ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ರೂಪ್ಡಿಂ (- ಸಖಾರಾಮ್ ಶೆಣ್ವಿ ಬೋರ್ಕರ್)

ಮನಶಾಂಕ್ ನಾಗಡೆಂ ಕರ್ಚಿ ಸಕತ್ ಕವಿತೆಚ್ಯಾ ಥೊಡ್ಯಾಚ್ ಉತರಾಂನಿ ಆಸುಂಕ್ ಸಾಧ್ಯ್ ಆಸಾ? ಹಿ ಕವಿತಾ ಖರಿಚ್ ತಸಲಿ ಕವಿತಾ. ಆಯಚೊ ದರೇಕ್ ಮನೀಸ್ ಅಪಣಾಕ್ ಕಳಿತ್ ಆಸುನ್ ವಾ ನಾಸತಾನಾ ರುಪಡಿಂ ಘಾಲುನ್ ಜಿಯೆತಾ. ಸಮಾಜೆಕ್, ಹೆರಾಂಕ್ ದಾಕವ್ಪಾಕ್. ಆನಿ ಹಿಂ ರುಪಡಿಂ ಘಾಲ್ತಕಚ್ ಕಿತೆಂ ಮನಶಾಚೆಂ ಸೈಮ್ ಬದಲತಾ? ಹೊ ಏಕ್ ಅಧುರೊ ಪ್ರಶ್ನ್.

ಬಾಬ್ ಸಖಾರಾಮ್ ಶೆಣವೀ ಏಕ್ ಅಪುರ್ಭಾಯೆಚೊ ಚಿಂತಪಿ, ಆನಿ ತಾಚಿ ದರೇಕ್ ಕವಿತಾ ಹಾಚಿ ಗವಾಯ್. ಹ್ಯಾ ಕವಿತೆಂತಲಿ ವಯ್ಚಾರಿಕತಾ ಪಾರ್ಕುಂಕ್ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ರೂಪ್ಡಿಂ (- ಸಖಾರಾಮ್ ಶೆಣ್ವಿ ಬೋರ್ಕರ್)

ರೂಪ್ಡಿಂ ಪೈಲಿಂ ಲೊಕ್… ಫಕತ್ ಶಿಗ್ಮ್ಯಾವೆಳಾರ್, ಕಾರ್ನಿವಾಲಾಕ್, ವಾ ದಶಾವ್ತಾರಿ ಕಾಲ್ಯಾಕ್ ರೂಪ್ಡಿಂ ಘಾಲೂನ್ ಮಿರಯ್ತಾಲೆ. ಆತಾಂ... ರೂಪ್ಡಿಂ ಘಾಲೂನ್ ಭೊಂವ್ಪಾಚಿ ಲೊಕಾಂಮದಿಂ ಸರ್ತಚ್ ಲಾಗ್ಲ್ಯಾ. ಪಾವ್ಲಾಂ ಕಣ್ಕಣಿಂ ರೂಪ್ಡಿಂ ಘಾಲೂನ್ ಮಿರೊವ್ಪಿ ಲೊಕಚ್ ಚಡ್ ದಿಶ್ಟಿ ಪಡ್ಟಾತ್. ಕೊಣ್ ಸಭ್ಯತಾಯೆಚೆಂ ರೂಪ್ಡೆಂ ಘಾಲ್ತಾ ಕೊಣ್ ಸಮಾಜಸೆವಕಾಚೆಂ, ಕೊಣ್ ಪಯ್ಶೆಕಾರಾಚೆಂ, ಕೊಣ್ ರಾಜ್ಕಿ ಫುಡಾರ್ಯಾಚೆಂ, ತರ್ ಕೊಣ್ ಸಾಧು, ಸಂತ್, ಮಹಾತ್ಮ್ಯಾಚೆಂ ! ಪೂಣ್.. ಜೆನ್ನಾ ಹಿಂ ಸಗ್ಳಿಂ ರೂಪ್ಡಿಂ ಗಳೂನ್ ಪಡ್ಟಾತ್ ತೆನ್ನಾ ಉಕ್ತೆಂ ಜಾತಾ ಕೊಣ್ ಪಯ್ಶೆಕಾರ್, ಕೊಣ್ ಸಮಾಜಸೆವಕ್ ಕೊಣ್ ಸಾಧು,ಕೊಣ್ ಸಂತ್ ಕೊಣ್ ಫುಡಾರಿ ಕೊಣ್ ಕಿತೆಂ, ಕಿತೆಂ ತೆಂ! ಆನಿ ಮಾಗೀರ್ ಸಭೆಮಾಜಾರ್ ಯೆತಾ ರೂಪ್ಡ್ಯಾಂ ಫಾಟ್ಲ್ಯಾನ್ ಲಿಪಿಲ್ಲೆಂ ಭಿರಾಂಕೂಳ್ ಸತ್! **** - ಸಖಾರಾಮ್ ಶೆಣ್ವಿ ಬೋರ್ಕರ್**. [ಫೆಬ್ರೆರ್, 2020]

	ಸಖಾರಾಮ್ ಶೆಣ್ವಿ ಬೋರ್ಕರ್: ಫಾಟ್ಲಿಂ ಸಾಬಾರ್ ವರ್ಸಾಂ ತೆ ಸಾತ್ತ್ಯಾನ್ ಕವಿತಾ, ಲೆಖ್, ನಿಬಂದ್, ಕಥಾ, ಪುಸ್ತಕ್ ಪರಿಕ್ಷಣಾಂ ಕರೀತ್ ಆಯ್ಲ್ಯಾತ್. ತಾಂಕಾ ಆತಾಂ ಮೆರೆನ್ ಸರ್ಸ್ವತಿ ವಾಚ್ನಮಂದೀರ್, ಪಣ್ಜಿ, ಗೊವಾ ಸೆಕ್ಯುಲರ್ ಸೆಲ್, ರಾಮಾನಂದ್ ಪ್ರಕಾಶನ್, ಕಲಾಮಂಥನ್ ಆಮೊಣೆ, ಕೊಂಕಣ್ ಟಾಯ್ಮ್ಸ್, ಗೊಂಯ್ ವಿಧ್ಯಾಪೀಠ್, ಕೊಂಕ್ಣಿ ಸೆವಾ ಕೆಂದ್ರ್ ಕುಡ್ಚಡೆ, ಕೊಂಕ್ಣಿ ಭಾಶಾ ಮಂಡಳ್ ಹಾಂಚೆ ಪುರ್ಸ್ಕಾರ್ ಫಾವೊ ಜಾಲ್ಯಾತ್. ತಾಂಚೆ ಲಿಖಾಣ್ ಭಾಂಗ್ರಭೂಂಯ್, ಬಿಮ್ಬ್, ಜಾಗ್ ಆದಿ ನೆಮಾಳ್ಯಾಂನಿಂ ಉಜ್ವಾಡಾಕ್ ಯೆತಾ. ಆಕಾಶವಾಣಿ ಪಣ್ಜಿ ಕೆಂದ್ರಾಚೆರ್ ತಾಂಚೆ ಕವಿತಾ ವಾಚ್ನಾಚೆ ಕಾರ್ಯಕ್ರಮ್ ಜಾತಾತ್. ಬೊರ್ಕಾರ್ ಹಾಂಣಿ ಮುಂಬಯ್ ವಿಧ್ಯಾಪೀಠಾಚಿ ರಸಾಯ್ನಶಾಸ್ತ್ರ್ ಆನಿ ಕಾಯ್ದ್ಯಾಚಿ ಪದ್ವಿ ಘೆತ್ಲ್ಯಾ. ತ್ಯಾಭಾಯ್ರ್ ತಾಣಿಂ ಗೊಂಯ್ ವಿದ್ಯಾಪೀಠಾಂತ್ಲ್ಯಾನ್ ಕೊಂಕ್ಣಿ ವಿಶ್ಯಾಂತ್ ಪದ್ವ್ಯುತ್ತರ್ ಪದ್ವಿ(M.A.) ಆಣಿ ವ್ಯವ್ಸ್ಥಾಪನ್, ಕಾಮ್ಗಾರ್ ಕಾಯ್ದೊ ಆನಿ ಕರ್ (Taxation) ಹ್ಯಾ ವಿಶ್ಯಾಂತ್ ಪದ್ವೀಕಾ ಘೆತ್ಲ್ಯಾತ್. ತೆ ಹಾಲೀಂಚ್ ಎಕಾ ಬಹುರಾಷ್ಟ್ರೀಯ್ ಕಂಪ್ನೀತ್ಲ್ಯಾನ್ ಅಧಿಕಾರಿ ಪದಾವೆಲ್ಯಾನ್ ನಿವೃತ್ತ್ ಜಾಲ್ಯಾತ್. ಆತಾಂ ಮೆರೆನ್ ತಾಂಚೆ ದೊನ್ ಕವಿತಾ ಸಂಗ್ರಹ್ 'ಅಥ್ರೆಕ್' ಆನಿ 'ತುಂ' ಹೆ ಉಜ್ವಾಡಾಕ್ ಆಯ್ಲ್ಯಾತ್ ಆನೀಕ್ ದೊನ್ ಕವಿತಾ ಸಂಗ್ರಹ್ ಆನಿ ಎಕ್ ಕಥಾ ಸಂಗ್ರಹಾಚೆರ್ ಕಾಮ್ ಚಾಲು ಆಸಾ. ಫಾಟ್ಲಿಂ ಸಾಬಾರ್ ವರ್ಸಾಂ ತೆ ಕೊಂಕ್ಣಿ ಮ್ಹಣಿ ಆನಿ ವಾಕ್ಪ್ರಚಾರ್ ಎಕ್ಠಾಂಯ್ ಕರ್ಪಾ ಸಾಂಗಾತಾಕ್ ತಾಚೆರ್ ಸಂಶೊಧನ್ ಕರ್ಪಾಚೊ ವಾವ್ರ್ ಕರ್ತಾತ್.
[kovita] Rupddim(- Sakharam Shennvi Borkar)
Monoxank nagoddem korchi sokot kovitechea thoddeach utoramni asunk sadhy asa? hi kovita khorich tosoli kovita. Aicho dorek monis oponnak kollit asun va nasotana rupoddim ghalun jieta. Somajek, herank dakoupak. Ani him rupoddim ghaltokoch kitem monoxachem soim' bodolota? ho ek odhuro proxn. Bab Sakharam Borkar opurbhayecho chintopi, ani tachi dorek kovita hachi govai. Hea kovitentoli voicharikota parkunk tukach ulo ditam. - Som
[kovita] Rupddim(- Sakharam Shennvi Borkar)
Rupddim poilim lok… fokot xigmeavellar, karnivalak, va doxautari kaleak rupddim ghalun miroitale. Atam... Rupddim ghalun bhomvpachi lokam'modim sortoch laglea. Paulam konnkonnim rupddim ghalun miroupi lokoch chodd dixtti poddttat. Konn sobhyotayechem rupddem ghalta konn somazoseukachem, konn poixekarachem, konn rajki fuddareachem, tor konn sadhu, sont, mohatmeachem ! punn.. Jen'na him sogllim rupddim gollun poddttat ten'na uktem zata konn poixekar, konn somazoseuk konn sadhu,konn sont konn fuddari konn kitem, kitem tem! ani magir sobhemazar yeta rupddeam fattlean lipil'lem bhirankull sot! ** - Sakharam Shennvi Borkar.** [Feb, 2020]

	Sakharam Shennvi Borkar: fattlim sabar vorsam te sat'tean kovita, lekh, nibond, kotha, pustok porikxonnam korit aileat. Tanka atam meren sorsvoti vachnomondir, ponnji, gova sekyulor sel, ramanond prokaxon, kolamonthon amonne, konkonn ttaims, gõy vidheapitth, konknni seva kendr kuddchodde, konknni bhaxa monddoll hanche purskar favo zaleat. Tanche likhann bhangrobhum-i, bimb, zag adi nemalleamnim ujvaddak yeta. Akaxovanni ponnji kendracher tanche kovita vachnache karyokrom' zatat. Borkar hamnni mumboi vidheapitthachi rosainoxastr ani kaideachi podvi ghetlea. Teabhair tannim gõy videapitthantlean konknni vixeant podvyut'tor podvi(M.A.) anni vyousthapon, kamgar kaido ani kor (Taxation) hea vixeant podvika ghetleat. Te halinch eka bohuraxttri-i kompnitlean odhikari podavelean nivrit't zaleat. Atam meren tanche don kovita songroh 'othrek' ani 'tum' he ujvaddak aileat anik don kovita songroh ani ek kotha songrohacher kam' chalu asa. Fattlim sabar vorsam te konknni mhonni ani vakprochar ekttham-i korpa sangatak tacher sonxodhon korpacho vaur kortat.
[कविता] रूपडीं (- सखाराम शेण्वी बोर्कार)
मनशांक नागडें कर्ची सकत कवितेच्या थोड्याच उतरांनी आसुंक साध्य आसा? ही कविता खरीच तसली कविता. आयचो दरेक मनीस अपणाक कळीत आसून वा नासताना रुपडीं घालून जियेता. समाजेक, हेरांक दाकवपाक. आनी हीं रुपडीं घाल्तकच कितें मनशाचें सैम बदलता? हो एक अधुरो प्रश्न. बाब सखाराम शेणवी एक अपुर्भायेचो चिंतपी, आनी ताची दरेक कविता हाची गवाय. ह्या कवितेंतली वयचारिकता पार्कुंक तुकाच उलो दितां. - सं
[कविता] रूपडीं (- सखाराम शेण्वी बोर्कार)
रूपडीं पैलीं लोक… फकत शिगम्यावेळार, कार्निवालाक, वा दशावतारी काल्याक रूपडीं घालून मिरयताले. आतां... रूपडीं घालून भोंवपाची लोकांमदीं सर्तच लागल्या. पावलां कणकणीं रूपडीं घालून मिरोवपी लोकच चड दिश्टी पडटात. कोण सभ्यतायेचें रूपडें घालता कोण समाजसेवकाचें, कोण पयशेकाराचें, कोण राजकी फुडाऱ्याचें, तर कोण साधू, संत, महात्म्याचें ! पूण.. जेन्ना हीं सगळीं रूपडीं गळून पडटात तेन्ना उक्तें जाता कोण पयशेकार्, कोण समाजसेवक कोण साधू,कोण संत कोण फुडारी कोण कितें, कितें तें! आनी मागीर सभेमाजार येता रूपड्यां फाटल्यान लिपिल्लें भिरांकूळ सत! **** - सखाराम शेण्वी बोर्कार.** [फेबरेर, २०२०]

	सखाराम शेण्वी बोर्कार: फाटलीं साबार वर्सां ते सात्त्यान कविता, लेख, निबंद, कथा, पुसतक परिक्षणां करीत आयल्यात. तांका आतां मेरेन सर्स्वती वाचनमंदीर, पणजी, गोवा सेक्युलर सेल, रामानंद प्रकाशन, कलामंथन आमोणे, कोंकण टायम्स, गोंय विध्यापीठ, कोंकणी सेवा केंद्र कुडचडे, कोंकणी भाशा मंडळ हांचे पुर्स्कार फावो जाल्यात. तांचे लिखाण भांग्रभूंय, बिमब, जाग आदी नेमाळ्यांनीं उज्वाडाक येता. आकाशवाणी पणजी केंद्राचेर तांचे कविता वाचनाचे काऱ्यक्रम जातात. बोर्कार हांणी मुंबय विध्यापीठाची रसायनशासत्र आनी कायद्याची पद्वी घेतल्या. त्याभायर ताणीं गोंय विद्यापीठांतल्यान कोंकणी विश्यांत पद्व्युत्तर पद्वी(M.A.) आणी व्यवस्थापन, कामगार कायदो आनी कर (Taxation) ह्या विश्यांत पद्वीका घेतल्यात. ते हालींच एका बहुराषट्रीय कंपनीतल्यान अधिकारी पदावेल्यान निवृत्त जाल्यात. आतां मेरेन तांचे दोन कविता संग्रह 'अथ्रेक' आनी 'तूं' हे उज्वाडाक आयल्यात आनीक दोन कविता संग्रह आनी एक कथा संग्रहाचेर काम चालू आसा. फाटलीं साबार वर्सां ते कोंकणी म्हणी आनी वाकप्रचार एकठांय कर्पा सांगाताक ताचेर संशोधन कर्पाचो वावर कर्तात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.