ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ಬರೆಯ್ಲ್ಯಾಂ ಕಿತೆಂ ತಿತ್ಲೆಂಚ್ (- ಬಾಲಕೃಷ್ಣ ಮಲ್ಯ)

ವಾತ್ ಕೆದ್ನಾಂಯ್ ಆಪ್ಣಾಖಾತಿರ್ ಪೆಟಾನಾ, ಫುಲ್ ಕೆದ್ನಾಂಯ್ ಅಪ್ಣಾಖಾತಿರ್ ಫುಲಾನಾ, ಹಿ ಪ್ರಿತುಮ್ ಸಯ್ತ್ ಅಪ್ಣಾಖಾತಿರ್ ಆಸ್ಚಿ ನ್ಹಯ್, ಹೆಂ ವ್ಹಾರೆಂ, ಉದಕ್, ಸುರಯಾಚಿಂ ಕಿರಣಾಂ ಸಯ್ತ್ ಪೆಲ್ಯಾಪಾಸತ್ ಆಸ್ಚಿಂ ಪುಣ್ ಹೊ ಕಿರ್ಕೊಳ್ ಮನಿಸ್ ಮಾತ್ರ್ ಅಪುಣ್, ಅಪ್ಲೆಂ, ಅಪ್ಣಾಖಾತಿರ್ ಮ್ಹಣುನ್ ಜಮಂವ್ಕ್, ದಾಳುಂಕ್ ಜಿಣ್ಯೆಂತ್ ಧಾಂವುನ್ ಆಸಾ.

ಪುಣ್ ವಿಧಿಚೊ ಏಕ್ ಖೆಳ್ ಮ್ಹಣುನ್ ಅಸಾ, ಜ್ಯೆ ಕಿತೆಂ ನಿರ್ಮಿಲ್ಲೆಂ ಆಸಾ, ತೆಂ ನಿರ್ಮಿಲ್ಲ್ಯಾಂಕ್ ಮಾತ್ರ್ ಲಾಭ್ತಾ ಮ್ಹಳ್ಳೊ ಅಪುರ್ಭಾಯೆಸೊ ಸಂದೇಶ್ ದಿಂವ್ಚಿ ಹಿ ಕವಿತಾ ಬಾಬ್ ಬಾಲಕೃಶ್ಣ ಮಲ್ಯ ಘೆವ್ನ್ ಆಯ್ಲಾ. ಕೇರಳಾಚ್ಯಾ ಕೊಚ್ಚಿನಾಂತ್ ವಸ್ತಿ ಕರುನ್ ಆಸ್ಚ್ಯಾ ಹಾಚ್ಯಾ ಕೊಂಕಣಿ ಬೋಲಿಚಿ ಸೊಭಾಯ್ ತಶೆಂಚ್ ಹಾಚ್ಯಾ ಕವಿತೆಚಿ ತಾಂಕ್ ಮೆಜುಂಕ್ ತುಕಾಚ್ ಸೊಡ್ತಾಂ.

- ಸಂ

[ಕವಿತಾ] ಬರೆಯ್ಲ್ಯಾಂ ಕಿತೆಂ ತಿತ್ಲೆಂಚ್ (- ಬಾಲಕೃಷ್ಣ ಮಲ್ಯ)

ಬರೆಯ್ಲ್ಯಾಂ ಕಿತೆಂ ತಿತ್ಲೆಂಚ್ ಎಕೆಕ್ ಸಿತ್ತಾ ಕಣಾರಿ ಬರೆಯ್ಲ್ಯಾ ನಾಂವ್ ಎಕೆಕ್ಲ್ಯಾಲೆಂ ಎಕೆಕ್ ಖಾವಂಚಿ ಉಂಡ್ಯೆಚೆರಿ ಆಸಾ ನಾಂವ್ ಖಾತ್ಲ್ಯಾಲೆಂ ಮೆಳ್ಲೆಂ ಕಿತಿ ಕಿ ಮೆಳ್ಳ್ಯಾಂ, ಮೆಳ್ಕಾಚ್ ಮು ಆಸಿಲೆಂ ಗೆಲೆಲೆಂ ಕಿತಿ ಕಿ ಗೆಲ್ಲ್ಯಾಂ, ತೆಂ ವಚೆಂಚ್ ತಾಂ ಆಸಿಲೆಂ ಆಯ್ಲೆಲೆಂ ಯೆವಂಚಾಕ್ ಆಯ್ಲೆಂ, ಗೆಲೆಂ ವಚಾಕಯ್ ಆಸಿಲೆಂ ದಿಲೆಂ ಕಿತ್ಲೆಂ ಕಿ ದಿಲ್ಯಾಂ, ತಿತ್ಲೆಂಚ್ ತುಮ್ಕಾಂ ಬರೆಯ್ಲೆಂ ಎಕೆಕ್ ಒಂಟಾಕ್ ಚುಮೂನ್ ಫುಲ್ಲಾಂ ಮ್ಹೊವ್ ಎಕ್ಡೆ ಮು ಕೆಲೆಂ ಎಕೆಕ್ ಮೂಸಾಂತ್ ಮ್ಹಳ್ಯಾರ್ ಯೊಗ್ ಆಸ್ಲ್ಯಾನಿ ತೆಂ ಖೆಲೆಂ ಪಿಕ್ಚೆಂ ಮುರ್ಥಂ ಕಾಡ್ಲೆಂ ತರ್ ಫಳ್ ಆಂಬೂಸ್ ತಾಂ ಆಸ್ತಲೆಂ ಪಿಕ್ಲೆಂ ಮ್ಹಣು ಜಲ್ಯಾರ್ ಮಾಗೀರ್ ಹಾತಾಂತ್ ತೆಂ ವೆಗ್ಳ್ಯಾಂಲೆಂ ಮೂಂಯ್ಯೊ ಖಾತಚ್ ವತ್ಲಿಂ, ಚಾನೀಯಾನ್ ಖಾವ್ನೂಯ್ ತೆಂ ಘಾಲೆಂ ದಿಲೆಂ ಕಿತ್ಲೆಂ ಕಿ ದಿಲ್ಯಾಂ, ತಿತ್ಲೆಂಚ್ ತುಮ್ಕಾಂ ಬರೆಯ್ಲೆಂ ಎಕೆಕ್ ಕ್ಷಣ್ ವೆಳೆನ್ ಬದ್ಲತಾ ಸಮಯ್ ಎಕೆಕ್ಲ್ಯಾಲೆಂ ಎಕೆಕ್ ದಳೀದ್ರ್ ಉಣೆಂ ನಿಮಿಷಾನ್ ಜಿಯ್ತಾ ಜೀವಿತ್ ರಾಯಾಲೆಂ ಕಳ್ಲೆಂ ಕೊಣಾಕ್ ಕಿ ಕಳ್ಲ್ಯಾಂ ಮಾಥ್ಯಾರ್ ವಿಧೀನ್ ಥಾಪಿಲ್ಯಾಂ ಬರೆಯ್ಲೆಲೆಂ ತಶೀಚ್ ಜಾಲ್ಯಾಂ, ತೆಂ ಜಾವಂಚಾಕಚ್ ತಾಂ ಆಸಿಲೆಂ ಜಾವಂಚೆ ತಶೀಚ್ ತಾಂ ಬರೆಯ್ಲ್ಯಾಂ, ವಿಧೀಂತ್ ಅಶೀಚ್ ತಾಂ ಜಾತ್ಲೆಂ ದಿಲೆಂ ಕಿತ್ಲೆಂ ಕಿ ದಿಲ್ಯಾಂ, ತಿತ್ಲೆಂಚ್ ತುಮ್ಕಾಂ ಬರೆಯ್ಲೆಂ **** - ಬಾಲಕೃಷ್ಣ ಮಲ್ಯ**. [ಜನೆರ್, 2020]

	ಬಾಲಕೃಷ್ಣ ಮಲ್ಯ: ಕೇರಳಾಂತ್‌ಲ್ಯಾ ಕೊಚ್ಚಿಚೊ ನಾಮ್ಣೆಚೊ ಕೊಂಕಣಿ ಯುವ ಕವಿ, ತರ್ಜಣ್‌ಕಾರ್ ಆನಿ ಬರವ್ಪಿ. ಮಲಯಾಳಮ್, ತಮಿಳ್ ಭಾಸಾಂನಿ ಸಯ್ತ್ ಹಾಣೆಂ ಕಾಂಯ್ ಹಜಾರಾಂಚ್ಯಾಂಕೀ ಚಡಿತ್ ಕವಿತಾ ಬರಯ್ಲ್ಯಾತ್. ’ಜೀವ ಸಂಕಲ್ಪ (2013)’ ಹಾಚೊ ಎದೊಳ್ ಪರ್ಗಟ್‌ಲ್ಲೊ ಕವಿತಾಜಮೊ. ’ಸ್ವತಂತ್ರ ವಿಚಾರ್’ ಬೂಕ್ ವೆಗಿಂಚ್ ಪರ್ಗಟುನ್ ಯೆಂವ್ಚಾರ್ ಆಸಾ. ಸಭಾರ್ ಕವಿಗೋಶ್ಟಿಂನಿ ತಶೆಂಚ್ ಸಾಹಿತಿಕ್ ಶಿಭಿರಾಂನಿ ಹಾಣೆಂ ವಾಂಟೊ ಘೆತ್ಲಾ. ಮಲಯಾಳಮ್ ಭಾಸೆಚೊ ಬೂಕ್ ಸಯ್ತ್ ಹಾಣೆಂ ಪರ್ಗಟ್ಲಾ.
[kovita] Boreyleam kitem Titlench* (- Balokrixnna Molya)*
Vat kednam-i apnnakhatir pettana, ful kednam-i opnnakhatir fulana, hi pritum' soit opnnakhatir aschi nhoi, hem vharem, udok, suroyachim kironnam soit peleapasot aschim punn ho kirkoll monis matr opunn, oplem, opnnakhatir mhonnun zomounko, dallunk jinnyent dhamvun asa. Punn vidhicho ek khell mhonnun osa, jye kitem nirmil'lem asa, tem nirmil'leank matr labhta mholl'llo opurbhayeso sondex dimvchi hi kovita bab balokrixnno molyo gheun aila. Kerollachea kochchinant vosti korun aschea hachea konkonni bolichi sobhai toxench hachea kovitechi tank mezunk tukach soddtam. - Som
[kovita] Boreyleam kitem Titlench* (- Balokrixnna Molya)*
*Boreyleam kitem Titlench* ekek sit'ta konnari boreylea namv ekeklealem ekek khaunchi unddyecheri asa namv khatlealem mell'lem kiti ki mell'lleam, mellkach mu asilem gelelem kiti ki gel'leam, tem vochench tam asilem ailelem yeunchak ailem, gelem vochakoi asilem dilem kitlem ki dileam, titlench tumkam boreylem ekek onttak chumun ful'lam mhovo ekdde mu kelem ekek musant mhollear yog asleani tem khelem pikchem murthom kaddlem tor foll ambus tam astolem piklem mhonnu zolear magir hatant tem veglleamlem mumyeo khatoch votlim, chaniyan khaunuy tem ghalem dilem kitlem ki dileam, titlench tumkam boreylem ekek kxonn vellen bodlota somoi ekeklealem ekek dollidr unnem nimixan jiyta jivit rayalem koll'lem konnak ki koll'leam mathear vidhin thapileam boreylelem toxich zaleam, tem zaunchakoch tam asilem zaunche toxich tam boreyleam, vidhint oxich tam zatlem dilem kitlem ki dileam, titlench tumkam boreylem **** - Balokrixnna Molya.** [Zoner, 2020]

	Balokrixnna Molya: Kerollant‌lea kochchicho namnnecho konkonni yuvo kovi, torzonn‌kar ani boroupi. Moloyallom', tomill bhasamni soit hannem kaim hozarancheanki choddit kovita boroileat. ’Jivo Sonkolpa (2013)’ hacho edoll porgott‌l'lo kovitazomo. ’Svotontra Vichar’ buk veginch porgottun yemvchar asa. Sobhar kovigoxttimni toxench sahitik xibhiramni hannem vantto ghetla. Moloyallom' bhasecho buk soit hannem porgottla.
[कविता] बरेयल्यां कितें तितलेंच (- बालकृश्ण मल्य)
वात केदनांय आपणाखातीर पेटाना, फूल केदनांय अपणाखातीर फुलाना, ही प्रितूम सयत अपणाखातीर आसची न्हय, हें व्हारें, उदक, सुरयाचीं किरणां सयत पेल्यापासत आसचीं पूण हो किर्कोळ मनीस मात्र अपूण, अपलें, अपणाखातीर म्हणून जमवंक, दाळुंक जिण्येंत धांवून आसा. पूण विधिचो एक खेळ म्हणून असा, ज्ये कितें निर्मिल्लें आसा, तें निर्मिल्ल्यांक मात्र लाभता म्हळ्ळो अपुर्भायेसो संदेश दिंवची ही कविता बाब बालकृश्ण मल्य घेवन आयला. केरळाच्या कोच्चिनांत वसती करून आसच्या हाच्या कोंकणी बोलिची सोभाय तशेंच हाच्या कवितेची तांक मेजुंक तुकाच सोडतां. - सं
[कविता] बरेयल्यां कितें तितलेंच (- बालकृश्ण मल्य)
बरेयल्यां कितें तितलेंच एकेक सित्ता कणारि बरेयल्या नांव एकेकल्यालें एकेक खावंची उंडयेचेरि आसा नांव खातल्यालें मेळलें किती की मेळ्ळ्यां, मेळकाच मू आसिलें गेलेलें किती की गेल्ल्यां, तें वचेंच तां आसिलें आयलेलें येवंचाक आयलें, गेलें वचाकय आसिलें दिलें कितलें कि दिल्यां, तितलेंच तुमकां बरेयलें एकेक ओंटाक चुमून फुल्लां म्होव एकडे मू केलें एकेक मूसांत म्हळ्यार योग आसल्यानी तें खेलें पिकचें मुर्थं काडलें तर फळ आंबूस तां आसतलें पिकलें म्हणु जल्यार मागीर हातांत तें वेगळ्यांलें मूंय्यो खातच वतलीं, चानीयान खावनूय तें घालें दिलें कितलें कि दिल्यां, तितलेंच तुमकां बरेयलें एकेक क्षण वेळेन बदलता समय एकेकल्यालें एकेक दळीद्र उणें निमिषान जियता जीवित रायालें कळलें कोणाक की कळल्यां माथ्यार विधीन थापिल्यां बरेयलेलें तशीच जाल्यां, तें जावंचाकच तां आसिलें जावंचे तशीच तां बरेयल्यां, विधींत अशीच तां जातलें दिलें कितलें कि दिल्यां, तितलेंच तुमकां बरेयलें **** - बालकृश्ण मल्य.** [जनेर, २०२०]

	बालकृश्ण मल्य: केरळांत‌ल्या कोच्चिचो नामणेचो कोंकणी यूव कवी, तर्जण‌कार आनी बरवपी. मलयाळम, तमीळ भासांनी सयत हाणें कांय हजारांच्यांकी चडीत कविता बरयल्यात. ’जीव संकल्प (२०१३)’ हाचो एदोळ पर्गट‌ल्लो कविताजमो. ’स्वतंत्र विचार’ बूक वेगिंच पर्गटून येंवचार आसा. सभार कविगोश्टिंनी तशेंच साहितीक शिभिरांनी हाणें वांटो घेतला. मलयाळम भासेचो बूक सयत हाणें पर्गटला.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.