ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಅರೆ ಮನ್ಶಾಂ (- ಪೂಜಾ ನಾಯ್ಕ್ ಗಾಂವ್ಕರ್)

ಮನಿಸ್ ಅಪುಣ್ ಬುಧ್ವಂತ್ ಆನಿ ಅಪುಣ್ ಜಾಣಾರಿ ಮ್ಹಳ್ಳ್ಯಾ ಅಹಂಭಾವಾಂತ್ ಭರುನ್ ಹ್ಯಾ ಸಮಾಜೆಕ್ ಅಪಲ್ಯಾ ಸ್ವಾರ್ಥಾಚೊ ಬಜಾರ್ ಕರುನ್ ಜಿಯೆತಾ. ಆನಿ ಹ್ಯಾ ಪರಿಸ್ಥಿತೆಂತ್ ಅಪ್ಲೆಂಪಣಾಚೊ, ದೆವ್-ಧರ್ಮಾಚೊ, ಸಂಬಂಧ್-ನಾತಿಂ, ಆನಿ ಚಡ್ ಕರುನ್ ಮನಶಾಪಣಾಚೊಚ್ ಬಜಾರ್ ಕರುನ್ ಜಿಯೆಂವ್ಕ್ ಲಾಗಲಾ. ಸಮಾಜೆಂತ್ ಅಪಲಿ ವ್ಹಡ್‌ಪಣ್ ಗಾಜಂವ್ಕ್ ಲಾಗಲಾ. ದೆಕುನ್ ಹಕೀಗತೆಂತ್ ದರೇಕ್ ಮನಿಸ್ ಅಪಲೆ ಭಿತರ್ ಅಪಲೆಂಪಣ್ ಸಾಂಡುನ್ ರಿತೊ/ಪೊಕೊಳ್ ಜಾಲಾ.

ಬಾಯ್ ಪೂಜಾ ನಾಯ್ಕ್ ಗಾಂವ್ಕಾರ್ ಹಿಚಿ ಅಪುರ್ಭಾಯೆಚಿ ಕವಿತಾ ಆನಿ ಹ್ಯಾ ಕವಿತೆಚಿ ಸಕತ್ ಸಮ್ಜುಂಕ್ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ಅರೆ ಮನ್ಶಾಂ (- ಪೂಜಾ ನಾಯ್ಕ್ ಗಾಂವ್ಕರ್)

ಅರೆ ಮನ್ಶಾಂ ದೆವಾಚೆ ರೂಪ್ ತುಕಾಂ ಕುಪಾಂನಿ, ಝಾಡಾಂನಿ, ಫಳಾಂ-ಫುಲಾಂನಿ ದೆಖ್ತಾಂ ಮನ್ಶಾಚೆಂ ಮನೀಸಪಣ್ ಮಾತ್ ತು ಜಾತಿ- ಕಾತೀಂನಿ ಮೊಡ್ಟಾಂ ದೆವಾಚಿ ರಾಖಣ್ ತು ಧಾಗ್ಯಾಂತ್ ಸೊದ್ತಾಂ, ಅರೆ ಮನ್ಶಾಂ..... ದೆವಾಚ್ಯಾ ದೆವ್ಸಪಣಾಂತ್ ತು ದೆವಾಕಚ್ ನಾಗಯ್ತಾಂ ?? ಸತ್ತೆಚಿ ಖುರ್ಚಿ ಪ್ರಗ್ತೀಚೆ ಅಭಂಗ್ ಗಾಯ್ತಾಂ 'ತಳ್ಯಾಂತ್ - ಮಳ್ಯಾಂತ್ಚ್ಯಾ' ಖೆಳಾಂತ್ ತತ್ವಾಂ 'ಬುಡ್ ಬುಡ್ ಘಾಗ್ರಿ' ಮ್ಹಣ್ಟಾಂ ಸ್ವಾರ್ಥಾಚ್ಯಾ ಕುಡೀತ್ ದೆಖೂನ್ ಭ್ರಶ್ಟಾಚಾರಾಚಿ ವಾತ್ ಪೆಟ್ಟಾಂ ಅರೆ ಮನ್ಶಾಂ..... ಸರ್ವ್ ಧರ್ಮ್ ಸಮ್ಭಾವಾಚ್ಯಾ ಬಾಜಾರಾಂತ್ ತು ಸ್ವತಃಕಚ್ ವಿಕ್ತಾಂ ?? ಕಸಿನೊತ್ಲ್ಯಾಂ ಜುಗಾರಾಂತ್ ಗೊಂಯ್ಕಾರಪಣ್ ಕಳವ್ಳಟಾಂ ಮಾಯ್ನಿಂಗಾಚ್ಯಾ ಉಲ್ಯಾಂಕ್ ಮ್ಹಾದಯ್ ಮಾಯ್ ರಡ್ಟಾಂ 'ಸ್ಮಾರ್ಟ್ ಸೀಟೀಚ್ಯಾ' ಸಾಂಗಾತಾಕ್ ಜಂಗ್ಲಾಂ ರಖ್ರಖೀತ್ ಪೆಟ್ಟಾಂ ಅರೆ ಮನ್ಶಾಂ..... ಸೈಮಾಚೊ ಗೊಬೊರ್ ಕರೂನ್ ತುಜ್ಯಾಂ ಜೀವೀತಾಚಿ ಚೂಲ್ ಪೆಟಯ್ತಾಂ ?? ಅಸ್ಮಿತಾಯೆಚ್ಯಾ ಬುಡ್ಕುಲ್ಯಾಂತ್ ಅಸ್ತಿತ್ವಾಚೆ ಶೀತ್ ಶಿಜ್ತಾಂ ಸಂಸ್ಕೃತಾಯೆಚ್ಯಾ ಮಾಂಡಾರ್ ಮಾತ್ ಆಧುನಿಕತೆಚೆ ಭೂತ್ ನಾಚ್ತಾಂ ಪರಂಪರೆಚ್ಯಾ ಆಂಗ್ಣಾತ್ ಆತಾಂ 'ಮೊಡ್ರ್ನ್' ತುಳಸ್ ಫುಲ್ತಾಂ ಅರೆ ಮನ್ಶಾಂ..... ಗೊಂಯ್ಕಾರಪಣ್ ಸೊದ್ತಾಂ ಸೊದ್ತಾಂ ತು ಸ್ವತಃಕಚ್ ಶೆಣಯ್ತಾಂ ?? **** - ಪೂಜಾ ನಾಯ್ಕ್ ಗಾಂವ್ಕರ್**. [ಎಪ್ರಿಲ್, 2020]

	ಪೂಜಾ ನಾಯ್ಕ್ ಗಾಂವ್ಕರ್: 'ಮೃಗನಕ್ಷತ್ರ್' ಹಿಚ್ಯಾ ಕವಿತೆಚೆಂ ಪುಸ್ತಕ್. ಅರ್ಥ್ ಪ್ರಕಾಶನ್ ಆಯೊಜಿತ್ 'ಅಖಿಲ್ ಭಾರ್ತೀಯ್ ಕೊಂಕ್ಣಿ ಕವಿತಾ ಸರ್ತ್ 2019' ಸರ್ತೀತ್ ದುಸ್ರೆಂ ಇನಾಮ್ ಫಾವೊ ಜಾಲಾಂ. ಸಾಹಿತ್ಯ್ ವಿಶಯ್ಕ್ ಕಾರ್ಯಶಾಳಾ ಆನಿ ಸರ್ತೀಂಮದಿ ಸಹ್ಭಾಗ್ ಆನಿ ಇನಾಮಾಂ ಜೊಡ್ಲಾಂತ್. ಸಧ್ಯಾ ಕಾಯ್ದ್ಯಾಚೆ ಪದ್ವ್ಯೂತ್ತರ್ ಶಿಕ್ಷಣ್ (LLM) 'ಕಾರೆ ಕಾಯ್ದಾ ಮಹಾವಿದ್ಯಾಲಯ್ - ಗೊಂಯ್' ಹಾಂಗಾ ಘೆತಾ.
[kovita] Ore monxam (- Pooja Naik Gaonkar)
Monis opunn budhvont ani opunn zannari mholl'llea ohombhavant bhorun hea somajek opolea svarthacho bozar korun jieta. Ani hea poristhitent oplemponnacho, devo-dhormacho, sombondh-natim, ani chodd korun monoxaponnachoch bozar korun jieunko lagola. Somajent opoli vhodd‌ponn gazounko lagola. Dekun hokigotent dorek monis opole bhitor opolemponn sanddun rito/pokoll zala. Bai Pooja Naik Gaonkar hichi opurbhayechi kovita ani hea kovitechi sokot somzunk tukach ulo ditam. - Som
[kovita] Ore monxam (- Pooja Naik Gaonkar)
Ore monxam devache rup tukam kupamni, zhaddamni, follam-fulamni dekhtam monxachem monisoponn mat tu zati- katimni moddttam devachi rakhonn tu dhageant sodtam, ore monxam..... Devachea deusoponnant tu devakoch nagoitam ?? sot'techi khurchi progtiche obhong gaitam 'tolleant - molleantchea' khellant totvam 'budd budd ghagri' mhonnttam svarthachea kuddit dekhun bhroxttacharachi vat pett'ttam ore monxam..... Sorv dhorm' sombhavachea bazarant tu svotHkoch viktam ?? kosinotleam zugarant gõykaroponn kolloullottam mainingachea uleank mhadoi mai roddttam 'smartt sittichea' sangatak zonglam rokhrokhit pett'ttam ore monxam..... Soimacho gobor korun tujeam jivitachi chul pettoitam ?? osmitayechea buddkuleant ostitvache xit xijtam somskritayechea manddar mat adhunikoteche bhut nachtam poromporechea angnnat atam 'moddrn' tullos fultam ore monxam..... Gõykaroponn sodtam sodtam tu svotHkoch xennoitam ?? **** - Pooja Naik Gaonkar.** [April, 2020]

	Pooja Naik Gaonkar: 'Mrigonkxotr' hichea kovitechem pustok. Orth prokaxon ayojit 'okhil bharti-i konknni kovita sort 2019' sortit dusrem inam' favo zalam. Sahity vixoik karyoxalla ani sortim'modi sohbhag ani inamam zoddlant. Sodhea kaideache podvyut'tor xikxonn (LLM) 'kare kaida mohavidealoi - gõy' hanga gheta.
[कविता] अरे मनशां (- पूजा नाय्क गांवकर)
मनीस अपूण बुध्वंत आनी अपूण जाणारी म्हळ्ळ्या अहंभावांत भरून ह्या समाजेक अपल्या स्वार्थाचो बजार करून जियेता. आनी ह्या परिस्थितेंत अपलेंपणाचो, देव-धर्माचो, संबंध-नातीं, आनी चड करून मनशापणाचोच बजार करून जियेवंक लागला. समाजेंत अपली व्हड‌पण गाजवंक लागला. देकून हकीगतेंत दरेक मनीस अपले भितर अपलेंपण सांडून रितो/पोकोळ जाला. बाय पूजा नायक गांवकार हिची अपुर्भायेची कविता आनी ह्या कवितेची सकत समजुंक तुकाच उलो दितां. - सं
[कविता] अरे मनशां (- पूजा नाय्क गांवकर)
अरे मनशां देवाचे रूप तुकां कुपांनी, झाडांनी, फळां-फुलांनी देखतां मनशाचें मनीसपण मात तू जाती- कातींनी मोडटां देवाची राखण तू धाग्यांत सोदतां, अरे मनशां..... देवाच्या देवसपणांत तू देवाकच नागयतां ?? सत्तेची खुर्ची प्रगतीचे अभंग गायतां 'तळ्यांत - मळ्यांतच्या' खेळांत तत्वां 'बुड बुड घागरी' म्हणटां स्वार्थाच्या कुडीत देखून भ्रश्टाचाराची वात पेट्टां अरे मनशां..... सर्व धर्म समभावाच्या बाजारांत तू स्वतःकच विकतां ?? कसिनोतल्यां जुगारांत गोंयकारपण कळवळटां मायनिंगाच्या उल्यांक म्हादय माय रडटां 'स्मार्ट सीटीच्या' सांगाताक जंगलां रखरखीत पेट्टां अरे मनशां..... सैमाचो गोबोर करून तुज्यां जीवीताची चूल पेटयतां ?? अस्मितायेच्या बुडकुल्यांत अस्तित्वाचे शीत शिजतां संस्कृतायेच्या मांडार मात आधुनिकतेचे भूत नाचतां परंपरेच्या आंगणात आतां 'मोडर्न' तुळस फुलतां अरे मनशां..... गोंयकारपण सोदतां सोदतां तू स्वतःकच शेणयतां ?? **** - पूजा नाय्क गांवकर.** [एपरील, २०२०]

	पूजा नाय्क गांवकर: 'मृगनक्षत्र' हिच्या कवितेचें पुस्तक. अर्थ प्रकाशन आयोजित 'अखिल भारतीय कोंकणी कविता सर्त 2019' सर्तीत दुसरें इनाम फावो जालां. साहित्य विशयक कार्यशाळा आनी सर्तींमदी सहभाग आनी इनामां जोडलांत. सध्या कायद्याचे पद्व्यूत्तर शिक्षण (LLM) 'कारे कायदा महाविद्यालय - गोंय' हांगा घेता.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.