ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ಸಂ ವಿಧಾನ್ ಖಾಲೆಂ ಧುಕ್ರಾನ್ (- ಶೈಲೆಂದ್ರ್ ಮೆಹ್ತಾ)

ಹೆಂ ದುಕೊರ್-ಸುಣೆ ವಾಗಟಾಚೆಂ ಜೊಡೆಂ ಕೊಣಾಚೆಂ ಮ್ಹಳ್ಳೆಂ ಸರ್ವಾಂಕ್ ಕಳಿತ್ ಆಸ್ಚೆಂ ಸತ್. ಜೆದ್ನಾಂ ಪಾಸೊನ್ ಆಮಿ ದೊಳ್ಯಾಂಚೆರ್ ಪಟ್ಟಿ ಭಾಂದುನ್, ತೊಂಡಾಂತ್ ಕಾಫುಸ್ ಚೆಪುನ್, ಮುಕಮಳಾಚೆರ್ ಮುಖೊಟೆಂ ನ್ಹೆಸುನ್ ಆಮಿ ಸುಖಿ ಮ್ಹಳ್ಳ್ಯಾ ಭೃಮಿದೆಂತ್ಲೆ ಭಾಯ್ರ್ ಯೇನಾಂವ್. ಆಮ್ಚೆಂ ರಾಜ್ ಕರುಂಖ್ ದುಕೊರ್ ಕಿತ್ಯಾಕ್, ಸುಣೆ ವಾಗಟ್ ಸಯ್ತ್ ಯಾ ಗಾಡಂವ್ ಸಯ್ತ್ ಯೇತ್. ಹಾಂಗಾಸರ್ ಸಭ್ಯತಾ ಮ್ಹಳ್ಳೊ ಡೋಂಗ್ ಕರುನ್ ಹಾತಾಕ್ ಹಾತ್ ಭಾಂದುನ್ ತಮಾಸೊ ಪಳೆಂವ್ಚ್ಯಾಕೀ, ಕವಿತೆಚ್ಯಾ ಮಾಧ್ಯಮಾಂತ್ ಆವಾಜ್ ಉಟಂವ್ಚೆಂ ಮನ್ ವ ಧಯ್ರ್ ಕಿತ್ಲೆಶ್ಯಾಂಕ್ ಆಸಾ? ಪುಣ್ ಹಾಂಗಾಸರ್ ಏಕ್ ಕವಿತಾ ತೆಂ ಧಯ್ರ್ ಘೆತಾನಾ, ಅಪ್ಶೆಂಚ್ ಮಾತ್ಯಾಚೆಂ ಚೆಪೆಂ ಉಕಲ್ಚೆಂ ಮನ್ ಯೆತಾ.

ಬಾಬ್ ಶಯ್ಲೇಂದ್ರ ಮೆಹ್ತಾ ಏಕ್ ಅಂಕಣ್‌ಕಾರ್, ಕವಿ ದೆಕುನ್ ತಾಚಿ ನದರ್ ಜಾಗಿ. ಆನಿ ಹ್ಯಾ ಕವಿತೆಂತ್ ತೆಂ ಸ್ಪಶ್ಟ್ ಥರಾನ್ ದಿಸುನ್ ಯೆತಾ. ಹ್ಯಾ ಕವಿತೆಚಿ ತಾಂಕ್ ಆನಿ ಗುಂಡಾಯ್ ಮೆಜುಂಕ್ ತುಕಾಚ್ ಸೊಡತಾಂ.

- ಸಂ

[ಕವಿತಾ] ಸಂ ವಿಧಾನ್ ಖಾಲೆಂ ಧುಕ್ರಾನ್ (- ಶೈಲೆಂದ್ರ್ ಮೆಹ್ತಾ)

ಸಂ ವಿಧಾನ್ ಖಾಲೆಂ ಧುಕ್ರಾನ್ ನ್ಹಾವನ್ ಧುವ್ನ್ ಯೊ ರೆ ಗಡ್ಯಾ ಭಾರಾರ್ ಭಾರ್ ಕಾಡುಯಾ ಕೈಫ್ ತಕ್ಲೆಂತ್ ಚಡ್ಲ್ಯಾಉಪರಾಂತ್ ಘೊಸೊಳ್ ಗಾಂವ್ಭರ್ ಘಾಲುಯಾ ಆಯ್ಲೆ- ಗೆಲೆ ಕಿತ್ಲೆಶೆಚ್ ಘಾಲೂನ್ ನಮನ್ ಮುಳ್ಪುರಸಾಕ್ ನಾಚ್ಲೆ -ಖರ್ಶೆಲೆ ಜೀವ್ ತೊಡೂನ್ ಹಾತ್ ಪಾವ್ಲೆನಾತ್ ಕಳ್ಸಾಕ್ ನವ್ಯಾ ಗಣ್ಭೆಸಾಂತ್ ಉಬೆ ತಯಾರ್ ವಾಜಂತ್ರ್ಯಾಂಚೆ ನವೆ ಅವ್ತಾರ್ ವಾಜ್ವಂಕ್ ಮಾತ್ ಸಕ್ತ್ ಮನಾಯ್ ರಾನ್ ಉಠೊವ್ಪಿ ನವೆಂ ಕಾಂತಾರ್ ದೆಖೂನ್ ಆಮಿ ನಾಚುಯಾಚ್ ದೆವಾ - ಧರ್ಮಾ ನಾಂವಾನ್ ಖುದುಯಾ ದಾರಾರ್ ಹುಬೊವ್ನ್ ಬಾವ್ಟೆ-ಗುಢ್ಯೊ ಮರ್ಣಾ ಘಾಂಟಿ ವಾಜವ್ಯಾ ಆಜ್ಞಾ ಜಾತಾ ತಸೊ ಸಾಂವಾರ್ ಮಾಗ್ಣಿ ಆಸ್ತಾ ತಸೊ ಬಾಜಾರ್ ಗುಲಾಬಾಂಚೆ ತಾಟ್ವೆ ಫುಲೊವಂಕ್ ಶೆತಾಂ- ಭಾಟಾಂ ಹುಲ್ಪಾವಯಾ ಪಿಸ್ಡಾವನ್ ಪಾಖಾಂ ಉಡಟ್ಲ್ಯಾಂಚಿಂ ಜಾಳಾಂತ್ ಫಾರಾವ್ಯಾ ಸುಕ್ಣ್ಯಾಂ ಭಿರೆಂ ಸೂಡಾನಾಟಕಾಂ ವರ್ಸಾವಳೀಚಿಂ ಯಾದ್ ದವ್ರಪಿ ಕರ್ಮದಳದಿರೆ ದಾವ್ಯಾರ್ ಮಾರುನ್ ನೈತಿಕ್ ಫಾಸ್ಕಿ ನವ್ಯಾ ರಾಜ್ಯಾಂತ್ ನವೆ ಸೆವೆಕಾರ್ ರೊಡ್ ರೊಲರ್ ಚಲವ್ಯಾ ಸವ್ಕಾಸ್ ಚಿಡ್ಡೀತ್- ಭಡ್ಡೀತ್ ಯೆತ್ಲ್ಯಾಂಕ್ ಮುಖಾರ್ ನ್ಹಾವನ್ ಧುವ್ನ್ ಯೊ ರೆ ಗಡ್ಯಾ..... **** - ಶೈಲೆಂದ್ರ್ ಮೆಹ್ತಾ**. [ಜನೆರ್, 2020]

	ಶೈಲೆಂದ್ರ್ ಮೆಹ್ತಾ: ಕಾಂಯ್ ಚಾಳಿಸ್ ವರ್ಸಾಂ ಥಾವ್ನ್ ಮರಾಠಿ ತಶೆಂಚ್ ಕೊಂಕಣಿಂತ್ ಕವಿತಾ ಬರವ್ನ್ ಆಯಿಲ್ಲೊ ಬಾಬ್ ಶಯ್ಲೇಂದ್ರ ಮೆಹ್ತಾ, ಪಾರಂಪರಿಕ್ ಕವಿತಾ ನ್ಹಯ್ ಬಗಾರ್ ಆಧುನಿಕ್ ಕವಿತಾ ಬರಯ್ತೆಲ್ಯಾಂಚ್ಯಾ ಪಂಗ್ತೆರ್ ಆಸಾ. ಅಮೂರ್ತ್ ಸಂಕೇತ್ (Abstract images) ಅಪ್ಲ್ಯಾ ಕವಿತೆಂನಿ ಗುಂತುನ್ ಉತ್ರಾಂತಲ್ಯಾ ಅರ್ಥಾಂಚ್ಯಾ ಗರ್ಭಾಂನಿ ತಿಂ ಲಿಪಂವ್ಚಿ ಶ್ಯಾಥಿ ಆಸ್ಚೊ ತಾಕ್ತೆವಂತ್ ಕವಿ. ತಾಚೊ ಕವಿತಾಜಮೊ ’ಸಿಸಿಫಸ್ ತೆಂಗ್‌ಶೆರ್’ ಆಯ್ಲೆವಾರ್ ಪರ್ಗಟ್ ಜಾಲ್ಲೊ ಜಾವ್ನಾಸಾ.
[kovita] Som vidhan khalem dhukran* (- Shailendra Mehta)*
Hem dukor-sunne vagottachem zoddem konnachem mholl'llem sorvank kollit aschem sot. Jednam pason ami dolleancher pott'tti bhandun, tonddant kafus chepun, mukomollacher mukhottem nhesun ami sukhi mholl'llea bhrimidentle bhair yenamv. Amchem raz korunkh dukor kiteak, sunne vagott soit ya gaddomv soit yet. Hangasor sobhyota mholl'llo ddong korun hatak hat bhandun tomaso pollemvcheaki, kovitechea madhyomant avaz uttomvchem mon vo dhoir kitlexeank asa? punn hangasor ek kovita tem dhoir ghetana, opxench mateachem chepem ukolchem mon yeta. Bab Shailendra Mehta ek onkonn‌kar, kovi dekun tachi nodor zagi. Ani hea kovitent tem spoxtt thoran disun yeta. Hea kovitechi tank ani gunddai mezunk tukach soddotam. - Som
[kovita] Som vidhan khalem dhukran* (- Shailendra Mehta)*
Som vidhan khalem dhukran nhaun dhuvn yo re goddea bharar bhar kadduya koif toklent choddleauporant ghosoll gamvbhor ghaluya aile- gele kitlexech ghalun nomon mullpurosak nachle -khorxele jivo toddun hat paulenat kollsak novea gonnbhesant ube toyar vazontreanche nove ovtar vajvonk mat sokt monai ran utthoupi novem kantar dekhun ami nachuyach deva - dhorma namvan khuduya darar huboun bautte-guddheo mornna ghantti vazovea agonea zata toso samvar magnni asta toso bazar gulabanche tattve fulounk xetam- bhattam hulpauya pisddaun pakham uddottleanchim zallant faravea suknneam bhirem suddanattokam vorsaullichim yad douropi kormodollodire davear marun noitik faski novea rajeant nove sevekar rodd rolor cholovea soukas chidd'ddit- bhodd'ddit yetleank mukhar nhaun dhuvn yo re goddea..... ** - Shailendra Mehta.** [Jan, 2020]

	Shailendra Mehta: Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi. Tacho kovitazomo ’Sisifos Teng‌xer’ ailevar porgott zal'lo zaunasa.
[कविता] सं विधान खालें धुकरान (- शैलेंद्र मेहता)
हें दुकोर-सुणे वागटाचें जोडें कोणाचें म्हळ्ळें सर्वांक कळीत आसचें सत. जेदनां पासोन आमी दोळ्यांचेर पट्टी भांदून, तोंडांत काफूस चेपून, मुकमळाचेर मुखोटें न्हेसून आमी सुखी म्हळ्ळ्या भृमिदेंतले भायर येनांव. आमचें राज करुंख दुकोर कित्याक, सुणे वागट सयत या गाडंव सयत येत. हांगासर सभ्यता म्हळ्ळो डोंग करून हाताक हात भांदून तमासो पळेंवच्याकी, कवितेच्या माध्यमांत आवाज उटंवचें मन व धयर कितलेश्यांक आसा? पूण हांगासर एक कविता तें धयर घेताना, अपशेंच मात्याचें चेपें उकल्चें मन येता. बाब शयलेंद्र मेहता एक अंकण‌कार, कवी देकून ताची नदर जागी. आनी ह्या कवितेंत तें स्पश्ट थरान दिसून येता. ह्या कवितेची तांक आनी गुंडाय मेजुंक तुकाच सोडतां. सं.
[कविता] सं विधान खालें धुकरान (- शैलेंद्र मेहता)
सं विधान खालें धुकरान न्हावन धुवन यो रे गड्या भारार भार काडुया कैफ तकलेंत चडल्याउपरांत घोसोळ गांवभर घालुया आयले- गेले कितलेशेच घालून नमन मुळपुरसाक नाचले -खरशेले जीव तोडून हात पावलेनात कळसाक नव्या गणभेसांत उबे तयार वाजंत्र्यांचे नवे अवतार वाजवंक मात सक्त मनाय रान उठोवपी नवें कांतार देखून आमी नाचुयाच देवा - धर्मा नांवान खुदुया दारार हुबोवन बावटे-गुढयो मरणा घांटी वाजवया आज्ञा जाता तसो सांवार मागणी आसता तसो बाजार गुलाबांचे ताटवे फुलोवंक शेतां- भाटां हुलपावया पिसडावन पाखां उडटल्यांचीं जाळांत फारावया सुकण्यां भिरें सूडानाटकां वर्सावळीचीं याद दवरपी कर्मदळदिरे दाव्यार मारुन नैतिक फास्की नव्या राज्यांत नवे सेवेकार रोड रोलर चलवया सवकास चिड्डीत- भड्डीत येतल्यांक मुखार न्हावन धुवन यो रे गड्या..... **** - शैलेंद्र मेहता.** [जनेर, २०२०]

	शैलेंद्र मेहता: कांय चाळीस वर्सां थावन मराठी तशेंच कोंकणिंत कविता बरवन आयिल्लो बाब शयलेंद्र मेहता, पारंपरीक कविता न्हय बगार आधुनीक कविता बरयतेल्यांच्या पंग्तेर आसा. अमूर्त संकेत (Abstract images) अपल्या कवितेंनी गुंतून उत्रांतल्या अर्थांच्या गर्भांनी तीं लिपंवची श्याथी आसचो ताक्तेवंत कवी. ताचो कविताजमो ’सिसिफस तेंग‌शेर’ आयलेवार पर्गट जाल्लो जावनासा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.