाका

ಕಾಳ್ಖಾತಲೆಂ | काळखातलें उले

ಡಾಯ್ವೊರ್ಸ್ | डायवोर्स

ಬಲಿದಾನ್ | बलिदान

ಉತ್ರಾಂ! | उतरां!

ಹಾಂವ್ ವತ್ಕೀಚ್ | हांव वतकीच
ಪ್ರವಚನ್ | प्रवचन

ಬಂಡ್ | बंड

ತಿ ವಾಟ್ | ती वाट
ಬಾಪುಯ್ | बापुय
ಮನ್ ರಡ್ಟಾ | मन रडटा

ಹೊ ಚಂದ್ರ್ | हो चंद्र तुजो

ನಾಂ ತರ್ ತುಂ | ता नां तर तूं

ಕಪಲ್ | कपल

ಕಾಳೊ-ಪಾಚವೊ..|काळो-पांचवो..

ಬರೆಂ ಮ್ಹುಣ್.. | बरें म्हूण..
ಸಂವ್ಣೆ .. | संवणे न्हायत..
ಆವಯ್ಚೊ ಮಾರ್ | आवय्चो मार

ಮನಶಾಚೆಂ ಮಟಣ್ | मनशाचें मटण

ಝುಜಾಚೆಂ ವ್ಹಾರೆಂ | झुजाचें व्हारें

ಏಕ್ ಕವಿತಾ... | ऎक कविता...

ಅಣುಯುಧ್ದ್ | अणुयुध्द

ಜೀಣ್ | जीण
ಕಲಾಕಾರ್ | कलाकार
ಗಝಲ್ | गझल ಶೂನ್ಯ್ ಹಿಶೋಬ್ | शून्य हिशॊब
ಶೆಳಾಂವ್ ಯಾದಿ | शेळांव यादी

ನಾಕಾ ಜಾಲ್ಯಾರ್ |नाका जाल्यार
ಕುರ್ಕೂಟ್ | कुर्कूट
... ಪಾವ್ಸ್ | ... पावस

ಮಾಂ | मां

ಹಂಪಿ | हंपी

ಜಿವಿತ್ ಕವಿತಾ

ಮ್ಹಜೆಂ ಮಾಜರ್.| म्हजें माजर.

ಸೆಜಾರಿ | सेजारी

ಹೆಂ ಮನ್ | हें मन

ಭವ್ತಾರಣಿ | भवतारणी

ಪಲ್ತಡ್ ನಾ| पलतड ना

ಪಾವಳೀ | पावळी

...ಜಾತ್ರಾ | ...जात्रा

ಮಾರ್ಚ್ 8 | मार्च ८

ಕಿನಾರೊ | किनारो

ಕಿರಾಯತೆಂ | किरायतें
ಪ್ರತಿಬಿಂಬ್ | प्रतिबिंब

ಜೊತಿಂ | जोतीं
ಭುರ್ಗೆಂಪಣ್ | भुरगेंपण

ಮ್ಹಜ್ಯೆ ಕವಿತೆಚಿ ವಳ್

ರಾವ್‌ಲ್ಲೆಂ ಘಡಿಯಾಳ್

ತೊ ಕೊಣ್ | to konn

ಉದ್ಕಾಚೆ ಥೆಂಬೆ

ಮ್ಹಜಿ ಕೊಂಕ್ಣಿ | म्हजी कोंकणी
ಮಾಳೊ | माळो

ಧಾಂವ್ | धांव

ತುಕಾ ರಾಕೂನ್

ಕೊಂಕಣಿ | कोंकणी

ಕವಿ ಮೋರ್ನ್ | कवि मॊर्न
ಆಜ್ ಆಮಿ ಸ್ವತಂತ್ರ್

ಆಮಿ ಗಾಯ್ರಾಂ

ಹ್ಯಾ ಸಂಸಾರಾಂತ್

ದಿಸಾಳೆಂ

ಆಜ್ ಹಾಂವ್

ಸಕಾಳಿಂಚ್ಯೆ.. | सकाळिंच्ये..
ಕವಿತಾ ಮ್ಹಜಿ | कविता म्हजी


ಗಲ್ಫಾ ಗಾಡಾಂವ್
ಕುರುಕುರು ಮಾಮಾ


ಚೊರಿ ಜಾಲಾಂ

ಎಕಾ ಮಾಜ್ರಾಚಿ ಕಾಣಿ

ಚಿಟಿಚಿಟಿ ಪಾವ್ಸಾ

ಯಾದೀಂಚೆ ಸುವಾಳೆ
ಅನ್ನ್ಯಾಯ್ | अन्न्याय

ಮಧು ಆನಿ..| मधू आनी..
ಮಾತಿ | माती
ಆಸ್ಲಿ ವ ನಕ್ಲಿ |आसली व

ಮಾಡ್


ಪಾವ್ಸಾಚಿಂ..। पावसाचीं..
ಪೊಟ್ಟು ನಾಣೆಂ
ಪಯ್ಸಿಲ್ಯಾನ್ ಪಳೆತಾನಾ
ಸ್ಮಾರ್ಟ್ ಫೊನಾಂತ್ಲೆಂ ಜಿವಿತ್


ದಾರ್ ಉಗ್ತೆಂ ಆಸಾ


ಮಾತೀ | माती
ಮೌನ ಆನಿ | मौन आनी  


ತವೊ | तवो
ಸಚೇತನ | सचेतन


ಬಾಳ್ಪಣ್
ಝುಜ್ ಸುರ್‍ವಾತ್ಲ್ಯಾರ್
ಮಠ್ವಾಸಿಚಿ ಕವಿತಾ


ದೇವ್ ಕಸೊ ದಿಸ್ತಾ...!?ಸುಟ್ಕೆಚ್ಯಾ ಬಾವ್ಟ್ಯಾ ಮುಖಾರ್ಮುಂಬಯ್ಚೊ ಪಯ್ಲೊ ಪಾವ್ಸ್
ಕಾಡ್ ಶಿಳಾ
ಮ್ಹಾಕಾ ವೇಳ್ ನಾ


ತಿ ಕೋಣಿ
ಚಿತ್ತುರಾಂತುಲಿ ಚೆಲ್ಲಿ
ರಾಕೊಲ್

ಆಶಾವಾದಿ ಪ್ರಕಾಶನ್
 
ಪ್ರಗತಿಶೀಲ್ ಬರಯ್ಣಾರ್

Buffer Email Facebook Google LinkedIn Print


Copyright 2003 - 2020
All rights reserved. This site is property
Ashawadi Prakashan.
All poinnari.com content are copyrighted and may not be copied / modified in any way.
Send questions or comments to:
editor
   [Archive / Links]