ಕೊಂಕ್ಣಿ ಕಾರ್ಯಿಂ

ಎಕಾ ಫೊಂಡಾಚಿ ಕಥಾ

ರಸ್ತ್ಯಾ ಮದೆಗಾತ್ ನಿದ್ಲಾ ತೊ ಫೊಂಡ್
ಪಾವ್ಸಾಕ್ ಭಿಜೊನ್, ವೊತಾಕ್ ಕರ್ಪೊನ್
ದೀಸ್ ವೆತಾಂ ವೆತಾಂ ವಾಡೊನ್‍ಚ್ ಯೆತಾ!

ಗ್ರೇಸ್ತಾಂಚಿ ಮರ್ಸಿಡಿಸ್ ಕಾರಾಂ,
ದುಬ್ಳ್ಯಾಂಚಿ ಪರ್ಕಟ್ ಸ್ಕೂಟಾರಾಂ
ಅಂಟಿಚೆಂ ಟ್ರಿಬಲ್ ರೈಡ್ ಕೈನೆಟಿಕ್
ತರ್ನ್ಯಾ ಜೊಡ್ಯಾಂಚೆ ನವೆಂಚ್ ಬೈಕ್
ಹರ್ಯೆಕ್ಲ್ಯಾನ್ ಹ್ಯಾ ಪೊಂಡಾಚಿ ಗುಂಡಾಯ್ ಮೆಜ್ಲ್ಯಾ!

ಪಾವ್ಸ್ ಪಡ್‍ಲ್ಲೆಂಚ್ ತೊ ಭರ್ಲೊ ಆಸೊ
ಉಪ್ರಾಂತ್‍ಚ್ ಸುರು ಸರ್ವ್ ತಮಾಸೊ!
ಕೊಣ್ ಹಾಂತುನ್ ಕೆಂಳ್ಬೊ ಲಾಯ್ತಾ,
ಕೊಣ್ ಎಕ್ಲೊ ಮಾಸ್ಳಿ ಧರ್ತಾ!
ಪರ್ನ್ಯಾ ಪೊಂಡಾಚೆ ನಾಂವ್ ಗಾವಾಂರ್ ಗಾಜ್ತಾ!

ದುಸ್ರ್ಯಾಚ್ ದಿಸಾ ಫೊಂಡಾಂತ್ ಫಾತೊರ್ ಭರ್ಲೆ
ಕೊರ್ಪೊರೇಟಾರಾನ್ ಮುಕಾರ್ ರಾವೊನ್ "ಸೆಲ್ಫಿ" ಮಾರ್ಲೆ!
ಮುಕ್ಲ್ಯಾ ಪಾವ್ಸಾಕ್‌ಚ್ ಸರ್ವ್ ಫಾತರ್ ಖಿರ್‍ಲೆ ಅನಿ ಜಿರ್‍ಲೆ!
ಫೊಂಡಾಂತ್ ಪರ್ತ್ಯಾನ್ ಉದಾಕ್ ಭರ್ಲೆಂ.

ಸನಿಗೆಲ್ಲ್ಯಾಕ್ ಕೊರ್ಪೊರೇಟಾರಾಚೆಂ ಕಾರ್‌ಚ್ ಥೈಂ ರೊಂಬ್ಲೆಂ!!


- ವಾಲ್ಟರ್ ದಾಂತಿಸ್ [ನವೆಂಬರ್, 2016]

ವಾಲ್ಟರ್ ದಾಂತಿಸ್: ಏಕ್ ಕಾಣ್ಯೆಗಾರ್, ಅಪ್ರೂಪ್ ಕವಿ, ಲೇಖಕ್, ಚಿಂತ್ಪಿ, ವಾವ್ರಾಡಿ ಆನಿ ಸರ್ವಾಂಚ್ಯಾಕೀ ಚಡ್ ಜಾವ್ನ್ ಕೊಂಕ್ಣಿ ವಾವ್ರ್ ಕರ್ತೆಲ್ಯಾಂಕ್ ಪಾಟಿಂಬೊ ದಿಂವ್ಚ್ಯಾ ಹಾಚೊ ಕವಿತಾಜಮೊ ’ನಿದೊನ್ ಪಡ್‌ಲ್ಲೊ ಗಾಂವ್’ ಬೂಕ್ ಪರ್ಗಟ್ಲಾ. ಸದ್ದ್ಯಾಕ್ ಬಾಹ್ರೇಯ್ನಾಂತ್ ವಸ್ತಿ ಕರ್ಚೊ ಹೊ ’ಕೊಂಕ್ಣಿ ಕುಟಾಮ್’ ಚೊ ಸಕ್ರಿಯ್ ಸಾಂದೊ ಜಾವ್ನಾಸಾ.

कविता

हे फोंड रस्त्याचे मात न्हय, राजकीय, सामाजिक चिंत्पाचे फोंड, जे ’पाव्स’ म्हळ्ळ्या काळार अप्लें तॊंड उसव्न मोर्नाचे पाकाटे फुलव्न बस्तात. हो बोंगोस्तोळ फकत्त मंग्ळुर्च्या रस्त्यांचो मात न्हय, अख्ख्या दॆसाच्या चड्ताव रस्त्यांचो. हेच्च फोंडाक पडुन जाय्त्यांनि जाय्तें होग्डाय्लां.

संय्बान काण्येगार जाव्न कविता बरय्तेल्यां पय्किंत्लो वाल्टर दांतिस एक्लो. समाजिक किर्कोळ कर्नेविरॊद धय्रान विडंबनात्मक रितिचो आवाज कर्चि मुळावि जवाभ्दारि एका कविचि. आनि ह्यॆ कवितेंत सय्त तिच्च जवाभ्दारि कविन सांभाळ्ळ्या म्हण्येता.

- सं

येका फो०डाचि कता

रस्त्या मदेगात निद्ला तो फो०ड
पाव्साक भिजोन, वोताक कर्पोन
दीस वेता० वेता० वाडोन्‍च येता!

ग्रॆस्ता०चि मर्सिडिस कारा०,
दुब्ळ्या०चि पर्कट स्कूटारा०
अ०टिचे० ट्रिबल रैड कैनेटिक
तर्न्या जोड्या०चे नवे०च बैक
हर्येक्ल्यान ह्या पो०डाचि गू०डाय मेज्ल्या!

पाव्स पड्‍ल्ले०च तो भर्लो आसो
उप्रा०त्‍च सुरु सर्व तमासो!
कोण हा०तुन के०ळ्बो लाय्ता,
कोण एक्लो मास्ळि दर्ता!
पर्न्या पो०डाचे ना०व गावा०र गाज्ता!

दुस्र्याच दिसा फो०डा०त पातोर भर्ले
कोर्पोरॆटारान मुकार रावोन " सेल्फि" मार्ले!
मुक्ल्या पाव्साक च सर्व फ़ातार किर्‍ले अनि जिर्‍ले!
फो०डा०त पर्त्यान उदाक भर्ले०.

सनिगेल्ल्याक कोर्पोरॆटाराचे० कार च तै० रो०ब्ले!!


- वाल्टर दांतिस [नवेंबर, २०१६]

वाल्टर दांतिस: ऎक काण्य़ेगार, अप्रूप कवि, लॆखक, चिंत्पि, वाव्राडि आनि सर्वांच्याकी चड जाव्न कोंक्णि वाव्र कर्तेल्यांक पाटिंबो दिंव्च्या हाचो कविताजमो ’निदोन पड्‌ल्लो गांव’ बूक पर्गट्ला. सद्द्याक बाह्रॆय्नांत वस्ति कर्चो हो ’कोंक्णि कुटाम’ चो सक्रिय सांदो जाव्नासा.

ದಾಯ್ಜ್.ಕೊಮ್