ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ದೊನಿ ಪಾವ್ಲಾಂ (- ಬಾಲಕೃಷ್ಣ ಮಲ್ಯ)

ಜೆದನಾಂ ಜಿವಿತಾಚೊ ಕೊಡು ಅನ್ಭೋಗ್ ಫುಡಾರ್ ಗೊಡ್ ಕರ್ಚೆ ದಿಶೆನ್ ಉಪಕಾರ್ತಾ, ತೆದ್ನಾಂ ಆಧ್ಯಾತ್ಮಿಕ್ ಚಿಂತಪ್ ಜಿಣ್ಯೆ ಸಂಘರ್ಶಾಕ್ ಹಾಳು ಕರುಂಕ್ ಸಕ್ತಾ ಮ್ಹಳ್ಳೆಂ ಚಿಂತಪ್ ಹ್ಯಾ ಕವಿತೆಂಚ್ ಆಮಿ ಪಾರ್ಕುವ್ಯೆತಾ.

ಬಾಬ್ ಬಾಲಕೃಷ್ಣ ಮಲ್ಯಾ ಕೊಚ್ಚಿಂತ್ ವಸ್ತಿ ಕರ್ಚೊ ಕೊಂಕಣಿ ಕವಿ. ಹಾಚ್ಯಾ ಆಧ್ಯಾತ್ಮಿಕ್ ಚಿಂತಪಾಚ್ಯಾ ಕವಿತೆಚೊ ಅಸ್ವಾದ್ ಕರುಂಕ್ ಆತಾಂ ತುಕಾಚ್ ಸೊಡತಾಂ.

- ಸಂ

[ಕವಿತಾ] ದೊನಿ ಪಾವ್ಲಾಂ (- ಬಾಲಕೃಷ್ಣ ಮಲ್ಯ)

ದೊನಿ ಪಾವ್ಲಾಂ ಜೆನ್ನಾ ಕಾಳೂಖ್ ಫಾಟಿ ಘೆತೊಲೊ ಭಯ್ ಘಟ್ಟ್ ಧರ್ತಲೆಂ ಹೃದಯಾಂತ್ ದೊನಿ ಪಾವ್ಲಾಂ ಮುಖಾರ್ ದವ್ರೂಕ್ ತೆನ್ನಾ ಉಜ್ವಾಡು ದಾಖೆಯ್ ಆಮ್ಕಾಂ ಜೆನ್ನಾ ವಾಟೆರ್ ಅಡ್ಚಣ್ ಪಡ್ತಲಿಂ ಬುದ್ಧಿ ಸುನ್ನ್ ಅಸ್ತಲಿ ಮಾಥ್ಯಾಂತ್ ತುಜೆ ನಾಂವ್ ಮ್ಹಣ್ತಾಚ್ ಆಸೂಕ್ ತೆನ್ನಾ ಆಶೀಷ್ ಮಾಥ್ಯಾರ್ ದವ್ರಕಾ ಜೆನ್ನಾ ಹೃದಯ್ ಆಶಾ ಸೊಡ್ತಲೆಂ ದುಃಖ್ ಭಾರ್ ಭರ್ತಲೆಂ ಜೀವಿತಾಂತ್ ಜೀವ್ ದಿವೊ ಜಳತ್ ರಾಬೊವೂಕ್ ತೆನ್ನಾ ಪ್ರಕಾಶ್ ಘಾಲ್ತಾ ರಾಬ್ಕಾ ಜೆನ್ನಾ ಜೀವಿತ್ ಕಿತಿ ಮ್ಹಣ್ಲೆಲೆಂ ಚುಕೂನ್ ಲಕ್ಷ್ಯ್ ಬದ್ದಲಸೂನ್ ವಿಷ್ಯಾಂತ್ ಸಾಮ್ಕಿ ವಾಟೆಂತ್ಲ್ಯಾನ್ ಚಮ್ಕೂಕ್ ತೆನ್ನಾ ಶಕ್ತಿ ಪಯ್ಯಾಂಕ್ ದಿವಂಕಾ ಜೆನ್ನಾ ಭಾವ್ ನವೆ ಉಭ್ರತಲೆ ಕಷ್ಟ್ ಅರ್ಥ್ ಸಾಂಗೂನ್ ದಿವಂಚ್ಯಾಂತ್ ಮನಾಂತ್ ಕಿತಿ ತೆಂ ಸಾಂಗ್ವೂಕ್ ತೆನ್ನಾ ಎಕೆಕ್ ಶಬ್ದ್ ವೆಂಚೂನ್ ದಿವಂಕಾ ಜೆನ್ನಾ ಹೃದಯ್ ಸಾಂಗ್ಚೆಂ ಕಳ್ನಾತಿಲೆಂ ಸಾಸು ಕವ್ನಾಂ ಬರೆಯ್ಲ್ಯಾ ಮನಾಂತ್ ಮೊಲ್ ಜೀವಿತಾಚೆಂ ಜಾಣೊವೂಕ್ ತೆನ್ನಾ ಕವ್ನಾಂತ್ ಅರ್ಥ್ ಭರೂಕಾ ಜೆನ್ನಾ ವಿಶ್ವಾಸ್ ಅಟೊವ್ನು ಸರ್ತಲೊ ದುಃಖ್ ಪಾಳಂ ಮಾರ್ತಲೆಂ ಜೀವಿತಾಂತ್ ಕಾಳ್ಕೂಟ್ ವಿಷಾಕ್ ಆಟ್ವೂಕ್ ತೆನ್ನಾ ಅಮೃತ್ ಗಾಂಟೂನ್ ದೀಯಾತ್ ಆಮ್ಕಾಂ **** - ಬಾಲಕೃಷ್ಣ ಮಲ್ಯ**. [ಮಾರ್ಚ್, 2020]

	ಬಾಲಕೃಷ್ಣ ಮಲ್ಯ: ಕೇರಳಾಂತ್‌ಲ್ಯಾ ಕೊಚ್ಚಿಚೊ ನಾಮ್ಣೆಚೊ ಕೊಂಕಣಿ ಯುವ ಕವಿ, ತರ್ಜಣ್‌ಕಾರ್ ಆನಿ ಬರವ್ಪಿ. ಮಲಯಾಳಮ್, ತಮಿಳ್ ಭಾಸಾಂನಿ ಸಯ್ತ್ ಹಾಣೆಂ ಕಾಂಯ್ ಹಜಾರಾಂಚ್ಯಾಂಕೀ ಚಡಿತ್ ಕವಿತಾ ಬರಯ್ಲ್ಯಾತ್. ’ಜೀವ ಸಂಕಲ್ಪ (2013)’ ಹಾಚೊ ಎದೊಳ್ ಪರ್ಗಟ್‌ಲ್ಲೊ ಕವಿತಾಜಮೊ. ’ಸ್ವತಂತ್ರ ವಿಚಾರ್’ ಬೂಕ್ ವೆಗಿಂಚ್ ಪರ್ಗಟುನ್ ಯೆಂವ್ಚಾರ್ ಆಸಾ. ಸಭಾರ್ ಕವಿಗೋಶ್ಟಿಂನಿ ತಶೆಂಚ್ ಸಾಹಿತಿಕ್ ಶಿಭಿರಾಂನಿ ಹಾಣೆಂ ವಾಂಟೊ ಘೆತ್ಲಾ. ಮಲಯಾಳಮ್ ಭಾಸೆಚೊ ಬೂಕ್ ಸಯ್ತ್ ಹಾಣೆಂ ಪರ್ಗಟ್ಲಾ.
[kovita] Doni Paulam* (- Balokrixnna Molya)*
Jedonam jivitacho koddu onbhog fuddar godd korche dixen upokarta, tednam adheatmik chintop jinnye songhorxak hallu korunk sokta mholl'llem chintop hea kovitench ami parkuvyeta. Bab Balakrishna Mallya kochchint vosti korcho konkonni kovi. Hachea adheatmik chintopachea kovitecho osvad korunk atam tukach soddotam. - Som
[kovita] Doni Paulam* (- Balokrixnna Molya)*
Doni paulam jen'na kallukh fatti ghetolo bhoi ghott'tt dhortolem hridoyant doni paulam mukhar douruk ten'na ujvaddu dakhey amkam jen'na vatter oddchonn poddtolim bud'dhi sun'n ostoli matheant tuje namv mhonntach asuk ten'na axix mathear douroka jen'na hridoi axa soddtolem duHkh bhar bhortolem jivitant jivo divo zollot rabovuk ten'na prokax ghalta rabka jen'na jivit kiti mhonnlelem chukun lokxy bod'dolosun vixeant samki vattentlean chomkuk ten'na xokti poyeank divonka jen'na bhavo nove ubhrotole koxtt orth sangun divoncheant monant kiti tem sangvuk ten'na ekek xobd venchun divonka jen'na hridoi sangchem kollnatilem sasu kounam boreylea monant mol jivitachem zannovuk ten'na kounant orth bhoruka jen'na vixvas ottounu sortolo duHkh pallom martolem jivitant kallkutt vixak attvuk ten'na omrit ganttun diyat amkam **** - Balakrishna Mallya.** [March, 2020]

	Balakrishna Mallya: Kerollant‌lea kochchicho namnnecho konkonni yuvo kovi, torzonn‌kar ani boroupi. Moloyallom', tomill bhasamni soit hannem kaim hozarancheanki choddit kovita boroileat. ’Jiva Sonkolpa (2013)’ hacho edoll porgott‌l'lo kovitazomo. ’Svatantra Vichar’ buk veginch porgottun yemvchar asa. Sobhar kovigoxttimni toxench sahitik xibhiramni hannem vantto ghetla. Moloyallom' bhasecho buk soit hannem porgottla.
[कविता] दोनी पावलां (- बालकृश्ण मल्य)
जेदनां जिविताचो कोडू अनभोग फुडार गोड कर्चे दिशेन उपकार्ता, तेदनां आध्यात्मीक चिंतप जिण्ये संघर्शाक हाळू करुंक सक्ता म्हळ्ळें चिंतप ह्या कवितेंच आमी पार्कुव्येता. बाब बालकृषण मल्या कोच्चिंत वसती कर्चो कोंकणी कवी. हाच्या आध्यात्मीक चिंतपाच्या कवितेचो अस्वाद करुंक आतां तुकाच सोडतां. - सं
[कविता] दोनी पावलां (- बालकृश्ण मल्य)
दोनी पावलां जेन्ना काळूख फाटि घेतोलो भय घट्ट धरतलें हृदयांत दोनी पावलां मुखार दवरूक तेन्ना उजवाडु दाखेय आमकां जेन्ना वाटेर अडचण पडतलीं बुद्धि सुन्न असतली माथ्यांत तुजे नांव म्हणताच आसूक तेन्ना आशीष माथ्यार दवरका जेन्ना हृदय आशा सोडतलें दुःख भार भरतलें जीवितांत जीव दिवो जळत राबोवूक तेन्ना प्रकाश घालता राबका जेन्ना जीवित किती म्हणलेलें चुकून लक्ष्य बद्दलसून विषयांत सामकी वाटेंतल्यान चमकूक तेन्ना शक्ती पय्यांक दिवंका जेन्ना भाव नवे उभरतले कष्ट अर्थ सांगून दिवंच्यांत मनांत किती तें सांगवूक तेन्ना एकेक शब्द वेंचून दिवंका जेन्ना हृदय सांगचें कळनातिलें सासु कवनां बरेयल्या मनांत मोल जीविताचें जाणोवूक तेन्ना कवनांत अर्थ भरूका जेन्ना विश्वास अटोवनु सरतलो दुःख पाळं मारतलें जीवितांत काळकूट विषाक आटवूक तेन्ना अमृत गांटून दीयात आमकां **** - बालकृश्ण मल्य.** [मार्च, २०२०]

	बालकृश्ण मल्य: केरळांत‌ल्या कोच्चिचो नामणेचो कोंकणी यूव कवी, तर्जण‌कार आनी बरवपी. मलयाळम, तमीळ भासांनी सयत हाणें कांय हजारांच्यांकी चडीत कविता बरयल्यात. ’जीव संकल्प (२०१३)’ हाचो एदोळ पर्गट‌ल्लो कविताजमो. ’स्वतंत्र विचार’ बूक वेगिंच पर्गटून येंवचार आसा. सभार कविगोश्टिंनी तशेंच साहितीक शिभिरांनी हाणें वांटो घेतला. मलयाळम भासेचो बूक सयत हाणें पर्गटला.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.