[ಕವಿತಾ] ವೆಶಾ (- ಕಾಜಲ್ ಪ್ರಕಾಶ್ ರಾಯ್ಕರ್)

ವೆಶಾ

ಮ್ಹಾಕಾ ಮ್ಹಣ್ಟಾತ್ ವೆಶಾ
ಕಾರಣ್ ಹಾಂವ್ ದಾದ್ಲ್ಯಾಂಚಿ ಆಶಾ
ಆತಾಂ ಎಕ್ ಜಾಲ್ಯಾರ್ ಮಾಗೀರ್ ಧಾ
ಅಶ್ಯಾ ಸಗ್ಲ್ಯಾಂಕ್ ಕೂಡ್ ಮ್ಹಜಿ ಒಪ್ತಾಂ

ಎಕಾ ವೆಳಾರ್ ವಿಕ್ಲೆ ಮ್ಹಾಕಾ ತಾಣೆಂ
ನಾನಾಕಾರ್ ಘಾತ್ಲೊ ಹಾಂವೆಂ
ತಳಮ್ಳ್ಳೆಂ ಆಂಗ್ ಮ್ಹಜೆಂ
ಮಾತ್ ತ್ಯಾ ದಿಸಾ ಸಾವ್ನ್ ಜಾಲೆಂ ಹಾಂವ್ ಪಿಶೆಂ

ದಾರಾಂ ಮ್ಹಜಿಂ ಉಕ್ತಿಂ ಆಸ್ತಾತ್ ತಾಂಕಾಂ
ರಾವ್ತಾ ಹಾಂವ್ ಧಾ ಪಯ್ಶ್ಯಾಂಕ್ ಸದಾಂ
ಸಗ್ಲ್ಯಾಂಕ್ ಹಾಂವ್ ಹಾಂಸತ್ ರಾವ್ತಾ
ಪೂಣ್ ಕಾಳ್ಜಾಕ್ ಮಾತ್ ಕಾಂಟೊ ತೊಪ್ತಾ

ನಾಂವಾಂ ಮ್ಹಾಕಾ ದಿತಾತ್ ಸಗ್ಲಿಂ
ಕೊಲ್ ಗರ್ಲ್ಸ್, ಮೊಲ್, ಸ್ಟ್ರಮ್ಪೆಟ್, ಧಂಧೊ ಕರ್ಪಿ ಆದಿ...
ಲಜ್ ಹಾಂವೆಂ ವಿಕ್ಲಿ ಮ್ಹಜಿ
ಜೆನ್ನಾ ಆಯ್ಲಿ ಆಂಗಾರ್ ಜೀಬ್ ಲ್ಹೆವಾಳ್ಯಾಚಿ

ಜುವಾನಪಣ್ ದಿಸ್ಲ್ಯಾರ್ ಹಜಾರಾಚೊ ಪಾವ್ಸ್
ಜಾಣ್ಟೆಪಣ್ ದಿಸ್ಲ್ಯಾರ್ ಶಂಬ್ರಾಚೊ ಪಾವ್ಸ್
ಅತ್ತರಾಚೊ ವಾಸ್ ಜಾಲ್ಯಾರ್ ಸೊರೊ ಪಿಲ್ಲ್ಯಾಚೊ ವಾಸ್
ಸೊಸೂನ್ ಘೆವ್ಚೆ ಪಡ್ಟಾ ಸಗ್ಲ್ಯಾ ದೆವ್ಚಾರಾಂಕ್

ಕಿರ್ಣಾಂ ಉಜ್ವಾಡಟಾತ್ ದೊಳ್ಯಾಂತ್ ನವಿಂ-ನವಿಂ
ಪೂಣ್ ಯಾದ್ ಯೆತಾ ವೆಶಾಚೀಚ್ ಜಾತ್ ಮ್ಹಜಿ
ದಿಸ್ತಾ ಕೆನ್ನಾ ವೆಗ್ಳೀಚ್ ಜೀಣ್ ಜಗ್ಪಾಚಿ
ಜೀವ್ ದಿವ್ಪಾಕ್ ಆತ್ಮೊ ಲಾಗ್ತಾ ಫಾಟಿ

ಕಾಂಯ್ ಅಸ್ತುರೆಕ್ ದುಡು ಜೊಡ್ಪಾಚಿ ಆಸ್
ಜಾಲ್ಯಾರ್ ವಾಯ್ಟ್ ನದ್ರೆಚ್ಯಾ ಪುರುಶಾಕ್ ಭೊಗ್ ಘೆವ್ಪಾಚಿ ಆಸ್
ಅಯ್ಯಾಶಿ ಕರ್ತಾತ್ ಪಯ್ಶೆಂ ಜೊಡೂನ್
ಸುಖಿ ಲೆಗೀತ್ ತಿಂ ಜಾತಾತ್ ಕೂಡ್ ವಿಕೂನ್

ಪೊಟ್ ಭರ್ಪಾಕ್ ಪಡ್ಟಾ ಗರಜ್
ಪಯ್ಶಾಂಚೊ ಪಾವ್ಸ್ ಝಡಯ್ತ್ ರಾವ್ತಾ ಪುರುಷ್
ಲ್ಹಾರಾಂ ವಾಂಗ್ಡಾ ವ್ಹಾಂವ್ತಾ ಹಾಂವ್
ಮಾತ್ ದರ್ಯಾ ಸಾಂಬಾಳಟಾ ಸದಾಂಚ್

ಸಮಾಜ್ ವಾಯ್ಟ್ ಮ್ಹಣ್ಟಾ ಮ್ಹಾಕಾ
ನದರ್ ತಾಂಚಿಂ ವಾಕ್ಡಿ ಜಾತಾ
ಜೀಬ್ ತಾಂಚಿಂ ಖಂಯ್ಚ್ಯಾಯ್ ವಟೆನ್ ಘುಂವ್ತಾ
ಪೂಣ್ ಬಂದ್ ಕರ್ಪಾಕ್ ಜಾಯ್ನಾ ತಾಂಚಿಂ ತೊಂಡಾ

ಹಯ್ ಹಾಂವ್ ಎಕ್ ವೆಶಾ..
ಸಮಾಜ್ ಮ್ಹಣ್ಟಾ ಮ್ಹಾಕಾ ವೆಶಾ
ಜಾತೂಯ್ ಮ್ಹಣ್ಟಾ ಮ್ಹಾಕಾ ವೆಶಾ
ಆನಿ ಗರ್ಜೂಯ್ ಮ್ಹಣ್ಟಾ ಮ್ಹಾಕಾ ವೆಶಾ

ಸಮ್ಜೂನ್ ಘೆಯಾತ್ ದುಖ್ಖ್ ಮ್ಹಜೆಂ
ಜಗ್ಪಾಚೆ ಆಸಾ ಎಕ್ ಸಪನ್ ಮ್ಹಜೆಂ
ಎಕ್ ಸಾಮಾನ್ಯ್ ಮನ್ಶಾ ಸಾರ್ಕೆಂ
ತರ್ ವಿಚಿತ್ರ್ ಮ್ಹಣು ನಾಕಾತ್ ಕುಡೀಕ್ ಮ್ಹಜೆ

ಕಾಂಯ್ ಬಾಯ್ಲಾಂಚಿ ಚೂಕ್ ನಾ
ತರಿ ದಿತಾ ಕಾಂಯ್ ಮಾನ್ ತಾಂಕಾಂ?
ಸಾದಾರಣ್ ಮನೀಸ್ ಮ್ಹಣ್ ಪಾರ್ಖಿತಾತ್ ಕಾಂಯ್ ತಾಂಕಾಂ?
ಸಮಾಜಾಂತ್ ಜಾಗೊ ಮೆಳ್ಟಾ ಕಾಂಯ್ ತಾಂಕಾಂ?
ಕಾರಣ್ ಮ್ಹಣ್ಟಾತ್ ನ್ಹಯ್ ವೆಶಾ ತಾಂಕಾಂ?

ಕೆನ್ನಾಚ್ ಮೆಳ್ನಾ ಆಪ್ಲೆಪಣಾಚೊ ಮೊಗ್
ಪೂಣ್ ಮೆಳ್ಟಾ ತೊ ಕೂಡೀಚ್ಯಾ ನಾಂವಾನ್ ಮೊಗ್
ಮೆಳ್ನಾ ಆಪ್ಲೆಂ ಘರ್ ನಾ ದಾರ್
ದಿಲಾಂ ಆಪ್ಲ್ಯಾನಿಂ ಮ್ಹಾಕಾ ಸೊಡೂನ್

ಪುರುಷಾಂನಿ ಸ್ವತಾಚಿ ನದರ್ ಬದ್ಲೂಂಕ್ ಜಾಯ್
ದುಡ್ವಾಂಕ್ ಆಶೆಲ್ಲ್ಯಾ ಬಾಯ್ಲಾಂನಿ ವಿಚಾರ್ ಕರೂಂಕ್ ಜಾಯ್
ಸಮಾಜಾಂತ್ ಬದಲ್ ಘಡೂಂಕ್ ಜಾಯ್
ಜಾಲ್ಯಾರ್ ಬಂದ್ ಜಾತ್ಲೊ ಹೊ ವೆಶಾಚೊ ವಿಚಾರ್.

 ******

- ಕಾಜಲ್ ಪ್ರಕಾಶ್ ರಾಯ್ಕರ್. [ಮಾರ್ಚ್, 2020]

[kovita] Vexa (- Kajal Prakash Raikar)

Vexa

mhaka mhonnttat vexa
karonn hamv dadleanchi axa
atam ek zalear magir dha
oxea sogleank kudd mhoji optam

eka vellar vikle mhaka tannem
nanakar ghatlo hamvem
tollomll'llem ang mhojem
mat tea disa saun zalem hamv pixem

daram mhojim uktim astat tankam
rauta hamv dha poixeank sodam
sogleank hamv hamsot rauta
punn kallzak mat kantto topta

namvam mhaka ditat soglim
kol gorls, mol, sttrompett, dhondho korpi adi...
Loz hamvem vikli mhoji
jen'na aili angar jib lhevalleachi

zuvanoponn dislear hozaracho paus
zanntteponn dislear xombracho paus
ot'toracho vas zalear soro pil'leacho vas
sosun gheuche poddtta soglea deucharank

kirnnam ujvaddottat dolleant novim-novim
punn yad yeta vexachich zat mhoji
dista ken'na vegllich jinn zogpachi
jivo divpak atmo lagta fatti

kaim osturek duddu zoddpachi as
zalear vaitt nodrechea puruxak bhog gheupachi as
oyeaxi kortat poixem zoddun
sukhi legit tim zatat kudd vikun

pott bhorpak poddtta goroz
poixancho paus zhoddoit rauta purux
lharam vangdda vhamvta hamv
mat dorea samballotta sodanch

somaz vaitt mhonntta mhaka
nodor tanchim vakddi zata
jib tanchim khoinchyai votten ghumvta
punn bond korpak zaina tanchim tondda

hoi hamv ek vexa..
Somaz mhonntta mhaka vexa
zatuy mhonntta mhaka vexa
ani gorzuy mhonntta mhaka vexa

somzun gheyat dukhkh mhojem
zogpache asa ek sopon mhojem
ek samany monxa sarkem
tor vichitr mhonnu nakat kuddik mhoje

kaim bailanchi chuk na
tori dita kaim man tankam?
sadaronn monis mhonn parkhitat kaim tankam?
somazant zago melltta kaim tankam?
karonn mhonnttat nhoi vexa tankam?

ken'nach mellna apleponnacho mog
punn melltta to kuddichea namvan mog
mellna aplem ghor na dar
dilam apleanim mhaka soddun

puruxamni svotachi nodor bodlunk zai
duddvank axel'lea bailamni vichar korunk zai
somazant bodol ghoddunk zai
zalear bond zatlo ho vexacho vichar.

 ****

- Kajal Prakash Raikar. [Mar, 2020]

[कविता] वेशा (- काजल प्रकाश रायकर)

समाजेंत दरेक थराचो मनीस जियेता. हांगासर कसो अपूण बरो, बरें सर्व अपणाचें जावंक जाय, अपणाक सक्कड जाय म्हळ्ळो स्वार्थी चिंतप कशें नयतीक कुरडेंपण हाडून दिता म्हळ्ळ्ये संगतेचेर बरोच आटोव केल्लो ह्या कवितेंत दिसून येता.

कवी बाय काजल रायकरान एक बरोच विशय ह्या कवितेंत हाडला. ह्या विचाराक समजुंक तुकाच सोडतां.

सं.

[कविता] वेशा (- काजल प्रकाश रायकर)

वेशा

म्हाका म्हणटात वेशा
कारण हांव दादल्यांची आशा
आतां एक जाल्यार मागीर धा
अश्या सगल्यांक कूड म्हजी ओपतां

एका वेळार विकले म्हाका ताणें
नानाकार घातलो हांवें
तळमळ्ळें आंग म्हजें
मात त्या दिसा सावन जालें हांव पिशें

दारां म्हजीं उक्तीं आसतात तांकां
रावता हांव धा पयश्यांक सदां
सगल्यांक हांव हांसत रावता
पूण काळजाक मात कांटो तोपता

नांवां म्हाका दितात सगलीं
कोल गर्ल्स, मोल, स्ट्रम्पेट, धंधो करपी आदी...
लज हांवें विकली म्हजी
जेन्ना आयली आंगार जीब ल्हेवाळ्याची

जुवानपण दिसल्यार हजाराचो पावस
जाणटेपण दिसल्यार शंबराचो पावस
अत्तराचो वास जाल्यार सोरो पिल्ल्याचो वास
सोसून घेवचे पडटा सगल्या देवचारांक

किर्णां उजवाडटात दोळ्यांत नवीं-नवीं
पूण याद येता वेशाचीच जात म्हजी
दिसता केन्ना वेगळीच जीण जगपाची
जीव दिवपाक आत्मो लागता फाटी

कांय अस्तुरेक दुडू जोडपाची आस
जाल्यार वायट नदरेच्या पुरुशाक भोग घेवपाची आस
अय्याशी करतात पयशें जोडून
सुखी लेगीत तीं जातात कूड विकून

पोट भरपाक पडटा गरज
पयशांचो पावस झडयत रावता पुरुष
ल्हारां वांगडा व्हांवता हांव
मात दर्या सांबाळटा सदांच

समाज वायट म्हणटा म्हाका
नदर तांचीं वाकडी जाता
जीब तांचीं खंयच्याय वटेन घुंवता
पूण बंद करपाक जायना तांचीं तोंडा

हय हांव एक वेशा..
समाज म्हणटा म्हाका वेशा
जातूय म्हणटा म्हाका वेशा
आनी गरजूय म्हणटा म्हाका वेशा

समजून घेयात दुख्ख म्हजें
जगपाचे आसा एक सपन म्हजें
एक सामान्य मनशा सारकें
तर विचित्र म्हणू नाकात कुडीक म्हजे

कांय बायलांची चूक ना
तरी दिता कांय मान तांकां?
सादारण मनीस म्हण पारखितात कांय तांकां?
समाजांत जागो मेळटा कांय तांकां?
कारण म्हणटात न्हय वेशा तांकां?

केन्नाच मेळना आपलेपणाचो मोग
पूण मेळटा तो कूडीच्या नांवान मोग
मेळना आपलें घर ना दार
दिलां आपल्यानीं म्हाका सोडून

पुरुषांनी स्वताची नदर बदलूंक जाय
दुडवांक आशेल्ल्या बायलांनी विचार करूंक जाय
समाजांत बदल घडूंक जाय
जाल्यार बंद जातलो हो वेशाचो विचार.
******

- काजल प्रकाश रायकर. [मार्च, २०२०]

ದಾಯ್ಜ್.ಕೊಮ್