[ಕವಿತಾ] ಎಕ್ ತಳೆಂ (- ವಿನ್ಸಿ ಕ್ವಾಡ್ರೊಸ್)

ಎಕ್ ತಳೆಂ

ತಳೆಂ ಎಕ್ ಆಸ್ಲೆಂ ಥಂಯ್ ಗರಿಬ್ ವಸ್ತಿಯೆಂತ್
ಚಲ್ತಾಲೆಂ ಧುವಪ್ ನ್ಹಾವಪ್ ಗರವಪ್
ಜಾತಾಲಿ ಗೊರ್ವಾಂ ಆನಿ ಪಾಜಿಪಾಲ್ಯಾಚಿ ಶಿಂಪ್ಣಿ
ಸಮಾಜ್ ಪುರ್ವಣೆಕ್ ಪರಂಪರಿಕ್ ಶೆತಿ ಕರಪ್

ಎಕ್ ದಿಸ್ ಎಕ್ ವ್ಹಡ್ಲೊ ಟ್ರಕ್ ಆಯ್ಲೊ ವಾಟ್ ಕಾಡಿತ್
ಗೆಲೊ ಖುಯಂಚೆಂ ತರಿ ಆಡ್ವಾರ್ಲಲೆಂ ಅಟವ್ನ್
ಪ್ರದುಶಣ್ ಆನಿ ಘಾತಕ್ ಜಾಲೆಂ ವಾತಾವರಣ್
ವಸ್ತಿಯೆಂತ್ಲ್ಯಾ ಕೊಣಾಕ್ ಯೆವಂಚೆ ಆದಿಂ ಕಳನ್

ಅವ್ಗ್ಯಾ ದನ್ ದಿಸಾಂನಿ ಮೆಲೆಂ ಬಾರಿಕ್ ನುಸ್ತೆಂ
ವಸ್ತಿಯೆಂತ್ಲ್ಯಾ ಲೊಕಾಚ್ಯಾ ಪಟಾಕ್ ಚಿಂಟೊ ಆಯ್ಲೊ
ತೆದ್ನಾಂಚ್ ಆನಿಕ್ ಎಕ್ ಟ್ರಕ್ ಪಾವ್ಲೊ ಜಿಪಿ ಸಯ್ತ್
ಫಿಂತಾಚೊ ವ್ಹಡಿಲ್ ಸ್ವತಾ ರಕವ್ನ್ ಗೆಲೊ

ವಸ್ತಿಯೆಂತ್ಲಾ ಲೊಕಾಂನಿ ಕಳಯ್ಲೆಂ ಪಂಚಾಯತಿಕ್
ನಾಂ ಪಳೆವ್ಣಿ ನಾಂ ವಿಚಾರ್ಣಿ ಸಗ್ಳೆಂ ಸುಸ್ತ್
ತಿಸ್ರ್ಯಾ ಟ್ರಕಾನ್ ಸಬಂದ್ ನುಸ್ತ್ಯಾಕ್ ಮಾರ್ಲೆಂ
ಪಯ್ಶೆಕಾರಾಂಚೆಂ ಪಾಡ್-ಮನ್ ಜಿಖ್ಲೆಂ ಜುಸ್ತ್

ಉದಕ್ ವಾಪರ್ತಲ್ಯಾಂಚೆ ಹಾತ್ ಲಾಗ್ಲೆ ಇಬಾಡಂಕ್
ಪಿಂಜ್ಲೆ ಕಪ್ಡೆ ಆನಿ ಸವ್ಣಿಂಯ್ ಕಾಂಯ್ ಮೆಲಿಂ
ವಾಡ್ಯಾ ವೆಲಿಂ ಜನಾವರಾಂ ಪಡ್ಲಿಂ ಭಕಿಕ್
ವೆಳಾರ್ ತಾಂಕಾಂ ನಿತಳ್ ಉದ್ಕಾನ್ ಸಾಲ್ವಾರ್ ಕೆಲಿಂ

ಆತಾಂ ತಳ್ಯಾ ಕಡೆಂ ಕೊಣುಚ್ ವಚನಾಂ
ಗಯ್ರ್ ಕಾಮ್ ಕರ್ತಲ್ಯಾಂಚೆಂ ಆಯ್ತೆಂಚ್ ಶಿಜ್ಲೆಂ
ತಳೆಂ ಅರ್ದ್ ಪುರವ್ನ್ ಕೆಲೆ ಹಾಲ್ ಸಾಂನ್ಯಾಂಚೆ
ಗಾಂವ್ಚ್ಯಾ ಬಾಂಯ್ಯ್ಯಾಂನಿ ವಸ್ತಿಜಿವನ್ ರಾಖ್ಲೆಂ

‘ದೆವ್ ನ್ಹಿದ್ಲಾ ಕಾಯ್?' ಭುಕೆಲ್ಲ್ಯಾ ಪೊಟಾಚೊ ವಿಲಾಪ್
ನ್ಹಿದ್ಲಲ್ಯಾಕ್ ಆಯ್ಲಿ ಜಾಗ್ ಘಾನ್ಟ್ ವಾಜ್ಲಿ ಆಮೊರಿಯೆಚಿ
ತ್ಯಾಚ್ ವೆಳಾರ್ ಮಾಹಾಮಾರಿ Covid-19-ಆಕ್ ಲಾಗುನ್
ಆಂಬಲ್ಬಜಾವ್ಣಿ ‘Lockdown ಘಶ್ಣೆಚಿ

ತಳ್ಯಾಚಿ ಖಬರ್ ಪಾವ್ಲಿ ಮಂತ್ರಿಯಾ ಮೆರೆನ್
ನಿತಳ್ ಕೆಲೆಂ ಬೆಕಾರ್ ಸರ್ಕಾರಿ ಕಾಂದಾರಾಂನಿ
ಝರಿ ಫುಟ್ಲಿಯೊ ಉದ್ಕಾಕ್ ಕೆಲಿ ವಾಟ್ ವ್ಹಾಂವುಂಕ್
ಜಾಗ್ರುತ್ ದೆವಾನ್ ಕೆಲಿ ಗರಿಬ್ ವಸ್ತಿಚಿ ಬಾಂದ್ಣಿ

ಪರತ್ ಎಕ್ ಪಾವ್ಟ್ ಫುಲ್ಲಿಂ ಸಾಳ್ಕಾಂ ವಸ್ತಿಯೆಂತ್
ನ್ಹಾವಂಕ್ ಗರವಂಕ್ ಕಪ್ಡೆ ಧುುಂಕ್ ಆಪಯ್ತಾ
ಫುಟುಂ ಕೆದಯ್ ವ್ಹಡ್ ದುಖಾಚೊ ಬಂಬ್
ಎಕಾ ತಳ್ಯಾಚಿ ದಯ್ವತುಚ್ ರಾಖಣ್ ಕರ್ತಾ

 ******

- ವಿನ್ಸಿ ಕ್ವಾಡ್ರೊಸ್. [ಎಪ್ರಿಲ್, 2020]

[kovita] Ek Tollem (- Vincy Quadros)

Ek Tollem

Tollem ek aslem thoim gorib vostient
Choltalem dhuvop nhavop gorovop
Zatali gorvam ani pajipaleachi ximpnni
Somaz purvonnek poromporik xeti korop

Ek dis ek vhoddlo ttrok ailo vatt kaddit
Gelo khuinchem tori addvarlolem otoun
Produxonn ani ghatok zalem vatavoronn
Vostientlea konnak yeunche adim kollon

Ougea don disamni melem barik nustem
Vostientlea lokachea pottak chimtto ailo
Tednanch anik ek ttrok pavlo jipi soit
Fintacho vhoddil svota rokoun gelo

Vostientla lokamni kolloilem ponchayotik
Nam pollevnni nam vicharnni sogllem sust
Tisrea ttrokan sobond nusteak marlem
Poixekaranchem padd-mon jikhlem just

Udok vaportoleanche hat lagle ibaddonk
Pinzle kopdde ani sounnim-i kaim melim
Vaddea velim zonavoram poddlim bhokik
Vellar tankam nitoll udkan salvar kelim

Atam tollea koddem konnuch vochonam
Goir kam’ kortoleanchem aitench xizlem
Tollem ord puroun kele hal samnyanche
Ganvchea baim-iamni vosti-jivon rakhlem

‘Dev nhidla kai?’ bhukel’lea pottacho vilap
Nhidloleak aili zag ghantt vazli amoriechi
Teach vellar mahamari Kovid-19-ak lagun
Ambolbojavnni ‘Lockdown’ ghoxnnechi

Tolleachi khobor pavli montria meren
Nitoll kelem bekar sorkari kamdaramni
Zhori futtlio udkak keli vatt vhanvunk
Zagrut Devan keli gorib vostichi bandnni

Porot ek pautt ful’lim sallkam vostient
Nhaunk gorounk kopdde dhuunk apoita
Futtum kedoi vhodd dukhacho bomb
Eka tolleachi doivotuch rakhonn korta

******

- Vincy Quadros. [Apr, 2020]

[कविता] एक तळें (- विन्सी क्वाड्रोस)

एक तळें जें दुबळिकायेचें पूण सता-नितिचें, मोगा-मयपासाचें. पूण काळ बदल्लेपरीं प्रक्रतिचे विरोद गेल्ल्याक लागून भोवशा आज सक्कड विभाड जालां. मनीस जशें जान्वार लेगून कंगाल जाला आनी परत त्या तळ्याक पाटीं वचुंक आशेवंक लागला.

- सं

[कविता] एक तळें (- विन्सी क्वाड्रोस)

एक तळें

तळें एक आसलें थंय गरीब वसतियेंत
चल्तालें धुवप न्हावप गरवप
जाताली गर्वां आनी पाजिपाल्याची शिंपणी
समाज पुर्वणेक परंपरीक शेती करप

एक दीस एक व्हडलो ट्रक आयलो वाट काडीत
गेलो खुयंचें तरी आडवारललें अतवन
प्रदुशण आनी घातक जालें वातावरण
वसतियेंतल्या कणाक येवंचे आदीं कळन

अवग्या दन दिसांनी मेलें बारीक नुसतें
वसतियेंतल्या लकाच्या पटाक चिंटो आयलो
तेदनांच आनीक एक ट्रक पावलो जिपी सयत
फिंताचो व्हडील स्वता रकवन गेलो

वसतियेंतला लकांनी कळयलें पंचायतीक
नां पळेवणी नां विचार्णी सगळें सुसत
तीसऱ्या ट्रकान सबंद नुसत्याक मारलें
पयशेकारांचें पाड-मन जिखलें जुसत

उदक वापर्तल्यांचे हात लागले इबाडंक
पिंजले कपडे आनी सवणिंय कांय मेलीं
वाड्या वेलीं जनावरां पडलीं भकीक
वेळार तांकां नितळ उदकान सालवार केलीं

आतां तळ्या कडें कणूच वचनां
गयर काम कर्तल्यांचें आयतेंच शिजलें
तळें अर्द पुरवन केले हाल सांन्यांचे
गांवच्या बांय्य्यांनी वसतिजिवन राखलें

‘देव न्हिदला काय?' भुकेल्ल्या पटाचो विलाप
न्हिदलल्याक आयली जाग घानट वाजली आमरियेची
त्याच वेळार माहामारी कवीद-१९-आक लागून
आंबलबजावणी ‘लचक्दवन घश्णेची

तळ्याची खबर पावली मंत्रिया मेरेन
नितळ केलें बेकार सर्कारी कांदारांनी
झरी फुटलियो उदकाक केली वाट व्हांवुंक
जाग्रूत देवान केली गरीब वसतिची बांदणी

परत एक पावट फुल्लीं साळकां वसतियेंत
न्हावंक गरवंक कपडे धुुंक आपयता
फुटूं केदय व्हड दुखाचो बंब
एका तळ्याची दयवतूच राखण कर्ता

******

- विन्सी क्वाड्रोस. [एपरील, २०२०]

ದಾಯ್ಜ್.ಕೊಮ್