ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಕಿತೆಂಗೀ ಚುಕಲಾಂ (- ಲಾರೆನ್ಸ್ ವಿ. ಬಾರ್ಬೋಜ್)

ಆಮ್ಚೆಲಾಗಿಂ ಸಗಳೆಂ ಆಸುನ್‌ಯೀ ಆಜ್ ಅಮಿ ಪುರ್ತಿಂ ರಿತಿಂ. ನ್ಹೆಸುಂಕ್ ದರಬಸ್ತ್ ಆಸಾ ಪುಣ್ ಆಜ್ ಆಮಿ ನಾಗ್ಡಿಂ. ಆಮ್ಚೆಲಾಗಿಂ ಶಿಕಪ್ ಜಾಯ್ತೆಂ ಆಸಾ ಪುಣ್ ಆಮ್ಚಿಂ ಬೊಡಾಂ ರಿತಿಂ, ನಾತಿಂ ಜಾಯ್ತಿಂ ಆಸಾತ್ ಪುಣ್ ಅಮ್ಚಿ ಕಾಳ್ಜಾಂ ರಿತಿಂ. ಹ್ಯಾ ಚಿಂತಪಾಚ್ಯಾ ಬುನ್ಯಾದಿಚೆರ್ ಹಿ ಕವಿತಾ ವಿಣ್ಲ್ಯಾ. ದೆಕುನ್ ದಿವೆ ಪೆಟಂವ್ಚೆ ಜಾಂವ್, ಭುಫೆ ಮಾಂಡ್ಚೆ ಜಾಂವ್ ಸರ್ವ್ ಏಕ್ ಮನ್ಶಾಪಣಾಚೆರ್ ಖುಳ್ಕುಳಾಂ ಕರ್ಚೊ ಡೋಂಗ್ ಜಾಲಾ, ಪುಣ್ ಹಕೀಗತೆಂತ್ ಮನಿಸ್ ಲಾಚಾರ್ ಆನಿ ಕಂಗಾಲ್ ಜಾವ್ನ್ ನೆಣಾಸ್ಚೊ ಶೆವೊಟ್ ಸೊಧುನ್ ಪಾಂಯ್ ವಾಟೆರ್ ಮಯ್ಲಾಂಗಟ್ಲೆ ಚಲುನ್ ಆಸಾ.

- ಸಂ

[ಕವಿತಾ] ಕಿತೆಂಗೀ ಚುಕಲಾಂ (- ಲಾರೆನ್ಸ್ ವಿ. ಬಾರ್ಬೋಜ್)

ಕಿತೆಂಗೀ ಚುಕಲಾಂ ಪುನ್ವೆಚ್ಯಾ ಚಂದ್ರಾಕ್ ಲಜೆಕ್ ಘಾಲ್ಚೆ ದಿವೆ ಉದೆಂತಿಚ್ಯಾ ಸುರಯಾಕ್ ಲಿಪಂವ್ಚಿ ವೆದಿ ಗರ್ಚೆಚೊ.. ಥೊಡ್ಯಾ ಪಾವ್ಟಿ ಮರ್ಚೆಚೊ ಸಂಭ್ರಮ್ ಕಿತೆಂಗೀ... ಚುಕಲ್ಲೆಪರಿಂ ಭಗತಾ ಅಕರ್ಶಿತ್ ಸಜಾಯಿಲ್ಲಿ ಬುಫೆ ಮಟನ್, ಚಿಕನ್ ಅನಿ ಪೊರ್ಕ್ ಚಿಲ್ಲಿ ಭುಕೆನ್... ಥೊಡೆ ಪಾವ್ಟಿಂ ಅಶೆನ್ ವಿಭಾಡ್ಲೆಲ್ಲೆ ಖಾಣ್ ಕಿತೆಂಗೀ... ಚುಕಲ್ಲೆಪರಿಂ ಭಗತಾ ಅವಾಜ್ ಕರ್ನ್ ಧುಂವರ್ ವೊಂಕುನ್ ದಾಂವ್ಚಿಂ ವಾಹನಾ ಮನ್ಶಾಕ್ ಚೆಪುಂನ್ ಭರ್ನ್ ಪಯ್ಣ್ ಕರ್ಚಿ ರೈಲಾಂ ಅಪ್ಲ್ಯಾ ಘರಾಕ್... ಲೋಕ್ ಚಲ್ತಾ ಶೆಂಬೊರಾನಿ ಮಯಲಾಂ, ಕಿತೆಂಗೀ... ಚುಕಲ್ಲೆಪರಿಂ ಭಗತಾ ಆಸ್‌ಲ್ಲ್ಯಾಂಕಡೆ ಘೆಂವ್ನ್, ನಾತ್‌ಲ್ಲ್ಯಾಂ ಕಡೆ ವಿಚಾರ್ನ್ ಉಭಾರ್‌ಲ್ಲ್ಯಾ ಸುಂದರ್ ದೇವ್ ತೆಂಪ್ಲಾಕ್ ಟಿ.ವಿ., ಲ್ಯಾಪ್-ಟೊಪಾ ಮುಖಾರ್ ತಕ್ಲಿ ಬಾಗಾಯ್ತಾನಾ ಕಿತೆಂಗೀ... ಚುಕಲ್ಲೆಪರಿಂ ಭಗತಾ ಮೆನಿಕ್ಯೂರ್, ಪೆಡಿಕ್ಯೂರ್, ಕೇಸಾಕ್ ಜೆಲ್ ಕುಡಿಕ್ ಮೊಲಾಧಿಕ್ ಸುಗಂದ್ ಧವ್ಯಾ ವಸ್ತುರಾಂನಿ ಗುಟ್ಲಾವ್ನ್ ಮಾತಿಯೆಂತ್ ದವರ್ತಾನಾ ಕಿತೆಂಗೀ... ಚುಕಲ್ಲೆಪರಿಂ ಭಗತಾ ವೇಳ್ ತಾಚೊ ವೇಳ್ ಘೆಂವ್ನ್ ಉಲಾಯ್ತಾನಾ ಸಂಸಾರ್ ಕಂಗಾಲ್ ಜಾಲಾ ಮನಶಾ ಮೊಲಾಂಚೆಂ ಮೋಲ್ ದೆಂವತಾನಾ ಕಿತೆಂಗೀ... ಚುಕಲ್ಲೆಪರಿಂ ಭಗತಾ **** - ಲಾರೆನ್ಸ್ ವಿ. ಬಾರ್ಬೋಜ್, ಮ್ಯಾಂಚೆಸ್ಟರ್, ಯು.ಕೆ**. [ಮಾಯ್, 2020]

	ಲಾರೆನ್ಸ್ ವಿನೋದ್ ಬಾರ್ಬೋಜ್: ಶಿರ್ವಾಂ ಗಾಂವಾಂತ್ ಜಲ್ಮುನ್ ಇಜ್ನೆರಾಚೆಂ ಶಿಕಪ್ ಜೊಡುನ್ ಸದ್ದ್ಯಾಕ್ ಮಾಂಚೇಸ್ಟರ್ ಯು.ಕೆ.ಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರ್ಚೊ ಹೊ ಬರೊ ವಾಚ್ಪಿ ತಶೆಂಚ್ ಸಾಹಿತಿಕ್ ಅಭಿಮಾನಿ ಜಾವ್ನಾಸಾ. ಕವಿತಾ, ಲೇಖನಾಂ ತಶೆಂಚ್ ಸಮೀಕ್ಶಾ ಬರವ್ನ್ ಆಸ್ಚಾ ಹಾಣೆಂ ಡಿಜಿಟಲ್ ಕೊಂಕಣಿಂತ್ ಸಯ್ತ್ ವಾವ್ರ್ ಕರುನ್ ಆಸಾ.
[kovita] Kitengi Chukolam (- Lawrence V Barboza)
Amchelagim sogollem asun‌yi az omi purtim ritim. Nhesunk dorobost asa punn az ami nagddim. Amchelagim xikop zaitem asa punn amchim boddam ritim, natim zaitim asat punn omchi kallzam ritim. Hea chintopachea buneadicher hi kovita vinnlea. Dekun dive pettomvche zamv, bhufe manddche zamv sorv ek monxaponnacher khullkullam korcho ddong zala, punn hokigotent monis lachar ani kongal zaun nennascho xevott sodhun pam-i vatter moilangottle cholun asa. - Som
[kovita] Kitengi Chukolam (- Lawrence V Barboza)
Kitengi chukolam punvechea chondrak lojek ghalche dive udentichea suroyak lipomvchi vedi gorchecho.. Thoddea pautti morchecho sombhrom' kitengi... Chukol'leporim bhogota okorxit sozayil'li bufe motton, chikon oni pork chil'li bhuken... Thodde pauttim oxen vibhaddlel'le khann kitengi... Chukol'leporim bhogota ovaz korn dhumvor vonkun damvchim vahona monxak chepumn bhorn poinn korchi roilam oplea ghorak... Lok cholta xemborani moilam, kitengi... Chukol'leporim bhogota as‌l'leankodde ghemvn, nat‌l'leam kodde vicharn ubhar‌l'lea sundor devo templak tti.Vi., leap-ttopa mukhar tokli bagaitana kitengi... Chukol'leporim bhogota menikyur, peddikyur, kesak jel kuddik moladhik sugond dhovea vosturamni guttlaun matient dourtana kitengi... Chukol'leporim bhogota vell tacho vell ghemvn ulaitana somsar kongal zala monoxa molanchem mol demvotana kitengi... Chukol'leporim bhogota **** - Lawrence V Barboza, Manchester, UK.** [May, 2020]

	Lawrence V Barboza, Manchester, UK: Mongllur mullacho Lawrence Vinod Barboza sod'deak U.K.ntlea Manchesterant vosti korun ascho ek boro vachpi zaunasa. Konkonnint lekonam boroileant toxench konkonni kareamni kriall riticho vaur korun ascho. Kothadaizant hannem ek kanniechem sadar‌ponn kelam.
[कविता] कितेंगी चुकलां (- लारेन्स वी. बारबोज)
आमचेलागीं सगळें आसून‌यी आज अमी पुर्तीं रितीं. न्हेसुंक दरबसत आसा पूण आज आमी नागडीं. आमचेलागीं शिकप जायतें आसा पूण आमचीं बोडां रितीं, नातीं जायतीं आसात पूण अमची काळजां रितीं. ह्या चिंतपाच्या बुन्यादिचेर ही कविता विणल्या. देकून दिवे पेटंवचे जांव, भुफे मांडचे जांव सर्व एक मनशापणाचेर खुळकुळां कर्चो डोंग जाला, पूण हकीगतेंत मनीस लाचार आनी कंगाल जावन नेणासचो शेवोट सोधून पांय वाटेर मयलांगटले चलून आसा. - सं
[कविता] कितेंगी चुकलां (- लारेन्स वी. बारबोज)
कितेंगी चुकलां पुन्वेच्या चंद्राक लजेक घाल्चे दिवे उदेंतिच्या सुरयाक लिपंवची वेदी गर्चेचो.. थोड्या पावटी मर्चेचो संभ्रम कितेंगी... चुकल्लेपरीं भगता अकर्शीत सजायिल्ली बुफे मटन, चिकन अनी पोर्क चिल्ली भुकेन... थोडे पावटीं अशेन विभाडलेल्ले खाण कितेंगी... चुकल्लेपरीं भगता अवाज कर्न धुंवर वोंकून दांवचीं वाहना मनशाक चेपुंन भर्न पयण कर्ची रैलां अपल्या घराक... लोक चल्ता शेंबोरानी मयलां, कितेंगी... चुकल्लेपरीं भगता आस‌ल्ल्यांकडे घेंवन, नात‌ल्ल्यां कडे विचार्न उभार‌ल्ल्या सुंदर देव तेंपलाक टी.वी., ल्याप-टोपा मुखार तकली बागायताना कितेंगी... चुकल्लेपरीं भगता मेनिक्यूर, पेडिक्यूर, केसाक जेल कुडीक मोलाधीक सुगंद धव्या वसतुरांनी गुटलावन मातियेंत दवर्ताना कितेंगी... चुकल्लेपरीं भगता वेळ ताचो वेळ घेंवन उलायताना संसार कंगाल जाला मनशा मोलांचें मोल देंवताना कितेंगी... चुकल्लेपरीं भगता **** - लारेन्स वी. बारबोज, म्यांचेसटर, यू.के.** [माय, २०२०]

	लारेन्स वी. बारबोज, म्यांचेसटर, यू.के.: मंगळूर मुळाचो लारेन्स विनोद बारबोज सद्द्याक यू.के.ंतल्या म्यांचेसटरांत वसती करून आसचो एक बरो वाचपी जावनासा. कोंकणिंत लेकनां बरयल्यांत तशेंच कोंकणी काऱ्यांनी क्रियाळ रितिचो वावर करून आसचो. कथादायजांत हाणें एक काणियेचें सादार‌पण केलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.