ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಮೋಲ್ ನಾ (- ವಲ್ಲಿ ಕ್ವಾಡ್ರಸ್)

ಹ್ಯಾ ಸಂಸಾರಾಂತ್ ಆಸ್ಚೆಂ ದರೇಕ್ ಎಕಾ ನಿರ್ದಿಶ್ಟ್ ಇರಾದ್ಯಾನ್ ಆಸ್ಚೆಂ ಆನಿ ದರೇಕಾಕ್ ಅಪ್ಲೆಂಚ್ ಮ್ಹಳ್ಳೆಂ ಮೋಲ್ ಆಸ್ತಾ. ಕೊಣಾಕ್ ತೆಂ ಸಮ್ಜುಂ ವಾ ಕೊಣಾಕ್ ಸಮ್ಜಾನಾಂ ಆಸುಂ. ಸುರ್ಯಾಚ್ಯಾ ಕಿರ್ಣಾಂಕ್ ಜಾಂವ್, ಮೊಡಾಂತ್ಲ್ಯಾನ್ ದೆಂವ್ಚ್ಯಾ ಉದ್ಕಾಕ್ ಜಾಂವ್, ವ್ಹಾಳ್ಚ್ಯಾ ವಾರ‍್ಯಾಕ್ ಜಾಂವ್ ಕೊಣೆಂಯ್ ಮೋಲ್ ಭಾಂದ್‌ಲ್ಲೆಂ ನಾ ವಾ ಭಾಂದ್ಚೆಪರಿಂಯೀ ನಾ ಪುಣ್ ಮೋಲ್ ಸಮ್ಜುಂಚಿ ಶ್ಯಾಥಿ ನಾಂ ದೆಕುನ್ ಸುರ್ಯೊ ಅಪ್ಲಿಂ ಕಿರಣಾಂ ಲಿಪಯ್ನಾ ವಾ ದರ್ಯೊ ಆಪ್ಲಿಂ ಲ್ಹಾರಾಂ ಲಿಪಯ್ನಾಂ, ವಾ ವ್ಹಾರೆಂ ವ್ಹಾಳ್ಚೆಂ ರಾವಯ್ನಾ.

ಪುಣ್ ಆಮ್ಚ್ಯಾ ಸಮಾಜೆಂತ್ ಎಕಾ ಘರಾಂತ್ಲ್ಯಾ ಮಾಂಯ್ಕ್ ಆನಿ ಬಾಂಯ್ಕ್ ಮೋಲ್ ನಾ ಮ್ಹಣುನ್ ಕವಿ ಕಿತ್ಯಾಕ್ ಸಾಂಗ್ತಾ ಮ್ಹಳ್ಳೆಂ ಸಮ್ಜುಂಕ್ ಹಾಂತ್ಲ್ಯಾ ಎಕೆಕಾ ವಳಿಂಚೆರ್ ಮಾತ್ಸೊ ಆಟೊವ್ ಕರ್ಚಿ ಗರ್ಜ್ ಆಸಾ. ಆನಿ ತೆಂ ಆತಾಂ ತುಕಾಚ್ ಸೊಡ್ತಾಂ.

- ಸಂ

[ಕವಿತಾ] ಮೋಲ್ ನಾ (- ವಲ್ಲಿ ಕ್ವಾಡ್ರಸ್)

ಮೋಲ್ ನಾ ಮ್ಹಜ್ಯಾ ಬಾಂಯ್ಕ್ ಆನಿ ಮ್ಹಜ್ಯಾ ಮಾಂಯ್ಕ್ ಕಿತೆಂಚ್ ಮೋಲ್ ನಾ! ಸಕಾಳಿಂಚೊ ನಾಸ್ಟೊ ಕರುನ್ ಆನ್ ವೆತಾ ಭಾಯ್ರ್ ಸಾತೆಂ ಪೊತೆಂ ಭುತಿ ಘೆವುನ್ ಮಿನತ್ ವಾಂವ್ಟ್ ತಾಚ್ಯಾಚ್ ಖಾತ್ಯಾಂತ್ ಘರಾಂತ್ ಮನ್ಶಾಂ, ಮಾಜ್ರಾಂ ಗುಡಾಂತ್ ಪೆಟೆ, ಕುಂಕ್ಡಾಂ ಗೊಟ್ಯಾಂತ್ ಗಾಯ್ರಾಂ ಸಗ್ಳಿಂ ಸೊಡ್ಯಾಂ ಕಾವ್ಳೆ ಪಾರ್ವ್ಯಾಚಿ ಲೆಗುನ್ ಜತನ್ ಕರ್ಚಿ ಚೊವೀಸ್ ವೊರಾಂಯ್ ಜಾಗಿಚ್ ಆಸ್ಚಿ ಸಗ್ಳ್ಯಾಂಕ್ ಮೊಗಾನ್ ಪೊಸ್ಚಿ ಏಕ್ ಮ್ಹಜಿ ಮಾಂಯ್ ತರ್’ಯೀ ಆನ್ ಮ್ಹಜೊ ಜೊಡ್ಪಿ ಮಾಂಯ್ ಮ್ಹಜಿ ಮೊಡ್ಪಿ ದೆಕುನ್ ಮ್ಹಜ್ಯಾ ಬಾಂಯ್ಕ್ ಆನಿ ಮ್ಹಜ್ಯಾ ಮಾಂಯ್ಕ್ ಕಿತೆಂಚ್ ಮೋಲ್ ನಾ! ತೊಟಾಂತ್ ಮಾಡ್ ಮಾಡಿ ಶೆತಾಂತ್ ಪಿಕ್ತಾ ಭಾತ್ ಭಾಗಿಂತ್ ವೆಗ್-ವೆಗಳಿಂ ಫುಲಾಂ ಜಾಗ್ಯಾಂತ್ ಸಕ್ಕಡ್ ಮೊಲಾಚೆಂ ಝಡಾಂತ್ಲಿಂ ಫುಲಾಂ ಜಾಂವ್ ರುಕಾಂತ್ಲಿಂ ಫಳಾಂ ಭಾಗಿಕ್, ಶೆತಾಕ್ ತೊಟಾಕ್ ವ ಘರಾಕ್ ಸಗಳ್ಯಾಂಕ್ ಉದಕ್ ದಿಂವ್ಚಿ ಏಕ್ ಆಸ್ಚಿ ಬಾಂಯ್ ನ್ಹಾಂವ್ಕ್, ಧುಂವ್ಕ್ ಪಿಯೆಂವ್ಕ್, ಜಿಯೆಂವ್ಕ್ ಕಾಟೆಂ ಭಾಂಧ್ಚ್ಯಾ ಪೊಟ್ಟು ಫಾತ್ರಾಂಕ್ ಸಯ್ತ್ ಆಸಾ ಪುಣ್ ಮ್ಹಜ್ಯಾ ಬಾಂಯ್ಕ್ ಆನಿ ಮ್ಹಜ್ಯಾ ಮಾಂಯ್ಕ್ ಕಿತೆಂಚ್ ಮೋಲ್ ನಾ ಹಾಂತುಂ ಕಿತೆಂಚ್ ಜೋಲ್ ನಾ ಬಾಂಯ್ಕ್ ವ ಮಾಂಯ್ಕ್ ಸಂಸ್ರಾಂತ್ ಕಿತೆಂಚ್ ತೋಲ್ ನಾ ತರ್’ಯೀ ತಾಂಕಾ ಮೋಲ್ ನಾ ಮ್ಹಜ್ಯಾ ಬಾಂಯ್ಕ್ ಆನಿ ಮಾಂಯ್ಕ್ ಕಿತೆಂಚ್ ಮೋಲ್ ನಾ! **** - ವಲ್ಲಿ ಕ್ವಾಡ್ರಸ್**. [ಫೆಬ್ರೆರ್, 2023]

	ವಲ್ಲಿ ಕ್ವಾಡ್ರಸ್: ಚ್ಯಾರ್ ಮುಖಾಂ (2002), ಕಟ್‌ಪುತ್ಳಿ (2004), ದರ್ಭಾರಾಂತ್ಲಿ ಪಿಂರ್ಗೊಣ್ (2006), ಬಜಾರ್ (2017), ಭಿತರ‍್ಲೊ ಕವಿ (2020) ನಾಂವಾಚೆ ಪಾಂಚ್ ಕವಿತಾಜಮೆ. ಕವಿತಾಪಾಠ್ (2005), ದರ‍್ಯಾಕ್ ಉದಕ್ (2006), ಕಾಳೊಕ್ ನಾತ್ಲೊ ಗಾಂವ್ (2007), ಮುಗ್ದನಾತ್ಲಿಂ ಗಿತಾಂ (2017), ಸುಕ್ತಿ ಭರ್ತಿ (2018) ಮ್ಹಳ್ಳೆ ಪಾಂಚ್ ಕವಿತಾ ವಿಶ್ಲೇಷಣಾಚಿಂ ಪುಸ್ತಕಾಂ ತಶೆಂಚ್ ಕವಿತೆಚಿಂ ಸಭಾರ್ ಸಂಕಲನಾಂ ತಶೆಂಚ್ ಡಿಜಿಟಲ್ ಪುಸ್ತಕಾಂ ಸಂಪಾದನ್ ಕರುನ್ ಪರ್ಗಟ್ಲ್ಯಾಂತ್. ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚೆ ಪುರಸ್ಕಾರ್ (2005,2006), ಕವಿತಾ ಟ್ರಸ್ಟಾಚೊ ಮಥಾಯಸ್ ಕುಟ್ಮಾಚೊ ಪುರಸ್ಕಾರ್ (2018), ತಶೆಂಚ್ ವಿಶ್ವ್ ಕೊಂಕಣಿ ಕೇಂದ್ರಾಚೊ ವಿಮಲ ವಿ. ಪೈ. ಪುರಸ್ಕಾರ್ (2022) ಹಾಕಾ ಲಾಭ್ಲಾ.
[kovita] Mol Na* (- Valley Quadros)*
Hea sounsarant aschem dorek ieka nirdixtt iradean aschem ani dorekak aplens mollem mo'l asta. ko'nnak tem somzun va konnak somzonam asum. sureachea kirnnank zaumv, moddantlean deunchea udkak zaun, vhallchea vareak zaum konnei mo'l bhand'l'lem na va bhandcheporin na punn mo'l somzunchi xeathi na dekun sureo aplim kironnam lipoina va doreo aplim lharam lipoinam va varem vhallcem ravoina. punn amchea somajent ieka ghorantlea maink ani baink mo'l na monnun kovi kiteak sangta mollem somzunk hantlea ekeka vollincher matso attov korchi gorj asa. ani tem atam tukac soddtam. - Som
[kovita] Mol Na* (- Valley Quadros)*
Mol Na Mojea baink Ani mojea maink kitens mo'l na! sokallincho naxtto korun an veta bhayr satem po'tem bhuti gheun minot vauntt tacheach khateant ghorant monxeam, mazram guddant pette, kunkddam gotteant gairam sogllim soddeam kavlle parveachi legun zoton koechi coviis voram'yi zagich aschi soddleank mogan poschi ek moji maim tor'yii an mojo zoddpi maim moji moddpi dekun mojea baink ani mojea maink kitens mo'l na! tottant madd maddi xetant pikta bhat bhagint veg-vegallim fulam zageant sokkodd molachem zoddantlim fulam zaum rukantlim follam bhagik, xetak tottak va ghorak sogallyank udok diunchi ek asci baim nhaunk, dhumvk piyeunk, jiyeunk kattem bhandchea pottu fatrank soyt asa punn mojea baink ani mojea maink kitens mo'l na hantum kitems jo'l na baink va maink sonsrant kitens to'l na tor'yii tankam mol na mojea baink ani maink kitens mo'l na! **** - Valley Quadros.** [Feb, 2023]

	Valley Quadros: Chear Mukham (20020, Kott'putlli (2004), Dorbharantli Pirngonn (2006), Bozar (2017), Bitorlo Kovi (2020) Namvace panc kovitazome. Kovitapatt (2005), Doreak Udok (2006), Kallok Natlo Gaum (2007), Mugdonatlim Gitam (2016), Sukti Borti (2018) molle panc kovita vixlexonnachim pustokam toxens sobhar kovita sonkolonachi ani Digittol pustokam sompadon korun porgottleant. Kornattak Konknni Sahity Okaddemiche puroskar (2005, 2006), Kovita Ttrusttacho Mothais kuttmacho Puroskar (2018), Tosens Vixv Konkkni Kendracho Vimola Vi. Poi. Puroskar (2022) Haka Labhla.
[कविता] मोल ना (- वल्ली क्वाड्रस)
ह्या संसारांत आसचें दरेक एका निर्दिश्ट इराद्यान आसचें आनी दरेकाक अपलेंच म्हळ्ळें मोल आसता. कोणाक तें समजूं वा कोणाक समजानां आसूं. सूऱ्याच्या किर्णांक जांव, मोडांतल्यान देंवच्या उदकाक जांव, व्हाळच्या वार‍्याक जांव कोणेंय मोल भांद‌ल्लें ना वा भांदचेपरिंयी ना पूण मोल समजुंची श्याथी नां देकून सूऱ्यो अपलीं किरणां लिपयना वा दऱ्यो आपलीं ल्हारां लिपयनां, वा व्हारें व्हाळचें रावयना. पूण आमच्या समाजेंत एका घरांतल्या मांयक आनी बांयक मोल ना म्हणून कवी कित्याक सांग्ता म्हळ्ळें समजुंक हांतल्या एकेका वळिंचेर मात्सो आटोव कर्ची गर्ज आसा. आनी तें आतां तुकाच सोडतां. - सं
[कविता] मोल ना (- वल्ली क्वाड्रस)
मोल ना म्हज्या बांयक आनी म्हज्या मांयक कितेंच मोल ना! सकाळिंचो नासटो करून आन वेता भायर सातें पोतें भुती घेवून मिनत वांवट ताच्याच खात्यांत घरांत मनशां, माज्रां गुडांत पेटे, कुंकडां गोट्यांत गायरां सगळीं सोड्यां कावळे पार्व्याची लेगून जतन कर्ची चोवीस वोरांय जागीच आसची सगळ्यांक मोगान पोसची एक म्हजी मांय तर’यी आन म्हजो जोडपी मांय म्हजी मोडपी देकून म्हज्या बांयक आनी म्हज्या मांयक कितेंच मोल ना! तोटांत माड माडी शेतांत पिक्ता भात भागिंत वेग-वेगळीं फुलां जाग्यांत सक्कड मोलाचें झडांतलीं फुलां जांव रुकांतलीं फळां भागीक, शेताक तोटाक व घराक सगळ्यांक उदक दिंवची एक आसची बांय न्हावंक, धुवंक पियेवंक, जियेवंक काटें भांधच्या पोट्टू फात्रांक सयत आसा पूण म्हज्या बांयक आनी म्हज्या मांयक कितेंच मोल ना हांतूं कितेंच जोल ना बांयक व मांयक संस्रांत कितेंच तोल ना तर’यी तांका मोल ना म्हज्या बांयक आनी मांयक कितेंच मोल ना! **** - वल्ली क्वाड्रस.** [फेबरेर, २०२३]

	वल्ली क्वाड्रस: च्यार मुखां (२००२), कट‌पुतळी (२००४), दर्भारांतली पिंर्गोण (२००६), बजार (२०१७), भितर‍्लो कवी (२०२०) नांवाचे पांच कविताजमे. कवितापाठ (२००५), दर‍्याक उदक (२००६), काळोक नातलो गांव (२००७), मुगदनातलीं गितां (२०१६), सुक्ती भर्ती (२०१८) म्हळ्ळे पांच कविता विशलेषणाचीं पुसतकां तशेंच कवितेचीं सभार संकलनां तशेंच डिजिटल पुसतकां संपादन करून पर्गटल्यांत. कर्नाटक कोंकणी साहित्य अकाडेमिचे पुरसकार, कविता ट्रसटाचो मथायस कुटमाचो पुरस्कार(२०१८), तशेंच विश्व कोंकणी केंद्राचो विमला वी. पै. पुरस्कार(२०२२) हाका लाभला.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.