ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ದೆವಾ ದಿವೊ(- ದಿಲೀಪ್ ಬೊರ್ಕಾರ್)

ಆಮಿ ಆಮ್ಕಾಂ, ದೇವ್ ಸಮೇಸ್ತಾಂಕ್ ಮ್ಹಳ್ಳೆ ಸಾಂಗಣೆಪರಿಂ, ಜೆದನಾಂ ಆಮಿ ಆಮ್ಚಿ ಮತ್ ಅಡೊವ್ ಘಾಲುನ್ ಜಿಯೆಂವ್ಕ್ ಲಾಗ್ತಾಂವ್ ತೆದನಾಂ ಗಾಂವ್ಚೊ ಸರ್ಪಂಚ್ ಜೊ ಆಜ್ ಚಂದ್ರಾಕ್ ಟೊರ್ಚ್ ದಾಕವ್ನ್, ಸಂಸಾರ್ ಪೆಟಂವ್ಚೊ ಅಪ್ಣಾನ್ ಮ್ಹಣುನ್ ಮಾಂಕೊಡ್ ಕರ್ತಾ ಆನಿ ಯೆದೊಳ್ ಜೆಮೆವ್ನ್ ಆಸ್ಚೆ ಆಮಿ ಆತಾಂ ಘೊರೆಂವ್ಕ್ ವೆಚ್ಯಾರ್ ಆಸಾಂವ್. ಮಾರೆಕಾರ್ ರಾಜಕೀಯ್ ವಿಡಂಬನಾಚ್ಯಾ ಚಿಂತ್ಪಾಚ್ಯಾ ಸಾವ್ಳೆಚೆರ್ ಉಭಿ ಕೆಲ್ಲಿ ಹಿ ಕವಿತಾ ವಾಚುನ್ ಗೆಲ್ಲೆಪರಿಂಚ್ ಕವಿತೆಚಿ ತಾಂಕ್ ಕಳ್ತಾ.

ಬಾಬ್ ದಿಲಿಪ್ ಬೊರ್ಕಾರ್ ಗೊಂಯ್ಚೊ ಏಕ್ ವರಿಶ್ಟ್ ಪತ್ರ್‌ಕಾರ್, ಕವಿ, ಕಥಾಕಾರ್, ಕಾದಂಬರಿಕಾರ್, ಫಿಲ್ಮ್ ನಿರ್ಮಾಪಕ್, ನಿರ್ದೇಶಕ್, ಸಮಾಜ್ ಸೆವಕ್, ಪತ್ರಿಕೋಧ್ಯಮಿ. ಭಿಂಬ್ ಪತ್ರಾಚೊ ತೊ ಸಂಪಾದಕ್ ಜಾವ್ನ್ ಮೊಟೊ ವಾವ್ರ್ ಕರುನ್ ಆಸಾ. ಹ್ಯಾ ಕವಿತೆಚ್ಯಾ ರಾಜಕೀಯ್ ಸಾವ್ಳೆಪಾಟ್ಲ್ಯಾ ಸಮಾಜಿಕ್ ಚಿಂತ್ಪಾಕ್ ಪಾರ್ಕುಂಚೆಂ ಆತಾಂ ತುಜೆರ್ ಸೊಡ್ತಾಂ.

- ಸಂ

[ಕವಿತಾ] ದೆವಾ ದಿವೊ(- ದಿಲೀಪ್ ಬೊರ್ಕಾರ್)

ದೆವಾ ದಿವೊ ಆವೊ,ಯೆ Sತೆಂ ಚಿದೆಂ ಜೆ? ತೆಂ ಮುರೆ ಬಾಬಾ ಮಾಂಯ್ಚೆಂ ಮಿದೆಂ ವೆಗಿಂ ಮಾತ್ಸೊ ಜೆಯ್ ರೆ ಪುತಾ ನಿಸಾನ್ ಭರೊನ್ ಒತ್ತಾ ಕದೆಂ ಯೆದೊ ವ್ಹಡ್ಲೊ ಜಾಲಾ ಘೊಡೊ ಹಾತೀನ್ ಕೊಹೊಚ್ ಖಾಈನಾ ಒಹ್ಲೊ ಸಾಯ್ಬಾ ಕೊಹ್ಲೊ ಚೆಡೊ ಭರೊಯ್ಲ್ಯಾ ಬಗರ್ ಜೆಈನಾ ಆವೊ,ಯೆSತೆಂ ಚಿದೆಂ ಜೆ ಮ್ಹಾಕಾ ಕಿತ್ಯಾ ಸಾಂಗಿನಾ ವಯ್ರ್ ವಯ್ರ್ ಲಾಂಬ್ತಾ ಚೊಯ್ ಖಾಲಾ ಕೊಹೊಚ್ ಪಡೊನಾ ಬಾಬಾ,ತೊ ದೆವಾ ದಿವೊ ಚೊನ್ದ್ರೀಮ್ ತೆಕಾ ಮ್ಹುಣ್ಟಾ ಆಮಿ ದಿಸಾ ಉಜ್ವಾಡ್ ದಿತಾ ಸೂರ್ಯಾ ರಾತ್ಚೊ ಚೊನ್ದ್ರೀಮ್ ಯೆತಾ ಕಾಮಿ ಆವೊ,ದೆವ್ ಮ್ಹುಣ್ಜೆ ಚಿದೆಂ ಜೆ ವಯ್ರ್ ತೊ ಖಿಂ ರಾವ್ತಾ ದೆವ್ ಮ್ಹುಣ್ಜೆ ಮಾಂಯ್ಚೆಂ ಮಿದೆಂ ಖಾ ಹಿ ಉಂಡಿ ಸಾರ್ಕೆಂ ಸಾಂಗ್ತಾಂ ಗಾಂವಾಂಕ್ ಆಮ್ಕಾಂ ಸರಪ್॔ಚ ಆಸ್ತಾ ತೊಹೊಚ್ ದೆವ್ ವಯ್ಲ್ಯಾನ್ ರಾಖ್ತಾ ಸರ್ಪಂಚ್ ಗಾಂವಾಂಕ್ ಲಾಯ್ಟ್ ದಿತಾ ತೊಹೊಚ್ ದೆವಾಲೊ ಚೊನ್ದ್ರೀಮ್ ಪೆಟ್ತಾ ಆವೊ,ಸರ್ಪಂಚ್ ಮುಜೆ ಖಾಂಬೆ ಘಾಲ್ತಾ ಲಾಯ್ಟಿ ದಿಯೆ ಮಾತ್ ಆಪೂಣ್ ಚೊತ್ತಾ ದೆವ್ ಮಾತ್ ಚೊನ್ದ್ರೀಮಾ ದಿವೊ ಲಾಯ್ತಾ ಆನಿ ಯೆದೊ ವ್ಹಡ್ಲೊ ಖಾಂಬೊ ಖಾಯ್ತಾ ಬಾಬಾ ಮಾತ್ಸೊ ಜೆಯ್ ರೆ ಆತಾಂ ನಾಕಾ ಆಹ್ಲಿಂ ಶಾಪೊತಾಂ ಸಾಂಗ್ತಾ ಹಾತೀನ್ ಆತಾಂ ಜೆಈನಾ ಜಾಲ್ಯಾರ್ ಕುಲ್ಯಾರ್ ದೊನ್ ದಿತಾಂ ಥಾಪ್ಟಾಂ .. **** - ದಿಲೀಪ್ ಬೊರ್ಕಾರ್**. [ಎಪ್ರಿಲ್, 2020]

	ದಿಲೀಪ್ ಬೊರ್ಕಾರ್: ಗೊಂಯ್ಚೊ ವರಿಶ್ಟ್ ಪತ್ರ್‌ಕಾರ್, ಕವಿ, ಕಥಾಕಾರ್, ಸಮೀಕ್ಶಕ್, ಫಿಲ್ಮ್ ನಿರ್ಮಾಪಕ್, ನಿರ್ದೇಶಕ್ ಅನಿ ಕೊಂಕಣಿ ವಾವ್ರಾಡಿ. ಬಿಂಬ್ ನೆಮಾಳ್ಯಾಚೊ ಸಂಪಾದಕ್. 1995 ಇಸ್ವೆಚೊ ಸಾಹಿತ್ಯ್ ಅಕಾಡೆಮಿ ಪುರಸ್ಕಾರ್ ಜಿಕ್ಪಿ. ಕೊಂಕಣಿ, ಮರಾಠಿಂತ್ ಗೊಂಯ್ಚ್ಯಾ ಚಡ್ತಾವ್ ನೆಮಾಳ್ಯಾಂನಿ ಬರಯ್ತಾ. ಸಭಾರ್ ಸಾಹಿತಿಕ್ ಪುರಸ್ಕಾರ್ ಆನಿ ಸನ್ಮಾನ್ ಜೊಡ್ಪಿ.
[kovita] Deva divo* (- Dilip Borkar)*
Ami amkam, devo somestank mholl'lle sangonneporim, jedonam ami amchi mot oddovo ghalun jieunko lagtamv tedonam gamvcho sorponch zo az chondrak ttorch dakoun, somsar pettomvcho opnnan mhonnun mankodd korta ani yedoll jemeun asche ami atam ghoreunko vechear asamv. Marekar razoki-i viddombonachea chintpachea saullecher ubhi kel'li hi kovita vachun gel'leporinch kovitechi tank kollta. Bab Dilip Borkar gõycho ek vorixtt potr‌kar, kovi, kothakar, kadomborikar, film' nirmapok, nirdexok, somaz seuk, potrikodhyomi. Bhimb potracho to sompadok zaun motto vaur korun asa. Hea kovitechea razoki-i saullepattlea somajik chintpak parkunchem atam tujer soddtam. - Som
[kovita] Deva divo* (- Dilip Borkar)*
Deva divo avo,ye item chidem je? tem mure baba mamychem midem vegim matso jey re puta nisan bhoron ot'ta kodem yedo vhoddlo zala ghoddo hatin kohoch khaina ohlo saiba kohlo cheddo bhoroilea bogor jeina avo,yeStem chidem je mhaka kitea sangina voir voir lambta choi khala kohoch poddona baba,to deva divo chondrim' teka mhunntta ami disa ujvadd dita surea ratcho chondrim' yeta kami avo,devo mhunnje chidem je voir to khim rauta devo mhunnje mamychem midem kha hi unddi sarkem sangtam gamvank amkam sorop॔cho asta tohoch devo voilean rakhta sorponch gamvank laitt dita tohoch devalo chondrim' pett'ta avo,sorponch muje khambe ghalta laitti die mat apunn chot'ta devo mat chondrima divo laita ani yedo vhoddlo khambo khaita baba matso jey re atam naka ahlim xapotam sangta hatin atam jeina zalear kulear don ditam thapttam .. **** - Dilip Borkar.** [Apr, 2020]

	Dilip Borkar: Gõycho vorixtt potr‌kar, kovi, kothakar, somikxok, film' nirmapok, nirdexok oni konkonni vauraddi. Bimb nemalleacho sompadok. 1995 isvecho sahity okaddemi puroskar jikpi. Konkonni, moratthint gõychea choddtavo nemalleamni boroita. Sobhar sahitik puroskar ani sonman zoddpi.
[कविता] देवा दिवो (- दिलीप बोरकार)
आमी आमकां, देव समेसतांक म्हळ्ळे सांगणेपरीं, जेदनां आमी आमची मत अडोव घालून जियेवंक लाग्तांव तेदनां गांवचो सर्पंच जो आज चंद्राक टोर्च दाकवन, संसार पेटंवचो अपणान म्हणून मांकोड कर्ता आनी येदोळ जेमेवन आसचे आमी आतां घोरेवंक वेच्यार आसांव. मारेकार राजकीय विडंबनाच्या चिंत्पाच्या सावळेचेर उभी केल्ली ही कविता वाचून गेल्लेपरिंच कवितेची तांक कळता. बाब दिलीप बोर्कार गोंयचो एक वरिश्ट पत्र‌कार, कवी, कथाकार, कादंबरिकार, फिल्म निर्मापक, निर्देशक, समाज सेवक, पत्रिकोध्यमी. भिंब पत्राचो तो संपादक जावन मोटो वावर करून आसा. ह्या कवितेच्या राजकीय सावळेपाटल्या समाजीक चिंत्पाक पार्कुंचें आतां तुजेर सोडतां. -संं
[कविता] देवा दिवो (- दिलीप बोरकार)
देवा दिवो आवो,ये Sतें चिदें जे? तें मुरे बाबा मांयचें मिदें वेगीं मातसो जेय रे पुता निसान भरोन ओत्ता कदें येदो व्हडलो जाला घोडो हातीन कोहोच खाईना ओहलो सायबा कोहलो चेडो भरोयल्या बगर जेईना आवो,येSतें चिदें जे म्हाका कित्या सांगिना वयर वयर लांबता चोय खाला कोहोच पडोना बाबा,तो देवा दिवो चोन्द्रीम तेका म्हुणटा आमी दिसा उजवाड दिता सूर्या रातचो चोन्द्रीम येता कामी आवो,देव म्हुणजे चिदें जे वयर तो खीं रावता देव म्हुणजे मांयचें मिदें खा ही उंडी सारकें सांगतां गांवांक आमकां सरप॔च आसता तोहोच देव वयल्यान राखता सरपंच गांवांक लायट दिता तोहोच देवालो चोन्द्रीम पेटता आवो,सरपंच मुजे खांबे घालता लायटी दिये मात आपूण चोत्ता देव मात चोन्द्रीमा दिवो लायता आनी येदो व्हडलो खांबो खायता बाबा मातसो जेय रे आतां नाका आहलीं शापोतां सांगता हातीन आतां जेईना जाल्यार कुल्यार दोन दितां थापटां .. **** - दिलीप बोर्कार.** [एपरील, २०२०]

	दिलीप बोर्कार: गोंयचो वरिश्ट पत्र‌कार, कवी, कथाकार, समीक्षक, फिल्म निर्मापक, निर्देशक अनी कोंकणी वावराडी. बिंब नेमाळ्याचो संपादक. १९९५ इस्वेचो साहित्य अकाडेमी पुरसकार जिकपी. कोंकणी, मराठिंत गोंयच्या चडताव नेमाळ्यांनी बरयता. सभार साहितीक पुरसकार आनी सन्मान जोडपी.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.