[ಕವಿತಾ] ಮಂತಾರಿ (-  ಸ್ಮಿತಾ ಶೆಣೈ)

ಮಂತಾರಿ

ವಸರೇತು ಕಿತ್ತೆಕೀ ಕರೂಂಕ್ ವೊಚ್ಚುನು
ಸುನ್ನೇಲೆ ಉತ್ರಾನಿ ಚಬ್ಬೊನು ಘೇವ್ನು ಸರ ಸರ ಕುಡಾಕ ವತ್ತಾ,
ಹತ್ಲಾರಿ ಪಳ್ಳೇಲೆ ಮಂತಾರ್‍ಯಾ ಲಗ್ಗಿ
ವೊಗ್ಗಿ ಬೈಸೂನು ದೂಕಿ ಪರ್ಸೂನು ಘೆತ್ತ... ಮಂತಾರಿ

ಕಚಪಚ ಉಲ್ಲೊವ್ಚೆ ತಿಗೆಲೆ ಸಖಿಯಾಲೆ ಮಧೇತು
ಎಕ್ಲಿಪುಣಿ ಪಾಯು ಅಪ್ಪೋಣು ಹಾಥು ಧರುನು
ಉಲ್ಲೈಸಿತಲಿಕೀ ಮ್ಹಳ್ಳೆಲೆ ಆಕಾಂಕ್ಷೆಕ ಭಾಯ್ರಿ ಎತ್ತ
ತಿಜ್ಜೆ ಭ್ಹೊಗ್ಣಾಂಚೆ ಗೋಲಕಾಕ
ತಂಚೆ ಉತ್ರಾಂತು ಕಿತ್ತೇಯಿ ಮೇಳನಾಶಿ ಪರ್‍ತೂನು ಕುಡಾಕ ವತ್ತ . ....ಮಂತಾರಿ

ಧನ್ಪಾರಾಚೆ ಮೌನಾಕ, ಮಂತಾರ್‍ಯಾಕ,
ಏಕ ಪಳ್ಳೇಚೆ ಪದ ಸಂಗುಕ ಮ್ಹಣೂನು ಅಶೆತಾ
ಏಕ್ಕೀ ಉಡ್ಗಾಸು ಏನಶೀ ಆಶಾ ಸೊಡ್ತಾ ,
ರತ್ತೀಕ ಹಳೂ ಭಾರ್ಯಿ ಎವ್ಚೆ ಜರ್ಲ್ಯಾವರಿ ಮಧೇ ಧನ್ಪಾರ
ಕೋಣ್ ನತ್ತೀಲೆ ವೆಳಾರಿ ಟಿ.ವಿ.ಲಯ್ತಾ. ಮೊದಿಲೆ ಉತ್ರಾಂಕ ಆಯ್ಕುನು
ಚಾಂಗು ಮನೀಷು ಪಾಪ್ ಮ್ಹಣುನು ಸಕ್ಕಡಲ್ಯಾವರಿ ಲೆಕ್ತ

ಕಪಟಾಂತುಲೆ ಕಪ್ಪಡಾಂ ಪೈಕಿ ಕಪ್ಪೂಸು ಝೋರ್ನು,
ಮೊವಾಳ್ ಜಲ್ಲೆಲೆ ಕಿರ್ಗಿ ಸೊದ್ದುನು ನ್ಹೆಸ್ತಾ.
ನತ್ರಾಲ್ಯಾಂತು ಕೊಣಾಖೈ ವರ್ಲಾಕ ಹಾಥು ಪುಸೂಚ್ಯಾಕ
ಅಪ್ಪಣ ಜಾಯಿ ಜತ್ತಲಿ ಮ್ಹಣೂನು ಜವಣಾ ಮ್ಯಾಜಾಲಗ್ಗಿ ಸರ್ನು ರಬ್ತಾ
ತಂಚ್ಯಾ ಖೇಳು, ಚರ್ಚಾ, ಅಂತಾಕ್ಷರೀಂತು ತಿಕಾ ಕಾಂಯೀ ಕಾಮ್ ನತ್ಲ್ಯಾರೀಯೀ,
ಸ್ವಾಭಾವಿಕ್ ಜಾವ್ನು ಖುಶಿ ಜತ್ತಾ. ....ಮಂತಾರಿ

ಮಂತಾರ್ಯಾನ ಮರ್ಕುಚೆ ಆವಾಜಾಕ
ಸಕ್ಕಡ ಸೋಣು ವಚ್ಚೂನು ಪಾಯು ದಂಪ್ತ.
ಕುಡಾಂತು ಕೋಯ್ರು ಪುಸ್ಪಾಕ ಎವ್ಚೆ ಚೆಡ್ವಾ ಲಗಿ
ಬಮ್ಣಾನ ಮಾರ್ಚೆ, ಪೋಟ್ ಧುವ್ಚೆ ಕಾಣೀಯೋ ಆಯ್ಕೂನು
ಪೊರ್ನೆ ರೀತಿಚೆ ಜೀವನ್ ಖೈಕೀ ಜೀವಂತ್ ಅಸುಚೆ ಕಳುನು ಸಮಾಧಾನ್ ಪಾವ್ತ
ತಿಜ್ಜೆ ವರ್ಲಾಕ ಧಾರುಪ್ಪಯೊ ಬಂದೂನು, ಪಯ್ಯಾಂಕ ನಮಸ್ಕಾರು ಘೆತ್ತ.

ನ್ಹವೆ ಘರಾಚೆ ನಯ ಪಾಗಾರಾಂಕ ನಿಯಾಳ್ನು ಸಂಸಾರಾಚೊ
ವಾದು, ಸುವಾದು, ಮೋಗು-ಝಗಡೆ ಹಾಸು-ರಣ್ಯೆ, ಲಗ್ನ-ಮೂಂಜಿ ,
ಬಾಳಾಂತೀರೊ- ಭಷ್ಟಪಣ್, ದೊಳೇ ಉದ್ದಾಕ -ರಗತ ಪೀವ್ನು
ಘಟ್ಟಿ ಮಂಡೀಲೆ ಪೊರ್ನೆ ಖರ್ ವಣತೀಚೆ ಉಡ್ಗಾಸು ಕಾಡ್ತ

ಸಂಜೇರಿ ಶಾಲೆ ಥಾವ್ನು ಎವ್ಚೆ ಪುತ್ತಲೆ ಯಾದ್ ಏವ್ನು ಅತ್ತಯೀ
ಚಾರಿ ವಜ್ತಾನ ಧಾವಂತಾರಿ ದಾರ್ ಉಬ್ತೆ ಕರ್ತಾ.
ಸೂಟ್ ಬೂಟಾಚೆ ಪುತ್ತಾನ , ಚಡ್ ಭವ್ನಕ್ಕಾ ತೂವೆ ಪಳ್ಯಾರಿ ಮಕಾ ರಜಾ ಮೆಳನಾ
ಮಳ್ಯೆಲೆ ಉತ್ರಾಕ್ ಬೊಡ್ಕೋ ಹಲ್ಲವ್ನು ಕುಡಾಕ್ ರಿಗ್ತಾ

ಮಂತಾರ್ಯಾಲೆ ಹಂತ್ಲಾ ಕೌಳೋ, ಮುತ್ತಾ ಖೊಟ್ಟೋ, ಕಫಾಚೆ ಗಿಂದಲ್
ಫುಟ್ ಕರ್ತನಾ ’ತಂಕಾ ಹಾಂವ್ಚ್ ಜಾಯ್..ಆನಿ ಕೊಣಿ ಜಾಯಾ ಮ್ಹಣ್‌ಚ್ಯಾಂತು ಪೌಚೆ ಅಸ್ತಿತ್ವ,
ನಾರಾಯಣಾ.... ನಾರಾಯಣಾ ಮ್ಹಣೂನ್ ಉಟಾನು ಗೆಲ್ಲೆಲೆ ತಗೆಲೆ ಮಡೇ ಮಕ್ಷೀಚಿ ಖಳುನು ಘೆತ್ತಾ.
ಕುಂಕುಂ ಧುತ್ತಾ, ಕಪಟಾಂಥುಲೆ ಕಿರ್ಗ್ಯೊ, ಧರೇಮಣಿ, ಕಂಕ್ಣ ವಂಣೂನು ನಿರ್ಲಿಪ್ತ್ ಜತ್ತಾ.
ತಿಜ್ಜಿ ಪಾಳಿ ಕೆದ್ನ ಎತ್ತಕೀ ಮ್ಹಣೂನ್ ಲ್ಯಾಕ್ ಘಲ್ತ.... ರಾಕ್ತಾ....ಮಂತಾರಿ

 ******

-  ಸ್ಮಿತಾ ಶೆಣೈ. [ಮಾಯ್, 2020]

[kovita] Montari (- Smitha Shennoy)

Montari
 

vosoretu kit'teki korunk vochchunu
sun'nele utrani chobbonu gheunu soro soro kuddako vot'ta,
hotlari poll'llele montar‍ya loggi
voggi boisunu duki porsunu ghet'to... Montari

kochopocho ul'louche tigele sokhiale modhetu
eklipunni payu opponnu hathu dhorunu
ul'loisitoliki mholl'llele akankxeko bhairi et'to
tijje bhhognnanche golokako
tonche utrantu kit'teyi mellonaxi por‍tunu kuddako vot'to . ....Montari

dhonparache mounako, montar‍yako,
eko poll'lleche podo songuko mhonnunu oxeta
ekki uddgasu enoxi axa soddta ,
rot'tiko hollu bharyi euche zorleavori modhe dhonparo
konn not'tile vellari tti.Vi.Loita. Modile utranko aikunu
changu monixu pap mhonnunu sokkoddoleavori lekto

kopottantule koppoddam poiki koppusu zhornu,
movall zol'lele kirgi sod'dunu nhesta.
Notraleantu konnakhoi vorlako hathu pusucheako
opponno zayi zot'toli mhonnunu zounna meazaloggi sornu robta
tonchea khellu, chorcha, ontakxorintu tika kamyi kam' notleariyi,
svabhavik zaunu khuxi zot'ta. ....Montari

montareano morkuche avazako
sokkoddo sonnu vochchunu payu dompto.
Kuddantu koiru puspako euche cheddva logi
bomnnano marche, pott dhuvche kanniyo aikunu
porne ritiche jiun khoiki jiunt osuche kollunu somadhan pauto
tijje vorlako dharuppoyo bondunu, poyeanko nomoskaru ghet'to.

Nhove ghorache noi pagaranko niallnu somsaracho
vadu, suvadu, mogu-zhogodde hasu-ronnye, logno-munji ,
ballantiro- bhoxttoponn, dolle ud'dako -rogoto piunu
ghott'tti monddile porne khor vonnotiche uddgasu kaddto

sonjeri xale thaunu euche put'tole yad eunu ot'toyi
chari vojtano dhauntari dar ubte korta.
Sutt buttache put'tano , chodd bhounokka tuve polleari moka roza mellona
mollyele utrak boddko hol'lounu kuddak rigta

montareale hontla koullo, mut'ta khott'tto, kofache gindol
futt kortona ’tonka hamvch zai..Ani konni zaya mhonn‌cheantu pouche ostitvo,
narainna.... Narainna mhonnun uttanu gel'lele togele modde mokxichi khollunu ghet'ta.
Kunkum dhut'ta, kopottanthule kirgeo, dhoremonni, konknno vomnnunu nirlipt zot'ta.
Tijji palli kedno et'toki mhonnun leak gholto.... Rakta....Montari

******

- Smitha Shennoy. [May, 2020]

[कविता] मंतारी (- स्मिता शेण)

एका असतुरेन अपल्या जिवितांत कितले पात्र घेवपाक पडतात, एक धूव जावन, एक भयण जावन, एक बायल जावन, एक इश्टीण जावन, एक आवय जावन, एक आजी जावन, एक पिजी जावन... पूण दरेका वेळार तिणें एका वातिपरीं अपणाक‌च जळवन हेरांक सेवेचो दिवो पेटवंक आसा. उतर प्रायेर पावली तर‌यी ती तिच्या पतीक बायल‌च म्हळ्ळें खरें सत. ह्या अपुर्भायेच्या असतुरेच्या रुपाचेर सोभीत रितीन विणलली कविता ही.

कोंकणी भाशेची सोभाय वेवेगळ्या बोलिंत आसता. ही कविता गी.एस.बी. बोलिंत आसा. बाय स्मिता शेणै हिणें बरयिल्ली जावनासा.

- सं

[कविता] मंतारी (- स्मिता शेण)

मंतारी

वसरेतू कित्तेकी करूंक वोच्चुनू
सुन्नेले उत्रानी चब्बोनू घेवनू सर सर कुडाक वत्ता,
हतलारी पळ्ळेले मंतार‍या लग्गी
वोग्गी बैसूनू दूकी पर्सूनू घेत्त... मंतारी

कचपच उल्लोवचे तिगेले सखियाले मधेतू
एकलिपुणी पायू अप्पोणू हाथू धरुनू
उल्लैसितलिकी म्हळ्ळेले आकांक्षेक भायरी एत्त
तिज्जे भ्होगणांचे गोलकाक
तंचे उत्रांतू कित्तेयी मेळनाशी पर‍तूनू कुडाक वत्त . ....मंतारी

धनपाराचे मौनाक, मंतार‍याक,
एक पळ्ळेचे पद संगूक म्हणूनू अशेता
एक्की उडगासू एनशी आशा सोडता ,
रत्तीक हळू भाऱ्यी एवचे जरल्यावरी मधे धनपार
कोण नत्तीले वेळारी टी.वी.लयता. मोदिले उत्रांक आयकुनू
चांगू मनीषू पाप म्हणुनू सक्कडल्यावरी लेक्त

कपटांतुले कप्पडां पैकी कप्पूसू झोर्नू,
मोवाळ जल्लेले किर्गी सोद्दुनू न्हेसता.
नत्राल्यांतू कोणाखै वरलाक हाथू पुसूच्याक
अप्पण जायी जत्तली म्हणूनू जवणा म्याजालग्गी सर्नू रबता
तंच्या खेळू, चर्चा, अंताक्षरींतू तिका कांयी काम नतल्यारीयी,
स्वाभावीक जावनू खुशी जत्ता. ....मंतारी

मंताऱ्यान मर्कुचे आवाजाक
सक्कड सोणू वच्चूनू पायू दंप्त.
कुडांतू कोयरू पुस्पाक एवचे चेडवा लगी
बमणान मार्चे, पोट धुवचे काणीयो आयकूनू
पोर्ने रीतिचे जीवन खैकी जीवंत असुचे कळुनू समाधान पावत
तिज्जे वरलाक धारुप्पयो बंदूनू, पय्यांक नमसकारू घेत्त.

न्हवे घराचे नय पागारांक नियाळनू संसाराचो
वादू, सुवादू, मोगू-झगडे हासू-रण्ये, लग्न-मूंजी ,
बाळांतीरो- भषटपण, दोळे उद्दाक -रगत पीवनू
घट्टी मंडीले पोर्ने खर वणतीचे उडगासू काडत

संजेरी शाले थावनू एवचे पुत्तले याद एवनू अत्तयी
चारी वजतान धावंतारी दार उबते कर्ता.
सूट बूटाचे पुत्तान , चड भवनक्का तूवे पळ्यारी मका रजा मेळना
मळ्येले उत्राक बोडको हल्लवनू कुडाक रिग्ता

मंताऱ्याले हंतला कौळो, मुत्ता खोट्टो, कफाचे गिंदल
फूट कर्तना ’तंका हांवच जाय..आनी कोणी जाया म्हण‌च्यांतू पौचे असतित्व,
नारायणा.... नारायणा म्हणून उटानू गेल्लेले तगेले मडे मक्षीची खळुनू घेत्ता.
कुंकूं धुत्ता, कपटांथुले किर्ग्यो, धरेमणी, कंकण वंणूनू निरलिप्त जत्ता.
तिज्जी पाळी केदन एत्तकी म्हणून ल्याक घल्त.... राक्ता....मंतारी

******

-  स्मिता शेणै. [माय, २०२०]

ದಾಯ್ಜ್.ಕೊಮ್