ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಕುಳ್ವಾಡ್ಯಾಚೊ ಬಾಪೂಯ್ (- ರಮೇಶ್ ಸಾಜು ಘಾಡಿ)

ಹ್ಯಾ ಸಂಸಾರಾಂತ್ ದರೇಕ್ ದುಡವಾಂತ್ ಮೊಲಾಕ್ ಘೆಂವ್ಕ್ ಜಾಯ್ನಾ. ಸರ್ಗಾಂತ್ ಸಯ್ರ್ ಅಪ್ಲಿ ಭಾಸ್, ಅಪ್ಲಿ ಸಮಾಜ್, ಅಪ್ಲಿ ಸಂಸ್ಕೃತಿ ನಾ. ದೆಕುನ್ ಅಪ್ಸರೆಂಚೊ ನಾಚ್ ಲೆಗೂನ್ ಕಾಂಠಾಳ್ಯಾಚೊ ಜಾಂವ್ಕ್ ಪಾವ್ತಾ. ಹೆಂ ದಾಕವ್ಪ್, ಹೆಂ ಶೋ-ಬಿಜ್ ಸಗಳೆಂ ಕ್ಷಣಿಕ್ ಶಿವಾಯ್ ಸಾಸ್ಣಿಕ್ ಜಾವ್ನಾಸ್ಚೆಂ ಅಪ್ಲಿ ಸಮಾಜ್, ಅಪ್ಲ್ಯಾ ಗಾಂವ್ಚಿ ಮಾತಿ ಆನಿ ಅಪ್ಲಿ ಸಂಸ್ಕೃತಿ ಮ್ಹಳ್ಳೆಂ ಚಿಂತಪ್ ಹ್ಯಾ ಕವಿತೆಂಚ್ ಭೋವ್ ಅಪುರ್ಭಾಯೆನ್ ಕೆಲ್ಲೆಂ ದಿಸುನ್ ಯೆತಾ.

- ಸಂ

[ಕವಿತಾ] ಕುಳ್ವಾಡ್ಯಾಚೊ ಬಾಪೂಯ್ (- ರಮೇಶ್ ಸಾಜು ಘಾಡಿ)

ಕುಳ್ವಾಡ್ಯಾಚೊ ಬಾಪೂಯ್ ಮೆಲೊ ತರಿ ಕುಳ್ವಾಡ್ಯಾಚೊ ಬಾಪೂಯ್ ಸರ್ಗಾರ್ ವಚ್ನಾ ಸರ್ಗಾಂತ್ಲ್ಯಾ ಶಾರಾಂಚೆ ಖಂಯ್ ಹವಾಮಾನ್ ತಾಕಾ ಪಚ್ನಾ. ಆದ್ಲೆ ವರೀಚ್ ಖೊರೆಂ ಘೆವಂನ್ ತೊ ಶೆತಾ ಬಾಂದಾರ್ ಘುಸ್ಪತಾ ಹಳೂಚ್ ಫಾಂತ್ಯಾರ್ ಪೊರ್ಸಾಂತಲಿ ಹೊಂಡ್ಯಾ-ಬಾಂಯ್ ತೊ ಉಸ್ಪತಾ. ಮಿರ್ಗಾಂತ್ಲ್ಯಾ ಪಾವ್ಸಾಂತ್ ತೊ ಜಗೂಲ್ ಜಾವೂನ್ ಪೆಟ್ತಾ ಪಾವ್ಸಾ ಥೆಂಬ್ಯಾಂತ್ ಖಂಯ್ ತಾಕಾ ಸರ್ಗಾ ಸುಖ್ ಭೆಟ್ತಾ. ಕೆನ್ನಾಯ್ ಆಡ್ ವಾಟೆಂತ್ ಚಲತ್ ತೊ ಮಾನ್ಶೆ ಉದ್ಕಾಂತ್ ದೆವ್ತಾ ಝರ್ಕುಟ್ಯಾಚಿ ದೆವ್ತಿಂ ಮಾಡ್ಡಯತ್ ತಳ್ಯೆ ಪಾಣ್ಯಾಂತ್ ಪೆವ್ತಾ. ಶೆಣಿಲ್ಲ್ಯಾ ತೊ ಪಾಡ್ಕುಲ್ಯಾಂಕ್ ಗೊಠ್ಯಾಂತ್ ಹಾಡೂನ್ ಪಾವ್ಯ್ತಾ ಪೊಯೆಂತ್ಲ್ಯಾ ನುಸ್ತೆಂಚೊರಾಂಕ್ ಭೆಸ್ಟಾವೂನ್ ಧಾವ್ಡಯತಾ. ಶಿಗ್ಮ್ಯಾ ವೆಳಾರ್ ದೊಂಗ್ರಾ ಮಳಾರ್ ಗಡ್ಯಾ ವಾಂಗ್ಡಾಚ್ ಧಾವ್ತಾ ದೆವ್ಳಿ ಘುಮ್ಟಿ ನಾಕಾಂ ಮ್ಹಣೀತ್ ಝಾಡಾರ್ ಬಸೂನ್ ರಾವ್ತಾ. ಕುಳ್ವಾಡ್ಯಾಚೊ ಬಾಪೂಯ್ ಮ್ಹಣ್ಟಾ.. ಹೊ ಗಾವೂಚ್ ಮ್ಹಜೊ ಸರ್ಗ್ ಮ್ಹರೆಂ ಅಪ್ಸರಾಂಚ್ಯಾ ನಾಚಾಂಚಿ ತಿ ವ್ಯಸ್ನಾಂ ಬಾಬಾ ಆಮ್ಕಾ ನಾ ರೆ. ಸರ್ಗ್ ನಾಕಾ ಹೆಚ್ ಭುಯೆಂತ್ ರಾಖ್ಣೊ ಜಾವಂನ್ ಹಾಂವ್ ರಾವ್ತಲೊ ತುಮ್ಚ್ಯಾ ಕಾಳ್ಜಾ-ಉಲ್ಯಾಂಕ್ ಹಾಂವ್ ಧಾವ್ತ್ ಯೆವೂನ್ ಪಾವ್ತಲೊ. **** - ರಮೇಶ್ ಸಾಜು ಘಾಡಿ**. [ಎಪ್ರಿಲ್, 2020]

	ರಮೇಶ್ ಸಾಜು ಘಾಡಿ: ಲಿಖ್ಣೆ ನಾಂವಾಖಾಲ್ ಬರಂವ್ಚೊ ರಮೇಶ್ ಸಹದೇವ್ ಗಡಿ ಪಾಟ್ಲ್ಯಾ ಪಂದ್ರಾ ವರ್ಸಾಂ ಥಾವ್ನ್ ಬಿಂಬ್, ಜಾಗ್, ಗುಲಾಬ್, ಸುನಾಪರಾಂತ್ ತಶೆಂಚ್ ಭಾಂಗಾರ್‌ಭುಂಯ್ ಪತ್ರಾಂನಿ ಬರವ್ನ್ ಆಯ್ಲಾ. ಸಭಾರ್ ಕವಿಸಮ್ಮೇಳನಾಂನಿ ತಶೆಂಚ್ ಕವಿಗೋಶ್ಟಿಂನಿ ಕವಿತಾ ಸಾದರ್ ಕೆಲ್ಯಾತ್ ತಶೆಂಚ್ ಚಲವ್ನ್ ವೆಲ್ಯಾತ್. ಕವಿತೆಶಿವಾಯ್ ಕಾಣಿಯೊ ತಶೆಂಚ್ ಲೇಕನಾಂ ಬರಂವ್ಚ್ಯಾ ಹಾಚ್ಯಾ ಕವಿತೆಂಚೊ ಜಮೊ ’ಆವಯ್ ಜಾಲ್ಯಾ ಜಾಣ್ತಿ’ ಪರ್ಗಟ್ಣೆರ್ ಅಸಾ.
[kovita] Kullvaddeacho bapuy* (- Ramesh Saju Ghadi )*
Hea somsarant dorek duddovant molak gheunko zaina. Sorgant soir opli bhas, opli somaz, opli somskriti na. Dekun opsorencho nach legun kantthalleacho zaunko pauta. Hem dakoup, hem xo-biz sogollem kxonnik xivai sasnnik zaunaschem opli somaz, oplea gamvchi mati ani opli somskriti mholl'llem chintop hea kovitench bhovo opurbhayen kel'lem disun yeta. - Som
[kovita] Kullvaddeacho bapuy* (- Ramesh Saju Ghadi )*
Kullvaddeacho bapuy melo tori kullvaddeacho bapuy sorgar vochna sorgantlea xaranche khoim hovaman taka pochna. Adle vorich khorem gheumn to xeta bandar ghuspota holluch fantear porsantoli honddea-bam-i to uspota. Mirgantlea pausant to zogul zavun pett'ta pausa thembeant khoim taka sorga sukh bhett'ta. Ken'nai add vattent cholot to manxe udkant deuta zhorkutteachi deutim madd'ddoit tollye panneant peuta. Xennil'lea to paddkuleank gottheant haddun pauyta poyentlea nustenchorank bhesttavun dhauddoita. Xigmea vellar dongra mollar goddea vangddach dhauta deulli ghumtti nakam mhonnit zhaddar bosun rauta. Kullvaddeacho bapuy mhonntta.. Ho gavuch mhozo sorg mhorem opsoranchea nachanchi ti vyosnam baba amka na re. Sorg naka hech bhuyent rakhnno zaumn hamv rautolo tumchea kallza-uleank hamv dhaut yevun pautolo. **** - Ramesh Saju Gadi.** [Apr, 2020]

	Ramesh Saju Gadi: likhnne namvakhal boromvcho romex sohodevo goddi pattlea pondra vorsam thaun bimb, zag, gulab, sunaporant toxench bhangar‌bhum-i potramni boroun aila. Sobhar kovisom'mellonamni toxench kovigoxttimni kovita sador keleat toxench choloun veleat. Kovitexivai kannio toxench lekonam boromvchea hachea kovitencho zomo ’auy zalea zannti’ porgottnner osa.
[कविता] कुळवाड्याचो बापूय (- रमेश साजू घाडी)
ह्या संसारांत दरेक दुडवांत मोलाक घेवंक जायना. सर्गांत सयर अपली भास, अपली समाज, अपली संसकृती ना. देकून अप्सरेंचो नाच लेगून कांठाळ्याचो जावंक पावता. हें दाकवप, हें शो-बीज सगळें क्षणीक शिवाय सासणीक जावनासचें अपली समाज, अपल्या गांवची माती आनी अपली संसकृती म्हळ्ळें चिंतप ह्या कवितेंच भोव अपुर्भायेन केल्लें दिसून येता. - सं
[कविता] कुळवाड्याचो बापूय (- रमेश साजू घाडी)
कुळवाड्याचो बापूय मेलो तरी कुळवाड्याचो बापूय सर्गार वचना सर्गांतल्या शारांचे खंय हवामान ताका पचना. आदले वरीच खोरें घेवंन तो शेता बांदार घुसपता हळूच फांत्यार पोरसांतली होंड्या-बांय तो उसपता. मिर्गांतल्या पावसांत तो जगूल जावून पेटता पावसा थेंब्यांत खंय ताका सर्गा सुख भेटता. केन्नाय आड वाटेंत चलत तो मानशे उदकांत देवता झरकुट्याची देवतीं माड्डयत तळये पाणयांत पेवता. शेणिल्ल्या तो पाडकुल्यांक गोठ्यांत हाडून पावयता पोयेंतल्या नुस्तेंचोरांक भेस्टावून धावडयता. शिगम्या वेळार दोंगरा मळार गड्या वांगडाच धावता देवळी घुमटी नाकां म्हणीत झाडार बसून रावता. कुळवाड्याचो बापूय म्हण्टा.. हो गावूच म्हजो सर्ग म्हरें अप्सरांच्या नाचांची ती व्यसनां बाबा आमका ना रे. सर्ग नाका हेच भुयेंत राखणो जावंन हांव रावतलो तुमच्या काळजा-उल्यांक हांव धावत येवून पावतलो. *** - रमेश साजू घाडी.** [एपरील, २०२०]

	रमेश साजू घाडी: लिखणे नांवाखाल बरंवचो रमेश सहदेव गडी पाटल्या पंद्रा वर्सां थावन बिंब, जाग, गुलाब, सुनापरांत तशेंच भांगार‌भुंय पत्रांनी बरवन आयला. सभार कविसम्मेळनांनी तशेंच कविगोश्टिंनी कविता सादर केल्यात तशेंच चलवन वेल्यात. कवितेशिवाय काणियो तशेंच लेकनां बरंवच्या हाच्या कवितेंचो जमो ’आवय जाल्या जाणती’ पर्गटणेर असा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.