ಕೊಂಕ್ಣಿ ಕಾರ್ಯಿಂ

[ಕವಿತಾ] ದಾನ್ [ಬಮ್ಮು ಭಾಗೂ ಫೊಂಡೆ]

ದಾನ್

ಭಾಂಗ್ರಾಚ್ಯಾ ದೆಂವಾ ತುಕಾ
ಕಿತೆಂ ದಿವ್ಚೆಂ ದಾನ್
ಮನಾನ್ ಘೆಂವ್ನ್ ಆಯ್ಲಾ ಭಕ್ತಿ
ಮನೀಸ್ ಹಾಂವ್ ಲ್ಹಾನ್

ಪೈಸೊ ಆನಿ ಭಾಂಗ್ರಾನ್
ದೆವ್ಳಾಂ ಭರುನ್ ವತ್ತಾ
ತರೀಯ್ ತುಜ್ಯಾ ಮುಖಾರ್
ಭಿಖಾರಿ ಕಿತ್ಯಾಕ್ ದಿಶ್ಟಿ ಪಡ್ಟಾ?

ವ್ಹಡ್ ವ್ಹಡ್ ಪೈಶೆಕಾರ್
ದೆವ್ಳಾನ್ ತುಝ್ಯಾ ಯೆತಾ
ಕೊಟ್ಯಾನಿ ರುಪಾಯಾ
ದಾನ್ ಕರುಂನ್ ವತಾ

ಮ್ಹಜಿ ನಾ ಈತ್ಲಿ ತಾಂಕ್
ತುಂಯ್ ಜಾಣಾ ಮ್ಹಜಿ ಕಾಣಿ
ಕಾಳ್ಜಾಂತ್ ಅಸಾ ಭಕ್ತಿ
ಬೊಲ್ಸಾಂ ಮಾತ್ ರೀಕಾಮಿ

ಹಾಡಿಲ್ಲೆ ಥೊಡೆ ದೂಧ್
ತುಜ್ಯಾ ಪಾಯಾಂರ್ ಘಾಲ್ಪಾಕ್
ದೂಧಾನ್ ತು ನ್ಹಾಂತಾ ದೆಖೂನ್
ದೆತಾ ಹಾಂವ್ ತೆ ಗರೀಬಾಕ್

ಪೈಶ್ಯಾಕಾರಾಂಚ್ಯೊ ಲಾಗ್ಲ್ಯಾ ಲಾಯ್ನಿ
ದೆವ್ಳಾಂತ್ ಯೆಂವ್ಕ್ ಭಿರಾಂತ್ ದಿಸ್ತಾ.
ಹುಂಬ್ರ್ಯಾವೆಲ್ಯಾಂನ್ ಪಾಯಾ ಪಡೂನ್
ದೆಂವಾ ಹಾಂವ್ ಪರತ್ ವತಾ

- ಬಮ್ಮು ಭಾಗೂ ಫೊಂಡೆ [ಅಗೋಸ್ತ್, 2019]

कविता [पय्णारी-वीज साहितिक स्पर्ध्यांत हुमेदिचें इनाम लाभ्‌ल्ली कविता]

ह्या संसारांत, सेवा, मजूरी, कूल अनी दान म्हळ्ळ्या सब्धांक जशे वेवेगळे अर्थ आसात तशेंच हे प्रकारांक सयत. पूण बदलोन वेच्या संसारांत कित्याक‌गी ह्या सब्धांचे अर्थ एकामेका मिसळोन गेल्यात‌शें भग्ता. ही कविता तेच चिंत्पाच्या बुन्यादिचेर उभी केल्या देकून कविता वाचून गेल्लेपरिंच गयरे जाल्ल्या दोळ्यां समोर हकीगतेच्यो सांकळी तुटोन पडतात आनी एक नवेंच रुपणें उभें जाता.

बम्मू भागू फोंडे कार‌वार मुळाचो युवकवी, गोंयच्या ’भांगार भुंय’ पत्रांत वावर करून आसचो. २०१८ इस्वेंत पयणारी आनी वीज हाणीं मांडून हाड‌ल्ल्या दे|विलफी रेबिंबस स्मारक राश्ट्रीय द्विलिपी कोंकणी साहितीक स्पर्ध्यांत हुमेदिचें इनाम आपणायिल्ली ही कविता वाचुंक आनी ताचो स्वाद चाकुंक तुका आपोवणें दितां.

- सं

[कविता] दान [बम्मु भागू फोंडे]

दान

भांगराच्या देंवा तुका
कितें दिवचें दान
मनान घेंवन आयला भक्ती
मनीस हांव ल्हान

पैसो आनी भांगरान
देवळां भरुन वत्ता
तरीय तुज्या मुखार
भिखारी कित्याक दिश्टी पडटा?

व्हड व्हड पैशेकार
देवळान तुझ्या येता
कोट्यानी रुपाया
दान करुंन वता

म्हजी ना ईतली तांक
तुंय जाणा म्हजी काणी
काळजांत असा भक्ती
बोलसां मात रीकामी

हाडिल्ले थोडे दूध
तुज्या पायांर घालपाक
दूधान तू न्हांता देखून
देता हांव ते गरीबाक

पैश्याकारांच्यो लागल्या लायनी
देवळांत येंवक भिरांत दिसता.
हुंबर्यावेल्यांन पाया पडून
देंवा हांव परत वता

- बम्मु भागू फोंडे [अगॊस्त, २०१९]

ದಾಯ್ಜ್.ಕೊಮ್