ಕೊಂಕ್ಣಿ ಕಾರ್ಯಿಂ

[ಕವಿತಾ] ಪಿಶೆಂಪಣ್ [ಬಾಲಕೃಷ್ಣ ಮಲ್ಯ]

ಪಿಶೆಂಪಣ್

ಆಯ್ಕೀಲೆಂ ತುಮಿಂ ಸಗ್ಳಂ ಪಿಶೆಂಪಣ್
ಜಾಲಿಂ ತುಮೀಂಯಾತಾಂ ಪಿಶಾಚಿಂ
ಕವಿತೆನ್ ಹಾಂವ್ಯ್ ಸಾಂಗ್ತಾಂ ಪಿಶೆಂಪಣ್
ಮನಾಂ ಕೆನ್ನಾಯ್ ತುಮಿಂ ದವ್ರಾಚಿ

ಆಠೆಶ್ಯಾತ್ ಕವಿತೆಂತು ಆಪಣ್
ಸಂಗ್ಲ್ಲಿಂ ಕೈರೀಂಯಾಸಯ್ ಬುದ್ಧೀಯೆಚಿಂ
ಸಗ್ಟಾನ್ ಸಾಂಗಿಲ್ಲ್ಯಾವರಿ ಪಣ್
ಸ್ವಲ್ಪ್ ಭಿನ್ನ್ ಹ್ಯಾ ಮಿಗೆಲೆವರೀಚಿ

ಕಿತೀಯಾಸಾ ಹಾಂತು ವೆಗ್ಳೆಂಪಣ್
ಕರುಂ ಕಿತ್ಯಾ ಝಗ್ಡಿಂ ತರ್ಕಾಚಿಂ ?
ಲ್ಹವು ಉಲ್ಲೊ ಜಾತಾ ಗೊಂದೊಳಪಣ್
ಆಮಿಂ ಜನ್ಮಾನ್ ಮು ಥೆಟ್ ಪಿಶಾಚಿಂ

ಆಜಿ ವಾಯ್ಟ್ ಲಾಗ್ತಾ ಖರೆಂಪಣ್
ಖರೆಂ ವಾಯ್ಟ್ ದಿಸ್ತಾ ಮ್ಹಾಕಾಚಿ
ಲೊಕಾಂತು ಕೆನ್ನಾಯ್ ರಾಬ್ತಲೆ ಮ್ಹಣ್
ಸಾಂಗ್ತಾಯ್ ಆಮಿಂ ಕೈರಿಂ ವ್ಯರ್ಥಾಚಿಂ

ವೆಳು ಧಾವಂಚೆ ಭೊ ವೆಗಾಚೆ ಕಾರಣ್
ಚಿಕ್ಕ್ ಘಡೀಕ್ ನಾ ಕೊಣಯ್ ರಾಬ್ತಾಚಿ
ಮಾಗೀರ್ ಪಾವ್ಲ್ ದವ್ರನು ಮ್ಹಾಂತಾರಪಣ್
ಆಸ್ ತವ್ಳೀಯ್ ನಾ ಸೊಡ್ತಾಯ್ ಮೊಹಾಂಚಿಂ

ಜೀಣಾಂ ವಾಚೀಲ್ಯಾ ತೂಂವೆಂ ದುಃಖಾಯ್ಣ್
ಪಳೆತಾ ಸುಖ್ ಸಪ್ನಾಂ ಸ್ವರ್ಗಾಚಿಂ
ಪುಣ್ಯ್ ನಾವಾಂತ್ ಎಕ್ ಮ್ಹಣ್ಚೆಂ ಅಡಾವ್ಣ್
ವೆಳು ಪೆರ್ ಘಾಲ್ಚ್ಯಾಂತು ನಾ ಮು ಕಷ್ಟಚಿ

ಚಾಂಗ್ ಬಲ್ಲಾವ್ ಕರ್ಮಾಂ ಕರಿ ತರ್ಪಣ್
ಸಂಕಾಳ್ ತುಂಟಯ್ ತುಂ ಬಂಧ್ಪಾಶಾಂಚಿಂ
ಸರ್ವಯ್ ಆಸೊಯ್ ತಿಂ ದೆವಾಕ್ ಸಮ್ರ್ಪಣ್
ಆಯ್ಕಾ ಪದಂ ಹಿಂ ಪಿಶೆಂಪಣಾಚಿಂ

- ಬಾಲಕೃಷ್ಣ ಮಲ್ಯ [ಅಗೊಸ್ತ್ 2018]

कविता

ह्या संसारांत जियेतलो हरेक मनीस एक न्हय एक पिशेंपण पांग्रून येता, अपलें पिशेंपण जेदनां जेरांच्या जिविताक कुराड घाल्ता तेदनां उभजता ’गोंदोळ’, अपलें स्वपाण जियेवंक सर्वांक हक्क आसा खरें पूण अपल्या स्वपणाक लागून हेरांचें स्वपण मसतुंचें हक्क कोणायक‌यी ना. पूण मनशाक चिंतुंक वेळ ना, ह्या वेळ नात‌ल्ल्या घडिये, अपणान कर्च्या, करून आयिल्ल्या वा करुंक चिंतचा संग्तेंचेर नियाळुंक सयत वेळ नात‌ल्ल्या संधर्भाचेर कविचीं मोलादीक उत्रां सयत पिशेंपण म्हण लाग्तात. हेच अपुर्भायेच्या आटोवाक गुटलायिल्ली कविता.

बाब बालकृषण मल्य कोच्चिचो नामणेचो युवकवी, आयलेवार अखील भारतीय हंतार आसा केल्ल्या कविता बरंवचे सर्तेंत इनाम सयत आपणायिल्लो कवी. ह्या कवितेची बोली कोच्चिची जाल्ल्यान थोडीं उत्रां समजुंक त्रास घेवंक पडतेलें. वेवेगळ्यो बोलीच कोंकणिची सोभाय जाल्लेनिमतीं ती आसा तशीच वाचप्याक दिल्या. बाकिचें सर्व तुजेर सोडतां.

- सं

[कविता] पिशेंपण [बालकृश्ण मल्य]

पिशेंपण

आयकीलें तुमीं सगळं पिशेंपण
जालीं तुमींयातां पिशाचीं
कवितेन हांवय सांगतां पिशेंपण
मनां केन्नाय तुमीं दवराची

आठेश्यात कवितेंतु आपण
संगल्लीं कैरींयासय बुद्धीयेचीं
सगटान सांगिल्ल्यावरी पण
स्वल्प भिन्न ह्या मिगेलेवरीची

कितीयासा हांतु वेगळेंपण
करूं कित्या झगडीं तर्काचीं ?
ल्हवु उल्लो जाता गोंदोळपण
आमीं जन्मान मू थेट पिशाचीं

आजी वायट लागता खरेंपण
खरें वायट दिसता म्हाकाची
लोकांतु केन्नाय राबतले म्हण
सांगताय आमीं कैरीं व्यर्थाचीं

वेळु धावंचे भो वेगाचे कारण
चिक्क घडीक ना कोणय राबताची
मागीर पावल दवरनु म्हांतारपण
आस तवळीय ना सोडताय मोहांचीं

जीणां वाचील्या तूंवें दुःखायण
पळेता सुख सपनां स्वर्गाचीं
पुण्य नावांत एक म्हणचें अडावण
वेळु पॅर घालच्यांतु ना मू कष्टची

चांग बल्लाव कर्मां करी तर्पण
संकाळ तुंटय तूं बंधपाशांचीं
सर्वय आसोय तीं देवाक समर्पण
आयका पदं हीं पिशेंपणाचीं

- बालकृश्ण मल्य [अगोसत २०१८]

बालकृश्ण मल्य: केरळांत‌ल्या कोच्चिचो नामणेचो कोंकणी यूव कवी, तर्जण‌कार आनी बरवपी. मलयाळम, तमीळ भासांनी सयत हाणें कांय हजारांच्यांकी चडीत कविता बरयल्यात. ’जीव संकल्प (२०१३)’ हाचो एदोळ पर्गट‌ल्लो कविताजमो. ’स्वतंत्र विचार’ बूक वेगिंच पर्गटून येंवचार आसा. सभार कविगोश्टिंनी तशेंच साहितीक शिभिरांनी हाणें वांटो घेतला. मलयाळम भासेचो बूक सयत हाणें पर्गटला.

Kovita

Hea somsarant jietolo horek monis ek nhoi ek pixemponn pangrun yeta, oplem pixemponn jednam jeranchea jivitak kuradd ghalta tednam ubhzota ’gondoll’, oplem svopann jieunko sorvank hokk asa khorem punn oplea svopnnak lagun heranchem svoponn mostunchem hokk konnaik‌yi na. Punn monxak chintunk vell na, hea vell nat‌l'lea ghoddie, opnnan korchea, korun ayil'lea va korunk chintcha songtencher niallunk soit vell nat‌l'lea sondhorbhacher kovichim moladik utram soit pixemponn mhonn lagtat. Hech opurbhayechea attovak guttlayil'li kovita.

Bab balokrixnno molyo kochchicho namnnecho yuvokovi, ailevar okhil bharoti-i hontar asa kel'lea kovita boromvche sortent inam' soit apnnayil'lo kovi. Hea kovitechi boli kochchichi zal'lean thoddim utram somzunk tras gheunko poddtelem. Veveglleo bolich konkonnichi sobhai zal'lenimtim ti asa toxich vachpeak dilea. Bakichem sorv tujer soddtam.

- Som.

[Kovita] Pixemponn [Balokrixnno Molyo]

Pixemponn

aikilem tumim sogllom pixemponn
zalim tumimyatam pixachim
koviten hamvy sangtam pixemponn
monam ken'nai tumim dourachi

atthexeat kovitentu aponn
songl'lim koirimyasoi bud'dhiyechim
sogttan sangil'leavori ponn
svolp bhin'n hea migeleurichi

kitiyasa hantu vegllemponn
korum kitea zhogddim torkachim ?
lhovu ul'lo zata gondolloponn
amim zonman mu thett pixachim

aji vaitt lagta khoremponn
khorem vaitt dista mhakachi
lokantu ken'nai rabtole mhonn
sangtai amim koirim vyorthachim

vellu dhaunche bho vegache karonn
chikk ghoddik na konnoi rabtachi
magir paul douronu mhantaroponn
as toulli-i na soddtai mohanchim

jinnam vachilea tumvem duHkhainn
polleta sukh sopnam svorgachim
punny navant ek mhonnchem oddaunn
vellu per ghalcheantu na mu koxttochi

chang bol'lavo kormam kori torponn
sonkall tunttoi tum bondhpaxanchim
sorvoi asoi tim devak somrponn
aika podom him pixemponnachim

- Balokrixnno Molyo [August 2018]

Balokrixnno Molyo: Kerollant‌lea kochchicho namnnecho konkonni yuvo kovi, torzonn‌kar ani boroupi. Moloyallom', tomill bhasamni soit hannem kaim hozarancheanki choddit kovita boroileat. ’jivo sonkolpo (2013)’ hacho edoll porgott‌l'lo kovitazomo. ’svotontro vichar’ buk veginch porgottun yemvchar asa. Sobhar kovigoxttimni toxench sahitik xibhiramni hannem vantto ghetla. Moloyallom' bhasecho buk soit hannem porgottla.

ದಾಯ್ಜ್.ಕೊಮ್