ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಬದ್ಲಾವಣ್ (- ನಜ್ರೆತ್ ನೆರಿ ತಾಕೊಡೆ)

ಕಾಜು ಆಸ್ಚೊ ಪಾಜು ಜಾಂವ್ಕ್ ತಶೆಂಚ್ ಪಾಜು ಆಸ್ಚೊ ಕಾಜು ಜಾಂವ್ಕ್ ಚಡ್ ವೇಳ್ ಲಾಗಾನಾ. ಮನೀಸ್ ಏಕ್ ಕಿರ್ಕೊಳ್ ರಚನಾಂ, ಜಾಂವ್ ಮನೀಸ್ ಅಪಣಾಕ್ ಅಪುಣ್ ಸರ್ವ್ ಶ್ಯಾತಿವಂತ್ ಅನಿ ವರ್ತೊ ಮ್ಹಣ್ ಲೆಕುಂದಿ. ಇತಿಹಾಸ್ ಗವಾಯ್ ಆಸಾ. ಸಂಸಾರಾಚೆರ್ ಹಾಚ್ಯಾದಿಂ ಸಯ್ತ್ ಅಸಲಿಂ ಸಭಾರ್ ಖರ್ಗಾಂ ಆಯಿಲ್ಲಿಂ ಆನಿ ಸಗ್ಳೆಂ ಮನಶಾಕುಳ್ ಥರ್ಥರೊನ್ ಕಾಂಪ್‌ಲ್ಲೆಂ. ಆತಾಂ ಇತಿಹಾಸ್ ಪರತ್ ಹಕೀಗತ್ ಜಾಂವ್ಚಾರ್ ಆಸಾ. ಸಂಸಾರಾಚಿಂ ಬಳಿಶ್ಟ್ ರಾಶ್ಟ್ರಾಂ ಸಯ್ತ್ ಅಸ್ಕತ್ ಪಡ್ಲ್ಯಾಂತ್. ಆನಿ ಪರತ್ ಮನಶಾಕ್ ಚಿಂತುಂಕ್ ಏಕ್ ಆವ್ಕಾಸ್ ಲಾಭಲಾ.

ಬಾಬ್ ನೆರಿ ನಜ್ರೆತ್ ತಾಕೊಡೆಚಿ ಸಕಾಳಿಕ್ ಚಿಂತ್ಪಾಚಿ ಕವಿತಾ ಹಿ. ಸೊಂಪ್ಯಾ ಉತ್ರಾಂನಿ ಬದ್ಲಾವಣೆವಿಶಿಂ ತೊ ಸಾಂಗುನ್ ಗೆಲ್ಲೆಪರಿಂಚ್ ಎಕೇಕ್ ರುಪಣಿಂ ಆಮ್ಚೆ ದೊಳ್ಯಾಂ ಸಮೊರ್ ಉಭಿಂ ಕರತಾ. ಹ್ಯಾ ರುಪಣ್ಯಾಂಕ್ ಪಾರ್ಕುಂಕ್ ಆತಾಂ ತುಕಾಚ್ ಸೊಡತಾಂ.

- ಸಂ

[ಕವಿತಾ] ಬದ್ಲಾವಣ್ (- ನಜ್ರೆತ್ ನೆರಿ ತಾಕೊಡೆ)

ಬದ್ಲಾವಣ್ ಆಜ್ ಜೀವ್ ದಿಂವ್ಚೆಂ ವಾರೆಂ ಸಯ್ತೀ ಜೀವ್ ಘ್ಹೆವ್ಕ್ ಲಾಗ್ಲಾಂ ಚಿರುನ್ ಮುಖುಟ್, ಲುಂವಾಂ ಫಿಛಾರ್ ದಾರಾಂ ಪೊಪ್ಸಾಂತ್ ವೊಚೊನ್ ರಾವ್ಲಾಂ ಕಾಲ್ ಮ್ಹಣಾಸರ್ ಕೊಣಾಯ್ಚೆಂ ಗುಮಾನ್ ನಾಸ್ತಾಂ ಸೊಂಶ್ಯಾಪರಿಂ ಉಡಿ ಮಾರುನ್ ಮುಂಯಾಂಪರಿಂ ಪಾಟಿಂ-ಮುಕಾರ್ ವಯ್ರ್ -ಸಕಯ್ಲ್ ಧಾಂವ್ಚಿಂ ಕಾವ್ಳ್ಯಾಪರಿಂ, ಸುಣ್ಯಾಪರಿಂ ಹಾಂಚೆಂ ತಾಂಚೆಂ ವೋಡ್ನ್ ಖ್ಹಾಂವ್ಚಿಂ ಆಜ್ ಕಾಸ್ವಾಪರಿಂ ಜಾಲ್ಯಾಂತ್ ಪಾವ್ಲಾಂ ಸದಾಂಚ್ ಗರ್ಜೊಂಚಿಂ ರಯ್ಲಾಂ, ವಿಮಾನಾ, ಕಾರಾಂ-ಬಸ್ಸಾಂ ಬೊಬಾಟ್ಚಿಂ, ಶಾಳಾಂ-ದೆವಾಳಾಂ ಮಾವ್ನ್ ಪಡ್ಲ್ಯಾಂತ್ ಸುತ್ತುರಾಂ ಮನಶಾ ಸಾವಳಿ ನಾಸ್ತಾಂ ಕಾಲ್ ಮ್ಹಣಾಸರ್ ಆಪ್ಲಿ ಜಿ.ಡಿ.ಪಿ, ಆರ್ಥಿಕ್ ಸ್ಥಿತಿ ಮೆಜ್ಚಿಂ ದೆಶಾಂ ಆಜ್ ಮೆಜುಂಕ್ ಲಾಗ್ಲ್ಯಾಂತ್ ಆಂಕಡೆ-ಪಿಡೆಂಚೆ, ಮಡ್ಯಾಂಚೆ ಕಾಂಯ್ ದುಸ್ರಿ ವಾಟ್ ನಾಸ್ತಾಂ **** - ನಜ್ರೆತ್ ನೆರಿ ತಾಕೊಡೆ**. [ಎಪ್ರಿಲ್, 2020]

	ನಜ್ರೆತ್ ನೆರಿ ತಾಕೊಡೆ: ಲಿಖ್ಣೆ ನಾಂವಾರ್ ಕೊಂಕ್ಣಿ ಲೊಕಾಂಕ್ ವ್ಹಳ್ಕೆಚೊ ಮೆಲ್ವಿನ್ ನೆರಿ ನಜ್ರೆತ್ ಏಕ್ ವಿಚಾರ್‌ವಂತ್ ಕವಿ. ’ಗಾಣಾಂ’ ತಾಚೊ ಪರ್ಗಟ್ ಜಾಲ್ಲೊ ಕವಿತಾಜಮೊ. ಮುಂಬಯಾಂತ್ ಕವಿಗೋಶ್ಟಿ ಚಲವ್ನ್ ವೆಲ್ಯಾತ್. ತಾಕೊಡೆ ತಶೆಂಚ್ ಭಂವ್ತೊಣಿಂ ಕಾಂಯ್ ತೆಂಪಾಧಿಂ ಆಸಾ ಕೆಲ್ಲ್ಯಾ ’ಜಾಗೆ-ಕವಿ’ ಜಮ್ಯಾಂನಿ ಪಾತ್ರ್ ಘೆವ್ನ್ ಕವಿತಾ ರಚ್‌ಲ್ಲ್ಯಾ ಹಾಣೆಂ ಥೊಡೊಕಾಳ್ ಮೌನ್ ರಾವ್ಲ್ಯಾರೀ ಕೊಂಕ್ಣೆಚ್ಯಾ ಫುಡಾರಾಚೊ ಏಕ್ ಭಳ್ವಂತ್ ಕವಿ ಜಾಂವ್ಚಿಂ ಖುಣಾಂ ತಾಚೆಥಂಯ್ ದಿಸೊನ್ ಯೆತಾತ್.
[kovita] Bodlavonn* (- Najret Neri Taccode)*
Kazu ascho pazu zaunko toxench pazu ascho kazu zaunko chodd vell lagana. Monis ek kirkoll rochonam, zamv monis oponnak opunn sorv xeativont oni vorto mhonn lekundi. Itihas govai asa. Somsaracher hacheadim soit osolim sobhar khorgam ayil'lim ani sogllem monoxakull thorthoron kamp‌l'lem. Atam itihas porot hokigot zamvchar asa. Somsarachim bollixtt raxttram soit oskot poddleant. Ani porot monoxak chintunk ek aukas labhola. Bab Neri Nazreth Taccodechi sokallik chintpachi kovita hi. Sompea utramni bodlaunnevixim to sangun gel'leporinch ekek ruponnim amche dolleam somor ubhim korota. Hea ruponneank parkunk atam tukach soddotam. - Som
[kovita] Bodlavonn* (- Najret Neri Taccode)*
Bodlavonn az jivo dimvchem varem soiti jivo ghheuk laglam chirun mukhutt, lumvam fichhar daram popsant vochon raulam kal mhonnasor konnaichem guman nastam sonxeaporim uddi marun mumyamporim pattim-mukar voir -sokoil dhamvchim kaulleaporim, sunneaporim hanchem tanchem voddn khhamvchim az kasvaporim zaleant paulam sodanch gorzonchim roilam, vimana, karam-bossam bobattchim, xallam-devallam maun poddleant sut'turam monoxa saulli nastam kal mhonnasor apli GDP, arthik sthiti mejchim dexam az mezunk lagleant ankodde-piddenche, moddeanche kaim dusri vatt nastam **** - Najret Neri Taccode.** [Apr, 2020]

	Najret Neri Taccode: ikhnne namvar konknni lokank vhollkecho melvin neri nojret ek vichar‌vont kovi. ’Gannam’ tacho porgott zal'lo kovitazomo. Mumboyant kovigoxtti choloun veleat. Takodde toxench bhomvtonnim kaim tempadhim asa kel'lea ’zage-kovi’ zomeamni patr gheun kovita roch‌l'lea hannem thoddokall moun rauleari konknnechea fuddaracho ek bhollvont kovi zamvchim khunnam tachethoim dison yetat.
[कविता] बदलावण (- नज्रेत नेरी ताकोडे)
काजू आसचो पाजू जावंक तशेंच पाजू आसचो काजू जावंक चड वेळ लागाना. मनीस एक किर्कोळ रचनां, जांव मनीस अपणाक अपूण सर्व श्यातिवंत अनी वर्तो म्हण लेकुंदी. इतिहास गवाय आसा. संसाराचेर हाच्यादीं सयत असलीं सभार खर्गां आयिल्लीं आनी सगळें मनशाकूळ थर्थरोन कांप‌ल्लें. आतां इतिहास परत हकीगत जांवचार आसा. संसाराचीं बळिश्ट राश्ट्रां सयत असकत पडल्यांत. आनी परत मनशाक चिंतुंक एक आवकास लाभला. बाब नेरी नज्रेत ताकोडेची सकाळीक चिंत्पाची कविता ही. सोंप्या उत्रांनी बदलावणेविशीं तो सांगून गेल्लेपरिंच एकेक रुपणीं आमचे दोळ्यां समोर उभीं करता. ह्या रुपण्यांक पार्कुंक आतां तुकाच सोडतां. - सं
[कविता] बदलावण (- नज्रेत नेरी ताकोडे)
बदलावण आज जीव दिंवचें वारें सयती जीव घ्हेवक लागलां चिरून मुखूट, लुंवां फिछार दारां पोप्सांत वोचोन रावलां काल म्हणासर कोणायचें गुमान नासतां सोंश्यापरीं उडी मारून मुंयांपरीं पाटीं-मुकार वयर-सकयल धांवचीं कावळ्यापरीं, सुण्यापरीं हांचें तांचें वोडन ख्हांवचीं आज कास्वापरीं जाल्यांत पावलां सदांच गर्जोंचीं रयलां, विमाना, कारां-बस्सां बोबाटचीं, शाळां-देवाळां मावन पडल्यांत सुत्तुरां मनशा सावळी नासतां काल म्हणासर आपली जी.डी.पी, आर्थीक स्थिती मेजचीं देशां आज मेजुंक लागल्यांत आंकडे-पिडेंचे, मड्यांचे कांय दुस्री वाट नासतां **** - नज्रेत नेरी ताकोडे.** [एपरील, २०२०]

	नज्रेत नेरी ताकोडे: लिखणे नांवार कोंकणी लोकांक व्हळकेचो मेलवीन नेरी नज्रेत एक विचार‌वंत कवी. ’गाणां’ ताचो पर्गट जाल्लो कविताजमो. मुंबयांत कविगोश्टी चलवन वेल्यात. ताकोडे तशेंच भंवतोणीं कांय तेंपाधीं आसा केल्ल्या ’जागे-कवी’ जम्यांनी पात्र घेवन कविता रच‌ल्ल्या हाणें थोडोकाळ मौन रावल्यारी कोंकणेच्या फुडाराचो एक भळवंत कवी जांवचीं खुणां ताचेथंय दिसोन येतात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.