ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ದೇವ್ ಲೆಗಿತ್ ಗವಾಯ್ ಆಸಾ (- ವಿನ್ಸಿ ಕ್ವಾಡ್ರೊಸ್)

ವೆಳಾಕಾಳಾ ಥಾವನ್, ಯುಗಾಂ ಯುಗಾಂನಿ ಜೆದ್ನಾಂ ಕಾಯ್ದೆ ಕಾನುನ್, ಮನ್ಶಾ ಹಕ್ಕಾಂ, ನೀತ್-ಮನ್ಸುಬೆಚ್ಯಾ ನಿಬಾಂನಿ ಮನ್ಶಾಪಣಾಚೊಚ್ ಭೊಂಗೊಸ್ತೊಳ್ ಜಾತಾ ತೆದ್ನಾಂ ಕವಿಚ್ಯಾ ಸೊಸ್ಣಿಕಾಯೆಚಿ ಗಡ್ ಉತರ್ತಾ. ಅಸಲ್ಯಾ ಶೆಳಿಯೆಂಚ್ಯಾ ವೆಸಾರ್ ಮನ್ಶಾಪಣಾಕ್ ಲುಟ್ತೆಲ್ಯಾ ಬೊಲ್ಪ್ಯಾಂಚೆರ್ ನೀತ್ ಕರುಂಕ್ ಕೊಣ್‌ಯೀ ಮನಿಸ್ ನಾ ಮ್ಹಳ್ಳೆಂ ಚಿಂತಪ್ ಮತಿಂತ್ ಉದೆತಾನಾ ದೆವಾಚೊ ಉಡಾಸ್ ಯೆತಾ. ಹಾಂಗಾಸರ್ ದೇವ್ ಸಬ್ಧ್ ಆಸಾ ದೆಕುನ್ ಹಿ ಧಾರ್ಮಿಕ್ ಚಿಂತ್ಪಾಚಿ ಕವಿತಾ ಮ್ಹಣುಂಕ್ ಜಾಯ್ನಾ. ಹಾಂಗಾಸರ್ ದೇವ್ ಸಬ್ಧ್ ಏಕ್ ಇಮಾಜೆರುಪಾರ್ ಘೆತ್ಲೊ ತರ್ ಸಮಾಜೆಂತ್ ಜಾಂವ್ಚ್ಯಾ ಅನೀತೆಚ್ಯಾ ದರೇಕಾ ಪ್ರಶ್ನಾಂಚಿ ಜವಾಬ್ ದೇವ್ ಮ್ಹಳ್ಳೆಪರಿಂ ದಿಸುನ್ ಯೆತಾ.

ಬಾಬ್ ವಿನ್ಸಿ ಕ್ವಾಡ್ರೊಸ್ ಗೊಂಯ್ಚೊ ನಾಮ್ನೆಚೊ ಕವಿ ತಶೆಂಚ್ ಸಂಘಟಕ್, ವಾವ್ರಾಡಿ, ಪತ್ರ್‌ಕರ್ತ್. ಪುಣ್ ಹಾಚ್ಯಾ ಕವಿತೆಂನಿ ಸಯ್ತ್ ಸಮಾಜೆಚೆರ್ ಜಾಂವ್ಚ್ಯಾ ಅನೀತೆಕ್ ಖಂಡನ್ ಕರ್ಚೆಂ ಚಿಂತಪ್ ವೆವೆಗಳ್ಯಾ ರಿತಿಂನಿ ಪಳೆವ್ಯೆತಾ. ಬಾಕಿಚೆಂ ವಾಚ್ಪ್ಯಾ ತುಜೆರ್ ಸೊಡ್ತಾಂ.

- ಸಂ

[ಕವಿತಾ] ದೇವ್ ಲೆಗಿತ್ ಗವಾಯ್ ಆಸಾ (- ವಿನ್ಸಿ ಕ್ವಾಡ್ರೊಸ್)

ದೇವ್ ಲೆಗಿತ್ ಗವಾಯ್ ಆಸಾ ಕಾಳಾ ಕಾಳಾ ಥಾವ್ನ್ ವಿಡಂಬ್ನಾಂ ಚಲ್ಲಿಯಾ ಮನಿಸ್ ಹಕ್ಕಾಚಿ ಶರಣಾಗತಿ ಜಾಲಿಯಾ ಜಿಯೆವಂಕ್ ಆಶೆಲಲಿ ಅಸ್ತರಿ ಹಾರುನ್ ಗೆಲಿಯಾ ದಾದ್ಲ್ಯಾಂಚಿಯೆ ಭಕಿಕ್ ಪಡ್ಲಿಯಾ ಆಂಬಟ್ಶವ್ಕಿನಾಂಚಿ ಶಿಕಾರ್ ಥಾರ್ಲಿಯಾ ಜಿವಿತಾಚ್ಯಾ ಅರ್ಥಾಕ್ ವಂಚಿತ್ ಉರ್ಲಿಯಾ ಹಾಕಾ ನ್ಹಯ್ ಫಕತ್ ಮನಿಸ್ ದೇವ್ ಲೆಗಿತ್ ಗವಾಯ್ ಆಸಾ ಲಕ್ಶಾಯೆಚೆ ಹಾಂಶೆ ಜಾಲ್ಯಾತ್ ವಾಯ್ಟ್ ಪಳೆವ್ನ್ ಸಗ್ಳೆ ಧರಂ ಕಶ್ಟವ್ಲ್ಯಾತ್ ಮನಿಸ್ ಹಕ್ಕಾಚೆ ಕಾನ್ಡ್ ಜಾಲ್ಯಾತ್ ದಾದ್ಲ್ಯಾಂಕ್ ಜಿವೆಶಿಂ ಮಾರ್ಲ್ಯಾತ್ ತರ್ನಾಟ್ಯಾಂಕ್ ಗುಂರಾಹ್ ಕೆಲ್ಯಾತ್ ದೇವ್ ಮನ್ಶಾಂಚೆ ಬಳಿ ಘೆತ್ಲ್ಯಾತ್ ಹಾಕಾ ನ್ಹಯ್ ಫಕತ್ ಮನಿಸ್ ದೇವ್ ಲೆಗಿತ್ ಗವಾಯ್ ಆಸಾ ಮನಿಸ್ ಹಕ್ಕಾಚಿಯೊ ಕಸ್ಪಾಯೊ ಜಾಲ್ಯಾತ್ ಕಣಾಕ್ ಪಿಂಜ್ರ್ಯಾಂತ್ ಧಂಶಿಲ್ಯಾತ್ ಕಣಾಚಿಯೊ ಗಂಟಿಯೊ ಕಾತರ್ಲಿಯಾತ್ ಥಡ್ಯಾಂಕ್ ಸುಳಾರ್ ಚಡಯ್ಲ್ಯಾತ್ ಹುಲ್ಪಾವ್ನುಯ್ ಉಡಯ್ಲ್ಯಾತ್ ಕಿತ್ಲ್ಯಾಂಕ್ ಜಿವೆಚ್ ಪುರ್ಲ್ಯಾತ್ ಹಾಕಾ ನ್ಹಯ್ ಫಕತ್ ಮನಿಸ್ ದೇವ್ ಲೆಗಿತ್ ಗವಾಯ್ ಆಸಾ ಭುರ್ಗ್ಯಾಂಚಿ ಜಿಣ್ ದುಖ್ಲಿಯಾ ತಾಂಚ್ಯಾ ಸ್ವಾತಂತ್ರ್ಯಾಚೆರ್ ಗದಾ ಘಾಲಿಯಾ ಅಭಿವ್ಯೊಕ್ತಿಕ್ ಬಂಧಕ್ ಕೆಲಿಯಾ ನಿತಳ್ ಸ್ವಾಸಾಚಿ ವಾಟ್ ಲಾಯ್ಲಿಯಾ ಮುಠ್ಭರ್ ಜಾಣ್ಕಾರಾಂನಿ ನಿತ್ ಗಿರಾಸ್ಲಿಯಾ ಕಾಯ್ದ್ಯಾಕ್ ಘುಟ್ಲಾವಂಚಿ ಕರ್ಣಿ ಆಧಾರ್ಲಿಯಾ ಹಾಕಾ ನ್ಹಯ್ ಫಕತ್ ಮನಿಸ್ ದೇವ್ ಲೆಗಿತ್ ಗವಾಯ್ ಆಸಾ ಇತ್ಲೆಂ ಆಸುನುಯ್ ಮನ್ಸುಬಿ ನಾಂ ಖ್ಯಾಸ್ತ್ ತರ್ ನಾಂಚ್ ನಾಂ ನಿರಪ್ರಾಧಿಯಾಂಕ್ ವಕಿಲ್ ನಾಂ ನಿಸ್ಶ್ಪಾಪ್ಯಾಂಕ್ ಗವಾಯ್ ನಾಂ ಅನದ್ವಂತಾಂಕ್ ಮನ್ಸುಬಿದಾರ್ ನಾಂ ಮನಿಸ್ ಹಕ್ಕಾಕ್ ಜಾಗಚ್ ನಾಂ ಹಾಕಾ ನ್ಹಯ್ ಫಕತ್ ಮನಿಸ್ ದೇವ್ ಲೆಗಿತ್ ಗವಾಯ್ ಆಸಾ ದೆವಾಚಿಯೆ ರಚ್ಣೆಚೊ ಅಕ್ಮಾನ್ ಜಾತಾ ತಾಚಿಯೆಚ್ ಆದ್ನೆನ್ ಮನಿಸ್ ಜಲ್ಮತಾ ಕೆದ್ನಾಂ ಜಾಯ್ ಮ್ಹಣ್ ಯೆತಾ ಕೆದ್ನಾಂ ನಾಕಾ ಆಸ್ತಾನಾಂ ರುಪ್ ಘೆತಾ ಖುಯಂಚ್ಯಾ ರಾಜ್ಯಾಂತ್ಲಿ ಹಿ ನಿತ್ ವರ್ತತಾ? ಸಯ್ತಾನಾಚ್ಯಾ ಕರ್ಣಿಯಾಂಚೊ ಜಯ್ಜಯ್ಕಾರ್ ಜಾತಾ ಹಾಕಾ ನ್ಹಯ್ ಫಕತ್ ಮನಿಸ್ ದೇವ್ ಲೆಗಿತ್ ಗವಾಯ್ ಆಸಾ ಅನಿತಿಚೆರ್ ರಯ್ಣ್ ವಾಡ್ಲಿಯಾ ತಾಕಾ ಶಿಕ್ಶಾ ಮೆಳ್ಳಿಯಾ ಆದಿಂಚ್ ಥಾವ್ನ್ ಹಿ ಚಾಲ್ ಚಲ್ಲಿಯಾ ಆಯ್ಜುಯ್ ತಿಚಿ ಪಸ್ವಣ್ ಜಾಲಿಯಾ ಎಕಾ ಜಿವಾಚಿ ರಗ್ತ್ವಾಹಿನಿ ಸುಕನ್ ಗೆಲಿಯಾ ಮನಿಸ್ ಹಕ್ಕಾಚಿ ಹಿಣ್ ಕಾಣಿ ರಂಗತ್ ರಾವ್ಲಿಯಾ ಹಾಕಾ ನ್ಹಯ್ ಫಕತ್ ಮನಿಸ್ ದೇವ್ ಲೆಗಿತ್ ಗವಾಯ್ ಆಸಾ **** - ವಿನ್ಸಿ ಕ್ವಾಡ್ರೊಸ್**. [ಜನೆರ್, 2020]

	ವಿನ್ಸಿ ಕ್ವಾಡ್ರೊಸ್: ಬಾಬ್ ವಿನ್ಸಿ ಕ್ವಾಡ್ರೊಸ್ ಗೊಂಯ್ಚೊ ನಾಮ್ಣೆಚೊ ಕೊಂಕ್ಣಿ ವಾವ್ರಾಡಿ, ಮುಖೆಲಿ, ಬರಯ್ಣಾರ್, ಕವಿ ತಸೊಚ್ ಸಮಾಜ್-ಸುಧಾರಕ್ ಚಿಂತ್ಪಿ. ಯೆದೊಳ್‌ಚ್ ತಾಚೆ ಕಾಂಯ್ ತಿಸಾಂಲಾಗಿಂ ಬೂಕ್ ಕೊಂಕ್ಣೆಂತ್ ಪರ್ಗಟ್ಲ್ಯಾತ್. ಆಯ್ಲೆವಾರ್ ತಾಚ್ಯಾ ’ಜಾದೂಚೆಂ ಪೆಟುಲ್’ ಬಾಳ್ ಸಾಹಿತ್ ಬುಕಾಖಾತಿರ್ ಕೇಂದ್ರ್ ಸಾಹಿತ್ ಅಕಾಡೆಮಿಚಿ ಪ್ರಶಸ್ಥಿ ಲಾಭ್ಲ್ಯಾ. ಇಂಧೋರಾಂತ್ ಚಲ್‌ಲ್ಲ್ಯಾ ಅಖಿಲ್ ಭಾರತೀಯ್ ಕವಿಗೋಶ್ಟಿಂತ್ ಕೊಂಕಣಿ ಕವಿತಾವಾಚನ್ ಕೆಲಾಂ.
[kovita] Dev Legit Govai asa(- Vincy Quadros)
Vellakalla thaun, yugam yugamni jednam kaide kanun, monxa hokkam, nit-monsubechea nibamni monxaponnachoch bhongostoll zata tednam kovichea sosnnikayechi godd utorta. Osolea xellienchea vesar monxaponnak lutt'telea bolpeancher nit korunk konn‌yi monis na mholl'llem chintop motint udetana devacho uddas yeta. Hangasor devo sobdh asa dekun hi dharmik chintpachi kovita mhonnunk zaina. Hangasor devo sobdh ek imajerupar ghetlo tor somajent zamvchea onitechea doreka proxnanchi zovab devo mholl'lleporim disun yeta. Bab vinsi kvaddros gõycho namnecho kovi toxench songhottok, vauraddi, potr‌kort. Punn hachea kovitemni soit somajecher zamvchea onitek khonddon korchem chintop vevegollea ritimni polleuyeta. Bakichem vachpea tujer soddtam. - Som
[kovita] Dev Legit Govai asa(- Vincy Quadros)
Dev Legit Govai asa Kalla kalla thaun viddombnam chol’lia Monis hokkachi xoronnagoti zalia Jiyeunk axeloli ostori harun gelia Dadleanchie bhokik poddlia Ambottxoukinanchi xikar tharlia Jivitachea orthak vonchit urlia Haka nhoi fokot monis Dev legit govai asa Lokxayeche hanxe zaleat Vaitt polleun soglle dhorm koxttovleat Monis hokkache kandd zaleat Dadleank jivexim marleat Tornatteank gumrah keleat Dev mon’xanche bolli ghetleat Haka nhoi fokot monis Dev legit govai asa Monis hokkachio kospayo zaleat Konnak pinzreant dhomxileat Konnachio gomttio katorliat Thoddeank sullar choddoileat Hulpaunui uddoileat Kitleank jivech purleat Haka nhoi fokot monis Dev legit govai asa Bhurgeanchi jinn dukhlia Tanchea svatontreacher goda ghalia Obhiveoktik bondhok kelia Nitoll svasachi vatt lailia Mutthbhor zannkaramni nit giraslia Kaideak ghuttlaunchi kornni adharlia Haka nhoi fokot monis Dev legit govai asa Itlem asunui mon’subi nam Kheast tor nanch nam Niropradhiank vokil nam Nisxpapeank govai nam Onodvontank mon’subidar nam Monis hokkak zagoch nam Haka nhoi fokot monis Dev legit govai asa Devachie rochnnecho okman zata Tachiech adnen monis zolmota Kednam zai mhonn yeta Kednam naka astanam rup gheta Khuinchea rajyantli hi nit vortota? Soitanachea kornniancho zoizoikar zata Haka nhoi fokot monis Dev legit govai asa Oniticher roinn vaddlia Taka xikxa mell’llia Adinch thaun hi chal chol’lia Aizui tichi posvonn zalia Eka jivachi rogtvahini sukon gelia Monis hokkachi hinn kanni rongot ravlia Haka nhoi fokot monis Dev legit govai asa **** - Vincy Quadros.** [Zoner, 2020]

	Vincy Quadros: Bab Vinsi Quaddros gõycho namnnecho konknni vauraddi, mukheli, boroinnar, kovi tosoch somaz-sudharok chintpi. Yedoll‌ch tache kaim tisamlagim buk konknnent porgottleat. Ailevar tachea ’zaduchem pettul’ ball sahit bukakhatir kendr sahit okaddemichi proxosthi labhlea. Indhorant chol‌l'lea okhil bharoti-i kovigoxttint konkonni kovitavachon kelam.
[कविता] देव लेगीत गवाय आसा (- विन्सी क्वाड्रोस)
वेळाकाळा थावन, युगां युगांनी जेदनां कायदे कानून, मनशा हक्कां, नीत-मन्सुबेच्या निबांनी मनशापणाचोच भोंगोसतोळ जाता तेदनां कविच्या सोसणिकायेची गड उतर्ता. असल्या शेळियेंच्या वेसार मनशापणाक लुटतेल्या बोल्प्यांचेर नीत करुंक कोण‌यी मनीस ना म्हळ्ळें चिंतप मतिंत उदेताना देवाचो उडास येता. हांगासर देव सब्ध आसा देकून ही धार्मीक चिंत्पाची कविता म्हणुंक जायना. हांगासर देव सब्ध एक इमाजेरुपार घेतलो तर समाजेंत जांवच्या अनीतेच्या दरेका प्रश्नांची जवाब देव म्हळ्ळेपरीं दिसून येता. बाब विन्सी क्वाड्रोस गोंयचो नाम्नेचो कवी तशेंच संघटक, वावराडी, पत्र‌कर्त. पूण हाच्या कवितेंनी सयत समाजेचेर जांवच्या अनीतेक खंडन कर्चें चिंतप वेवेगळ्या रितिंनी पळेव्येता. बाकिचें वाचप्या तुजेर सोडतां. -संं
[कविता] देव लेगीत गवाय आसा (- विन्सी क्वाड्रोस)
देव लेगीत गवाय आसा काळा काळा थावन विडंब्नां चल्लिया मनीस हक्काची शरणागती जालिया जियेवंक आशेलली असतरी हारून गेलिया दादल्यांचिये भकीक पडलिया आंबटशवकिनांची शिकार थारलिया जिविताच्या अर्थाक वंचीत उरलिया हाका न्हय फकत मनीस देव लेगीत गवाय आसा लक्षायेचे हांशे जाल्यात वायट पळेवन सगळे धरं कश्टवल्यात मनीस हक्काचे कानड जाल्यात दादल्यांक जिवेशीं मारल्यात तर्नाट्यांक गुंराह केल्यात देव मनशांचे बळी घेतल्यात हाका न्हय फकत मनीस देव लेगीत गवाय आसा मनीस हक्काचियो कस्पायो जाल्यात कणाक पिंजऱ्यांत धंशिल्यात कणाचियो गंटियो कातरलियात थड्यांक सुळार चडयल्यात हुल्पावनूय उडयल्यात कितल्यांक जिवेच पुरल्यात हाका न्हय फकत मनीस देव लेगीत गवाय आसा भुर्ग्यांची जीण दुखलिया तांच्या स्वातंतऱ्याचेर गदा घालिया अभिव्योक्तीक बंधक केलिया नितळ स्वासाची वाट लायलिया मुठभर जाणकारांनी नीत गिरासलिया कायद्याक घुटलावंची कर्णी आधारलिया हाका न्हय फकत मनीस देव लेगीत गवाय आसा इतलें आसुनूय मन्सुबी नां ख्यासत तर नांच नां निरपराधियांक वकील नां निसश्पाप्यांक गवाय नां अनद्वंतांक मन्सुबिदार नां मनीस हक्काक जागच नां हाका न्हय फकत मनीस देव लेगीत गवाय आसा देवाचिये रचणेचो अक्मान जाता ताचियेच आदनेन मनीस जल्मता केदनां जाय म्हण येता केदनां नाका आसतानां रूप घेता खुयंच्या राज्यांतली ही नीत वर्तता? सयतानाच्या कर्णियांचो जयजयकार जाता हाका न्हय फकत मनीस देव लेगीत गवाय आसा अनितिचेर रयण वाडलिया ताका शिक्षा मेळ्ळिया आदिंच थावन ही चाल चल्लिया आयजूय तिची पस्वण जालिया एका जिवाची रग्त्वाहिनी सुकन गेलिया मनीस हक्काची हीण काणी रंगत रावलिया हाका न्हय फकत मनीस देव लेगीत गवाय आसा **** - विन्सी क्वाड्रोस.** [जनेर, २०२०]

	विन्सी क्वाड्रोस: बाब विन्सी क्वाड्रोस गोंयचो नामणेचो कोंकणी वावराडी, मुखेली, बरयणार, कवी तसोच समाज-सुधारक चिंत्पी. येदोळ‌च ताचे कांय तिसांलागीं बूक कोंकणेंत पर्गटल्यात. आयलेवार ताच्या ’जादूचें पेटूल’ बाळ साहीत बुकाखातीर केंद्र साहीत अकाडेमिची प्रशस्थी लाभल्या. इंधोरांत चल‌ल्ल्या अखील भारतीय कविगोश्टिंत कोंकणी कवितावाचन केलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.