ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಅಶೆಂಯ್ ಘಡ್ಲೆಂ (- ನವೀನ್ ಸೆರಾವೊ)

ಮನಿಸ್ ಕಿತ್ಲೊಯ್ ಶಿಕುಂದಿ, ಕಿತ್ಲೊಯ್ ಮುಕಾರ್ ಪಾವುಂದಿ ಪುಣ್ ಜೆದನಾಂ ಸಂಸಾರಾಂತ್ ಆಕಾಂತ್ ಯೆತಾ ಆನಿ ತ್ಯಾ ಆಕಾಂತಾಕ್ ಮನಶಾಲಾಗಿಂ ಕಸಲೆಂಚ್ ಹಾತೆರ್ ಉಪೇಗಾಕ್ ಪಡಾನಾ ತೆದನಾಂ ಮನಶಾಸವೆಂ ಆಸ್ಚೆಂ ಏಕ್ ಮಾತ್ ಹಾತೆರ್ ಆನಿ ತೆಂ ಜಾವನಾಸಾ ಭರವಸೊ. ಹ್ಯಾ ಸೊಭಿತ್ ಕವಿತೆಂತ್ ಸಯ್ತ್ ತೆಂಚ್ ಪಳೆಂವ್ಕ್ ಮೆಳತಾ.

- ಸಂ

[ಕವಿತಾ] ಅಶೆಂಯ್ ಘಡ್ಲೆಂ (- ನವೀನ್ ಸೆರಾವೊ)

ಅಶೆಂಯ್ ಘಡ್ಲೆಂ ಮೊರಾಚೆಂ ಪಾಕ್ ಬುಕಾಚ್ಯಾ ಪಾನಾ ಮಧೆಂ ಪಿಲಾಂ ಕಾಡುಂಕ್ ರಾಕ್‌ಲ್ಲೆಂ ನೆಣ್ತೆಂಪಣ್ ಪಯ್ಶಿಲ್ಯಾ ಗಾಂವಾಂತ್ ಚ್ಯಾರ್ ವೊಣ್ತಿ ಮಧೆಂ ಘಡ್‌ಲ್ಲ್ಯಾ ಆಳ್ಮ್ಯಾಪರಿಂ ನಾಸ್ ಜಾಲ್ಲೆಂ ಸಪಣ್ ಸುಕ್ ಸಂತೊಸ್ ಹಾತ್‌ಭರ್ ಸಾಂಬಾಳ್ ನಿದ್ಲೆಲ್ಯಾ ರೆಂವೆರ್ ಸಪ್ಣಾಚೆಂ ರಾವ್ಳೆರ್ ಪಾವ್ಸಾಚ್ಯಾ ಉದ್ಕಾಕ್ ಕಿರ್ಲಾಲ್ಲೆಂ ತ್ಯೆಕುಳ್ ಜಿಣ್ಯೆಚ್ಯಾ ಸ್ಪರ್ಧ್ಯಾಂತ್ ಮಸ್ತುಂಕ್ ಹಜಾರ್ ಪೊಟ್ಲುನ್ ಧರ್ನ್ ಅಪ್ಣಾಚಿ ಸಾವ್ಳಿ ಚಿಂತುಂಕ್ ಪಡ್ಲೊ ಸಂಸಾರ್ ಮ್ಹಜೆ ಸಾಮ್ಕಾರ್ ನಶಿಬಾ ವಾದಾಳಾಕ್ ಪರ್ತಲ್ಲಿ ಕೊವ್ಳಿ ಸಾಂಗಾತಾ ಉರ್ಲೆಂ ಮ್ಹಜೆಂಚ್ ಬಿಡಾರ್ ಆಮಾಸೆಚ್ಯಾ ರಾತಿಂ ಪುನ್ವೆಚೆಂ ಆಗಮನ್ ನಿರಾಶೆಚ್ಯಾ ಅಂಧ್ಕಾರಾಂತ್ ಭರ್ವಶ್ಯಾಚೊ ಫುಡಾರ್ ಪರ್ತುನ್ ಉಟ್ತಲೊಂ ಮ್ಹಳ್ಳ್ಯಾ ಅಪೇಕ್ಶೆನ್ ಮಾಗ್ತಾಂ ದೆವಾಲಾಗಿಂ ಸಂಕಶ್ಟಾಂಕ್ ಪರಿಹಾರ್ **** - ನವೀನ್ ಸೆರಾವೊ.** [ಮಾಯ್, 2020]

	ನವೀನ್ ಸೆರಾವೊ ಬಳ್ಕುಂಜೆ: ಬಳ್ಕುಂಜೆ ಗಾಂವ್ಚೊ ನವೀನ್ ಸೆರಾವೊ ಸದ್ದ್ಯಾಕ್ ಒಮಾನಾಂತ್ ಕಾಮ್ ಕರುನ್ ಆಸಾ. ಕೊಂಕಣಿ ಸಾಹಿತಿಕ್ ಅಭಿರುಚ್ ಆಸ್ಚೊ ಹೊ ಏಕ್ ಬರೊ ವಾಚ್ಪಿ ತಶೆಂಚ್ ಅಪ್ರೂಪಾಯೆನ್ ಬರಂವ್ಚಿ ಶ್ಯಾಥಿ ಆಸ್ಚೊ.
[kovita] Oxem-i ghoddlem* (- Naveen Serrao)*
Monis kitloi xikundi, kitloi mukar pavundi punn jedonam somsarant akant yeta ani tea akantak monoxalagim kosolench hater upegak poddana tedonam monoxasovem aschem ek mat hater ani tem zaunasa bhorouso. Hea sobhit kovitent soit tench polleunko mellota. - Som
[kovita] Oxem-i ghoddlem* (- Naveen Serrao)*
Oxem-i ghoddlem morachem pak bukachea pana modhem pilam kaddunk rak‌l'lem nenntemponn poixilea gamvant chear vonnti modhem ghodd‌l'lea allmyaporim nas zal'lem soponn suk sontos hat‌bhor samball nidlelea remver sopnnachem rauller pausachea udkak kirlal'lem tyekull jinnyechea spordheant mostunk hozar pottlun dhorn opnnachi saulli chintunk poddlo somsar mhoje samkar noxiba vadallak portol'li koulli sangata urlem mhojench biddar amasechea ratim punvechem agomon niraxechea ondhkarant bhorvoxeacho fuddar portun utt'tolom mholl'llea opekxen magtam devalagim sonkoxttank porihar **** - Naveen Serrao.** [May, 2020]

	*Naveen Serrao Balkunje*: Balkunje gamvcho Naveen Serrao sod'deak Omanant kam' korun asa. Konkonni sahitik obhiruch ascho ho ek boro vachpi toxench oprupayen boromvchi xeathi ascho.
[कविता] अशेंय घडलें (- नवीन सेरावो)
मनीस कितलोय शिकुंदी, कितलोय मुकार पावुंदी पूण जेदनां संसारांत आकांत येता आनी त्या आकांताक मनशालागीं कसलेंच हातेर उपेगाक पडाना तेदनां मनशासवें आसचें एक मात हातेर आनी तें जावनासा भरवसो. ह्या सोभीत कवितेंत सयत तेंच पळेवंक मेळता. - सं
[कविता] अशेंय घडलें (- नवीन सेरावो)
अशेंय घडलें मोराचें पाक बुकाच्या पाना मधें पिलां काडुंक राक‌ल्लें नेणतेंपण पयशिल्या गांवांत च्यार वोणती मधें घड‌ल्ल्या आळम्या नास जाल्लें सपण सूक संतोस हात‌भर सांबाळ निदलेल्या रेंवेर सपणाचें रावळेर पावसाच्या उदकाक किरलाल्लें त्येकूळ जिण्येच्या स्पर्ध्यांत मसतुंक हजार पोटलून धर्न अपणाची सावळी चिंतुंक पडलो संसार म्हजे सामकार नशिबा वादाळाक पर्तल्ली कोवळी सांगाता उरलें म्हजेंच बिडार आमासेच्या रातीं पुन्वेचें आगमन निराशेच्या अंधकारांत भर्वश्याचो फुडार पर्तून उटतलों म्हळ्ळ्या अपेक्षेन माग्तां देवालागीं संकश्टांक परिहार **** - नवीन सेरावो.** [माय, २०२०]

	नवीन सेरावो बळकुंजे: बळकुंजे गांवचो नवीन सेरावो सद्द्याक ओमानांत काम करून आसा. कोंकणी साहितीक अभिरूच आसचो हो एक बरो वाचपी तशेंच अपरूपायेन बरंवची श्याथी आसचो.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.