ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ಪತ್ರೆ ವ್ಹೊರ್ತಾ ... ಕಾಗೊದ್ ವ್ಹೊರ್ತಾ .... ಲೊಖೊಂಣ್(- ಸಂಗೀತಾ ನಾಯ್ಕ್)

ಹಿ ಸೊಂಪಿ ಕವಿತಾ ಮ್ಹಣುನ್ ಲೆಕ್ಲಿ ತರ್, ಹ್ಯಾ ಕವಿತೆಚ್ಯಾ ಎಕೆಕಾ ವಳಿಂನಿ ಆಸ್ಚಿ ಕಾಣಿ ಆಮ್ಕಾಂ ಚುಕತ್. ತ್ಯಾ ಎಕೆಕಾ ಕಾಣಿಯಾಂನಿ ಹಕೀಗತ್ ಆನಿ ವಯ್ಚಾರಿಕತಾಚ್ ಅಖೇರಿಕ್ ಕವಿತೆಚ್ಯಾ ಸೊಭಾಯೆಚಿ ಗವಾಯ್ ದಿತಾ. ದರೇಕಾ ದಿಸಾ ಮನಶಾಚೊ ಸಂಘರ್ಶ್ ಚಡುನ್ ವೆತಾ, ಪುಣ್ ಎಕಾ ಅಸ್ತುರೆಚೊ?

ಬಾಯ್ ಸಂಗೀತಾ ನಾಯ್ಕಾಚಿ ಅನ್ಯೇಕ್ ಅಪುರ್ಭಾಯೆಚಿ ಕವಿತಾ. ಹ್ಯಾ ಕವಿತೆಚ್ಯಾ ಗುಂಡಾಯೆಕ್ ವೆಚೆಂ ಕಾಮ್ ಆತಾಂ ತುಜೆರ್ ಸೊಡ್ತಾಂ.

- ಸಂ

[ಕವಿತಾ] ಪತ್ರೆ ವ್ಹೊರ್ತಾ ... ಕಾಗೊದ್ ವ್ಹೊರ್ತಾ .... ಲೊಖೊಂಣ್(- ಸಂಗೀತಾ ನಾಯ್ಕ್)

ಪತ್ರೆ ವ್ಹೊರ್ತಾ ... ಕಾಗೊದ್ ವ್ಹೊರ್ತಾ .... ಲೊಖೊಂಣ್ ಚೆಡೊ ಈತಿ ಭುರ್ಗಿಂ ಶಾಡೆತ್ ವೊಯ್ತಾ ಆಮಿ ಕಿತ್ಯಾಕ್ ಗೊ ವೊಸೊನಾ? ಕಾಗೊದ್ ಪೆನ್ಶೀಲ್ ಘೆವ್ನ್ ಝೆತಾಂನ್ ಬಾಂಕಾರ್ ಕಿತ್ಯಾಕ್ ಗೊ ಬೊಸೊನಾ ? ಖಾವೊನ್ ಪಿಯೊನ್ ತಿ ಹೆಪಿ ತೆಂಚೆ ಸೊಗ್ಲೆ ಥಾರ್ಯಾರ್. ರಾತ್ ದಿಸ್ ಮೊರೊನುಯ್ ಬಿ ಆಮಿ ಕಿತ್ಯಾಕ್ ಗೊ ವಾರ್ರ್ಯಾರ್? ಶಾಡಾ ಶಿಕೊನ್ ವ್ಹೊಡ್ಲಿ ಜಾವ್ನ್ ತಿ ಭೊವ್ತೊಲಿ ಕಾರಾನ್… ಆಮಿ ಚೀಡ್ಡೊನ್ ಧಾಕ್ಟೀಚಂ ಉರ್ತೊಲಿ ಪತ್ರೆ ಲೊಖೊಂಣಾಚ್ಯಾ ಭಾರಾನಂ ? ಚೆಡು ಎಕ್ ದಿಸ್ ಮುರೆ ತೆಂಚ್ಯಾ ಬುಕಾಂನ್ ಹಾವೆನ್ ಲ್ಹೊವೂಚ್ ಪೊಯ್ಲಾ ಅಶೆ ಕಿತ್ಯಾಕ್ ಪೊಯ್ ತೆ ಮ್ಹಾಕಾಯ್ ತೆನ್ನಾಚ್ ಕೊವ್ಲಾ ತೆಂಚಿ ಆಸಾ ಎಕ್ ಮೊಠಿ ಅವ್ವಾ .. ಬೊರಿ ಸಾಡಿ ಘಾಲ್ತಾ. ಸಾಮ್ಕಿ ಹಿರೊಣೀಶಿ ದಿಸ್ತಾ. ನಾವ್ ಖುಂಯ್ ಭಾರೊತ್ ಮಾತಾ ... ತೀಕಾಚ್ ಲಾಗೊಂನ್ ತೆಂಚೆ ಖುಯ್ ದಿಸ್ತಾ ದಿಸ್ತ್ ಜಾತಾ. ಚೆಡೊ ತಶೆ ಜಾಲ್ಯಾರ್ ಎಕ್ ದಿಸ್ ಸೊದುನ್ ತೀಕಾ ಕಾಡ್ಚೀಚ್ ಆಮ್ಕಾಯ್ ತುಜಿ ಭುರ್ಗಿಂ ಕರ್ ಮ್ಹೂಣ್ ಪಾಯಾ ತೀಕಾ ಪೊಡ್ಚಿ ... ಆಮ್ಕಾಯ್ ತುಜಿ ಭುರ್ಗಿಂ ಕರ್ ಮ್ಹೂಣ್ ಪಾಯಾ ತೀಕಾ ಪೊಡ್ಚೀಚ್ ... **** - ಸಂಗೀತಾ ನಾಯ್ಕ್**. [ಫೆಬ್ರೆರ್, 2020]

	ಸಂಗೀತಾ ನಾಯ್ಕ್: ಡಿಜಿಟಲ್ ಗೋವಾಚಿ ಎಕ್ಸೆಕ್ಯುಟಿವ್ ಸಂಪಾದಕ್ ಜಾವ್ನ್ ವಾವ್ರ್ ಕರುನ್ ಆಸ್ಚಿ ಬಾಯ್ ಸಂಗೀತಾ ನಾಯ್ಕಾಕ್ ಪ್ರತಿಶ್ಟಿತ್ ಎಮ್.ಬಿಲಿಯನ್ತ್ ಪುರಸ್ಕಾರ್ ಸೌತ್ ಏಶಿಯಾ 2018 ಲಾಭ್ಲಾ. ಗೊಂಯ್ ಕೊಂಕಣಿ ಅಕಾಡೆಮಿಂತ್ ಸಯ್ತ್ ವಾವ್ರ್ ಕೆಲ್ಲ್ಯಾ ಹಿಣೆಂ ಪತ್ರಿಕೋಧ್ಯಮ್, ಸಾಹಿತ್ಯ್, ಶಿಕ್ಷಣ್ ಅಶೆಂ ವೆವೆಗ್ಳ್ಯಾ ಶೆತಾಂತ್ ಖೂಬ್ ವಾವ್ರ್ ಕೆಲಾ. ಕೊಂಕಣಿ ಸಾಹಿತ್ಯಾಂತ್ ಸಯ್ತ್ ತಿಚಿ ದೇಣ್ಗಿ ಆಸಾ.
[kovita] Potre vhorta ... Kagod vhorta .... Lokhomnn* (- Sangeeta Naik)*
Hi sompi kovita mhonnun lekli tor, hea kovitechea ekeka vollimni aschi kanni amkam chukot. Tea ekeka kanniamni hokigot ani voicharikotach okherik kovitechea sobhayechi govai dita. Doreka disa monoxacho songhorx choddun veta, punn eka osturecho? Bai Sangeeta Naikachi onyek opurbhayechi kovita. Hea kovitechea gunddayek vechem kam' atam tujer soddtam. - Som
[kovita] Potre vhorta ... Kagod vhorta .... Lokhomnn* (- Sangeeta Naik)*
Potre vhorta ... Kagod vhorta .... Lokhomnn Cheddo iti bhurgim xaddet voita ami kiteak go vosona? kagod penxil gheun jhetamn bankar kiteak go bosona ? khavon pion ti hepi tenche sogle tharear. Rat dis moronui bi ami kiteak go varrear ? xadda xikon vhoddli zaun ti bhoutoli karan… ami chidd'ddon dhakttichom urtoli potre lokhomnnachea bharanom ? Cheddu ek dis mure tenchea bukamn haven lhovuch poila oxe kiteak poi te mhakai ten'nach koula tenchi asa ek motthi ovva .. Bori saddi ghalta. Samki hironnixi dista. Navo khum-i bharot mata ... Tikach lagomn tenche khui dista dist zata. Cheddo toxe zalear ek dis sodun tika kaddchich amkai tuji bhurgim kor mhunn paya tika poddchi ... Amkai tuji bhurgim kor mhunn paya tika poddchich ... **** - Songita Naik.** [Febrer, 2020]

	Songita Naik: Ddijittol govachi eksekyuttiv sompadok zaun vaur korun aschi bai songita naikak protixttit em'.Biliyont puroskar sout exia 2018 labhla. Gõy konkonni okaddemint soit vaur kel'lea hinnem potrikodhyom', sahity, xikxonn oxem vevegllea xetant khub vaur kela. Konkonni sahiteant soit tichi denngi asa.
[कविता] पत्रे व्होरता ... कागोद व्होरता .... लोखोंण (- संगीता नाईक)
ही सोंपी कविता म्हणून लेकली तर, ह्या कवितेच्या एकेका वळिंनी आसची काणी आमकां चुकत. त्या एकेका काणियांनी हकीगत आनी वयचारिकताच अखेरीक कवितेच्या सोभायेची गवाय दिता. दरेका दिसा मनशाचो संघर्श चडून वेता, पूण एका असतुरेचो? बाय संगीता नायकाची अन्येक अपुर्भायेची कविता. ह्या कवितेच्या गुंडायेक वेचें काम आतां तुजेर सोडतां. -संं
[कविता] पत्रे व्होरता ... कागोद व्होरता .... लोखोंण (- संगीता नाईक)
पत्रे व्होरता ... कागोद व्होरता .... लोखोंण चेडो ईती भुरगीं शाडेत वोयता आमी कित्याक गो वोसोना? कागोद पेन्शील घेवन झेतांन बांकार कित्याक गो बॊसोना? खावोन पियोन ती हॅपी तेंचे सोगले थाऱ्यार. रात दिस मोरोनुय बी आमी कित्याक गो वाऱ्ऱ्यार? शाडा शिकोन व्होडली जावन ती भोवतोली कारान… आमी चीड्डोन धाकटीचं उरतोली पत्रे लोखोंणाच्या भारानं ? चेडू एक दिस मुरे तेंच्या बुकांन हावेन ल्होवूच पोयला अशे कित्याक पोय ते म्हाकाय तेन्नाच कोवला तेंची आसा एक मोठी अव्वा .. बोरी साडी घालता. सामकी हिरोणीशी दिसता. नाव खुंय भारोत माता ... तीकाच लागोंन तेंचे खुय दिस्ता दिस्त जाता. चेडो तशे जाल्यार एक दिस सोदुन तीका काडचीच आमकाय तुजी भुरगीं कर म्हूण पाया तीका पोडची ... आमकाय तुजी भुरगीं कर म्हूण पाया तीका पोडचीच ... **** - संगीता नाईक.** [फेबरेर, २०२०]

	संगीता नाईक: डिजिटल गोवाची एक्सेक्युटीव संपादक जावन वावर करून आसची बाय संगीता नायकाक प्रतिश्टीत एम.बिलियनत पुरसकार सौत एशिया २०१८ लाभला. गोंय कोंकणी अकाडेमिंत सयत वावर केल्ल्या हिणें पत्रिकोध्यम, साहित्य, शिक्षण अशें वेवेगळ्या शेतांत खूब वावर केला. कोंकणी साहित्यांत सयत तिची देणगी आसा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.