ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಘರ್ ಮ್ಹಜೆಂ ನಳ್ಯಾಚೆಂ(- ಅವಿನಾಶ್ ಕುಂಕಳಕಾರ್)

ಕಾಳಾಚಿಂ ರೊದಾಂ ಘುಂವಲ್ಲೆಪರಿಂ ಮನಿಸ್ ಬದ್ಲಾವಣೆಚ್ಯಾ ವೆಂಗೆಂತ್ ಅಪಣಾಕ್ ವಿಸರುನ್ ಗೆಲಾ. ಏಕ್ ಕಾಳ್ ಆಸ್ಲೊ ಕೊಲವಾಚೆಂ ಪಾಕೆಂ ಆಸ್ಲೊ ಕಾಳ್ ತೊ. ಮಾಗಿರ್ ನಳ್ಯಾಂಚಿಂ ಪಾಕಿಂ ಜಾಲಿಂ, ಸಿಮೆಂಟ್-ಕಾಂಕ್ರೆಟಿಚಿಂ ಪಾಕಿಂ ಜಾಲಿಂ.... ಪುಣ್ ಹಾಂಗಾಸರ್ ಕವಿಚಿ ನದರ್ ಹ್ಯಾ ಬದ್ಲಾವಣೆಚೆರ್ ನ್ಹಯ್ ಬಗರ್, ಅಪುಣ್ ನಳ್ಯಾಚ್ಯಾ ಘರಾಂತ್ ರಾವುನ್ ಬಗ್ಲೆಚ್ಯಾ ಘರಾಂತ್ ಆಸ್ಚ್ಯಾ ಚಲಿಯೊ ಉಲ್ಲೇಕ್ ಕರತಾನಾ ಏಕ್ ಅಪುರ್ಭಾಯೆಚೊ ಕವಿತಾ ವ್ಹಾಳೊಚ್ ವ್ಹಾಳಯತಾನಾ ಕವಿತಾರಸಿಕ್ ಖರೆಚ್ ಜಾವ್ನ್ ಸಂತೊಸಾನ್ ಕವಿತೆಚೊ ಅಸ್ವಾದ್ ಕರತಾತ್.

ಬಾಬ್ ಅವಿನಾಶ್ ಕುಂಕಳಕಾರಚಿ ಅನ್ಯೇಕ್ ಉತ್ತೀಮ್ ಕವಿತೆಕ್ ವಾಚುಂಕ್ ಆತಾಂ ತುಕಾ ಉಲೊ ದಿತಾಂ.

- ಸಂ

[ಕವಿತಾ] ಘರ್ ಮ್ಹಜೆಂ ನಳ್ಯಾಚೆಂ(- ಅವಿನಾಶ್ ಕುಂಕಳಕಾರ್)

ಘರ್ ಮ್ಹಜೆಂ ನಳ್ಯಾಚೆಂ. ತಾಚ್ಯಾ ಘರಾ ಸಾಮ್ಕಾರೂಚ್ ಮ್ಹಜೆಂ ಘರ್ ಘರ್ ಮ್ಹಜೆಂ ನಳ್ಯಾಚೆಂ ಆಂಗ್ಣಾ ಕುಶೀಕೂಚ್ ಪೊರ್ಸು ಆಸಾ ಪೊರ್ಸು ಮೊಗ್ರ್ಯಾ ಕಳ್ಯಾಚೆಂ. ತಾಚ್ಯಾ ಆಂಗ್ಣಾತಲೊ ಧವೊ ಚಾಪೊ ಮೊಗ್ರ್ಯಾಕ್ ಮ್ಹಜ್ಯಾ ಭುಲಯ್ತಾ ಮೊಗ್ರ್ಯೆಯ್ ತಾಚೆ ಭುಲ್ಲಸೂಣೆನ್ ಅಸ್ತಿತ್ವ್ ಆಪ್ಲೆ ಫುಲಯ್ತಾ. ಸಕಾಳ್ಚ್ಯಾ ವೆಳಾರ್ ಜೆನ್ನಾ ಖಿಡ್ಕೆ ಮ್ಹರ್ಯಾಂತ್ ತೆಂ ಸದಾಚ್ ಮ್ಹಾಕಾ ದಿಸ್ತಾ ಕೆನ್ನಾ ತೆಂ ಕೆಂಸ್ ಉಗಯ್ತಾ ತರ್ ಕೆನ್ನಾ ಕೆಸಾತ್ಲ್ಯೊ ವುಯೊ ವೆಂಚ್ತಾ. ದೊಗಾಂಯ್ಚಿ ನದರ್ ಎಕ್ ಜಾತಾಚ್ ಲಜೆಚ್ಯಾ ಝಾಡಾ ವರಿ ದೊನೂಯ್ ಹಾತ್ ದೊಳ್ಯಾಚೆರ್ ಧಾಪೂನ್ ಜೆನ್ನಾ ಮ್ಹಾಕಾ ಪಳೊವ್ನ್ ತೆಂ ಲಜ್ತಾ ತೆನ್ನಾ ಮ್ಹಜ್ಯಾ ಹಡ್ಡ್ಯಾತ್ ಕಾಳ್ಜಾಚಿ ಘಾಟ್ ಜಾವ್ನ್ ಖಿಣಾ-ಖಿಣಾಕ್ ವಾಜ್ತಾ. ಲ್ಹವೂಚ್ ದೊಳ್ಯಾವಯಲೆಂ ಹಾತ್ ಕಾಡೂನ್ ನದ್ರೆಚಿ ಖುಣಾಂ ಕರೂನ್ ಪಳೊವ್ನ್ ಮ್ಹಾಕಾ ತೆ ಹಾಂಸ್ತಾ ತಾಂಬ್ಡೆ,ಹಳ್ದೂಳೆ ಆಮೂರ್ ಪಿಕ್ಯಾ ತಮಾಟಾ ವರಿ... ಗೊಲ್ ಗುಬ್ಗುಬೀತ್ ಗಾಲ್ ತಾಚೆ ಗಾಲಾರ್ ಚೆಪ್ ದಿಸ್ತಾ. ಕಪ್ಲಾರ್ ತಿಕ್ಲಿ, ಆಂಗಾರ್ ಆಂಗಭರ್ ವತ್ರಾ ಮೆಕಪ್ ನಾಸ್ತನಾ ಲೆಗೀತ್ ಚೆಹ್ರೊ ತಾಚೊ... ಸುರ್ಯಾಚೆ ತೆಜ್ ಪಿಲ್ಲ್ಯಾ ವರಿ ಚಕ್ಚಕತಾ ತೆನ್ನಾ ಸುರ್ಯ್ ಲೆಗೀತ್... ತಾಚ್ಯಾ ಮುಖಾಮಳಾಕ್ ಪಳೊವ್ನ್ ದಿಪ್ಕಾವತಾ. ಅಶೆಂ ತಾಚೆ ಮನ್ ಭುಲವ್ಣೆ ರೂಪ್ ಹಾಂವ್ ಸದಾಚ್ ಪಳಯ್ತಾ ಹೆಂ ಭಾಗ್ಯ್ ಮ್ಹಜ್ಯಾ ದೊಳ್ಯಾಚೆಂ ತಾಚ್ಯಾ ಘರಾ ಸಾಮ್ಕಾರೂಚ್ ಮ್ಹಜೆಂ ಘರ್ ಘರ್ ಮ್ಹಜೆಂ ನಳ್ಯಾಚೆಂ ಘರ್ ಮ್ಹಜೆಂ ನಳ್ಯಾಚೆಂ. ****** - ಅವಿನಾಶ್ ಕುಂಕಳಕಾರ್. [ಮಾರ್ಚ್, 2020]

	ಅವಿನಾಶ್ ಕುಂಕಳಕಾರ್: ನಾಟಕಿಸ್ತ್, ಕವಿ ಜಾವ್ನಾಸ್ಚ್ಯಾ ಹಾಣೆಂ ಜಾಯ್ತೆ ನಾಟಕ್ ಬರಯ್ಲ್ಯಾತ್. 'ಜಿವಿತಾಚೊ ರಂಗ್', 'ಕಾವ್ಯಧನ್' ಮ್ಹಳ್ಳೆ ದೋನ್ ಕವಿತಾಜಮೆ ಪರ್ಗಟ್ ಜಾಲ್ಯಾತ್, ತಿಸ್ರೊ ಕವಿತಾಜಮೊ ’ಘಡ್‌ಪಡ್’ ವೆಗಿಂಚ್ ಪರ್ಗಟುನ್ ಯೆಂವ್ಚ್ಯಾರ್ ಆಸಾ. ಟಿವಿಚೆರ್ ತಶೆಂಚ್ ರೇಡಿಯೊಚೆರ್ ಹಾಚ್ಯೊ ಕವಿತಾ ಪ್ರಚಾರ್ ಜಾಲ್ಯಾತ್.
[kovita] Ghor mhojem nolleachem* (- Avinash Kunkolkar)*
Kallachim rodam ghumvol'leporim monis bodlaunnechea vengent oponnak visorun gela. Ek kall aslo kolovachem pakem aslo kall to. Magir nolleanchim pakim zalim, simentt-kankrettichim pakim zalim.... Punn hangasor kovichi nodor hea bodlaunnecher nhoi bogor, opunn nolleachea ghorant ravun boglechea ghorant aschea cholio ul'lek korotana ek opurbhayecho kovita vhalloch vhalloitana kovitarosik khorech zaun sontosan kovitecho osvad korotat. Bab Avinash Kunkolkarochi onyek ut'tim' kovitek vachunk atam tuka ulo ditam. - Som
[kovita] Ghor mhojem nolleachem* (- Avinash Kunkolkar)*
Ghor mhojem nolleachem. Tachea ghora samkaruch mhojem ghor ghor mhojem nolleachem angnna kuxikuch porsu asa porsu mogrea kolleachem. Tachea angnnatolo dhovo chapo mogreak mhojea bhuloita mogryey tache bhul'losunnen ostitv aple fuloita. Sokallchea vellar jen'na khiddke mhoreant tem sodach mhaka dista ken'na tem kems ugoita tor ken'na kesatleo vuyo venchta. Dogamychi nodor ek zatach lojechea zhadda vori donuy hat dolleacher dhapun jen'na mhaka polloun tem lojta ten'na mhojea hodd'ddeat kallzachi ghatt zaun khinna-khinnak vajta. Lhovuch dolleavoilem hat kaddun nodrechi khunnam korun polloun mhaka te hamsta tambdde,holldulle amur pikea tomatta vori... Gol gubgubit gal tache galar chep dista. Koplar tikli, angar angobhor votra mekop nastona legit chehro tacho... Sureache tez pil'lea vori chokchokota ten'na sury legit... Tachea mukhamollak polloun dipkauta. Oxem tache mon bhulounne rup hamv sodach polloita hem bhagy mhojea dolleachem tachea ghora samkaruch mhojem ghor ghor mhojem nolleachem ghor mhojem nolleachem. **** - Ovinax Kunkolkar.** [Mar, 2020]

	Avinash Kunkolkar: Nattokist, kovi zaunaschea hannem zaite nattok boroileat. 'Jivitacho Rong', 'Kauyodhon' mholl'lle don kovitazome porgott zaleat, tisro kovitazomo ’Ghoddfodd’ veginch porgottun yemvchear asa. Ttivicher toxench reddiocher hacheo kovita prochar zaleat.
[कविता] घर म्हजें नळ्याचें(- अविनाश कुंकळकार)
काळाचीं रोदां घुंवल्लेपरीं मनीस बदलावणेच्या वेंगेंत अपणाक विसरून गेला. एक काळ आसलो कोलवाचें पाकें आसलो काळ तो. मागीर नळ्यांचीं पाकीं जालीं, सिमेंट-कांक्रेटिचीं पाकीं जालीं.... पूण हांगासर कविची नदर ह्या बदलावणेचेर न्हय बगर, अपूण नळ्याच्या घरांत रावून बगलेच्या घरांत आसच्या चलियो उल्लेक करताना एक अपुर्भायेचो कविता व्हाळोच व्हाळयताना कवितारसीक खरेच जावन संतोसान कवितेचो अस्वाद करतात. बाब अविनाश कुंकळकारची अन्येक उत्तीम कवितेक वाचुंक आतां तुका उलो दितां. - सं
[कविता] घर म्हजें नळ्याचें(- अविनाश कुंकळकार)
घर म्हजें नळ्याचें ताच्या घरा सामकारूच म्हजें घर घर म्हजें नळ्याचें आंगणा कुशीकूच पोरसू आसा पोरसू मोगर्‍या कळ्याचें. ताच्या आंगणातलो धवो चापो मोगर्‍याक म्हज्या भुलयता मोगर्‍येय ताचे भुल्लसूणेन अस्तित्व आपले फुलयता. सकाळच्या वेळार जेन्ना खिडके म्हर्‍यांत तें सदाच म्हाका दिसता केन्ना तें केंस उगयता तर केन्ना केसातल्यो वुयो वेंचता. दोगांयची नदर एक जाताच लजेच्या झाडा वरी दोनूय हात दोळ्याचेर धापून जेन्ना म्हाका पळोवन तें लजता तेन्ना म्हज्या हड्ड्यात काळजाची घाट जावन खिणा-खिणाक वाजता. ल्हवूच दोळ्यावयलें हात काडून नदरेची खुणां करून पळोवन म्हाका ते हांसता तांबडे,हळदूळे आमूर पिक्या तमाटा वरी... गोल गुबगुबीत गाल ताचे गालार चेप दिसता. कपलार तिकली, आंगार आंगभर वत्रा मेकप नासतना लेगीत चेहरो ताचो... सुर्याचे तेज पिल्ल्या वरी चकचकता तेन्ना सुर्य लेगीत... ताच्या मुखामळाक पळोवन दिपकावता. अशें ताचे मन भुलवणे रूप हांव सदाच पळयता हें भाग्य म्हज्या दोळ्याचें ताच्या घरा सामकारूच म्हजें घर घर म्हजें नळ्याचें घर म्हजें नळ्याचें. **** - अविनाश कुंकळकार.** [मार्च, २०२०]

	अविनाश कुंकळकार: नाटकिसत, कवी जावनासच्या हाणें जायते नाटक बरयल्यात. 'जिविताचो रंग', 'काव्यधन' म्हळ्ळे दोन कविताजमे पर्गट जाल्यात, तिस्रो कविताजमो ’घडपड’ वेगिंच पर्गटून येंवच्यार आसा. टिविचेर तशेंच रेडियोचेर हाच्यो कविता प्रचार जाल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.