ಕೊಂಕಣಿ ಉಲಯ್, ಕೊಂಕಣಿ ಉರಯ್, ಕೊಂಕಣಿ ಆಮ್ಚಿ ಆವಯ್..    कोंकणी उलोय, कोंकणी उरय, कोंकणी आमची आवय..       
Writers Writing

[ಕವಿತಾ] ಮಾಂವ್ (- ದೀಪರಾಜ್ ಸಾತೊರ್ಡೆಕರ್)

ಜರ್ ತರ್ ಏಕ್ ಮಾಂವ್ ಆಮಕಾಂ ಆಮಚೆಂ ಭುರಗೆಂಪಣ್ ಆನಿ ತ್ಯೊ ಯಾದಿ ಪರತ್ ಹಾಡುನ್ ದಿತಾ ತರ್, ತಿ ಮಾಂವ್ ಬರಿಚ್. ಹಾಂಗಾಸರ್ ಏಕ್ ಅಸಲಿಚ್ ಅಪುರಭಾಯೆಚಿ ಮಾಂವ್ ಆಸಾ, ತಾಂತುಂ ಆಮಿ ಖರಚಿಲ್ಲೆಂ ಭುರಗೆಂಪಣ್ ಆಸಾ ಆನಿ ಕವಿತಾ ವಾಚುನ್ ಗೆಲ್ಲೆಪರಿಂಚ್ ಕಿತೆಂ ಸೊಭಾಯ್ ದಿಸ್ತಾ.

ಬಾಬ್ ದೀಪ್‌ರಾಜ್ ಸಾತೊರ್ದೆಕರ್ ನಾಟಕಿಸ್ತ್, ಕವಿ. ಹಾಚಿ ದರೇಕ್ ಕವಿತಾ ಏಕ್ ಅಪುರಭಾಯ್. ಆನಿ ಹ್ಯಾ ಆಪುರಭಾಯೆಕ್ ಪಳೆಂವಕ್ ತುಕಾಚ್ ಸೊಡತಾಂ.

- ಸಂ

[ಕವಿತಾ] ಮಾಂವ್ (- ದೀಪರಾಜ್ ಸಾತೊರ್ಡೆಕರ್)

ಮಾಂವ್

ತಿ ಮಾಂವ್ ಜೆನ್ನಾ ಅಶೀಚ್
ಕೆನ್ನಾಯ್ ಜಾತಾ ಜಿತಿ
ಥಾಂಬ್ತಾ ಧಾವಂಪಿ ಜೀಣ್
ಖಿಣಾಂತ್ ಜಾತಾ ರಿತಿ
ಯಾದೀಂಚೊ ಖವ್ಳೊ
ಅಚ್ಳಯ್ ಉಖ್ಲತಾ
ಮಾಗೀರ್ ಜಾತಾ ಯಾದ್...
ಕಿತ್ಲಿಂ ವರ್ಸಾಂ ಸೊಪ್ಲಿಂ ಮ್ಹಾಕಾ
ಕಣೆರೀಚೊ ಕಾಂಟೊ ತೊಪೂಂಕ್ ನಾ
ಕಿತ್ಲಿಂ ವರ್ಸಾಂ ಹುಪ್ಲಿಂ ಹಾಂವೆಂ
ಆಡವ್ಣಾಂತಲೊ ಆಡೊ ಹುಪೂಂಕ್ ನಾ
ಚಿಚೆ ವಯ್ಲ್ಯಾ ಖೊವ್ಲ್ಯಾಚಿ
ಗೊಟ್ಯಾಂತ್ಲ್ಯಾ ಬೈಲಾಂಚಿ
ತಣಾಚ್ಯಾ ಬೊವ್ಲ್ಯಾಚಿ
ಆಜೂನ್ ಯಾದ್ ವಚೂಂಕ್ ನಾ
ಮಾಗೀರ್ ಅಶೀಚ್ ಕೆನ್ನಾಯ್
ತಿ ಮಾಂವ್ ಜಾತಾ ಜಿತಿ

ರಸಾಳ್ ಪಣ್ಸಾಚ್ಯಾ ಭುಕೆಚಿ
ಪಿಕಾಳ್ ಕಣ್ಸಾಂಚ್ಯಾ ರಾಶಿಚಿ
ಚೊರ್ಲೆಲ್ಯಾ ಆಡ್ಸರಾಂಚಿ
ಖಳಾ ವಯ್ಲ್ಯಾ ಭಾತಾಚಿ
ಮಳಾ ವಯ್ಲ್ಯಾ ವೊತಾಚಿ
ಕಾಜುತ್ಲ್ಯಾ ಮಾಕ್ಡಾಂಚಿ
ಖೊಪಿಂತ್ಲ್ಯಾ ಲಾಕ್ಡಾಂಚಿ
ಕಿತ್ಲಿಂ ವರ್ಸಾಂ ಜಾಲಿಂ ಮ್ಹಾಕಾ
ಆಜೂನ್ ಯಾದ್ ವಚೂಂಕ್ ನಾ
ಜೆನ್ನಾ ತಿ ಯಾದ್ ಯೆತಾ
ತೆನ್ನಾ ತಿ ಮಾಂವ್ ಜಿತಿ ಜಾತಾ

ಪಣ್ಸಾ ಪಾನಾಂಚ್ಯಾ ಗೊರ್ವಾಂಚಿ
ಚಾರಾಂ - ಚಾನೊಡ್ಯಾಂಚ್ಯಾ ದೊಣ್ಯಾಂಚಿ
ದಾಲ್ಲ್ಯಾ ಕಾತ್ಲೆ - ಗೊಡಾಚಿ
ಕುಳ್ಗಾರಾಂತ್ಲ್ಯಾ ಬೆಡ್ಯಾಂಚಿ
ಸರ್ಯಾಂ ಕೊಣಾಂತ್ಲ್ಯಾ ರೆಡ್ಯಾಂಚಿ
ಝಗ್ಡಟ್ಲ್ಯಾ ಪಾಡ್ಯಾಂಚಿ
ಜೆನ್ನಾ ಮ್ಹಾಕಾ ಯಾದ್ ಯೆತಾ
ತೆನ್ನಾ ತಿ ಮಾಂವ್ ಜಿತಿ ಜಾತಾ

ಪಾಯಾಂರ್ ಉದೆಲ್ಯಾ ಶಿಟ್ಟ್ಯಾಂಚಿ
ತಾಂಬ್ಡ್ಯಾ ಹುಳ್ಡುವ್ಯಾ ಮುಟ್ಟ್ಯಾಂಚಿ
ರಾತ್ಚಿ ಮ್ಹಾಕಾ ಯಾದ್ ಯೆತಾ
ತಿ ಪೆಟ್ಟಿ ಚೂಡ್ ಚುಟ್ಟ್ಯಾಂಚಿ
ಕಾಜುಂತ್ಲ್ಯಾ ದೆಳ್ಖುಟ್ಯಾಂಚಿ
ಪಾಯಾಂಕ್ ಜಾಲ್ಲ್ಯಾ ಘಾವ್ಯಾಂಚಿ
ಜೆನ್ನಾ ಮ್ಹಾಕಾ ಯಾದ್ ಜತಾ
ತೆನ್ನಾ ತಿ ಮಾಂವ್ ಜಿತಿ ಜಾತಾ

 ******

- ದೀಪರಾಜ್ ಸಾತೊರ್ಡೆಕರ್. [ಮಾರ್ಚ್, 2020]

 

ದೀಪರಾಜ್ ಸಾತೊರ್ಡೆಕರ್, ಪಂಚವಡೀ: ಮೂಳ್ ನಾಟಕಿಸ್ತ್, ಕಾಣಿಯೆಗಾರ್ ತಶೆಂಚ್ ಕವಿ. ಹಾಚ್ಯೊ ಸಭಾರ್ ಕವಿತಾ ಸುನಾಪರಾಂತ್, ಭಾಂಗಾರ್‌ಭುಂಯ್ ತಶೆಂಚ್ ಹೆರ್ ನೇಮಾಳ್ಯಾಂನಿ ಪರ್ಗಟ್ ಜಾಲ್ಯಾತ್. ಸಾಹಿತಿಕ್ ಸ್ಪರ್ಧ್ಯಾಂನಿ ಸಯ್ತ್ ಇನಾಮಾಂ ಜಿಕ್ಲಾ. ಅಂತರ್ ರಾಜ್ಯ್ ಮಟ್ಟಾರ್ ನಾಟಕಾಂ ಖೆಳಯ್ಲ್ಯಾಂತ್. ಸದ್ದ್ಯಾಕ್ ಗೊಂಯ್ಚಾ ಯುನಿವರ್ಸಿಟಿಂತ್ ಎಮ್.ಎ. ಪದ್ಯುತ್ತರ್ ಶಿಕಪ್ ಜೊಡ್ಪಿ, ಕೊಂಕಣಿಚ್ಯಾ ಫುಡಾರಾಚೊ ಉತ್ತೀಮ್ ಕವಿ ಜಾಂವ್ಚಿಂ ಸರ್ವ್ ಖುಣಾಂ ಹಾಚ್ಯಾ ಕವಿತೆಂತ್ ದಿಸುನ್ ಯೆತಾತ್.

[kovita] Mamv (- Deepraj Satordekar)

Zor tor ek mamv amokam amochem bhurogemponn ani teo yadi porot haddun dita tor, ti mamv borich. Hangasor ek osolich opurobhayechi mamv asa, tantum ami khorochil'lem bhurogemponn asa ani kovita vachun gel'leporinch kitem sobhai dista.

Bab Deepraj Satordeka nattokist, kovi. Hachi dorek kovita ek opurobhai. Ani hea apurobhayek pollemvok tukach soddotam.

- Som

[kovita] Mamv (- Deepraj Satordekar)

Mamv

ti mamv jen'na oxich
ken'nai zata jiti
thambta dhaumpi jinn
khinnant zata riti
yadincho khoullo
ochlloi ukhlota
magir zata yad...
Kitlim vorsam soplim mhaka
konnericho kantto topunk na
kitlim vorsam huplim hamvem
addounnantolo addo hupunk na
chiche voilea khouleachi
gotteantlea boilanchi
tonnachea bouleachi
azun yad vochunk na
magir oxich ken'nai
ti mamv zata jiti

rosall ponnsachea bhukechi
pikall konnsanchea raxichi
chorlelea addsoranchi
kholla voilea bhatachi
molla voilea votachi
kazutlea makddanchi
khopintlea lakddanchi
kitlim vorsam zalim mhaka
azun yad vochunk na
jen'na ti yad yeta
ten'na ti mamv jiti zata

ponnsa pananchea gorvanchi
charam - chanoddeanchea donneanchi
dal'lea katle - goddachi
kullgarantlea beddeanchi
soream konnantlea reddeanchi
zhogddottlea paddeanchi
jen'na mhaka yad yeta
ten'na ti mamv jiti zata

payamr udelea xitt'tteanchi
tambddea hulldduvea mutt'tteanchi
ratchi mhaka yad yeta
ti pett'tti chudd chutt'tteanchi
kazuntlea dellkhutteanchi
payank zal'lea ghaveanchi
jen'na mhaka yad zota
ten'na ti mamv jiti zata

******

- Deepraj Satordekar. [March, 2020]

 

Deepraj Satordekar, Ponchouddi: Mull nattokist, kanniegar toxench kovi. Hacheo sobhar kovita sunaporant, bhangar‌bhum-i toxench her nemalleamni porgott zaleat. Sahitik spordheamni soit inamam jikla. Ontor rajy mott'ttar nattokam khelloileant. Sod'deak gõycha yunivorsittint em'.E. Podyut'tor xikop zoddpi, konkonnichea fuddaracho ut'tim' kovi zamvchim sorv khunnam hachea kovitent disun yetat.

[कविता] मांव (- दीपराज सातोर्डेकर)

जर तर एक मांव आमकां आमचें भुरगेंपण आनी त्यो यादी परत हाडून दिता तर, ती मांव बरीच. हांगासर एक असलीच अपुरभायेची मांव आसा, तांतूं आमी खरचिल्लें भुरगेंपण आसा आनी कविता वाचून गेल्लेपरिंच कितें सोभाय दिसता.

बाब दीप‌राज सातोर्देकर नाटकिसत, कवी. हाची दरेक कविता एक अपुरभाय. आनी ह्या आपुरभायेक पळेंवक तुकाच सोडतां.

-संं

[कविता] मांव (- दीपराज सातोर्डेकर)

मांव

ती मांव जेन्ना अशीच
केन्नाय जाता जिती
थांबता धावंपी जीण
खिणांत जाता रिती
यादींचो खवळो
अचळय उखलता
मागीर जाता याद...
कितलीं वर्सां सोपलीं म्हाका
कणेरीचो कांटो तोपूंक ना
कितलीं वर्सां हुपलीं हांवें
आडवणांतलो आडो हुपूंक ना
चिचे वयल्या खोवल्याची
गोट्यांतल्या बैलांची
तणाच्या बोवल्याची
आजून याद वचूंक ना
मागीर अशीच केन्नाय
ती मांव जाता जिती

रसाळ पणसाच्या भुकेची
पिकाळ कणसांच्या राशिची
चोरलेल्या आडसरांची
खळा वयल्या भाताची
मळा वयल्या वोताची
काजुतल्या माकडांची
खोपिंतल्या लाकडांची
कितलीं वर्सां जालीं म्हाका
आजून याद वचूंक ना
जेन्ना ती याद येता
तेन्ना ती मांव जिती जाता

पणसा पानांच्या गोरवांची
चारां - चानोड्यांच्या दोण्यांची
दाल्ल्या कातले - गोडाची
कुळगारांतल्या बेड्यांची
सरयां कोणांतल्या रेड्यांची
झगडटल्या पाड्यांची
जेन्ना म्हाका याद येता
तेन्ना ती मांव जिती जाता

पायांर उदेल्या शिट्ट्यांची
तांबड्या हुळडुव्या मुट्ट्यांची
रातची म्हाका याद येता
ती पेट्टी चूड चुट्ट्यांची
काजुंतल्या देळखुट्यांची
पायांक जाल्ल्या घाव्यांची
जेन्ना म्हाका याद जता
तेन्ना ती मांव जिती जाता

******

- दीपराज सातोर्डेकर, पंचवडी. [मार्च, २०२०]

 

दीपराज सातोर्डेकर, पंचवडी: मूळ नाटकिसत, काणियेगार तशेंच कवी. हाच्यो सभार कविता सुनापरांत, भांगार‌भुंय तशेंच हेर नेमाळ्यांनी पर्गट जाल्यात. साहितीक स्पर्ध्यांनी सयत इनामां जिकला. अंतर राज्य मट्टार नाटकां खेळयल्यांत. सद्द्याक गोंयचा युनिवर्सिटिंत एम.ए. पद्युत्तर शिकप जोडपी, कोंकणिच्या फुडाराचो उत्तीम कवी जांवचीं सर्व खुणां हाच्या कवितेंत दिसून येतात.

 

   

ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.
ಆಧ್ಲೆ ಆಂಕ್ಡೆ

ದರ್ಯಾ | दरया

ನಾಕಾ ರೆ ನಾಕಾ | नाका रे नाका

ಹಾಂವ್ ಕೊಣ್ | हांव कोण

ಕಾಳ್ಖಾತಲೆಂ | काळखातलें उले

ಡಾಯ್ವೊರ್ಸ್ | डायवोर्स

ಬಲಿದಾನ್ | बलिदान

ಉತ್ರಾಂ! | उतरां!

ಹಾಂವ್ ವತ್ಕೀಚ್ | हांव वतकीच
ಪ್ರವಚನ್ | प्रवचन

ಬಂಡ್ | बंड

ತಿ ವಾಟ್ | ती वाट
ಬಾಪುಯ್ | बापुय
ಮನ್ ರಡ್ಟಾ | मन रडटा

ಹೊ ಚಂದ್ರ್ | हो चंद्र तुजो

ನಾಂ ತರ್ ತುಂ | ता नां तर तूं

ಕಪಲ್ | कपल

ಕಾಳೊ-ಪಾಚವೊ..|काळो-पांचवो..

ಸಂವ್ಣೆ .. | संवणे न्हायत..

ಮಾರ್ | आवय्चो मार

ಮಟಣ್ | मनशाचें मटण

ಝುಜಾಚೆಂ | झुजाचें व्हारें

ಏಕ್ ಕವಿತಾ... | ऎक कविता...

ಅಣುಯುಧ್ದ್ | अणुयुध्द

ಜೀಣ್ | जीण

ಕಲಾಕಾರ್ | कलाकार

ಗಝಲ್ | गझल ಶೂನ್ಯ್ ಹಿಶೋಬ್ | शून्य हिशॊब

ಶೆಳಾಂವ್ ಯಾದಿ | शेळांव यादी

ನಾಕಾ | नाका जाल्यार

ಕುರ್ಕೂಟ್ | कुर्कूट

... ಪಾವ್ಸ್ | ... पावस

ಮಾಂ | मां

ಹಂಪಿ | हंपी

ಜಿವಿತ್ ಕವಿತಾ

ಮಾಜರ್.| म्हजें माजर.

ಸೆಜಾರಿ | सेजारी

ಹೆಂ ಮನ್ | हें मन

ಭವ್ತಾರಣಿ | भवतारणी

ಪಲ್ತಡ್ ನಾ| पलतड ना

ಪಾವಳೀ | पावळी

...ಜಾತ್ರಾ | ...जात्रा

ಮಾರ್ಚ್ 8 | मार्च ८

ಕಿನಾರೊ | किनारो

ಕಿರಾಯತೆಂ | किरायतें
ಪ್ರತಿಬಿಂಬ್ | प्रतिबिंब

ಜೊತಿಂ | जोतीं
ಭುರ್ಗೆಂಪಣ್ | भुरगेंपण

ಮ್ಹಜ್ಯೆ ಕವಿತೆಚಿ ವಳ್

ರಾವ್‌ಲ್ಲೆಂ ಘಡಿಯಾಳ್

ತೊ ಕೊಣ್ | to konn

ಉದ್ಕಾಚೆ ಥೆಂಬೆ

ಮ್ಹಜಿ ಕೊಂಕ್ಣಿ | म्हजी कोंकणी
ಮಾಳೊ | माळो

ಧಾಂವ್ | धांव

ತುಕಾ ರಾಕೂನ್

ಕೊಂಕಣಿ | कोंकणी

ಕವಿ ಮೋರ್ನ್ | कवि मॊर्न
ಆಜ್ ಆಮಿ ಸ್ವತಂತ್ರ್

ಆಮಿ ಗಾಯ್ರಾಂ

ಹ್ಯಾ ಸಂಸಾರಾಂತ್

ದಿಸಾಳೆಂ

ಆಜ್ ಹಾಂವ್

ಸಕಾಳಿಂಚ್ಯೆ.. | सकाळिंच्ये..
ಕವಿತಾ ಮ್ಹಜಿ | कविता म्हजी


ಗಲ್ಫಾ ಗಾಡಾಂವ್
ಕುರುಕುರು ಮಾಮಾ


ಚೊರಿ ಜಾಲಾಂ

ಎಕಾ ಮಾಜ್ರಾಚಿ ಕಾಣಿ

ಚಿಟಿಚಿಟಿ ಪಾವ್ಸಾ

ಯಾದೀಂಚೆ ಸುವಾಳೆ
ಅನ್ನ್ಯಾಯ್ | अन्न्याय

ಮಧು ಆನಿ..| मधू आनी..
ಮಾತಿ | माती
ಆಸ್ಲಿ ವ ನಕ್ಲಿ |आसली व

ಮಾಡ್


ಪಾವ್ಸಾಚಿಂ..। पावसाचीं..
ಪೊಟ್ಟು ನಾಣೆಂ
ಪಯ್ಸಿಲ್ಯಾನ್ ಪಳೆತಾನಾ
ಸ್ಮಾರ್ಟ್ ಫೊನಾಂತ್ಲೆಂ ಜಿವಿತ್


ದಾರ್ ಉಗ್ತೆಂ ಆಸಾ


ಮಾತೀ | माती
ಮೌನ ಆನಿ | मौन आनी  


ತವೊ | तवो
ಸಚೇತನ | सचेतन


ಬಾಳ್ಪಣ್
ಝುಜ್ ಸುರ್‍ವಾತ್ಲ್ಯಾರ್
ಮಠ್ವಾಸಿಚಿ ಕವಿತಾ


ದೇವ್ ಕಸೊ ದಿಸ್ತಾ...!?ಸುಟ್ಕೆಚ್ಯಾ ಬಾವ್ಟ್ಯಾ ಮುಖಾರ್ಮುಂಬಯ್ಚೊ ಪಯ್ಲೊ ಪಾವ್ಸ್
ಕಾಡ್ ಶಿಳಾ
ಮ್ಹಾಕಾ ವೇಳ್ ನಾ


ತಿ ಕೋಣಿ
ಚಿತ್ತುರಾಂತುಲಿ ಚೆಲ್ಲಿ
ರಾಕೊಲ್

ಆಶಾವಾದಿ ಪ್ರಕಾಶನ್
 
ಪ್ರಗತಿಶೀಲ್ ಬರಯ್ಣಾರ್

Buffer Email Facebook Google LinkedIn Print


Copyright 2003 - 2020
All rights reserved. This site is property
Ashawadi Prakashan.
All poinnari.com content are copyrighted and may not be copied / modified in any way.
Send questions or comments to:
editor
   [Archive / Links]