ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಅರಿಶ್ಟಾಚೊ ಖೆವ್ (- ರುಪಾಲಿ ಮಾವ್ಜೊ ಕೀರ್ತನಿ)

ಜೆದನಾಂ ಹ್ಯಾ ಸಂಸಾರಾಚೆರ್ ಅನ್ವಾರ್ ಯೆತಾ ತೆದನಾಂ ಚಡತಾವ್ ಬದಲ್ತಾ. ಕೊಣೆಂಚ್ ಕೆದಿಂಚ್ ಚಿಂತುಂಕ್ ನಾತ್ಲೆ ದೀಸ್ ಉದೆತಾತ್. ಪರಗಾಂವಾಕ್ ಗೆಲ್ಲಿಂ ಪರಗಾಂವಾಂತ್ ಉರತಾತ್. ಆನಿ ಹ್ಯಾ ಪರಿಗತೆಂತ್ ಮನಶಾಕ್ ಸಾಂಬಾಳುಂಕ್ ಭರವಸೊ ಸೊಡಲ್ಯಾರ್ ಹೆರ್ ಕಿತೆಂ ಆಸಾ?

ಬಾಯ್ ರುಪಾಲಿ ಮಾವಜೊ ಕೀರ್ತನಿಚ್ಯಾ ಹ್ಯಾ ಸಕಾಳಿಕ್ ಚಿಂತಪಾಚ್ಯಾ ಕವಿತೆಕ್ ವಾಚುನ್ ತಾಚೊ ಅಸ್ವಾದ್ ಕರುಂಕ್ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ಅರಿಶ್ಟಾಚೊ ಖೆವ್ (- ರುಪಾಲಿ ಮಾವ್ಜೊ ಕೀರ್ತನಿ)

ಅರಿಶ್ಟಾಚೊ ಖೆವ್ ಫಾಟ್ಲೆ ಕಾಂಯ್ ದೀಸ್ ಮನ್ ಕುರ್ಕುಟಾಂತ್ ಬಸ್ಲಾಂ ಎಕ್ಸುರೆಂ ವಿಚಾರಾಂನೀಚ್ ಸೊದ್ತಾಂ ಜಾಪ್ ಫಟ್ ಕಿತೆಂ ಆನಿ ಕಿತೆಂ ಖರೆಂ ಅರಿಶ್ಟ್ ಜೆನ್ನಾ ಮಾಂಡ್ಟಾ ಖೆವ್ ನಿವ್ಳ್ ದಿಸೂಂಕ್ ಲಾಗ್ತಾ ಸಗ್ಳೆಂ ಮನೀಸ್ ಜಾತ್ ಎಕ್ ಆಸುನೂಯ್ ಆಚಾರ್ ವಿಚಾರ್ ಕಿತ್ಯಾಕ್ ವೆಗ್ಳೆ? ಹ್ಯಾ ಸಂಕ್ಶ್ಟಾನ್ ಆಜ್ ಜಾಣ್ವೂನ್ ದಿಲೆಂ ಎಕವ್ಟಾನ್ ರಾವ್ಪ್ ಮ್ಹಳ್ಯಾರ್ ಕಿತೆಂ ಎಕ್ಮೆಕಾಂ ಖಾತೀರ್ ನಾಸ್ತಾಲೊ ವೆಳ್ ಭರಿಲ್ಲೆಂ ಘರ್ ಲೆಗೀತ್ ದಿಸ್ತಾಲೆಂ ರಿತೆಂ ಕೊಣ್ ಲಾಗಿಂ ಕೊಣ್ ಪಯ್ಸ್ ಅಶ್ಯಾಚ್ ವೆಳಾರ್ ಜಾತಾ ಜಾಣೀವ್ ಕಿತ್ಯಾಕ್ ಆಮಿ ಎಕ್ಮೆಕಾಂತ್ ಸೊದೀತ್ ಬಸ್ತಾತ್ ಕಾಯ್ ಉಣೀವ್ ಹಾತಾಂತ್ ಪೈಸೊ ಆಸ್ಲೊ ನಾಸ್ಲೊ ಆಜ್ ಸಗ್ಳ್ಯಾಂಚೀಚ್ ಎಕಚ್ ಗತ್ ಜಾಣ್ಟೀಯ್ ಆಮ್ಚಿ ಭುರ್ಗೀಯ್ ಆಮ್ಚಿ ಕೊಣಾ ವಟೆನ್ ದಿವ್ಚೆಂ ಮತ್? ಕೊಣ್ ಪಯ್ಸಾವಲಾ ಘರ್ಚ್ಯಾಂಕಡ್ಲ್ಯಾನ್ ಕೊಣ್ ಶಿರ್ಕಲಾ ಭಾಯ್ಲ್ಯಾ ದೆಸಾಂತ್ ಕೊಣಾ ಮಾಥ್ಯಾರ್ ಕೊಣಾ ವಜೆಂ ಕೊಣ್ ಭೊಂವ್ತಾತ್ ತುಜ್ಯಾ ಭೆಸಾಂತ್ ಹಾತ್ ಜೊಡೂನ್ ಪಾಂಯಾ ಪಡ್ಟಾಂ ಜಾಯ್ ಜಾಲ್ಯಾರ್ ದಿಮೀಯ್ ಮಾರ್ತಾಂ ಪೊಸೊ ಉಘ್ಡೂನ್ ಮಾಗ್ಣೆಂ ಕರೂನ್ ಜಮ್ನೀಕ್ ಜಾಲ್ಯಾರ್ ತಕ್ಲಿ ಲಾಯ್ತಾಂ ಖಂಯ್ಚ್ಯಾಯ್ ರೂಪಾನಂ ಪಾವ್ ತುಂ ನಿಷ್ಪಾಪ್ ಲೊಕಾಂಕ್ ವಾಚಯ್ ಸುರ್ಕ್ಷಿತ್ ಅಶಿ ಧರ್ತರ್ ತುಂ ಪರತ್ ನವ್ಯಾನ್ ರಚಯ್ ಸುರ್ಕ್ಷಿತ್ ಅಶಿ ಧರ್ತರ್ ತುಂ ಪರತ್ ನವ್ಯಾನ್ ರಚಯ್ **** - ರುಪಾಲಿ ಮಾವ್ಜೊ ಕೀರ್ತನಿ**. [ಮಾರ್ಚ್, 2020]

	ರುಪಾಲಿ ಮಾವ್ಜೊ ಕೀರ್ತನಿ: ಕೊಂಕಣಿ, ಮರಾಠಿ, ಇಂಗ್ಲಿಶ್ ಆನಿ ಹಿಂದಿಂತ್ 300 ವಯ್ರ್ ಕವಿತಾ ಬರಯಿಲ್ಲಿ ಬಾಯ್ ರುಪಾಲಿ ಮಾವ್ಜೊ ಕೀರ್ತನಿಚೆ ಮ್ಹಜ್ಯಾಂತಲೆಂ ಹಾಂವ್ (2012), ಮಳ್ಬಥಾವ್ನ್ (2012), Wings - chap book (2012), My mirror - chap book (2017) ಕವಿತಾಜಮೆ ಪರ್ಗಟ್ಲ್ಯಾತ್. ಸಾವ್ದಿತಲೆ ತೆ ದೀಸ್ (2016) ಇಸ್ವೆಂತ್ ಪರ್ಗಟ್ಲಾ. ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಪುರಸ್ಕಾರ್, TMA Pai ಶಿಫಾರಸ್ ಪುರಸ್ಕಾರ್ ಹಿಕಾ ಲಾಭ್‌ಲ್ಲೆ ಪ್ರಮುಕ್ ಪುರಸ್ಕಾರ್.
[kovita] Orixttacho khevo* (- Rupali Mauzo Kirtani)*
Jedonam hea somsaracher onvar yeta tedonam choddotavo bodolta. Konnench kedinch chintunk natle dis udetat. Porogamvak gel'lim porogamvant urotat. Ani hea porigotent monoxak samballunk bhorouso soddolear her kitem asa? Bai Rupali Mauzo Kirtonichea hea sokallik chintopachea kovitek vachun tacho osvad korunk tukach ulo ditam. - Som
[kovita] Orixttacho khevo* (- Rupali Mauzo Kirtani)*
Orixttacho khevo fattle kaim dis mon kurkuttant boslam eksurem vicharamnich sodtam zap fott kitem ani kitem khorem orixtt jen'na manddtta khevo nivll disunk lagta sogllem monis zat ek asunuy achar vichar kiteak veglle? hea sonkxttan az zannvun dilem ekouttan raup mhollear kitem ekmekam khatir nastalo vell bhoril'lem ghor legit distalem ritem konn lagim konn pois oxeach vellar zata zannivo kiteak ami ekmekant sodit bostat kai unnivo hatant poiso aslo naslo az soglleanchich ekoch got zanntti-i amchi bhurgi-i amchi konna votten divchem mot? konn poisaula ghorcheankoddlean konn xirkola bhailea desant konna mathear konna vojem konn bhomvtat tujea bhesant hat zoddun pamya poddttam zai zalear dimi-i martam poso ughddun magnnem korun zomnik zalear tokli laitam khoinchyai rupanom pavo tum nixpap lokank vachoi surkxit oxi dhortor tum porot novean rochoi surkxit oxi dhortor tum porot novean rochoi **** - Rupali Mauzo Kirtani.** [March, 2020]

	Rupali Mauzo Kirtani: Konkonni, Moratthi, Inglix ani Hindint 300 voir kovita boroyil'li bai rupali mauzo kirtoniche Mhojeantolem Hamv (2012), Mollbothaun (2012), Wings - chap book (2012), My mirror - chap book (2017) kovitazome porgottleat. Sauditole te dis (2016) isvent porgottla. Konkonni bhaxa monddoll (Gõy) puroskar, TMA Pai xifaros puroskar hika labh‌l'le promuk puroskar.
[कविता] अरिश्टाचो खेव (- रुपाली मावजो कीर्तनी)
जेदनां ह्या संसाराचेर अन्वार येता तेदनां चडताव बदल्ता. कोणेंच केदिंच चिंतुंक नातले दीस उदेतात. परगांवाक गेल्लीं परगांवांत उरतात. आनी ह्या परिगतेंत मनशाक सांबाळुंक भरवसो सोडल्यार हेर कितें आसा? बाय रुपाली मावजो कीर्तनिच्या ह्या सकाळीक चिंतपाच्या कवितेक वाचून ताचो अस्वाद करुंक तुकाच उलो दितां. - सं
[कविता] अरिश्टाचो खेव (- रुपाली मावजो कीर्तनी)
अरिश्टाचो खेव फाटले कांय दीस मन कुरकुटांत बसलां एकसुरें विचारांनीच सोदतां जाप फट कितें आनी कितें खरें अरिश्ट जेन्ना मांडटा खेव निवळ दिसूंक लागता सगळें मनीस जात एक आसुनूय आचार विचार कित्याक वेगळे? ह्या संकश्टान आज जाणवून दिलें एकवटान रावप म्हळ्यार कितें एकमेकां खातीर नासतालो वेळ भरिल्लें घर लेगीत दिसतालें रितें कोण लागीं कोण पयस अश्याच वेळार जाता जाणीव कित्याक आमी एकमेकांत सोदीत बसतात काय उणीव हातांत पैसो आसलो नासलो आज सगळ्यांचीच एकच गत जाणटीय आमची भुरगीय आमची कोणा वटेन दिवचें मत? कोण पयसावला घरच्यांकडल्यान कोण शिरकला भायल्या देसांत कोणा माथ्यार कोणा वजें कोण भोंवतात तुज्या भेसांत हात जोडून पांया पडटां जाय जाल्यार दिमीय मारतां पोसो उघडून मागणें करून जमनीक जाल्यार तकली लायतां खंयच्याय रूपानं पाव तूं निष्पाप लोकांक वाचय सुरक्षित अशी धर्तर तूं परत नव्यान रचय सुरक्षित अशी धर्तर तूं परत नव्यान रचय **** - रुपाली मावजो कीर्तनी.** [मार्च, २०२०]

	रुपाली मावजो कीर्तनी: कोंकणी, मराठी, इंगलीश आनी हिंदिंत ३०० वयर कविता बरयिल्ली बाय रुपाली मावजो कीर्तनिचे म्हज्यांतलें हांव (२०१२), मळबथावन (२०१२), Wings - chap book (२०१२), My mirror - chap book (२०१७) कविताजमे पर्गटल्यात. सावदितले ते दीस (२०१६) इस्वेंत पर्गटला. कोंकणी भाशा मंडळ (गोंय) पुरसकार, TMA Pai शिफारस पुरसकार हिका लाभ‌ल्ले प्रमूक पुरसकार.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.