ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಚೀಟ್ (- ಕ್ಲೈವ್ ಸೋಜ್)

ಜಿಣಯೆಂತ್ ಜೊಡ್‌ಲ್ಲೊ ಅನಭೋಗ್ ಸರವ್ ಶಿಕಪಾಪ್ರಾಸ್ ಚಡ್ ಊಂಚ್ ದೆಕುನ್ ಜಿ ವಾಟ್ ಅಪಣಾನ್ ದಾಕಯಿಲ್ಲಿ, ಪುಣ್ ಆತಾಂ ಜಿಣಯೆಚೊ ಅನಭೋಗ್ ಶಿಕಯತಾ ತಿ ವಾಟ್ ಚುಕಿಚಿ ದೆಕುನ್ ತಿ ವಾಟ್ ಬದಲುನ್ ಜಿಯೆ ಮ್ಹಳ್ಳಿ ಸಮಜಣಿ ದಿಂವಚಿ ಹಿ ಕವಿತಾ.

ಬಾಬ್ ಕ್ಲೈವ್ ಸೋಜಾಚ್ಯಾ ಕವಿತೆಂನಿ ಆಯಲೆವಾರ್ ಜಾಲ್ಲಿ ಬದಲಾವಣೆಕ್ ತಾಚೆಂ ವಾಚಪ್ ಕಾರಣ್ ಮ್ಹಣುನ್ ಹಾಂವ್ ಲೆಕತಾಂ. ಹ್ಯಾ ಬದಲಾವಣೆಕ್ ಪಾರಕುಂಕ್ ಆತಾಂ ತುಕಾ ಸೊಡತಾಂ.

- ಸಂ

[ಕವಿತಾ] ಚೀಟ್ (- ಕ್ಲೈವ್ ಸೋಜ್)

ಚೀಟ್ ಜಿವಿತಾಚೆ ಸಾಂಜೆರ್ ಮೆಟಾರ್ ಉಬೊ ಹಾಂವ್ ರಾಕ್ತಾ ತುಜಿ ವಾಟ್.. ತುಜ್ಯಾ ಭುರ್ಗ್ಯಾಪಣಾರ್ ದೀಶ್ಟ್ ವಾಟೆಕ್ ಲಾವ್ನ್ ರಾಕ್ಚಾ ತುಜ್ಯಾ ಮೊಗಾಕ್ ಸಮ್ಜಲೊಂ ಆಜ್...! ಪ್ರಾಯೆಚಾ ಸಾವ್ಳೆಂತ್ ಸಾಂಪ್ಡೊನ್ ಆಧಾರಾಕ್ ಸೊಧ್ತಾನಾ... ರಾಟವಳಿನಿ ಥಕ್ಲೆಲ್ಯಾ ಮ್ಹಜಾ ಖಾಂದ್ಯಾರ್ ಚಡೊನ್ ಸಂಸಾರ್ ಭೊಂವ್ಚಿ ಆಶಾ ತುಜಿ ಸಮ್ಜಲೊಂ ಆಜ್..! ಧನ್- ದವ್ಲಾತೆ ಫಾಟ್ಲ್ಯಾನ್ ಧಾಂವ್ಚಾ ತುಕಾ ಪಳೇವ್ನ್... ದಾಕಯಿಲ್ಲಿ ವಾಟ್ ಹಾಂವೆಚ್.. ಸಮ್ಜಲೊಂ ಆಜ್..! ಮ್ಹಿನಾತೆನ್ ಬಾಂದ್ಲೆಲ್ಯಾ ರಾವ್ಳೆರಾಂತ್ ಎಕ್ಸುರೊ ಜಿಯೆತಾನಾ, ತುಕಾ ಮೊಗಾನ್ ವಾಗಂವ್ಕ್ ವಿಸ್ರಾಲೊಂ ಮ್ಹಳ್ಳೆಂ ಸಮ್ಜಲೊಂ ಆಜ್...! ತುಜ್ಯಾ ವ್ಯಸ್ತ್ ಜಿಣ್ಯೆಚ್ಯೊ ಥೊಡ್ಯೊ ಘಡಿಯೊ ಚೋರ್ನ್ ತರೀ, ಹಿ ಚೀಟ್ ವಾಚ್.. ತುಕಾ ಯೆಂವ್ಚೊ ನಾ ದೀಸ್ ಮ್ಹಾಕಾ ಆಯಿಲ್ಲೊ ಆಜ್...! **** - ಕ್ಲೈವ್ ಸೋಜ್**. [ಮಾರ್ಚ್, 2020]

	ಕ್ಲೈವ್ ಸೋಜ್: ಕ್ಲೈವ್ ಸೋಜ್, ಬೊಳಿಯೆ ಲಿಖ್ಣೆನಾಂವಾಖಾಲ್ ಬರಂವ್ಚೊ ಲ್ಯಾರಿ ಕ್ಲೈವ್ ಡಿಸೋಜ್ ಸದ್ದ್ಯಾಕ್ ಕುವೆಯ್ಟಾಂತ್ ವಾವ್ರ್ ಕರುನ್ ಆಸಾ. ಪಾವಣ್ಶಿಂ ಕವಿತಾ ತಶೆಂಚ್ ತಿಸಾಂವಯ್ರ್ ಚುಟುಕಾಂ ಬರಯ್ಲ್ಯಾತ್. ಪತ್ರಾಂ/ಜಾಳಿಜಾಗ್ಯಾಂನಿ ಕವಿತಾ ಪರ್ಗಟ್ಲ್ಯಾಂತ್ ತಶೆಂಚ್ ಕವಿತಾ ಬರಂವ್ಚ್ಯಾ ಸ್ಪರ್ಧ್ಯಾಂನಿ ಇನಾಮಾಂ ಜೊಡ್ಲ್ಯಾಂತ್.
[kovita] Chitt (- Clive Soz)
Jinnoyent zodd‌l'lo onobhog sorou xikopapras chodd unch dekun ji vatt oponnan dakoyil'li, punn atam jinnoyecho onobhog xikoita ti vatt chukichi dekun ti vatt bodolun jie mholl'lli somozonni dimvochi hi kovita. Bab Clive Sozachea kovitemni ailevar zal'li bodolaunnek tachem vachop karonn mhonnun hamv lekotam. Hea bodolaunnek parokunk atam tuka soddotam. - Som
[kovita] Chitt (- Clive Soz)
Chitt jivitache sanjer mettar ubo hamv rakta tuji vatt.. Tuza bhurgeaponnar distt vattek laun rakcha tuza mogak somzolom az...! prayecha saullent sampddon adharak sodhtana... Rattoullini thoklelea mhoza khandear choddon somsar bhomvchi axa tuji somzolom az..! dhon- doulate fattlean dhamvcha tuka polleun... Dakayil'li vatt havenchch.. Somzolom az..! mhinaten bandlelea raullerant eksuro jietana, tuka mogan vagaunko visralom mholl'llem somzolom az...! tuza vyost jinnyecheo thoddeo ghoddio chorn tori, hi chitt vach.. Tuka yemvcho na dis mhaka ayil'lo az...! **** - Clive Soz.** [March, 2020]

	*Clive Soz*: Clive Soz, Bollie likhnnenamvakhal boromvcho Lyari Clive DSouza sod'deak Kuwaittant vaur korun asa. Paunnxim kovita toxench tisamvoir chuttukam boroileat. Potram/zallizageamni kovita porgottleant toxench kovita boromvchea spordheamni inamam zoddleant.
[कविता] चीट (- क्लैव सोज)
जिणयेंत जोड‌ल्लो अनभोग सरव शिकपापरास चड ऊंच देकून जी वाट अपणान दाकयिल्ली, पूण आतां जिणयेचो अनभोग शिकयता ती वाट चुकिची देकून ती वाट बदलून जिये म्हळ्ळी समजणी दिंवची ही कविता. बाब क्लैव सोजाच्या कवितेंनी आयलेवार जाल्ली बदलावणेक ताचें वाचप कारण म्हणून हांव लेकतां. ह्या बदलावणेक पारकुंक आतां तुका सोडतां. -संं
[कविता] चीट (- क्लैव सोज)
चीट जिविताचे सांजेर मेटार उबो हांव राक्ता तुजी वाट.. तुजा भुर्ग्यापणार दीसट वाटेक लावन राकचा तुजा मोगाक समजलों आज...! प्रायेचा सावळेंत सांपडोन आधाराक सोधताना... राटवळिनी थकलेल्या म्हजा खांद्यार चडोन संसार भोंवची आशा तुजी समजलों आज..! धन- दवलाते फाटल्यान धांवचा तुका पळेवन... दाकायिल्ली वाट हावेंच्च.. समजलों आज..! म्हिनातेन बांदलेल्या रावळेरांत एक्सुरो जियेताना, तुका मोगान वागावंक विस्रालों म्हळ्ळें समजलों आज...! तुजा व्यसत जिण्येच्यो थोड्यो घडियो चोर्न तरी, ही चीट वाच.. तुका येंवचो ना दीस म्हाका आयिल्लो आज...! **** - क्लैव सोज.** [मार्च, २०२०]

	क्लैव सोज: क्लैव सोज, बोळिये लिखणेनांवाखाल बरंवचो ल्यारी क्लैव डिसोज सद्द्याक कुवेयटांत वावर करून आसा. पावणशीं कविता तशेंच तिसांवयर चुटुकां बरयल्यात. पत्रां/जाळिजाग्यांनी कविता पर्गटल्यांत तशेंच कविता बरंवच्या स्पर्ध्यांनी इनामां जोडल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.