ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಸಾಥ್ (- ಎಚ್. ಮನೋಜ್ ಜೆ)

ದೆವಾನ್ ರಚಿಲ್ಲ್ಯಾ ಸೊಬಿತ್ ಸೈಮಾತ್ ಆಪ್ಲೆ ಜಿವೀತ್ ಸಬೊವ್ಪಾಕ್ ಕೊಣಾಚಿ ತರಿ ಸಾಥ್ ಜಾಯ್. ಆಪ್ಲ್ಯಾ ಮೊಗಾಕ್ ತೊ ಆಶೆಲಾ ತೊ ಆಪ್ಲ್ಯಾಕ್ ಸಾಥ್ ದಿ ಮ್ಹಣ್ ಮಾಗ್ತಾ. ಕವಿಕ್ ಆಪ್ಲ್ಯಾ ಮೊಗೀಚೆ ಸಾಥ್ ಮೆಳತ್ ತರ್ ತಾಜೆ ಜಿವಿತ್ ಫುಲ್ತಲೆ ಎಕ್ ನವಿ ವಳಖ್ ಘಡೊವಂಕ್ ಆನಿ ನವೆಂ ನಾತೆ ಫುಲೊವಂಕ್, ತೊ ಸಾಥ್ ಮಾಗ್ತಾ. ಆಪ್ಲ್ಯಾ ಮನಾಚಿ ವ್ಯಥಾ ತೊ ಉಕ್ತಾಯತಾ.

- ಸಂ

[ಕವಿತಾ] ಸಾಥ್ (- ಎಚ್. ಮನೋಜ್ ಜೆ)

ಸಾಥ್ ಸಾಥ್ ತುಜೊ ಮೆಳತ್ ಜರ್ ಜಿವೀತ್ ಅಶೆಂ ಫುಲತ್ ತರ್ ಮ್ಹಜಿ ನವಿ ವಳಖ್ ಘಡ್ಟಲಿ! ಪಾಚ್ವೆಂ ಮನ್ ಒಡ್ ಲಾಯ್ತಾ ತುಜ್ಯಾ ಮೊಗಾಕ್ ಆಶೆತಾ ದೊಳೆ ತುಜೊ ಥಾವ್ ಘೆತಾ ಜಾಯ್ ಗೊ ತುಜೊ ಸಾಥ್! ಉತರ್ ತುಜೆ ಕೆನ್ನಾ ಯೆತ್ಲೆಂ ಉಮೆದೀಚಿಂ ಲ್ಹಾರಾಂ ಘೆವ್ನ್ ಪಳೆತಾ ವಾಟ್ ಆಶೆನ್ ಜಾಯ್ ಗೊ ತುಜೊ ಸಾಥ್! ಜಾಲ್ಯಾ ಜೀಣ್ ಸಪನ್ ಬಾಗ್ ಮನೂಯ್ ಥತ್ರಬಿತರ್ ರಿತೊ ಹಾಂವ್ ತುಜೆ ವಿಣೆಂ ಜಾಯ್ ಗೊ ತುಜೊ ಸಾಥ್! ನಾದ್ ತುಜ್ಯಾ ಪಾಂಯ್ಜಣಾಚೊ ಭುರಳ್ ಘಾಲೂಂಕ್ ಲಾಗ್ತಾ ಉಠ್ಟಾ ಕಾಳ್ಜಾಂತ್ ಉಮಾಳೆ ಜಾಯ್ ಗೊ ತುಜೊ ಸಾಥ್! ಉಲೊ ತೂಜೊ ಆಕಯ್ಲೊ ಹಾವೆಸ್ ಮ್ಹಜೊ ಫುಲ್ಲೊ ತುಜೆಂ ಮ್ಹಜೆಂ ನಾತೆ ಆತಾಂ ಫುಲುಂ ದಿ ಜರ್ ಮೆಳ್ಳೊ ತುಜೊ ಸಾಥ್! ದಿ ಗೊ ತುಜೊ ಸಾಥ್ ಮ್ಹಾಕಾ ಜಾಯ್ ಗೊ ತುಜೊ ಸಾಥ್! **** - ಎಚ್. ಮನೋಜ್ ಜೆ**. [ಎಪ್ರಿಲ್, 2020]

	ಎಚ್. ಮನೋಜ್ ಜೆ: ಗೊಂಯ್‌ಚ್ಯಾ ಚಿಕಾಲಿಮಾಂತಲ್ಯಾ ರೆಜಿನಾ ಮುಂದಿ ಹಾಯ್ ಸ್ಕೂಲಾಂತ್ ಶಿಕ್ಷಕ್ ಜಾವ್ನ್ ಕೊಂಕಣಿ ಶಿಕವ್ನ್ ಆಸಾ. ಹಾಚಿಂ ಕವಿತಾ, ಲೇಕನಾಂ ಗೊಂಯ್ಚ್ಯಾ ನೇಮಾಳ್ಯಾಂನಿ ಪರ್ಗಟ್ ಜಾಲ್ಯಾಂತ್. ಸಾಹಿತ್ಯ್ ವಾಚಪ್ ಹಾಚಿ ಪ್ರಮುಕ್ ಹವೇಸ್.
[kovita] Sath* (- H Manoj J)*
Devan rochil'lea sobit soimat aple jivit soboupak konnachi tori sath zai. Aplea mogak to axela to apleak sath di mhonn magta. Kovik aplea mogiche sath mellot tor taje jivit fultole ek novi vollokh ghoddounk ani novem nate fulounk, to sath magta. Aplea monachi vyotha to uktaita. - Som
[kovita] Sath* (- H Manoj J)*
Sath sath tuzo mellot zor jivit oxem fulot tor mhoji novi vollokh ghoddttoli! pachvem mon odd laita tujea mogak axeta dolle tuzo thavo gheta zai go tuzo sath! utor tuje ken'na yetlem umedichim lharam gheun polleta vatt axen zai go tuzo sath! zalea jinn sopon bag monuy thotrobitor rito hamv tuje vinnem zai go tuzo sath! nad tujea pamyzonnacho bhuroll ghalunk lagta utthtta kallzant umalle zai go tuzo sath! ulo tuzo akoilo haves mhozo ful'lo tujem mhojem nate atam fulum di zor mell'llo tuzo sath! di go tuzo sath mhaka zai go tuzo sath! **** - H. Manoj J.** [Mar, 2020]

	H. Manoj J: Gõy‌chea Chicalimantolea Regina Mundi High Schoolant xikxok zaun konkonni xikoun asa. Hachim kovita, lekonam gõychea nemalleamni porgott zaleant. Sahity vachop hachi promuk hoves.
[कविता] साथ (- एच. मनोज जे)
देवान रचिल्ल्या सोबित सैमात आपले जिवीत सबोवपाक कोणाची तरी साथ जाय. आपल्या मोगाक तो आशेला तो आपल्याक साथ दी म्हण मागता. कविक आपल्या मोगीचे साथ मेळत तर ताजे जिवित फुलतले एक नवी वळख घडोवंक आनी नवें नाते फुलोवंक, तो साथ मागता. आपल्या मनाची व्यथा तो उक्तायता. - सं
[कविता] साथ (- एच. मनोज जे)
साथ साथ तुजो मेळत जर जिवीत अशें फुलत तर म्हजी नवी वळख घडटली! पाचवें मन ओड लायता तुज्या मोगाक आशेता दोळे तुजो थाव घेता जाय गो तुजो साथ! उतर तुजे केन्ना येतलें उमेदीचीं ल्हारां घेवन पळेता वाट आशेन जाय गो तुजो साथ! जाल्या जीण सपन बाग मनूय थतरबितर रितो हांव तुजे विणें जाय गो तुजो साथ! नाद तुज्या पांयजणाचो भुरळ घालूंक लागता उठटा काळजांत उमाळे जाय गो तुजो साथ! उलो तूजो आकयलो हावेस म्हजो फुल्लो तुजें म्हजें नाते आतां फुलूं दी जर मेळ्ळो तुजो साथ! दी गो तुजो साथ म्हाका जाय गो तुजो साथ! **** - एच. मनोज जे.** [एपरील, २०२०]

	एच. मनोज जे: गोंय‌च्या चिकालिमांतल्या रेजिना मुंदी हाय स्कूलांत शिक्षक जावन कोंकणी शिकवन आसा. हाचीं कविता, लेकनां गोंयच्या नेमाळ्यांनी पर्गट जाल्यांत. साहित्य वाचप हाची प्रमूक हवेस.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.