ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಬಾಪುಯ್ (- ಅಂಜಲಿ ಕಿಣಿ)

ಎಕಾ ಕುಟಮಾಚ್ಯಾ ಜವಾಭ್ದಾರೆಚೆಂ ವೊಜೆಂ ಜೆದ್ನಾಂ ಖಾಂದಿಂ ಘೆತ್ಲಾಂ, ದರೇಕ್ ದೂಕ್ ಜಿ ದೊಳ್ಯಾಂಚಿಂ ದುಕಾಂ ಜಾಯ್ನಾಸ್ಚಿ, ಫಕತ್ ಮವ್ನ್ ಜಾವ್ನ್ ಉರತಾ. ಆನಿ ಜೆದ್ನಾಂ ಹೆಂ ಮವ್ನ್ ಉಲಂವ್ಕ್ ಧರತಾ ತೆದ್ನಾಂ ಉತರಾಂ ಅಪ್ಲಿ ಸಕತ್ ಹೊಗ್ಡಾಯ್ತಾತ್. ಕಿತ್ಯಾಕ್ ಮ್ಹಳ್ಯಾರ್ ಕುಟಮಾಂತ್ ಎಕ್ ಬಾಪುಯ್ ಮ್ಹಳ್ಯಾರ್ ತಸಲೊಚ್.

ಬಾಯ್ ಅಂಜಲಿ ಕಿಣಿಚಿ ಹಿ ಕವಿತಾ ವಾಚುನ್ ಗೆಲ್ಲೆಪರಿಂಚ್ ಏಕ್ ವ್ಹಳ್ಕಿಚೆಂ ರುಪಣೆಂ ವಾಚಪ್ಯಾಂಚ್ಯಾ ದೊಳ್ಯಾಂಸಮೊರ್ ಉಭೆಂ ಜಾತಾ. ಆನಿ ತೆಂ ರುಪಣೆಂ ಸಾರಕೆಂ ಪಳೆಂವ್ಕ್ ತಶೆಂಚ್ ಪಾರಕುಂಕ್ ತುಜೆರ್ ಸೊಡತಾಂ.

- ಸಂ

[ಕವಿತಾ] ಬಾಪುಯ್ (- ಅಂಜಲಿ ಕಿಣಿ)

ಬಾಪುಯ್ ವಿಶಾಲ್ ತುಂ ಸಮುದ್ರ್ ತನ್ತು ಪೊಂವ್ಚಿ ನೌಕಾ ಹಾಂವ್ । ಮೂಳ್ ಸ್ಥಿರ್ ಅಸ್ಸಿಲೊ ಮಹಾ ವೃಕ್ಷ್ ತಾಜೆ ಸಾವ್ಳೆಂತ್ ಕಿರ್ಲೆಲೀಲಿ ರೊಂಪಿ ಹಾಂವ್ । ತುಂ ದಕಯ್ಲಿಲಿ ವಾಟೆರ್ ಪಾವ್ಲ್ ದೊವೊರಚಿ ಪಥಿಕಾ ಹಾಂವ್ । ತುಜೆ ಭೀತ್ರಚೆ ಪ್ರಕಾಶಾಂತ್ ಆಕ್ರ್ಷಣ್ ಪಾಂವ್ಚೆ ಪಕ್ಕೂಟ್ ಹಾಂವ್ । ತುಂ ಧರ್ಲೆಲೆ ಸುತ್ತಾ ಉಣ್ಡ್ಯಾ ಲಾಗೂನ್ ಊಂಚ್ ಉಬ್ಬುಚೊ ಸೊರಂಗೊ ಹಾಂವ್ । ನಿರ್ಮಲ್ ತೆ ಆಕಾಶ್ ತುಂ ಪಾಕ್ ವಿಸ್ಕಳಾವನು ಉಬ್ಬುಚೆ ಸಾವ್ಣೆ ಹಾಂವ್ । ತುಗೆಲೆ ಬೊಟ್ಟಾ ಘಂಟ್ಟಿ ಧೊರ್ನು ಪಾಯಾರಿ ರಾಬೂಕ್ ಶಿಕ್ಲಿ ಹಾಂವ್ । ತು ವಕ್ತೆ ಕೆಲೆಲೆ ದ್ವಾರಾಂತ್ಲ್ಯಾನ್ ಹ್ಯೊ ಲೊಕು ಸಗ್ಳೊ ದಿಕ್ಲೊ ಹಾಂವ್ । ತೂಂಚ್ ಮೆಜೊ ಗುರು ಮಿತ್ರ್ ತುಕಾಚಿ ಲೆಕೀತಾ ಹಾಂವ್ । ತುಜೆ ಚೆರ್ಡು ಜಾವ್ನು ಜನ್ಮು ಘೆಂವ್ಚಾಕ್ ಭಾಗ್ಯ್ ಕೆಲೆಲೊ ಜೀವು ಹಾಂವ್ । ****** - ಅಂಜಲಿ ಕಿಣಿ, ಕೊಚಿನ್. [ಮಾರ್ಚ್, 2020]

	ಅಂಜಲಿ ಕಿಣಿ, ಕೊಚಿನ್: ಬಿ.ಕೊಮ್ ಆನಿ ಎಲ್.ಎಲ್.ಬಿ. ಶಿಕಪ್ ಜೊಡ್ಪಿ ಬಾಯ್ ಅಂಜಲಿ ಕಿಣಿ ಕೇರಳಾಚ್ಯಾ ಕೊಚ್ಚಿಂತಲಿ ಕೊಂಕಣಿ ಕವಿ. 'ಕಾವ್ಯಾಂಜಲಿ' (2018) ಹಿಚೊ ಪರ್ಗಟ್ ಜಲ್ಲೊ ಕವಿತಾಜಮೊ. ಸ್ಪಂದನ್, ದೀಪಂಕುರ್, ನಿರ್ಮಾಣ್, ಬಿಂಬ್ ತಶೆಂಚ್ ಭಾಂಗಾರ್‌ಭುಂಯ್ ನೇಮಾಳ್ಯಾಂನಿ ಹಿಚಿಂ ಕವಿತಾ ಆನಿ ಲೇಕನಾಂ ಪರ್ಗಟ್ಲ್ಯಾಂತ್.
[kovita] Bapui (- Anjali Kini, Cochin)
Eka kuttomachea zovabhdarechem vojem jednam khandim ghetlam, dorek duk ji dolleanchim dukam zainaschi, fokot moun zaun urota. Ani jednam hem moun ulounko dhorota tednam utoram opli sokot hogddaitat. Kiteak mhollear kuttomant ek bapui mhollear tosoloch. Bai Anjali Kinnichi hi kovita vachun gel'leporinch ek vhollkichem ruponnem vachopeanchea dolleamsomor ubhem zata. Ani tem ruponnem sarokem polleunko toxench parokunk tujer soddotam. - Som
[kovita] Bapui (- Anjali Kini, Cochin)
Bapui vixal tum somudr tontu pomvchi nouka hamv । mull sthir ossilo moha vrikx taje saullent kirlelili rompi hamv । tum dokoilili vatter paul dovorochi pothika hamv । tuje bhitroche prokaxant akrxonn pamvche pokkutt hamv । tum dhorlele sut'ta unnddea lagun unch ubbucho sorongo hamv । nirmol te akax tum pak viskollaunu ubbuche saunne hamv । tugele bott'tta ghontt'tti dhornu payari rabuk xikli hamv । tu vokte kelele dvarantlean heo loku sogllo diklo hamv । tunch mezo guru mitr tukachi lekita hamv । tuje cherddu zaunu zonmu ghemvchak bhagy kelelo jivu hamv । **** - Anjali Kini, Cochin.** [Mar, 2020]

	Anjali Kini, Cochin: B.Com ani LLB. Xikop zoddpi bai onzoli kinni kerollachea kochchintoli konkonni kovi. *'Kavyanjali'* (2018) hicho porgott zol'lo kovitazomo. Spondon, diponkur, nirmann, bimb toxench bhangar‌bhum-i nemalleamni hichim kovita ani lekonam porgottleant.
[कविता] बापुय (- अंजली किणी, कोचीन)
एका कुटमाच्या जवाभदारेचें वोजें जेदनां खांदीं घेतलां, दरेक दूक जी दोळ्यांचीं दुकां जायनासची, फकत मवन जावन उरता. आनी जेदनां हें मवन उलवंक धरता तेदनां उतरां अपली सकत होगडायतात. कित्याक म्हळ्यार कुटमांत एक बापूय म्हळ्यार तसलोच. बाय अंजली किणिची ही कविता वाचून गेल्लेपरिंच एक व्हळकिचें रुपणें वाचप्यांच्या दोळ्यांसमोर उभें जाता. आनी तें रुपणें सारकें पळेवंक तशेंच पारकुंक तुजेर सोडतां. - सं
[कविता] बापुय (- अंजली किणी, कोचीन)
बापुय विशाल तूं समुद्र तन्तु पोंवची नौका हांव । मूळ स्थिर अस्सिलो महा वृक्ष ताजे सावळेंत किरलेलीलि रोंपि हांव । तूं दकयलिलि वाटेर पावल दोवोरची पथिका हांव । तुजे भीतरचे प्रकाशांत आकर्षण पांवचे पक्कूट हांव । तूं धरलेले सुत्ता उण्ड्या लागून ऊंच उब्बुचो सोरंगो हांव । निर्मल ते आकाश तूं पाक विस्कळावनु उब्बुचे सावणे हांव । तुगेले बोट्टा घँट्टि धोरनु पायारि राबूक शिकली हांव । तू वक्ते केलेले द्वारांतल्यान ह्यो लोकु सगळो दिकलो हांव । तूंच मेजो गुरु मित्र तुकाचि लेकीता हांव । तुजे चेरडु जावनु जन्मु घेंवचाक भाग्य केलेलो जीवु हांव । **** - अंजली किणी, कोचीन.** [मार्च, २०२०]

	अंजली किणी, कोचीन: बी.कोम आनी एल.एल.बी. शिकप जोडपी बाय अंजली किणी केरळाच्या कोच्चिंतली कोंकणी कवी. 'काव्यांजली' (२०१८) हिचो पर्गट जल्लो कविताजमो. स्पंदन, दीपंकूर, निर्माण, बिंब तशेंच भांगार‌भुंय नेमाळ्यांनी हिचीं कविता आनी लेकनां पर्गटल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.