ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ವ್ಯಥಾ (- ಅಲ್ಕಾ ಸಿನಾಯ್ ಅಸೊಲ್ಡೇಕರ್)

ಥೆಂಬೆ ಮೆಳುನ್ ಘೊಟ್ ಜಾತಾ, ಘೊಟ್ ಯೆತಾ ಬಾಂಯ್ ಥಾವ್ನ್, ಬಾಂಯೊ ಎಕ್ಟಾಂಯ್ ಜಾತಿತ್ ತರ್ ತಳೆಂ ಜಾತಾ, ತಳೆಂ ವ್ಹಾಳುಂಕ್ ಲಾಗ್ತತ್ ತರ್ ನ್ಹಂಯ್ ಜಾತಾ ಅನಿ ನ್ಹಂಯೊ ಎಕ್ಟಾಂಯ್ ಜಾತಿತ್ ತರ್ ದರ್ಯೊ ಆನಿ ದರ್ಯೊ ಸಾಗೊರ್ ಅಶಿ ಕಾಣಿ ಮುಕಾರ್ ವೆತಾ. ಪುಣ್ ಹಾಂಗಾಸರ್ ಏಕ್ ನ್ಹಂಯ್ ಅನಿ ದರ್ಯೊ ಎಕಾಮೆಕಾ ಉಲಯ್ತಾತ್, ಕಾಂಯ್ ಯುಗಾಂನಿ ತಾಂಕಾಂ ಹೊ ಆಸ್ಪಾವ್ ನಾಸ್ಲೊ, ಪುಣ್ ಆಜ್ ಅಪ್ಲ್ಯಾ ಸ್ವಾರ್ಥಾಕ್ ಲಾಗುನ್ ನ್ಹಂಯ್‌ಕ್ ದರ್ಯಾಸವೆಂ ಮೆಳುಂಕ್ ಸೊಡಿನಾತ್ಲೆ ಮನಿಸ್ ಎಕಾ ವಯ್ರಸಾಚ್ಯಾ ಭಿರಾಂತಿನ್ ಆಪಾಪ್ಲ್ಯಾ ಘರಾಂನಿ ಕಯ್ದ್ ಆಸಾತ್ ಮ್ಹಣ್ಟಕಚ್ ಹಿ ಸಂದಿ ಉದೆಲ್ಯಾ. ಕವಿತೆಂತ್ ಖೂಪ್ ಥೊಡೆ ವಯ್ಚಾರಿಕ್ ವಿಶಯ್ ಆಸಾತ್.

ಬಾಯ್ ಅಲ್ಕಾ ಸಿನಾಯ್ ಅಸೊಲ್ಡೇಕರ್ ಏಕ್ ಕವಿ, ತರ್ಜಣ್‌ಕಾರ್ ತಶೆಂಚ್ ನಿಬಂಧಕಿ. ಹಿಚ್ಯಾ ಕವಿತೆಂತ್ಲಿ ವಯ್ಚಾರಿಕ್ ಕಾಣಿ ಸಮ್ಜುಂಕ್ ಆತಾಂ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ವ್ಯಥಾ (- ಅಲ್ಕಾ ಸಿನಾಯ್ ಅಸೊಲ್ಡೇಕರ್)

ವ್ಯಥಾ ದರ್ಯಾನ್ ನ್ಹಂಯಕ್ ವಿಚಾರಲೆಂ ಮ್ಹಜೆಕಡೆನ್ ಯೆತ್ನಾ ಕೊಣೆ ಆಡಾಯ್ಲೆಂ ನಾ ತುಕಾ? ನ್ಹಂಯ್ ಮುಮುರ್ಕ್ಯಾನಿ ಹಾಂಸ್ಲಿ ಆನೀಕ್ ಖಳ್ಖಳೂನ್ ವ್ಹಾಂವಂಕ್ ಲಾಗ್ಲಿ ದರ್ಯಾನ್ ಮ್ಹಳೆಂ ನಿವಾಂತಪಣಾನ್ ದೀಸ್ ಸಾರ್ಯಾ ಆಮಿಂ ಆಮ್ಚ್ಯಾ ಮದಿಂ ಆತಾ ಕಾಂಯ್ ದೀಸ್ ಕೊಣೂಚ್ ಯೆವ್ಚೊ ನಾ ನ್ಹಂಯ್ ಆನಿ ದರ್ಯಾ ಎಕಾಮೆಕಾ ವಾಂಗ್ಡಾ ಉಲೊವಂಕ್ ಲಾಗ್ಲಿ ವರ್ಸಾಂ ವರ್ಸಾಂಚಿ ಘುಸ್ಮಟ್ ಸದಾಂಚ್ ಲೊಕಾಂಚಿ ಗರ್ದಿ ಉಸಂತ್ ದಿಲಿ ನಾ ಆಮ್ಕಾಂ ಸ್ವತಂತ್ರಪಣಾಚಿ. ಕೊಣ್ ನ್ಹಾತಾ, ಕೊಣ್ ಖೆಳ್ಟಾ ಕೊಣ್ ಆಮ್ಚೆರ್ ಕವಿತಾ ಬರಯ್ತಾ ಆತಾಂ ಆಮಿ ಉಮೆದೀನ್ ಸಾಂಗಾತಾನ್ ರಾವ್ಯಾ ಎಕ್ಮೆಕಾಂಕ್ ಸುಖ್- ದುಖ್ಖಾಚಿ ಗಜಾಲಿ ಸಾಂಗ್ಯಾ ಮನ್ಶಾಂಚ್ಯೊ ಕಾಣ್ಯೊ ಆತಾಂ ಪುರೊ ಜಾಲ್ಯೊ ಮೆಳ್ಟಾ ತೆ ದೀಸ್ ಆಮಿಂ ಉಮೆದೀನ್ ಸಾರೂಯಾ **** - ಅಲ್ಕಾ ಸಿನಾಯ್ ಅಸೊಲ್ಡೇಕರ್** . [ಮಾರ್ಚ್, 2020]

	ಅಲ್ಕಾ ಸಿನಾಯ್ ಅಸೊಲ್ಡೇಕರ್ : 2010 ಇಸ್ವೆಚ್ಯಾ ಭಾಶಾಂತರಾಕ್ ಸಾಹಿತ್ಯ ಅಕಾಡೆಮಿಚೊ ಪುರಸ್ಕಾರ್ ಜೊಡ್ಪಿ, ಕವಿತಾ, ತರ್ಜಣ್ ತಶೆಂಚ್ ಬಾಳ್ ಸಾಹಿತ್ಯ್ ಬರಯ್ತಾ. ’ಕಾವ್ಯಕುಂಜ್’ ಹಿಚ್ಯಾ ಕವಿತೆಂಚೆಂ ಪುಸ್ತಕ್ ಪ್ರಕಾಶಿತ್ ಜಾಲಾಂ. ತಶೆಂಚ್ ಬಾಳ್ ಸಾಹಿತ್ಯ್, ನಿಬಂಧ್ ಅಶೆಂ ಹೆರ್ ಪುಸ್ತಕಾಂ ಪ್ರಕಾಶಿತ್ ಜಾಲ್ಯಾಂತ್. ಗೊಂಯಾಂತ್ ವಸ್ತಿ ಕರುನ್ ಆಸ್ಚ್ಯಾ ಹಿಚಿಂ ಬರಪಾಂ ಗೊಂಯ್ಚ್ಯಾ ನೆಮಾಳ್ಯಾಂನಿ ಪರ್ಗಟ್ ಜಾಲ್ಯಾಂತ್.
[kovita] Domo arigato* (- Manoj Narendra Kamat)*
Thembe mellun ghott zata, ghott yeta bam-i thaun, bamyo ekttam-i zatit tor tollem zata, tollem vhallunk lagtot tor nhoim zata oni nhomyo ekttam-i zatit tor doreo ani doreo sagor oxi kanni mukar veta. Punn hangasor ek nhoim oni doreo ekameka uloitat, kaim yugamni tankam ho aspavo naslo, punn az oplea svarthak lagun nhoim‌k doreasovem mellunk soddinatle monis eka voirosachea bhirantin apaplea ghoramni koid asat mhonnttokoch hi sondi udelea. Kovitent khup thodde voicharik vixoi asat. Bai Alka Sinai Assoldekar ek kovi, torzonn‌kar toxench nibondhoki. Hichea kovitentli voicharik kanni somzunk atam tukach ulo ditam. - Som
[kovita] Vyotha* (- Alka Sinai Assoldekar)*
Vyotha dorean nhomyok vicharolem mhojekodden yetna konne addailem na tuka? nhoim mumurkeani hamsli anik khollkhollun vhamvonk lagli dorean mhollem nivantoponnan dis sarea amim amchea modim ata kaim dis konnuch yeucho na nhoim ani dorea ekameka vangdda ulounk lagli vorsam vorsanchi ghusmott sodanch lokanchi gordi usont dili na amkam svotontroponnachi. Konn nhata, konn khelltta konn amcher kovita boroita atam ami umedin sangatan ravea ekmekank sukh- dukhkhachi gozali sangea monxancheo kanneo atam puro zaleo melltta te dis amim umedin saruya **** - Alka Sinai Assoldekar.** [Mar, 2020]

	Alka Sinai Assoldekar: 2010 isvechea bhaxantorak Sahitya Akademicho Puroskar zoddpi, kovita, torzonn toxench ball sahity boroita. ’Kavyakunj’ hichea kovitenchem pustok prokaxit zalam. Toxench ball sahity, nibondh oxem her pustokam prokaxit zaleant. Gõyant vosti korun aschea hichim boropam gõychea nemalleamni porgott zaleant.
[कविता] व्यथा (- अल्का सिनाय असोलडेकर)
थेंबे मेळून घोट जाता, घोट येता बांय थावन, बांयो एकटांय जातीत तर तळें जाता, तळें व्हाळुंक लाग्तत तर न्हंय जाता अनी न्हंयो एकटांय जातीत तर दऱ्यो आनी दऱ्यो सागोर अशी काणी मुकार वेता. पूण हांगासर एक न्हंय अनी दऱ्यो एकामेका उलयतात, कांय युगांनी तांकां हो आस्पाव नासलो, पूण आज अपल्या स्वार्थाक लागून न्हंय‌क दऱ्यासवें मेळुंक सोडिनातले मनीस एका वयरसाच्या भिरांतीन आपापल्या घरांनी कयद आसात म्हणटकच ही संदी उदेल्या. कवितेंत खूप थोडे वयचारीक विशय आसात. बाय अल्का सिनाय असोलडेकर एक कवी, तर्जण‌कार तशेंच निबंधकी. हिच्या कवितेंतली वयचारीक काणी समजुंक आतां तुकाच उलो दितां. - सं
[कविता] व्यथा (- अल्का सिनाय असोलडेकर)
व्यथा दर्यान न्हंयक विचारलें म्हजेकडेन येतना कोणे आडायलें ना तुका? न्हंय मुमुरक्यानी हांसली आनीक खळखळून व्हांवंक लागली दर्यान म्हळें निवांतपणान दीस सारया आमीं आमच्या मदीं आता कांय दीस कोणूच येवचो ना न्हंय आनी दर्या एकामेका वांगडा उलोवंक लागली वर्सां वर्सांची घुस्मट सदांच लोकांची गर्दी उसंत दिली ना आमकां स्वतंत्रपणाची. कोण न्हाता, कोण खेळटा कोण आमचेर कविता बरयता आतां आमी उमेदीन सांगातान रावया एकमेकांक सुख- दुख्खाची गजाली सांगया मनशांच्यो काणयो आतां पुरो जाल्यो मेळटा ते दीस आमीं उमेदीन सारूया **** - अल्का सिनाय असोलडेकर.** [मार्च, २०२०]

	अल्का सिनाय असोलडेकर: २०१० इस्वेच्या भाशांतराक साहित्य अकाडेमिचो पुरसकार जोडपी, कविता, तर्जण तशेंच बाळ साहित्य बरयता. ’काव्यकुंज’ हिच्या कवितेंचें पुसतक प्रकाशीत जालां. तशेंच बाळ साहित्य, निबंध अशें हेर पुसतकां प्रकाशीत जाल्यांत. गोंयांत वसती करून आसच्या हिचीं बरपां गोंयच्या नेमाळ्यांनी पर्गट जाल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.