ಕೊಂಕ್ಣಿ ಕಾರ್ಯಿಂ

[ಕವಿತಾ] ಸ್ವತಂತ್ರ್ [ಉದಯ್ ಮಾಂಬ್ರೊ]

ಸ್ವತಂತ್ರ್

ಆತಾಂ ಕೊಣೆ ಕೊಣಾಕ್
ಕಾಂಯ್ಚ್ ವಿಚಾರಪ್ ನಾ
ಆಮಿ ಸ್ವತಂತ್ರ್
ಆಮ್ಚೊ ದೇಶ್ ಸ್ವತಂತ್ರ್
ಆಮ್ಚೆ ರಾಜ್ಯ್ ಸ್ವತಂತ್ರ್
ಆಮ್ಚಿ ಭಾಸ್ ಸ್ವತಂತ್ರ್
ಆಮ್ಚಿ ಮತಾಂ ಸ್ವತಂತ್ರ್
ಆಮ್ಚಿ ಘರಾಂ ಸ್ವತಂತ್ರ್
ಘರಾಂತ್ ಕುಡಿ ಸ್ವತಂತ್ರ್
ಘರಾಂತ್ಲ್ಯೊ ಚಲಿ ಸ್ವತಂತ್ರ್
ಘರಾಂತಲಿ ಮನ್ಶಾಂ ಸ್ವತಂತ್ರ್
ಘೊವಾಚೊ ಸಂಸಾರ್ ಸ್ವತಂತ್ರ್
ಬಾಯ್ಲೆಚೊ ಸಂಸಾರ್ ಸ್ವತಂತ್ರ್
ಭುರ್ಗ್ಯಾಚೊ ಸಂಸಾರ್ ಸ್ವತಂತ್ರ್
ದರ್ ಎಕ್ಲ್ಯಾಚಿ ಗಾಡಿ ಸ್ವತಂತ್ರ್
ಬೆಂಕಾಂತ್ ಖಾತೆಂ ಸ್ವತಂತ್ರ್
ಮೊಬಾಯ್ಲ್ ಸ್ವತಂತ್ರ್
ಆಧಾರಕಾರ್ಡ್ ಸ್ವತಂತ್ರ್
ಆಧಾರಕಾರ್ಡ್ ಆಸಾ ಪೂಣ್
ಕೊಣಾಕ್ ನಾ ಕೊಣಾಚೊ ಆದಾರ್
ಕೊಣಾಕ್ ನಾ ಕೊಣಾಚೊ ಆದರ್

ಜೊ ತೊ ಆಪ್ಲೆಪುರತೊ ಸ್ವತಂತ್ರ್
ಹೊ ದೇಶ್ ಸ್ವತಂತ್ರ್
ಸ್ವತಂತ್ರ್ ದೆಶಾತಲೊ
ಜಣ್ ಎಕ್ಲೊ ಸ್ವತಂತ್ರ್

- ಉದಯ್ ಮಾಂಬ್ರೊ [ಅಗೊಸ್ತ್ 2018]

कविता

आमच्या देशाची आयची परिगत असा;

जाता खुनी फार, अत्याचार, आनी गडिचेर, गुळे फार, मोर्ता सोजेर, कर्ता लोक हाहाकार पूण देशाचे दल्लाळ धव्या न्हेसणाचेर कर्ता जैकार, आनी म्हणता ’भारत आमचें स्वातंत्र’. पूण जागो कवी पळेता, पार्किता आनी समजता देकून लोकाक जागयता.

बाब उदय म्हांबरोची अन्येक सकाळीक चिंत्पाची संप्या उतरांची कविता अर्थाभरीत आसोन आमच्या समाजेचेर आर्सो धर्चेतसली जावनासा. ही कविता वाचून हाचो स्वाद चाकुंक तुमकांच सोडतां.

- सं

[कविता] स्वतंत्र [उदय मांबरो]

स्वतंत्र

आतां कोणे कोणाक
कांयच विचारप ना
आमी स्वतंत्र
आमचो देश स्वतंत्र
आमचे राज्य स्वतंत्र
आमची भास स्वतंत्र
आमची मतां स्वतंत्र
आमची घरां स्वतंत्र
घरांत कुडी स्वतंत्र
घरांतल्यो चली स्वतंत्र
घरांतली मनशां स्वतंत्र
घोवाचो संसार स्वतंत्र
बायलेचो संसार स्वतंत्र
भुर्ग्याचो संसार स्वतंत्र
दर एकल्याची गाडी स्वतंत्र
बेंकांत खातें स्वतंत्र
मोबायल स्वतंत्र
आधारकार्ड स्वतंत्र
आधारकार्ड आसा पूण
कोणाक ना कोणाचो आदार
कोणाक ना कोणाचो आदर

जो तो आपलेपुरतो स्वतंत्र
हो देश स्वतंत्र
स्वतंत्र देशातलो
जण एकलो स्वतंत्र

- उदय मांबरो [अगोसत २०१८]

उदय मांबरो: गोंयचो एक नामणेचो लेकक, कवी, वावराडी तशेंच पदां घडणार. ’हाय सायभा’, ’मनशाच्या सोधांत’ हाचे एदोळ पर्गट जाल्ले बूक.

Kovita

Amchea dexachi aichi porigot osa;

Zata khuni far, oteachar, ani goddicher, gulle far, morta sojer, korta lok hahakar punn dexache dol'lall dhovea nhesnnacher korta zoikar, ani mhonnta ’bharot amchem svatontr’. Punn zago kovi polleta, parkita ani somzota dekun lokak zagoita.

Bab udoi mhambrochi onyek sokallik chintpachi sompea utoranchi kovita orthabhorit ason amchea somajecher arso dhorchetosoli zaunasa. Hi kovita vachun hacho svad chakunk tumkanch soddtam.

- Som.

[Kovita] Svotontr [Udoi Mambro]

Svotontr

atam konne konnak
kainch vicharop na
ami svotontr
amcho dex svotontr
amche rajy svotontr
amchi bhas svotontr
amchi motam svotontr
amchi ghoram svotontr
ghorant kuddi svotontr
ghorantleo choli svotontr
ghorantoli monxam svotontr
ghovacho somsar svotontr
bailecho somsar svotontr
bhurgeacho somsar svotontr
dor ekleachi gaddi svotontr
benkant khatem svotontr
mobail svotontr
adharokardd svotontr
adharokardd asa punn
konnak na konnacho adar
konnak na konnacho ador

zo to aplepuroto svotontr
ho dex svotontr
svotontr dexatolo
zonn eklo svotontr

- Udoi Mambro [August 2018]

Udoi Mambro: Gõycho ek namnnecho lekok, kovi, vauraddi toxench podam ghoddnnar. ’hai saibha’, ’monxachea sodhant’ hache edoll porgott zal'le buk.

ದಾಯ್ಜ್.ಕೊಮ್