ಕೊಂಕ್ಣಿ ಕಾರ್ಯಿಂ

[ಕವಿತಾ] ಸೆವಾ  (-ಸಂಧೇಶ್ ಶ್ರೀಕಾಂತ್ ಭಾಂದೇಕರ್)

ಸೆವಾ

ಖಾವುಕ್ ಮೆಳ್ಚೊ ಸಗ್ಳೊ ಪೈಶ್ಯಾ ಮೆವಾ
ಮ್ಹಣ್ ಕರೂಕ್ ಸುಟ್ಲಾ ತುಮಿ ಜನ್ ಸೆವಾ
ಮಾಗೀರ್ ತುಮ್ಕಾ ರಾಜ್ಕಾರಣಾಚೀಚ್
ಜಾಯ್ ಕೀತ್ಯಾಕ್ ತಿ ಹವಾ ?

ಆವಾಳೊ ದಿವ್ನ್ ಘೆವ್ಚೊ ಕುವಾಳೊ
ಹೊತ್ತ್ ತುಮ್ಗೆಲೊ ರಾಜ್ಕೀಯ್ ಸುವಾಳೊ
ಜಶ್ ಕಿತೆಂ ತುಮಿ ಭಾಸಯ್ತಾತ್
ಆಸ್ ತುಮ್ಚೆರ್ ದೆಶಾಚೊ ಭಾರ್ ಸಗ್ಳೊ

ಗರೀಬಾಲ್ ತುಮಿ ಮ್ಹಣ್ತಾತ್ ತಾರ್ಣಹಾರ್
ಆತ್ ಯೆತ್ ತುಮ್ಕಾಂ ತೆಮ್ಗೆಲ್ ಕೈವಾರ್
ಹೆತ್ತ್ ತುಮ್ಕಾ ಕಶ್ ಯಾದ್ ಜಾತಾ
ಪ್ರತ್ಯೆಕ್ ನಿವ್ಡಣೂಕಿ ವೆಳಾರ್ ?

ಕರ್ಚಿ ಆಸ್ಲ್ಯಾರ್ ತುಮ್ಕಾಂ ಜನ್ ಸೆವಾ
ಪಯ್ಲಿ ಗರೀಬಾಲ್ ಆಶಿರ್ವಾದ್ ಘೆಯಾ
ದಲಿತಾಗೆರ್ ಜೆವ್ಲೆ ದಲಿತಾಗೆರ್ ರಾವ್ಲೆ
ದಾಖೊವುಕ್ ಹೆ ಸಗ್ಳೆಂಂ ಪೆಪ್ರಾರ್ ಆಯ್ಲೆಂ

ದೆಶ್ಸೆವಾ ಕರ್ತಲೆ ಥೊಡೆತ್ ರಾವ್ಲಾತ್
ಬಾಕಿ ಸಗ್ಳೆ ಪೈಶ್ಯಾಕ್ ಆಶೆಲಾತ್
ನೊಟ್ ಘೆಯಾತ್ ಆನಿ ವೊಟ್ ದಿಯಾತ್
ಹೆತ್ತ್ ತೂಮಿ ಸಾಂಗ್ತೆ ಸುಟ್ಲಾತ್

ಲಾಗ್ಲಾ ತುಮ್ಕಾಂ ದುವಾಳೆಂ ಪಕ್ಷಾಂತರಾಚೆಂ
ಜಾಯ್ನ್ ಕೀತೆಂ ಮಾಗೀರ್ ಮತ್ದಾರಾಲೆಂ
ಕಾಲ್ಚೊಂ ಶತ್ರು ಆಯ್ಚೊ ಮಿತ್ರ್
ಹೆತ್ತ್ ಜಾಲಾ ಆತಾ ಲೊಕ್ಶಾಹೀಚೆ ಚಿತ್ರ್

 ******

- ಸಂಧೇಶ್ ಶ್ರೀಕಾಂತ್ ಭಾಂದೇಕರ್. [ದಸೆಂಬ್ರ್, 2019]

[kovita] Seva  (- Sondhex Xrikant Bhandekor)

Seva

Khavuk mellcho sogllo poixea meva
mhonn koruk suttla tumi zon seva
magir tumka rajkaronnachich
zai kiteak ti hova ?

avallo divn gheucho kuvallo
hot't tumgelo rajki-i suvallo
zox kitem tumi bhasoitat
as tumcher dexacho bhar sogllo

goribal tumi mhonntat tarnnohar
at yet tumkam temgel koivar
het't tumka kox yad zata
protyek nivddonnuki vellar ?

korchi aslear tumkam zon seva
poili goribal axirvad gheya
dolitager jeule dolitager raule
dakhovuk he sogllem'm peprar ailem

dexseva kortole thoddet raulat
baki soglle poixeak axelat
nott gheyat ani vott diat
het't tumi sangte suttlat

lagla tumkam duvallem pokxantorachem
zain kitem magir motdaralem
kalchom xotru aicho mitr
het't zala ata lokxahiche chitr

******

- Sondhex Xrikant Bhandekor. [Dec, 2019]

[कविता] सेवा [- संधेश श्रीकांत भांदेकर]

ही आयच्या काळाची आमच्या समाजेंत दिसची सेवा. जांव ती राजकीय, समाजीक वा हेर रितिची पूण जेदनां अपणाक फायदो वा अपणाक मुनाफो मेळता तेदनां मात्र थंयचर उदेता सेवा. विडंबनात्मक रितीन पूण सुटावें सब्धांनी कवीन हांगासर सांगचें दिसून येता.

कवी संसेश भांदेकर एक कोंकणी वावराडी तशेंच कवी जाल्ल्यान ताची नदर ह्या संग्तेंचेर गुंडायेन आसची ह्य कवितेंत दिसून येता. ह्या कवितेचो स्वाद चाकुंक तुकाच उलो दितां.

- सं

[कविता] सेवा [- संधेश श्रीकांत भांदेकर]

सेवा

खावुक मेळचो सगळो पैश्या मेवा
म्हण करूक सुटला तुमी जन सेवा
मागीर तुमका राजकारणाचीच
जाय कीत्याक ती हवा ?

आवाळो दिवन घेवचो कुवाळो
होत्त तुमगेलो राजकीय सुवाळो
जश कितें तुमी भासयतात
आस तुमचेर देशाचो भार सगळो

गरीबाल तुमी म्हणतात तारणहार
आत येत तुमकां तेमगेल कैवार
हेत्त तुमका कश याद जाता
प्रत्येक निवडणूकी वेळार ?

करची आसल्यार तुमकां जन सेवा
पयली गरीबाल आशिर्वाद घेया
दलितागेर जेवले दलितागेर रावले
दाखोवुक हे सगळेंं पेपरार आयलें

देशसेवा करतले थोडेत रावलात
बाकी सगळे पैश्याक आशेलात
नोट घेयात आनी वोट दियात
हेत्त तूमी सांगते सुटलात

लागला तुमकां दुवाळें पक्षांतराचें
जायन कीतें मागीर मतदारालें
कालचों शत्रू आयचो मित्र
हेत्त जाला आता लोकशाहीचे चित्र

******

- संधेश श्रीकांत भांदेकर. [दसेंबर, २०१९९]

ದಾಯ್ಜ್.ಕೊಮ್