ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ರಾಶಿ ಪಿಕೂಂದಿ ರೆ ದೆವಾ(- ರಮೇಶ್ ಸಾಜು ಘಾಡಿ)

ಮನಿಸ್ ಆನಿ ಸಂಘರ್ಶ್ ಹೆ ಎಕಾಮೆಕಾ ಥಾವ್ನ್ ಕೆದಿಂಚ್ ಮೆಕ್ಳೆ ಕರುಂಕ್ ಜಾಯ್ನಾತ್ಲೆಂ. ದೆಕುನ್ ದರೇಕಾ ದಿಸಾ ದರೇಕ್ ಮನಿಸ್ ಮಿನತ್ ಕರುನ್ ಜಿಯೆತಾ. ಕೊಣಾಕ್ ಹ್ಯಾ ಮಿನತಿಚೊ ಫಳ್ ಮೆಳ್ತಾ ಅನಿ ಕೊಣಾಕ್ ಆನಿ ಕೊಣಾಚ್ಯಾ ಮಿನತಿಚೊ ಫಳ್ ಮೆಳ್ತಾ ಆಸುಯೆತಾ ಪುಣ್ ಅಖೆರಿಕ್ ಮಿನತೆಚೊ ಫಳ್ ಮ್ಹಳ್ಳೊ ಖರೊಚ್ ಆಸಾ. ಹಿ ಕವಿತಾ ಫಕತ್ ಶೆತ್, ಗಾದೆ, ಪಾಡೆ ಆನಿ ಭಾತಾಚಿಚ್ ನ್ಹಯ್. ಹ್ಯಾ ಸರವಾಂಕ್ ಸಾಂಕೇತಿಕ್ ರಿತಿನ್ ಗಳ್ಸುನ್ ಕವಿ ಕಿತ್ಲೆಶೆ ವಿಚಾರ್ ಆಮ್ಚೆ ಸಮೊರ್ ಉಭ್ಯೊ ಕರತಾ ಪಳೆಯಾ. ದೀಸ್ ಗೆಲ್ಲೆಪರಿಂಚ್ ಆಮಿ ಕಾಂಯ್ ಆಮ್ಚ್ಯಾ ಮುಳಾಂ-ಪಾಳಾಂಕ್, ಆಮ್ಚಿ ಸಂಸ್ಕೃತಿ ವಿಸ್ರುನ್ ವೆತಾಂವ್ ಕಾಯ್ ಮ್ಹಳ್ಳೊ ದುಭಾವ್ ಮತಿಂತ್ ಉದೆತಾ.

ಬಾಬ್ ರಮೇಶ್ ಘಾಡಿಚ್ಯಾ ದರೇಕಾ ಕವಿತೆಂತ್ ಸಾದೊ ಮನಿಸ್ ಆನಿ ತಾಚ್ಯಾ ಸಂಘರ್ಶಾಚೆರ್ ಖಂತ್-ಹುಸ್ಕೊ ಆಸತಾ. ಹಾಂಗಾಸರ್ ಸಯ್ತ್ ತಾಣೆಂ ಕೆಲ್ಲೆಂ ಪ್ರೇತನ್ ಅಮಿ ಪಳೆವ್ಯೆತಾ. ಬಾಕಿಚೆಂ ತುಜೆರ್ ಸೊಡತಾಂ.

- ಸಂ

[ಕವಿತಾ] ರಾಶಿ ಪಿಕೂಂದಿ ರೆ ದೆವಾ(- ರಮೇಶ್ ಸಾಜು ಘಾಡಿ)

ರಾಶಿ ಪಿಕೂಂದಿ ರೆ ದೆವಾ ಖಳೆಂ ಭರೂನ್ ವಸ್ರಿ ಶೆತಾ ಫಡಾಂತ್ ಚಲ್ತಾ ಜೊತ್ ಪಾಡ್ಯಾಂಚೆ ಖಿಲಾರಿ ಪಾಡೆ ಒಢ್ತಾ ನಾಂಗರ್ ಜೂವ್ ಘೆವ್ನಿಂ ಖಾಂದಾರಿ ಭಾತ್ ಒಂಪ್ಲಾಂ ಶೆತಾಂತ್ ಜೊತಿ ಕೆನಾಳ್ ಖೊಚ್ರಿ ರಾಶಿ ಪಿಕೂಂದಿ ರೆ ದೆವಾ ಖಳೆ ಭರೂನ್ ವಸ್ರಿ. ಭಾತಾ ಶೆತಾಚ್ಯಾ ಪಿಕಾರ್ ತುಜಿ ಆಸೂಂಂದಿ ನದರ್ ಯೆತಾ ಮಳ್ಣೀಚೊ ವಾರ್ ತುಕಾಂ ಘಾಲೀತಾ ಉಫಾರ್ ಶೆಣ್ ಘಾಲೂನ್ ಗೊಬ್ರಿ ಕೆಲ್ಯಾ ಕಾಳಿ ಧರ್ತರಿ ರಾಶಿ ಪಿಕೂಂದಿ ರೆ ದೆವಾ ಖಳೆಂ ಭರುನಿಂ ವಸ್ರಿ. ರಾಖ್ ರೆ ಮಾಜ್ಯಾ ಪುತಾ ಕುಳ್ವಾಡ್ಯಾಚೆಂ ದಾಯ್ಜ್ ಕಮಿ ದಿಲ್ಯಾರ್ ಚಲ್ತಾ ನಾಕಾಂ ಆನೀಕ್ ಮಾಯ್ಜ್ ಸಾಂಗೂನ್ ಗೆಲ್ಯಾ ಆವೊ ಮಾಜಿ ಜಾಣ್ಟಿ ಬೊಚ್ರಿ ರಾಶಿಂ ಪಿಕೂಂದಿ ರೆ ದೆವಾ ಖಳೆಂ ಭರೂನ್ ವಸ್ರಿ.. ರಾಶಿ ಪಿಕುಂದಿ ರೆ ದೆವಾ ಖಳೆಂ ಭರೂನಿ ವಸ್ರಿ. [ಖಿಲಾರಿ - ಪಾಡ್ಯಾಂಚಿ ಎಕ್ ಜಾತ್, ಉಫಾರ್ - ನೈವ್ದ್ಯ್, ಜೊತಿ ಕೆನಾಳ್ ಖೊಂಚ್ರಿ - ಭಾತಾಚ್ಯೊ ಗೊಯಾಂತ್ ಪಿಕ್ಪಿ ಪ್ರಜಾತಿ] **** - ರಮೇಶ್ ಸಾಜು ಘಾಡಿ**. [ಫೆಬ್ರೆರ್, 2020]

	ರಮೇಶ್ ಸಾಜು ಘಾಡಿ: ಲಿಖ್ಣೆ ನಾಂವಾಖಾಲ್ ಬರಂವ್ಚೊ ರಮೇಶ್ ಸಹದೇವ್ ಗಡಿ ಪಾಟ್ಲ್ಯಾ ಪಂದ್ರಾ ವರ್ಸಾಂ ಥಾವ್ನ್ ಬಿಂಬ್, ಜಾಗ್, ಗುಲಾಬ್, ಸುನಾಪರಾಂತ್ ತಶೆಂಚ್ ಭಾಂಗಾರ್‌ಭುಂಯ್ ಪತ್ರಾಂನಿ ಬರವ್ನ್ ಆಯ್ಲಾ. ಸಭಾರ್ ಕವಿಸಮ್ಮೇಳನಾಂನಿ ತಶೆಂಚ್ ಕವಿಗೋಶ್ಟಿಂನಿ ಕವಿತಾ ಸಾದರ್ ಕೆಲ್ಯಾತ್ ತಶೆಂಚ್ ಚಲವ್ನ್ ವೆಲ್ಯಾತ್. ಕವಿತೆಶಿವಾಯ್ ಕಾಣಿಯೊ ತಶೆಂಚ್ ಲೇಕನಾಂ ಬರಂವ್ಚ್ಯಾ ಹಾಚ್ಯಾ ಕವಿತೆಂಚೊ ಜಮೊ ’ಆವಯ್ ಜಾಲ್ಯಾ ಜಾಣ್ತಿ’ ಪರ್ಗಟ್ಣೆರ್ ಅಸಾ.
[kovita] Raxi pikundi re deva(- Ramesh Saju Ghadi)
Monis ani songhorx he ekameka thaun kedinch meklle korunk zainatlem. Dekun doreka disa dorek monis minot korun jieta. Konnak hea minoticho foll mellta oni konnak ani konnachea minoticho foll mellta asuyeta punn okherik minotecho foll mholl'llo khoroch asa. Hi kovita fokot xet, gade, padde ani bhatachich nhoi. Hea sorovank sanketik ritin gollsun kovi kitlexe vichar amche somor ubheo korota polleya. Dis gel'leporinch ami kaim amchea mullam-pallank, amchi somskriti visrun vetamv kai mholl'llo dubhavo motint udeta. Bab Ramesh Ghaddichea doreka kovitent sado monis ani tachea songhorxacher khont-husko asota. Hangasor soit tannem kel'lem preton omi polleuyeta. Bakichem tujer soddotam. - Som
[kovita] Raxi pikundi re deva(- Ramesh Saju Ghadi)
Raxi pikundi re deva khollem bhorun vosri xeta foddant cholta zot paddeanche khilari padde oddhta nangor zuv gheunim khandari bhat omplam xetant zoti kenall khochri raxi pikundi re deva kholle bhorun vosri. Bhata xetachea pikar tuji asumndi nodor yeta mollnnicho var tukam ghalita ufar xenn ghalun gobri kelea kalli dhortori raxi pikundi re deva khollem bhorunim vosri. Rakh re majea puta kullvaddeachem daiz komi dilear cholta nakam anik maiz sangun gelea avo maji zanntti bochri raxim pikundi re deva khollem bhorun vosri.. Raxi pikundi re deva khollem bhoruni vosri. [Khilari - paddeanchi ek zat, ufar - noivdy, zoti kenall khonchri - bhatacheo goyant pikpi prozati] **** - Romex Saju Goddi.** [Febrer, 2020]

	Romex Saju Goddi: likhnne namvakhal boromvcho romex sohodevo goddi pattlea pondra vorsam thaun bimb, zag, gulab, sunaporant toxench bhangar‌bhum-i potramni boroun aila. Sobhar kovisom'mellonamni toxench kovigoxttimni kovita sador keleat toxench choloun veleat. Kovitexivai kannio toxench lekonam boromvchea hachea kovitencho zomo ’auy zalea zannti’ porgottnner osa.
[कविता] राशी पिकूंदी रे देवा(- रमेश साजू घाडी)
मनीस आनी संघर्श हे एकामेका थावन केदिंच मेकळे करुंक जायनातलें. देकून दरेका दिसा दरेक मनीस मिनत करून जियेता. कोणाक ह्या मिनतिचो फळ मेळता अनी कोणाक आनी कोणाच्या मिनतिचो फळ मेळता आसुयेता पूण अखेरीक मिनतेचो फळ म्हळ्ळो खरोच आसा. ही कविता फकत शेत, गादे, पाडे आनी भाताचीच न्हय. ह्या सरवांक सांकेतीक रितीन गळसून कवी कितलेशे विचार आमचे समोर उभ्यो करता पळेया. दीस गेल्लेपरिंच आमी कांय आमच्या मुळां-पाळांक, आमची संसकृती विस्रून वेतांव काय म्हळ्ळो दुभाव मतिंत उदेता. बाब रमेश घाडिच्या दरेका कवितेंत सादो मनीस आनी ताच्या संघर्शाचेर खंत-हुसको आसता. हांगासर सयत ताणें केल्लें प्रेतन अमी पळेव्येता. बाकिचें तुजेर सोडतां. - सं
[कविता] राशी पिकूंदी रे देवा(- रमेश साजू घाडी)
राशी पिकूंदी रे देवा खळें भरून वसरी शेता फडांत चलता जोत पाड्यांचे खिलारी पाडे ओढता नांगर जूव घेवनीं खांदारी भात ओंपलां शेतांत जोती केनाळ खोचरी राशी पिकूंदी रे देवा खळे भरून वसरी. भाता शेताच्या पिकार तुजी आसूंंदी नदर येता मळणीचो वार तुकां घालीता उफार शेण घालून गोबरी केल्या काळी धरतरी राशी पिकूंदी रे देवा खळें भरुनीं वसरी. राख रे माज्या पुता कुळवाड्याचें दायज कमी दिल्यार चलता नाकां आनीक मायज सांगून गेल्या आवो माजी जाणटी बोचरी राशीं पिकूंदी रे देवा खळें भरून वसरी.. राशी पिकुंदी रे देवा खळें भरूनी वसरी. [खिलारी - पाड्यांची एक जात, उफार - नैवद्य, जोती केनाळ खोंचरी - भाताच्यो गोयांत पिकपी प्रजाती] **** - रमेश साजू घाडी.** [फेब्रेर, २०२०]

	रमेश साजू घाडी: लिखणे नांवाखाल बरंवचो रमेश सहदेव गडी पाटल्या पंद्रा वर्सां थावन बिंब, जाग, गुलाब, सुनापरांत तशेंच भांगार‌भुंय पत्रांनी बरवन आयला. सभार कविसम्मेळनांनी तशेंच कविगोश्टिंनी कविता सादर केल्यात तशेंच चलवन वेल्यात. कवितेशिवाय काणियो तशेंच लेकनां बरंवच्या हाच्या कवितेंचो जमो ’आवय जाल्या जाणती’ पर्गटणेर असा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.