ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ತುಜಿ ಉಗ್ತಿ ಸಯಾ (- ಪ್ರಕಾಶ್ ದ. ನಾಯ್ಕ್)

ಹಾಂಗಾಸರ್ ಏಕ್ ಆಂವಡ್ ಆಸಾ, ಅನಿ ತ್ಯಾ ಆಂವಡಾ ಪಾಟಲ್ಯಾನ್ ಸಪಣಾಂ ಆಸಾತ್. ಕವಿ ಅಪ್ಲಿ ಆಂವಡ್ ಸಾಂಗುನ್ ಗೆಲ್ಲೆಪರಿಂಚ್ ತಾಚ್ಯಾ ಮನಾಂತಲಿ ಸಾಮಜಿಕ್ ಕಾಳ್ಜಿ ತಶೆಂಚ್ ಹುಸ್ಕೊ ನಿಶೆತಾನಾ ಕವಿತಾ ರಸಿಕಾಕ್ ಸಯ್ತ್ ಹ್ಯಾ ಕವಿತೆಚೆರ್ ಅಪ್ಸೊಚ್ ಮೋಗ್ ಉದೆತಾ.

- ಸಂ

[ಕವಿತಾ] ತುಜಿ ಉಗ್ತಿ ಸಯಾ (- ಪ್ರಕಾಶ್ ದ. ನಾಯ್ಕ್)

ತುಜಿ ಉಗ್ತಿ ಸಯಾ ಮ್ಹಾಕಾ ತುಜೆಂ ಉಗ್ತೆಂಪಣ್ ಆವ್ಡಟಾ ತುಜೆವ್ರೀಚ್ ತೆಂ ನಿರ್ವಸ್ತ್ರ್ ಝಾಡೂಯ್ ಖೂಬ್ಬ್ ಆವ್ಡಟಾ! ತೆಂ ಉಗ್ತೆಂ ಕ್ರುಷ್ಣ್ ಧವ್ಲ್ ಹಯ್ನ್ಹಯಶೆಂ ಕುಪಾಂಚ್ಯಾ ಥಾನಾಂತಲೆಂ ಮಳಬ್ ಆವ್ಡಟಾ! ತ್ಯಾ ಉಕ್ತ್ಯಾ ಮಳಾಪೊಂದಚೆಂ ತೆಂ ಲ್ಹಾರೆವ್ಪಿ ಮಾಣ್ಕುಲ್ಯಾ ಚೊಂಚಿತಲೆಂ ಹಳ್ಡುವೆಂ ಶೆಂತ್ ಆವ್ಡಟಾ! ತಿ ತೆಫಳ್ ಉಗ್ತ್ಯಾ ರಾನಾಂತಲಿ ಆನಿ ತಿಚೆವ್ಯಲೊ ಕಾಂಟ್ಯಾಚ್ಯಾ ಆಕಾರಾಂತಲೊ ದೊಂಗರ್ ಆವ್ಡಟಾ! ತುಂ ಜಾ ತೆಫ್ಳೀಚೆಂ ಝಾಡ್ ಪಾನನ್ ಪಾನ್ ಝಡ್ ಆನಿ ನಿರ್ವಸ್ತ್ರ್ ಜಾವ್ನ್ ನಿಪ್ಚೀತ್ ಪಡ್! ತುಂ ಜಾ ಮಳ್ಬಾಂತಲೆಂ ಕೂಪ್ ಥಾನ್ ಥಾನ್ ಅಪ್ರುಪ್ ಆನಿ ಪಾವ್ಸ್ ಜಾವ್ನ್ ದಿ ಜಾಪ್! ತುಂ ಜಾ ಲ್ಹಾರೆವ್ಪಿ ಶೆಂತ್ ಪೊಟ್ರಾಂತಲೆಂ ಭಾತ್ ಕಣ್ಸಾಕ್ ದಿ ಚಂದ್ರಕೊರ್ ಸೈಮಾ ಯೆತ್! **** - ಪ್ರಕಾಶ್ ದ. ನಾಯ್ಕ್**. [ಎಪ್ರಿಲ್, 2020]

	ಪ್ರಕಾಶ್ ದ. ನಾಯ್ಕ್: ಪ್ರಕಾಶ್ ದತ್ತಾರಾಮ್ ನಾಯ್ಕ್ ವೃತ್ತೆನ್ ಏಕ್ ಶಿಕ್ಷಕ್. ಗೊಂಯ್ಚ್ಯಾ ಶಾರದಾ ಇಂಗ್ಲಿಶ್ ಹೈಸ್ಕೂಲಾಂತ್ ಪಾಟ್ಲ್ಯಾ 33 ವರ್ಸಾಂ ಥಾವ್ನ್ ವಾವ್ರ್ ಕರುನ್ ಆಸಾ ಪುಣ್ ನಾಮ್ಣೆಚೊ ಕೊಂಕ್ಣಿ ವಾವ್ರಾಡಿ ಆನಿ ಕವಿ. ತಾಚೆ ’ಚೈತರ್’, ’ಕಸ್ತುರ್‌ಗಂಧ್’, ’ಕುಟಳ್’, ’ಅಸ್ತುರಿ: ಶಿಮೆಭಾಯ್ಲೆಂ ಮಳಬ್’ ಮ್ಹಳ್ಳೆ ಕವಿತಾಜಮೆ ಪರ್ಗಟ್ಲ್ಯಾತ್. ಸಭಾರ್ ಕವಿಗೋಶ್ಟಿಂನಿ, ಕವಿಸಮ್ಮೇಳನಾಂನಿ, ರೇಡಿಯೊ, ದೂರ್‌ದರ್ಶನಾಂತ್ ಸಯ್ತ್ ಕವಿತಾ ವಾಚ್ಲ್ಯಾತ್.
[kovita] Tuji ugti soya* (- Prakash D Naik)*
Hangasor ek amvodd asa, oni tea amvodda pattolean soponnam asat. Kovi opli amvodd sangun gel'leporinch tachea monantoli samojik kallji toxench husko nixetana kovita rosikak soit hea kovitecher opsoch mog udeta. - Som
[kovita] Tuji ugti soya* (- Prakash D Naik)*
Tuji ugti soya mhaka tujem ugtemponn auddotta tujeurich tem nirvostr zhadduy khubb auddotta! tem ugtem kruxnn dhoul hoinhoixem kupanchea thanantolem mollob auddotta! tea uktea mollapondochem tem lhareupi mannkulea chonchitolem holldduvem xent auddotta! ti tefoll ugtea ranantoli ani ticheuyolo kantteachea akarantolo dongor auddotta! tum za tefllichem zhadd panon pan zhodd ani nirvostr zaun nipchit podd! tum za mollbantolem kup than than oprup ani paus zaun di zap! tum za lhareupi xent pottrantolem bhat konnsak di chondrokor soima yet! **** - Prakash D Naik.** [Apr, 2020]

	Prakash D. Naik: Prakash Dattaram Naik vrit'ten ek xikxok. Gõychea xarda inglix hoiskulant pattlea 33 vorsam thaun vaur korun asa punn namnnecho konknni vauraddi ani kovi. Tache ’*choitor’, ’kostur‌gondh’, ’kuttoll’, ’osturi: ximebhailem mollob*’ mholl'lle kovitazome porgottleat. Sobhar kovigoxttimni, kovism'mellonamni, reddio, dur‌dorxonant soit kovita vachleat.
[कविता] तुजी उगती सया (- प्रकाश द. नायक)
हांगासर एक आंवड आसा, अनी त्या आंवडा पाटल्यान सपणां आसात. कवी अपली आंवड सांगून गेल्लेपरिंच ताच्या मनांतली सामजीक काळजी तशेंच हुसको निशेताना कविता रसिकाक सयत ह्या कवितेचेर अप्सोच मोग उदेता. - सं
[कविता] तुजी उगती सया (- प्रकाश द. नायक)
तुजी उगती सया म्हाका तुजें उगतेंपण आवडटा तुजेवरीच तें निर्वस्त्र झाडूय खूब्ब आवडटा! तें उगतें क्रुष्ण धवल हयन्हयशें कुपांच्या थानांतलें मळब आवडटा! त्या उक्त्या मळापोंदचें तें ल्हारेवपी माणकुल्या चोंचितलें हळडुवें शेंत आवडटा! ती तेफळ उगत्या रानांतली आनी तिचेवयलो कांट्याच्या आकारांतलो दोंगर आवडटा! तूं जा तेफळीचें झाड पानन पान झड आनी निर्वस्त्र जावन निपचीत पड! तूं जा मळबांतलें कूप थान थान अपरुप आनी पावस जावन दी जाप! तूं जा ल्हारेवपी शेंत पोटरांतलें भात कणसाक दी चंद्रकोर सैमा येत! **** - प्रकाश द. नायक.** [एपरील, २०२०]

	प्रकाश द. नायक: प्रकाश दत्ताराम नायक वृत्तेन एक शिक्षक. गोंयच्या शारदा इंगलीश हैसकूलांत पाटल्या ३३ वर्सां थावन वावर करून आसा पूण नामणेचो कोंकणी वावराडी आनी कवी. ताचे ’चैतर’, ’कसतूर‌गंध’, ’कुटळ’, ’असतुरी: शिमेभायलें मळब’ म्हळ्ळे कविताजमे पर्गटल्यात. सभार कविगोश्टिंनी, कविसम्मेळनांनी, रेडियो, दूर‌दर्शनांत सयत कविता वाचल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.