ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಸತಿ (- ಸಂಗೀತಾ ನಾಯ್ಕ್)

ಕಾಳಾಧ್ಲಿ ರಿವಾಜ್ ’ಸತಿ’ ಆಜ್ ನಾ ಪುಣ್ ವಾಚಲ್ಲ್ಯೊ, ಆಯ್ಕಲ್ಲ್ಯೊ ಜಾಯತ್ಯೊ ಯಾದಿ ಅಜೂನ್ ಆಸಾತ್. ಹಾಂಗಾಸರ್ ಅಸ್ತುರೆಚ್ಯಾ ಭಗಣಾಂಕ್ ಆನಿ ಉಮಾಳ್ಯಾಂಕ್ ಕಸಲೆಂಚ್ ಮೋಲ್ ದೀನಾಸಚ್ಯಾ ಸಮಾಜೆಚೆರ್ ಅಪ್ಲೊ ಮೋಗ್ ಸಾಂಡುನ್ ಗೆಲ್ಲಿ ಏಕ್ ಅಸ್ತುರಿ ಅಪಣಾಕ್ ಸತಿ ಕರಾ ಮ್ಹಣುನ್ ಜಾಯತಿಂ ಸವಾಲಾಂ ಉಭಿಂ ಕರತಾ.

ಕವಿ ಬಾಯ್ ಸಂಗೀತಾ ನಾಯ್ಕಾಚ್ಯಾ ಹ್ಯಾ ಕವಿತೆಚ್ಯಾ ಗುಂಡಾಯೆಕ್ ವಚುನ್ ಹ್ಯಾ ಕವಿತೆಚೊ ಅಸ್ವಾದ್ ಕರುಂಕ್ ತುಕಾ ಉಲೊ ದಿತಾಂ.

- ಸಂ

[ಕವಿತಾ] ಸತಿ (- ಸಂಗೀತಾ ನಾಯ್ಕ್)

ಸತಿ ಜಡ್ಗುಳೊ ಜಾವ್ನ್ ... ಅಳಂಗ್ ಸುಟ್ಲೊ ಹಾವೆ ಘಟ್ಟ್ ಹಾತಾಂನ್ ಧರೂನ್ ದವ್ರೀಲ್ಲೊ ತುಜೊ ಹಾತ್ ಹಾಯ್ ರೆ ದೆವಾ .... ಅಸೊ ಕಸೊ ಜಾಲೊ ಘಾತ್! ಕಾಳೀಜ್ ಪೀನ್ಪಿ ... ದುಕಾಂಚ್ಯೊ ಕೊಸ್ಳತ್ .. ಆಸಾತ್ ... ದಡ್ಕೀರ್ ದಡ್ಕಿ. ತುಜ್ಯಾ ಸಾಂಗಾಂತಾ ವೀಣೆ ... ಜೀಣಂ ಜಾತ್ಲಿ ಬಾಂಯ್ ಪಡ್ಕಿ... ಡೊಳೆ ಉಘ್ಡೂನ್ ಪಯ್ ರೆ ರಾಜಾ .. ಭರ್ ಭರ್ ಭರೀತ್ ಆಸಾತ್ ... ತುಜ್ಯಾ ನಾಕಾ ತೊಂಡಾಂತ್ ಸಾಕರ್ .. ಮ್ಹಾಜ್ಯಾ ನಾಕಾ ತೊಂಡಾರ್ ಪಿಂಜರ್.. ತುಜ್ಯಾ ಮ್ಹಜ್ಯಾ ಮನ್ಶಾಂಚೆ ಮನೀಸಪಣ್ ಥತರ್ ವಿತರ್.... ಕಾಳೀಜ್ ವೈತಾ ಪಿನೂನ್ ಲೊಟ್ಲಾ ದುಃಖಾಚೊ ಹೂವಾಂರ್... ಸವಾಶಿಣೀನಿ ಮಾತ್ ಆರಂಭಲಾ ಮ್ಹಜೊ ಭಿರಾಂಕೂಳ್ ಶಿಂಗಾರ್! ... ಭರ್ತಾತ್ ಕಿದೆ ಹ್ಲವ್ ಹ್ಲವ್ ವ್ಹಟಿಂ? ನಾಲ್ ತಾಂದೂಳ್ ವಯ್ಲ್ಯಾನ್ ರಕ್ಯಾತ್ ಕರೂನ್ ಘಸ್ಸ್.. . ಕಾಟ್ಟ್ ಕೊಂಡು ಉತ್ರಾಂನಿ ಅಂತಸ್ಕರಣಾನ್ ಘಸ್ಸ್! ಮನಾಕಾಳಜಾಂನ್ ವ್ಹಾಂವ್ತಾತ್ ಭಳ್ಭಳಿ ... ತುಜ್ಯಾ ಮ್ಹಜ್ಯಾ ಸಾಂಗಾತಾಚ್ಯಾ ಯಾದಿಂಚೆ ವ್ಹಾಳ್ಚ್ಯಾ ವ್ಹಾಳ್... ಮಾಥ್ಯಾರ್ ಹೆವ್ಟೆನ್ ಚಡತ್ ಆಸಾತ್ ಫಾತ್ಯಾಂಚೆ ದಾಳ್ಚ್ಯಾ ದಾಳ್! ಕಾಂಕ್ಣಾ ವಾಡ್ಯಾತ್, ಕುಂಕುಮ್ ಫಾಪ್ಶಿಯಾತ್. ಮಂಗ್ಳಸೂತಯ್ ಬಿ ಒಡೂನ್ ತೊಡಾತ್. ಕ್ಲೆಶಾಂಚಿ ಮ್ಹಜ್ಯಾ ದಿಂಡ್ ಸಾಮ್ಕಿ ಕಾಡಾತ್... ಗೆಲೊ ನ್ಹಿ ಮ್ಹಜೊ ಪತಿ? ಆತಾ ಶಾಸ್ತ್ರಾಂಚ್ಯಾ ಸರ್ಣಾರ್ ಜಳಯ್ನಾಸ್ತನಾಯ್ ಬಿ... ಮ್ಹಜೆ ಅಸ್ತಿತ್ವಚ್ ಧಾಡಾತ್ ಸತಿ ಮ್ಹಜೆ ಅಸ್ತಿತ್ವಚ್ ಧಾಡಾತ್ ಸತಿ! **** - ಸಂಗೀತಾ ನಾಯ್ಕ್**. [ಮಾರ್ಚ್, 2020]

	ಸಂಗೀತಾ ನಾಯ್ಕ್: ಡಿಜಿಟಲ್ ಗೋವಾಚಿ ಎಕ್ಸೆಕ್ಯುಟಿವ್ ಸಂಪಾದಕ್ ಜಾವ್ನ್ ವಾವ್ರ್ ಕರುನ್ ಆಸ್ಚಿ ಬಾಯ್ ಸಂಗೀತಾ ನಾಯ್ಕಾಕ್ ಪ್ರತಿಶ್ಟಿತ್ ಎಮ್.ಬಿಲಿಯನ್ತ್ ಪುರಸ್ಕಾರ್ ಸೌತ್ ಏಶಿಯಾ 2018 ಲಾಭ್ಲಾ. ಗೊಂಯ್ ಕೊಂಕಣಿ ಅಕಾಡೆಮಿಂತ್ ಸಯ್ತ್ ವಾವ್ರ್ ಕೆಲ್ಲ್ಯಾ ಹಿಣೆಂ ಪತ್ರಿಕೋಧ್ಯಮ್, ಸಾಹಿತ್ಯ್, ಶಿಕ್ಷಣ್ ಅಶೆಂ ವೆವೆಗ್ಳ್ಯಾ ಶೆತಾಂತ್ ಖೂಬ್ ವಾವ್ರ್ ಕೆಲಾ. ಕೊಂಕಣಿ ಸಾಹಿತ್ಯಾಂತ್ ಸಯ್ತ್ ತಿಚಿ ದೇಣ್ಗಿ ಆಸಾ.
[kovita] Soti* (- Sangeeta Naik)*
Kalladhli rivaz ’soti’ az na punn vachol'leo, aikol'leo zaiteo yadi ozun asat. Hangasor osturechea bhogonnank ani umalleank kosolench mol dinasochea somajecher oplo mog sanddun gel'li ek osturi oponnak soti kora mhonnun zaitim sovalam ubhim korota. Kovi Bai Sangeeta Nikachea hea kovitechea gunddayek vochun hea kovitecho osvad korunk tuka ulo ditam. - Som
[kovita] Soti* (- Sangeeta Naik)*
Soti zoddgullo zaun ... Ollong suttlo have ghott'tt hatamn dhorun douril'lo tuzo hat hai re deva .... Oso koso zalo ghat! kalliz pinpi ... Dukancheo kosllot .. Asat ... Doddkir doddki. Tujea sanganta vinne ... Jinnom zatli bam-i poddki... Ddolle ughddun poi re raza .. Bhor bhor bhorit asat ... Tujea naka tonddant sakor .. Mhajea naka tonddar pinzor.. Tujea mhojea monxanche monisoponn thotor vitor.... Kalliz voita pinun lottla duHkhacho huvamr... Sovaxinnini mat arombhola mhozo bhirankull xingar! ... Bhortat kide hlou hlou vhottim? nal tandull voilean rokeat korun ghoss.. . Katt'tt konddu utramni ontoskoronnan ghoss! monakallozamn vhamvtat bhollbholli ... Tujea mhojea sangatachea yadinche vhallchea vhall... Mathear heutten choddot asat fateanche dallchea dall! kanknna vaddeat, kunkum' fapxiat. Mongllosutoi bi oddun toddat. Klexanchi mhojea dindd samki kaddat... Gelo nhi mhozo poti? ata xastranchea sornnar zolloinastonai bi... Mhoje ostitvoch dhaddat soti mhoje ostitvoch dhaddat soti! **** - Songita Naik.** [Mar, 2020]

	Songita Naik: Ddijittol govachi eksekyuttiv sompadok zaun vaur korun aschi bai songita naikak protixttit em'.Biliyont puroskar sout exia 2018 labhla. Gõy konkonni okaddemint soit vaur kel'lea hinnem potrikodhyom', sahity, xikxonn oxem vevegllea xetant khub vaur kela. Konkonni sahiteant soit tichi denngi asa.
[कविता] सती (- संगीता नाईक)
काळाधली रिवाज ’सती’ आज ना पूण वाचल्ल्यो, आयकल्ल्यो जायत्यो यादी अजून आसात. हांगासर असतुरेच्या भगणांक आनी उमाळ्यांक कसलेंच मोल दीनासच्या समाजेचेर अपलो मोग सांडून गेल्ली एक असतुरी अपणाक सती करा म्हणून जायतीं सवालां उभीं करता. कवी बाय संगीता नायकाच्या ह्या कवितेच्या गुंडायेक वचून ह्या कवितेचो अस्वाद करुंक तुका उलो दितां. -संं
[कविता] सती (- संगीता नाईक)
सती जडगुळो जावन ... अळंग सुटलो हावे घट्ट हातांन धरून दवरील्लो तुजो हात हाय रे देवा .... असो कसो जालो घात! काळीज पीनपी ... दुकांच्यो कोसळत .. आसात ... दडकीर दडकी. तुज्या सांगांता वीणे ... जीणं जातली बांय पडकी... डोळे उघडून पय रे राजा .. भर भर भरीत आसात ... तुज्या नाका तोंडांत साकर .. म्हाज्या नाका तोंडार पिंजर.. तुज्या म्हज्या मनशांचे मनीसपण थतर वितर.... काळीज वैता पिनून लोटला दुःखाचो हूवांर... सवाशिणीनि मात आरंभला म्हजो भिरांकूळ शिंगार! ... भरतात किदे ह्लव ह्लव व्हटीं? नाल तांदूळ वयल्यान रकयात करून घस्स.. . काट्ट कोंडू उतरांनी अंतस्करणान घस्स! मनाकाळजांन व्हांवतात भळभळी ... तुज्या म्हज्या सांगाताच्या यादिंचे व्हाळच्या व्हाळ... माथ्यार हेवटेन चडत आसात फातयांचे दाळच्या दाळ! कांकणा वाडयात, कुंकुम फापशियात. मंगळसूतय बी ओडून तोडात. क्लेशांची म्हज्या दिंड सामकी काडात... गेलो न्ही म्हजो पती? आता शास्त्रांच्या सरणार जळयनास्तनाय बी... म्हजे अस्तित्वच धाडात सती म्हजे अस्तित्वच धाडात सती! **** - संगीता नाईक.** [मार्च, २०२०]

	संगीता नाईक: डिजिटल गोवाची एक्सेक्युटीव संपादक जावन वावर करून आसची बाय संगीता नायकाक प्रतिश्टीत एम.बिलियनत पुरसकार सौत एशिया २०१८ लाभला. गोंय कोंकणी अकाडेमिंत सयत वावर केल्ल्या हिणें पत्रिकोध्यम, साहित्य, शिक्षण अशें वेवेगळ्या शेतांत खूब वावर केला. कोंकणी साहित्यांत सयत तिची देणगी आसा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.