ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಗೊಂದೊಳ್ (- ಜೊ.ಸಿ.ಸಿದ್ದಕಟ್ಟೆ)

ದೀಸ್ ಗೆಲ್ಲೆಪರಿಂಚ್ ಹ್ಯಾ ಸಂಸಾರಾಂತ್ ಜಿಯೆತೆಲ್ಯಾ ಮನಶಾಂನಿ ನ್ಹೆಸ್ಚಿಂ ಮುಖೊಟಿಂ ಚಡುನ್ ಗೆಲ್ಯಾಂತ್. ಏಕ್ ಸಂಸಾರಾಕ್ ದಾಕಂವ್ಕ್, ಏಕ್ ಅಪ್ಲ್ಯಾ ಖಾಸ್ ಮನಶಾಂಕ್ ದಾಕಂವ್ಕ್, ಏಕ್ ಅಪ್ಣಾಕ್ ಪಾಳುಂಕ್. ದೆಕುನ್ ದರೆಕಾ ದಿಸಾ ದರೆಕಾ ಸಮಾಜೆಂತ್ ಅಸಲೆ ಗೊಂದೊಳ್ ಪಳೆಂವ್ಕ್ ಮೆಳತಾತ್.

ಮಾ|ಬಾ|ಜೊ. ಸಿ. ಸಿದ್ದಕಟ್ಟೆ ಏಕ್ ಸಂಪಾದಕ್, ನಾಟಕಿಸ್ತ್ ಕವಿ ದೆಕುನ್ ತಾಚ್ಯಾ ಕವಿತೆಂನಿ ಉತ್ರಾಂಚಿ ಸಜವ್ಣ್ ನ್ಹಯ್, ಉತರಾಂ ಉತರಾಂನಿ ಜೀವ್ ಆನಿ ಸತ್ ಆಸ್ಚೆಂ ಪಾರ್ಕುವ್ಯೆತಾ. ಹೆಂ ಪಾರ್ಕುಂಕ್ ಆತಾಂ ತುಕಾಚ್ ಸೊಡತಾಂ.

- ಸಂ

[ಕವಿತಾ] ಗೊಂದೊಳ್ (- ಜೊ.ಸಿ.ಸಿದ್ದಕಟ್ಟೆ)

ಗೊಂದೊಳ್ ಆಮ್ಚ್ಯಾ ದೊಳ್ಯಾಮುಕಾರ್ ಉಜೊ ಮುಮುರ‍್ತಾ ಆಮ್ಚ್ಯಾ ದೊಳ್ಯಾಮುಕಾರ್ ಆಂಕ್ರಿ ಪಾಲೆತಾ ದೊಳ್ಯಾಂಕ್ ಧಾಂಕಣ್ ಪಡ್ತಾನಾ ತುಜಿ ಹಾತ್ ಚಲಾಕಿ ಚಲ್ತಾ ಆಮ್ಕಾಂ ಭಾಯ್ಲೆಂ ಮಾತ್ರ್ ಗಮ್ತಾ ಆಮ್ಚ್ಯಾ ದೊಳ್ಯಾಮುಕಾರ್ ಬರೊ ಜಿಣಿ ಝರ್ಕಟಯ್ತಾ ಆಮ್ಚ್ಯಾ ದೊಳ್ಯಾಮುಕಾರ್ ಖೊಟೊ ಜಿಣಿ ಮಿರಯ್ತಾ ದೊಳ್ಯಾಂಕ್ ಧಾಂಕಣ್ ಪಡ್ತಾನಾ ತುಜಿ ಕಾಕುಳ್ತ್ ಉಲಯ್ತಾ ಆಮ್ಕಾಂ ಹಾಂಗಾಚೆಂ ಖೊಲಾಯ್ತಾ ಆಮ್ಚ್ಯಾ ದೊಳ್ಯಾಮುಕಾರ್ ಪಿಂಪ್ರೆಂ ಅನಾಥ್ ಜಾತಾ ಆಮ್ಚ್ಯಾ ದೊಳ್ಯಾಮುಕಾರ್ ಸುಣೆಂ ಪೊಸ್ಕೆಂ ಜಾತಾ ದೊಳ್ಯಾಂಕ್ ಧಾಂಕಣ್ ಪಡ್ತಾನಾ ತುಜೆಂ ಬಾಪಯ್ಪಣ್ ಉಮಾಳ್ತಾ ಆಮ್ಕಾಂ ಘಡ್ಯೆಚೆಂ ನಿರಾಶಿ ಕರ‍್ತಾ ಆಮ್ಚ್ಯಾ ದೊಳ್ಯಾಮುಕಾರ್ ರಾಕ್ವಲಿ ಮಾಸೂಮಾಕ್ ಗ್ರಾಸಿತಾ ಆಮ್ಚ್ಯಾ ದೊಳ್ಯಾಮುಕಾರ್ ಮಾಸೂಮ್ ಗಳೊ ಚರ‍್ತಾ ದೊಳ್ಯಾಂಕ್ ಧಾಂಕಣ್ ಪಡ್ತಾನಾ ತುಜಿ ನೀತ್, ಪದ್ವಿ ಚಲಯ್ತಾ ಆಮ್ಕಾಂ ಅತಾಂಚೆಂ ಚಾಳ್ವಾಯ್ತಾ ಆಮ್ಚ್ಯಾ ದೊಳ್ಯಾಮುಕಾರ್ ರ‍್ಯಾಂತೀ ತಿಬೊಚ್ ದಿಸ್ತಾ ಆಮ್ಚ್ಯಾ ದೊಳ್ಯಾಮುಕಾರ್ ವಾಯ್ಟಾಂತೀ ಸಾಂತಿಪಣ್ ಮೆಜ್ತಾ ದೊಳ್ಯಾಂಕ್ ಧಾಂಕಣ್ ಪಡ್ತಾನಾ ತುಜೊ ಮೋಗ್ ಸಗ್ಳೆಂ ಪುಸುನ್ನ್ ಕಾಡ್ತಾ ಆಮ್ಕಾಂ ಸಗ್ಳೆಂ ಗಯ್ರೆಂಚ್ ದಿಸ್ತಾ **** - ಜೊ.ಸಿ.ಸಿದ್ದಕಟ್ಟೆ**. [ಮಾರ್ಚ್, 2020]

	ಜೊ.ಸಿ.ಸಿದ್ದಕಟ್ಟೆ: ನಮಾನ್ ಬಾಳೊಕ್ ಜೆಜುಚೊ ಪ್ರಸ್ತುತ್ ಸಂಪಾದಕ್ ಜಾವ್ನಾಸ್ಚೊ ಹೊ ಕವಿ, ನಾಟಕಿಸ್ತ್ ತಶೆಂಚ್ ಬರಯ್ಣಾರ್. ’ಉಜ್ಯಾ ತುಜ್ಯೆ ವೆಂಗೆಂತ್’ ’ಮಠ್ವಾಸಿಚ್ಯೊ ಕವಿತಾ’ ತಾಚೆ ಪರ್‍ಗಟ್‌ಲ್ಲೆ ಕವಿತಾಜಮೆ.
[kovita] Gondoll (- Jo. Si. Siddakatte)
Dis gel'leporinch hea somsarant jietelea monoxamni nheschim mukhottim choddun geleant. Ek somsarak dakounko, ek oplea khas monoxank dakounko, ek opnnak pallunk. Dekun doreka disa doreka somajent osole gondoll polleunko mellotat. Ma\|Ba\|Jo. Si.Siddakatte ek sompadok, nattokist kovi dekun tachea kovitemni utranchi sozounn nhoi, utoram utoramni jivo ani sot aschem parkuvyeta. Hem parkunk atam tukach soddotam. - Som
[kovita] Gondoll (- Jo. Si. Siddakatte)
Gondoll amchea dolleamukar uzo murmur‍ta amchea dolleamukar ankri paleta dolleank dhankonn poddtana tuji hat cholaki cholta amkam bhailem matr gomta amchea dolleamukar boro jinni zhorkottoita amchea dolleamukar khotto jinni miroita dolleank dhankonn poddtana tuji kakullt uloita amkam hangachem kholaita amchea dolleamukar pimprem onath zata amchea dolleamukar sunnem poskem zata dolleank dhankonn poddtana tujem bapoiponn umallta amkam ghoddyechem niraxi kor‍ta amchea dolleamukar rakvoli masumak grasita amchea dolleamukar masum' gollo chir‍ta dolleank dhankonn poddtana tuji nit, podvi choloita amkam otanchem challvaita amchea dolleamukar bor‍yanti tiboch dista amchea dolleamukar vaittanti santiponn mejta dolleank dhankonn poddtana tuzo mog sogllem pusun'n kaddta amkam sogllem goirench dista **** - Jo. Si. Siddakatte.** [March, 2020]

	Jo. Si. Siddakatte: Nomon Ballok Jezucho prostut sompadok zaunascho ho kovi, nattokist toxench boroinnar. ’Ujea tujye vengent’ ’Motthvasicheo kovita’ tache por‍gott‌l'le kovitazome.
[कविता] गोंदोळ (- जो.सी.सिद्दकट्टे)
दीस गेल्लेपरिंच ह्या संसारांत जियेतेल्या मनशांनी न्हेसचीं मुखोटीं चडून गेल्यांत. एक संसाराक दाकवंक, एक अपल्या खास मनशांक दाकवंक, एक अपणाक पाळुंक. देकून दरेका दिसा दरेका समाजेंत असले गोंदोळ पळेवंक मेळतात. मा\|बा\|जो. सी. सिद्दकट्टे एक संपादक, नाटकिसत कवी देकून ताच्या कवितेंनी उत्रांची सजवण न्हय, उतरां उतरांनी जीव आनी सत आसचें पार्कुव्येता. हें पार्कुंक आतां तुकाच सोडतां. -संं
[कविता] गोंदोळ (- जो.सी.सिद्दकट्टे)
गोंदोळ आमच्या दोळ्यामुकार उजो मुमूर‍्ता आमच्या दोळ्यामुकार आंक्री पालेता दोळ्यांक धांकण पडताना तुजी हात चलाकी चल्ता आमकां भायलें मात्र गमता आमच्या दोळ्यामुकार बरो जिणी झर्कटयता आमच्या दोळ्यामुकार खोटो जिणी मिरयता दोळ्यांक धांकण पडताना तुजी काकुळत उलयता आमकां हांगाचें खोलायता आमच्या दोळ्यामुकार पिंपरें अनाथ जाता आमच्या दोळ्यामुकार सुणें पोसकें जाता दोळ्यांक धांकण पडताना तुजें बापयपण उमाळता आमकां घड्येचें निराशी कर‍्ता आमच्या दोळ्यामुकार राकवली मासूमाक ग्रासिता आमच्या दोळ्यामुकार मासूम गळो चर‍्ता दोळ्यांक धांकण पडताना तुजी नीत, पद्वी चलयता आमकां अतांचें चाळवायता आमच्या दोळ्यामुकार र‍्यांती तिबोच दिसता आमच्या दोळ्यामुकार वायटांती सांतिपण मेजता दोळ्यांक धांकण पडताना तुजो मोग सगळें पुसुन्न काडता आमकां सगळें गयरेंच दिसता **** - जो.सी.सिद्दकट्टे.** [मार्च, २०२०]

	जो.सी.सिद्दकट्टे: नमान बाळोक जेजुचो प्रसतूत संपादक जावनासचो हो कवी, नाटकिसत तशेंच बरयणार. ’उज्या तुज्ये वेंगेंत’ ’मठवासिच्यो कविता’ ताचे पर‍गट‌ल्ले कविताजमे.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.