ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ನವೊ ಭಾರತ್ (- ಪ್ರಕಾಶ್ ದ. ನಾಯ್ಕ್)

ಹ್ಯಾ ಸಂಸಾರಾಂತ್ ಕಿತೆಂಯ್ ಥಿರ್ ಆಸಾ ತರ್ ತಿ ಬದ್ಲಾವಣ್ ಜಾವ್ನಾಸಾ. ಆನಿ ಹ್ಯಾ ಬದ್ಲಾವಣೆಂತ್ ಮನ್ಶಾರುಪಾಂ ಮಾತ್ರ್ ನ್ಹಯ್ ಮನ್ಶಾಮೊಲಾಂ ಸಯ್ತ್ ಬದ್ಲುನ್ ಆಸ್ಚೆಂ ಭೋವ್ ಮಾರ್ಮಿಕ್ ಚಿಂತಪ್ ಹ್ಯಾ ಕವಿತೆಂತ್ ಉಟಯಿಲ್ಲೆಂ ದಿಸುನ್ ಯೆತಾ. ಆಯ್ಚೊ ಬದಲ್ಲೊ ಸಂಸಾರ್ ಕಿತೆಂ ಆವಾಜಾಕ್‌ಚ್ ಸಂಗೀತ್ ಮ್ಹಣ್ತಾ ವಾ ಉತ್ರಾಂಕ್‌ಚ್ ಸಾಹಿತ್ ಮ್ಹಣ್ತಾ? ದೆಕುನ್ ಬದಲ್ಲೆಲ್ಯಾ ಸಂಸಾರಾಂತ್ ಆಜ್ ದರ್ಯಾಂತ್ ಸಯ್ತ್ ಕಾಗ್ದಾಂಚ್ ವೊಡಿಂ ಜಾಲ್ಯಾಂತ್?

ಬಾಬ್ ಪ್ರಕಾಶ್ ದಾ.ನಾಯ್ಕ್ ಗೊಂಯ್ಚೊ ಅಪ್ರೂಪ್ ಪುಣ್ ಅಪುರ್ಭಯೆಚೊ ಕವಿ ಮ್ಹಣ್ಚ್ಯಕ್ ಹಿ ಕವಿತಾ ಗವಾಯ್ ದೀತ್. ಹ್ಯಾ ಕವಿತೆಚೊ ಅಸ್ವಾದ್ ಕರುಂಕ್ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ನವೊ ಭಾರತ್ (- ಪ್ರಕಾಶ್ ದ. ನಾಯ್ಕ್)

ನವೊ ಭಾರತ್ ದರೆಕಾ ಮನಾಚೊೆ ಪೂಲ್ ಧಡಾಧಡ್ ಕೊಸ್ಳಪಾಚೊ ಭಂಯ್ ದಿಸ್ಪಾಕ್ ಲಾಗ್ಲಾ ..... ಭಿತ್ರಲೆಂ ಲೊಖಂಡ್ ಕಳ್ಮ್ಯೊವಂಕ್ ಲಾಗ್ಲಾಂ! ಕಾಳ್ಜಾಚೆ ಖಾಂಬೆ ಭೂಂಯ್ಕಾಂಪ್ ಜಾಲ್ಲೆವರಿ ಥರ್ಥರಪಾಕ್ ಲಾಗ್ಲ್ಯಾತ್ ...... ಶಿಮೀಟಾಚಿ ತಾಂಕ್ ಸದಳ್ ಜಾಯ್ತ್ ಚಲ್ಲ್ಯಾ! ಕುಡೀಕುಡೀಚ್ಯೊ ವಣ್ಟಿ ಜಾತಿಂ ಧರ್ಮಾಂಮದಿಂ ವೆಂರೂನ್ ಗೆಲ್ಯಾತ್ ..... ಉದ್ಕಾಂತಲಿ ಒಲ್ಸಾಣ್ ವಾಫ್ ಜಾಲ್ಯಾ! ಕಾಲ್ಚ್ಯಾ ಭಾರ್ತಾಚೊ ತೊ ಅಥಾಂಗ್ ದರ್ಯಾ ತುಜೊ ಮ್ಹಜೊ ದರೆಕ್ಲ್ಯಾಚೊ.... ಆಯ್ಚ್ಯಾ ಭಾರ್ತಾವಯಲೊ ನವೊ ಪೂಲ್ ನವೆ ಖಾಂಬೆ ನವ್ಯೊ ವಣ್ಟಿ... ದರ್ಯಾಯ್ ನವೊ ಜಾಲಾ...! ನವೆಂ ಉದಕ್ ತ್ಯಾ ಉದ್ಕಾಂತ್ ಕಾಗ್ದೀಚ್ ವ್ಹಡಿಂ! ನವೊ ಭಾರತ್... ಆಯ್ದಣಾಕ್ ಕಲಯ್ ಕಾಡಿಲ್ಲೆವರಿ! **** - ಪ್ರಕಾಶ್ ದ. ನಾಯ್ಕ್**. [ಜನೆರ್, 2020]

	ಪ್ರಕಾಶ್ ದ. ನಾಯ್ಕ್: ಪ್ರಕಾಶ್ ದತ್ತಾರಾಮ್ ನಾಯ್ಕ್ ವೃತ್ತೆನ್ ಏಕ್ ಶಿಕ್ಷಕ್. ಗೊಂಯ್ಚ್ಯಾ ಶಾರದಾ ಇಂಗ್ಲಿಶ್ ಹೈಸ್ಕೂಲಾಂತ್ ಪಾಟ್ಲ್ಯಾ 33 ವರ್ಸಾಂ ಥಾವ್ನ್ ವಾವ್ರ್ ಕರುನ್ ಆಸಾ ಪುಣ್ ನಾಮ್ಣೆಚೊ ಕೊಂಕ್ಣಿ ವಾವ್ರಾಡಿ ಆನಿ ಕವಿ. ತಾಚೆ ’ಚೈತರ್’, ’ಕಸ್ತುರ್‌ಗಂಧ್’, ’ಕುಟಳ್’, ’ಅಸ್ತುರಿ: ಶಿಮೆಭಾಯ್ಲೆಂ ಮಳಬ್’ ಮ್ಹಳ್ಳೆ ಕವಿತಾಜಮೆ ಪರ್ಗಟ್ಲ್ಯಾತ್. ಸಭಾರ್ ಕವಿಗೋಶ್ಟಿಂನಿ, ಕವಿಸಮ್ಮೇಳನಾಂನಿ, ರೇಡಿಯೊ, ದೂರ್‌ದರ್ಶನಾಂತ್ ಸಯ್ತ್ ಕವಿತಾ ವಾಚ್ಲ್ಯಾತ್.
[kovita] Novo Bharot* (- Prokax do. Naik)*
Hea somsarant kitem-i thir asa tor ti bodlaunn zaunasa. Ani hea bodlaunnent monxarupam matr nhoi monxamolam soit bodlun aschem bhovo marmik chintop hea kovitent uttoyil'lem disun yeta. Aicho bodol'lo somsar kitem avazak‌ch songit mhonnta va utrank‌ch sahit mhonnta? dekun bodol'lelea somsarant az doreant soit kagdanch voddim zaleant? bab prokax da.Naik gõycho oprup punn opurbhoyecho kovi mhonnchyok hi kovita govai dit. Hea kovitecho osvad korunk tukach ulo ditam. - Som
[kovita] Novo Bharot* (- Prokax do. Naik)*
Novo Bharot doreka monachoe pul dhoddadhodd kosllopacho bhom-i dispak lagla ..... Bhitrolem lokhondd kollmeounk laglam! kallzache khambe bhumykamp zal'leuri thorthoropak lagleat ...... Ximittachi tank sodoll zait chol'lea! kuddikuddicheo vonntti zatim dhormam'modim vemrun geleat ..... Udkantoli olsann vaf zalea! kalchea bhartacho to othang dorea tuzo mhozo dorekleacho.... Aichea bhartauyolo novo pul nove khambe noveo vonntti... Doryai novo zala...! novem udok tea udkant kagdich vhoddim! novo bharot... Aidonnak koloi kaddil'leuri! **** - Prokax do. Naik.** [Zoner, 2020]

	Prokax do. Naik: Prokax Dot'taram' Naik vrit'ten ek xikxok. Gõychea xarda inglix hoiskulant pattlea 33 vorsam thaun vaur korun asa punn namnnecho konknni vauraddi ani kovi. Tache ’*choitor’, ’kostur‌gondh’, ’kuttoll’, ’osturi: ximebhailem mollob*’ mholl'lle kovitazome porgottleat. Sobhar kovigoxttimni, kovism'mellonamni, reddio, dur‌dorxonant soit kovita vachleat.
[कविता] नवो भारत (- प्रकाश द. नायक)
ह्या संसारांत कितेंय थीर आसा तर ती बदलावण जावनासा. आनी ह्या बदलावणेंत मनशारुपां मात्र न्हय मनशामोलां सयत बदलून आसचें भोव मार्मीक चिंतप ह्या कवितेंत उटयिल्लें दिसून येता. आयचो बदल्लो संसार कितें आवाजाक‌च संगीत म्हणता वा उत्रांक‌च साहीत म्हणता? देकून बदल्लेल्या संसारांत आज दऱ्यांत सयत कागदांच वोडीं जाल्यांत? बाब प्रकाश दा.नायक गोंयचो अपरूप पूण अपुर्भयेचो कवी म्हणच्यक ही कविता गवाय दीत. ह्या कवितेचो अस्वाद करुंक तुकाच उलो दितां. - सं
[कविता] नवो भारत (- प्रकाश द. नायक)
नवो भारत दरेका मनाचोे पूल धडाधड कोसळपाचो भंय दिसपाक लागला ..... भितरलें लोखंड कळम्योवंक लागलां! काळजाचे खांबे भूंयकांप जाल्लेवरी थरथरपाक लागल्यात ...... शिमीटाची तांक सदळ जायत चल्ल्या! कुडीकुडीच्यो वणटी जातीं धर्मांमदीं वेंरून गेल्यात ..... उदकांतली ओलसाण वाफ जाल्या! कालच्या भारताचो तो अथांग दर्या तुजो म्हजो दरेकल्याचो.... आयच्या भारतावयलो नवो पूल नवे खांबे नव्यो वणटी... दर्याय नवो जाला...! नवें उदक त्या उदकांत कागदीच व्हडीं! नवो भारत... आयदणाक कलय काडिल्लेवरी! **** - प्रकाश द. नायक.** [जनेर, २०२०]

	प्रकाश द. नायक: प्रकाश दत्ताराम नायक वृत्तेन एक शिक्षक. गोंयच्या शारदा इंगलीश हैसकूलांत पाटल्या ३३ वर्सां थावन वावर करून आसा पूण नामणेचो कोंकणी वावराडी आनी कवी. ताचे ’चैतर’, ’कसतूर‌गंध’, ’कुटळ’, ’असतुरी: शिमेभायलें मळब’ म्हळ्ळे कविताजमे पर्गटल्यात. सभार कविगोश्टिंनी, कविसम्मेळनांनी, रेडियो, दूर‌दर्शनांत सयत कविता वाचल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.