ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ದೇಶ್ ಮ್ಹಜೊ ಜಳ್ಟಾ (- ಪೂಜಾ ನಾಯ್ಕ್ ಗಾಂವ್ಕರ್)

ಜವಾಬ್ ನಾತ್‌ಲ್ಲ್ಯಾ ಥೊಡ್ಯಾ ಸವಾಲಾಂ ಪಯ್ಕಿಂತ್ಲೆಂ ಹೆಂ ವ್ಹಡ್ ಸವಾಲ್ - ಆಮಿ ಇತ್ಲಿಂ ಶಿಕ್ಶಿತ್ ಜಾಲ್ಯಾಂವ್ ತರ್‌ಯೀ, ಅಜೂನ್ ಕಿತ್ಯಾಕ್ ಆಮಿ ಪಾಟಿಂಚ್ ಉರತಾಂವ್? ಕಿತ್ಯಾಕ್ ಅಜೂನ್ ದೇವ್-ಧರಮಾಚೆ, ಜಾತಿ-ಕಾತಿಚೆ, ಭಾಸೆ-ಲಿಪಿಚೆ, ಬೊಲಿ-ಕುಳಿಚೆ ದೊರೆ ಉಭಾರತಾಂವ್. ಪುಣ್ ಏಕ್ ಪ್ರಶ್ನ್: ಜರ್ ಆಮಚೊ ಧರ್ಮ್ ಸರವಾಂಚೆಂ ಬರೆಂಚ್ ಕರುಂಕ್ ಸಾಂಗತಾ ತರ್ ಸಮಾಜೆಂತ್ ಝಳ್ಚೊ ಉಜೊ ಕಸೊ ಪೆಟತಾ? ಕೊಣ್ ಹಾಂಚೊ ಸೂತ್ರ್‌ಧಾರ್? ಹ್ಯಾ ಅಪುರಭಾಯೆಚ್ಯಾ ಚಿಂತಪಾಚಿ ಹಿ ಕವಿತಾ.

ಬಾಯ್ ಪೂಜಾ ನಾಯ್ಕ್ ಗಾಂವಕರ್ ಕಾನೂನಾಂತ್ ಪದ್ವೆಚೆಂ ಶಿಕಪ್ ಜೊಡುನ್ ಆತಾಂ ಪದ್ಯುತ್ತರಾಚೆಂ ಶಿಕಪ್ ಜೊಡುನ್ ಆಸಾ. ತಿಚ್ಯಾ ಕವಿತೆಚೆಂ ರಾಜಾಂವ್ ತಶೆಂಚ್ ಸಮಾಜಿಕ್ ಚಿಂತಪಾಕ್ ಸಮ್ಜುಂಕ್ ಆತಾಂ ತುಮಕಾಂ ಸೊಡತಾಂ.

- ಸಂ

[ಕವಿತಾ] ದೇಶ್ ಮ್ಹಜೊ ಜಳ್ಟಾ (- ಪೂಜಾ ನಾಯ್ಕ್ ಗಾಂವ್ಕರ್)

ದೇಶ್ ಮ್ಹಜೊ ಜಳ್ಟಾ ಹಿಂದು, ಮುಸ್ಲಿಮ್, ಕ್ರಿಶ್ಚಿಯನ್ ಆಂಗಾತ್ ತಾಂಬ್ಡೆ ರಗ್ತಚ್ ತರ್ ವ್ಹಾಂವ್ತಾ ವಂದೆ ಮಾತ್ರಮ್ ಮ್ಹಣ್ಟನಾಂ ಜೀಭ್ ತರೀಯ್ ಆಡ್ಖಳಟಾಂ ರಾಜ್ಕಾರಣಾಚ್ಯಾ ಚುಲೀರ್ ದೇಶ್ ಮ್ಹಜೊ ಜಳ್ಟಾಂ ಅಜ್ಞಾನಿ ಗಿನ್ಯಾನಾಂತ್ 'ಸರ್ವ್ ಧರ್ಮ್ ಸಮ್ಭಾವಾಚೊ' ಮಂತ್ರ್ ಗರ್ಜತಾಂ ಸಂವಿಧಾನಾಚ್ಯಾ ಆತ್ಮ್ಯಾಚೆರ್ ದೆಶ್‌ಭಕ್ತಿಚೆಂ ಗಂಗಾಜಲ್ ಫಾಫೂಡಟಾಂ ರಾಜ್ಕಾರಣಾಚ್ಯಾ ಚುಲೀರ್ ದೇಶ್ ಮ್ಹಜೊ ಜಳ್ಟಾ ಕಾಯ್ದ್ಯಾಚ್ಯಾ ಬಂದ್ಖಣೀತ್ ಎಕ್ಚಾರಾಕ್ ಉಜೊ ಪೆಟಯ್ತಾಂ ಧರ್ಮಾಚೊ ನಾಮೊ ಮಾಥ್ಯಾರ್ ಮಾರೂನ್ ರಾಶ್ಟ್ರೀಯ್ತ್ವಾಚೆ ಧಡೆ ಗಿರಯ್ತಾಂ ರಾಜ್ಕಾರಣಾಚ್ಯಾ ಚುಲೀರ್ ದೇಶ್ ಮ್ಹಜೊ ಜಳ್ಟಾ ಶಾಂತ್ತೆಚಿ ಭಾಶ್ಣಾಂ ದಿವ್ನ್ ಹಿಂಸೆಚೆ ಕಲಮ್ ರೊಯ್ತಾಂ ಭಾರ್ತೀಯ್ತ್ವಾಚ್ಯಾ ಪುರಾವ್ಯಾಕ್ ಮನೀಸಪಣಾಚೊ ಧರ್ಮ್ ಕಳವ್ಳಟಾಂ ರಾಜ್ಕಾರಣಾಚ್ಯಾ ಚುಲೀರ್ ದೇಶ್ ಮ್ಹಜೊ ಜಳ್ಟಾ ತಿರಂಗ್ಯಾಚ್ಯಾ ಪಾವಿತ್ರ್ಯಾಕ್ ಧರ್ಮಾಚೊ 'ಹಿರ್ವೊ ಭಗ್ವೊ' ಜೊಡ್ಟಾಂ ಅಸ್ತಿತ್ವಾಚ್ಯಾ ತಾನೆಕ್ 'ಭಾರತ್ ಭಾಗ್ಯ್ ವಿಧಾತಾಚೆ' ಸೂತ್ರ್ ರಡ್ಟಾಂ ರಾಜ್ಕಾರಣಾಚ್ಯಾ ಚುಲೀರ್ ದೇಶ್ ಮ್ಹಜೊ ಜಳ್ಟಾ ದೇಶ್ ಮ್ಹಜೊ ಜಳ್ಟಾ..... **** - ಪೂಜಾ ನಾಯ್ಕ್ ಗಾಂವ್ಕರ್**. [ಮಾರ್ಚ್, 2020]

	ಪೂಜಾ ನಾಯ್ಕ್ ಗಾಂವ್ಕರ್: 'ಮೃಗನಕ್ಷತ್ರ್' ಹಿಚ್ಯಾ ಕವಿತೆಚೆಂ ಪುಸ್ತಕ್. ಅರ್ಥ್ ಪ್ರಕಾಶನ್ ಆಯೊಜಿತ್ 'ಅಖಿಲ್ ಭಾರ್ತೀಯ್ ಕೊಂಕ್ಣಿ ಕವಿತಾ ಸರ್ತ್ 2019' ಸರ್ತೀತ್ ದುಸ್ರೆಂ ಇನಾಮ್ ಫಾವೊ ಜಾಲಾಂ. ಸಾಹಿತ್ಯ್ ವಿಶಯ್ಕ್ ಕಾರ್ಯಶಾಳಾ ಆನಿ ಸರ್ತೀಂಮದಿ ಸಹ್ಭಾಗ್ ಆನಿ ಇನಾಮಾಂ ಜೊಡ್ಲಾಂತ್. ಸಧ್ಯಾ ಕಾಯ್ದ್ಯಾಚೆ ಪದ್ವ್ಯೂತ್ತರ್ ಶಿಕ್ಷಣ್ (LLM) 'ಕಾರೆ ಕಾಯ್ದಾ ಮಹಾವಿದ್ಯಾಲಯ್ - ಗೊಂಯ್' ಹಾಂಗಾ ಘೆತಾ.
[kovita] Dex mhozo zolltta (- Pooja Naik Gaonkar)
Zovab nat‌l'lea thoddea sovalam poikintlem hem vhodd soval - ami itlim xikxit zaleamv tor‌yi, ozun kiteak ami pattinch urotamv? kiteak ozun devo-dhoromache, zati-katiche, bhase-lipiche, boli-kulliche dore ubharotamv. Punn ek proxn: zor amocho dhorm' sorovanchem borench korunk sangota tor somajent zhollcho uzo koso pettota? konn hancho sutr‌dhar? hea opurobhayechea chintopachi hi kovita. Bai Pooja Naik Gaonkar kanunant podvechem xikop zoddun atam podyut'torachem xikop zoddun asa. Tichea kovitechem razamv toxench somajik chintopak somzunk atam tumokam soddotam. - Som
[kovita] Dex mhozo zolltta (- Pooja Naik Gaonkar)
Dex mhozo zolltta hindu, muslim', khrixchon angat tambdde rogtoch tor vhamvta vonde matrom' mhonnttonam jibh tori-i addkhollottam rajkaronnachea chulir dex mhozo zolltta ogoneani gineanant 'sorv dhorm' sombhavach' montr gorzotam somvidhanachea atmeacher dexobhktiche gongazol fafuddottam rajkaronnachea chulir dex mhozo zolltta kaideachea bondkhonnit ekcharak uzo pettoitam dhormacho namo mathear marun raxttriytvache dhodde giroitam rajkaronnachea chulir dex mhozo zolltta xant'techi bhaxnnam divn himseche kolom' roitam bhartiytvachea puraveak monisoponnacho dhorm' kolloullottam rajkaronnachea chulir dex mhozo zolltta tirongeachea pavitreak dhormacho 'hirvo bhogv' zoddttam ostitvachea tanek 'bharot bhagy vidhatache' sutr roddttam rajkaronnachea chulir dex mhozo zolltta dex mhozo zolltta..... **** - Pooja Naik Gaonkar.** [March, 2020]

	Pooja Naik Gaonkar: 'Mrigonkxotr' hichea kovitechem pustok. Orth prokaxon ayojit 'okhil bharti-i konknni kovita sort 2019' sortit dusrem inam' favo zalam. Sahity vixoik karyoxalla ani sortim'modi sohbhag ani inamam zoddlant. Sodhea kaideache podvyut'tor xikxonn (LLM) 'kare kaida mohavidealoi - gõy' hanga gheta.
[कविता] देश म्हजो जळटां (- पूजा नाय्क गांवकर)
जवाब नात‌ल्ल्या थोड्या सवालां पयकिंतलें हें व्हड सवाल - आमी इतलीं शिक्षीत जाल्यांव तर‌यी, अजून कित्याक आमी पाटिंच उरतांव? कित्याक अजून देव-धरमाचे, जाती-कातिचे, भासे-लिपिचे, बोली-कुळिचे दोरे उभारतांव. पूण एक प्रश्न: जर आमचो धर्म सरवांचें बरेंच करुंक सांगता तर समाजेंत झळचो उजो कसो पेटता? कोण हांचो सूत्र‌धार? ह्या अपुरभायेच्या चिंतपाची ही कविता. बाय पूजा नायक गांवकर कानूनांत पद्वेचें शिकप जोडून आतां पद्युत्तराचें शिकप जोडून आसा. तिच्या कवितेचें राजांव तशेंच समाजीक चिंतपाक समजुंक आतां तुमकां सोडतां. - सं
[कविता] देश म्हजो जळटां (- पूजा नाय्क गांवकर)
देश म्हजो जळटां हिंदू, मुस्लिम, ख्रिश्चन आंगात तांबडे रगतच तर व्हांवता वंदे मातरम् म्हणटनां जीभ तरीय आडखळटां राजकारणाच्या चुलीर देश म्हजो जळटां अज्ञानी गिन्यानांत 'सर्व धर्म समभावाचो' मंत्र गरजतां संविधानाच्या आत्म्याचेर देशभक्तीचे गंगाजल फाफूडटां राजकारणाच्या चुलीर देश म्हजो जळटां कायद्याच्या बंदखणीत एकचाराक उजो पेटयतां धर्माचो नामो माथ्यार मारून राश्ट्रीयत्वाचे धडे गिरयतां राजकारणाच्या चुलीर देश म्हजो जळटां शांततेची भाशणां दिवन हिंसेचे कलम रोयतां भारतीयत्वाच्या पुराव्याक मनीसपणाचो धर्म कळवळटां राजकारणाच्या चुलीर देश म्हजो जळटां तिरंग्याच्या पावित्र्याक धर्माचो 'हिरवो भगवो' जोडटां अस्तित्वाच्या तानेक 'भारत भाग्य विधाताचे' सूत्र रडटां राजकारणाच्या चुलीर देश म्हजो जळटां देश म्हजो जळटां..... **** - पूजा नाय्क गांवकर.** [मार्च, २०२०]

	पूजा नाय्क गांवकर: 'मृगनक्षत्र' हिच्या कवितेचें पुस्तक. अर्थ प्रकाशन आयोजित 'अखिल भारतीय कोंकणी कविता सर्त 2019' सर्तीत दुसरें इनाम फावो जालां. साहित्य विशयक कार्यशाळा आनी सर्तींमदी सहभाग आनी इनामां जोडलांत. सध्या कायद्याचे पद्व्यूत्तर शिक्षण (LLM) 'कारे कायदा महाविद्यालय - गोंय' हांगा घेता.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.