ಸಂಸಾರಾಂತ್ ಯೆದೊಳ್ ಪಾಸೊನ್ ಕೊಣೆಂಚ್ ಕಲ್ಪನ್ ಕರುಂಕ್ ಜಾತ್‌ಲ್ಲ್ಯಾ ಕಾಳಾಂತ್ ಆಮಿ ಜಿಯೆವ್ನ್ ಆಸಾಂವ್. ಭೊವ್ಶಾ ಮ್ಹಾ-ಝುಜಾವೆಳಾರ್ ಸಯ್ತ್ ಜಾಂವ್ ಅಸಲೆ ದೀಸ್ ಕೊಣೆಂಚ್ ಕಾಡ್‌ಲ್ಲೆವಿಶಿಂ ಆಮಿ ಇತಿಹಾಸಾಚ್ಯಾ ಬುಕಾಂನಿ ವಾಚುಂಕ್ ನಾ. ಕೋವಿಡ್ ವ ಕೊರೊನಾ ವಾಯ್ರಸಾನ್ ಅಖ್ಖ್ಯಾ ಮನಶಾ ಕುಳಾಕ್‌ಚ್ ಧುಸ್ಪಟಾಯ್ಲೆಂ. ಸುರವೆರ್ ಫೊಕಾಣಾಂ ಕೆಲ್ಲ್ಯಾಂನಿ ಸಯ್ತ್ ಜೆದನಾ ಆವ್ಯಾಚೆಂ ಉದಕ್ ವಯ್ರ್ ಆಯಿಲ್ಲೆಪರಿಂ ಸಂಕಶ್ಟ್ ಅಪ್ಲ್ಯಾಚ್ ಗಾಂವಾಕ್ ಜೆದನಾಂ ಹೆಂ ವಾಯ್ರಸ್ ರಿಗ್ಲೆಂ ತೆದ್ನಾಂ ಚಿಂತುಂಕ್ ಮಜ್ಬೂರ್ ಜಾವ್ನ್ ಆಪಾಪ್ಲ್ಯಾ ಘರಾಂನಿ ಬಂಧ್ ಜಾಲೆ.

ಕವಿ ಮ್ಹಳ್ಯಾರ್ ಸಭಾರ್ ಅರ್ಥ್ ಆಸುಯೆತಾ. ಚರಿತ್ರೆಚ್ಯಾ ಬುಕಾಂನಿ ರಾಯಾಂನಿ ಅಪ್ಣಾಚಿ ವ್ಹಡ್ವಿಕ್ ಗಾಂವ್ಚ್ಯಾಕ್ ಪೊಸ್‌ಲ್ಲೆ ಕವಿ ಜಿಯೆವ್ನ್ ಆಸ್ತಾಲೆ. ತಾಂಚೆಂ ಕಾಮ್ ಫಕತ್ ಪಾಟೊಸಾಚೆರ್ ಬೊಸ್‌ಲ್ಲ್ಯಾ ರಾಯಾಂಚೆರ್, ತಾಂಚ್ಯಾ ಕಾಯ್ದೆ ಕಾನುನಾಂಚೆರ್ ಹೊಗ್ಳಿಕ್ ಉಚಾರ್ಣಿ ಕರ್ಚೆಂ ಶಿವಾಯ್ ಹೆರ್ ಕಿತೆಂಚ್ ತಾಂಕಾಂ ಪಡೊನ್ ಗೆಲ್ಲೆಂ ನಾ. ತೊ ಕಾಳ್ ರೋಮ್ಯಾಂಟಿಸಮಾಚ್ಯಾಕೀ ಆಧ್ಲೊ ಆಸುಯೆತಾ. ಉಪ್ರಾಂತ್ ರೊಮ್ಯಾಂಟಿಸಮ್ ಆಯ್ಲೆಂ, ಕಾಳ್ ಬದಲ್ನ್ ಗೆಲ್ಲೆಪರಿಂಚ್ ಕವಿಚ್ಯಾ ಅರ್ಥಾಚೊ ಸಯ್ತ್ ಬದ್ಲಾವಣ್ ಜಾವ್ನ್ ಆಯ್ಲೆಂ. ಮೋಡರ್ನ್, ಪೋಸ್ಟ್ ಮೋಡರ್ನ್ ಉಪ್ರಾಂತ್ ದಲಿತ್-ಬಂಡಾಯ್ ಕವಿತೆಂನಿ ಕವಿಂಚೆಂ ರೂಪ್‌ಚ್ ಬದ್ಲಿಲೆಂ. ಎಕಾ ತೆಂಪಾದಿಂ ಕವಿ ಮ್ಹಳ್ಯಾರ್ ರಾಯಾಂಕ್ ಹರ್ಸುಂಕ್ ಆಸ್ಲೆ ಆತಾಂ ಸಮಾಜಿಕ್ ಕಾಳ್ಜಿ ಆಸ್ಚೆ, ಸಮಾಜೆಚ್ಯಾ ದಣ್ಸಲ್ಲ್ಯಾಂಚ್ಯಾ ಜಿವಿತಾಚೆರ್ ಸಮಾಜೆಚ್ಯಾ ಸಂಘರ್ಶಾಂಚೆರ್ ಸ್ಪಂದನ್ ಕರ್ಚೆ ಜಾಲೆ. ಪುಣ್ ವಿಪರ್ಯಾಸ್ ಮ್ಹಳ್ಯಾರ್ ಅಜೂನ್ ಜಾಯ್ತೆ ಕವಿ ತೆಚ್ ಪಾರಂಪರಿಕ್ ವರ್ಗಾಂತ್ಲೆ ಜಾವ್ನ್ ಉರಲ್ಯಾತ್. ತಾಂಚ್ಯೊ ಕವಿತಾ ಫಕತ್ ಸಕ್ಕಡ್ ಸಾರ್ಕೆಂ ಆಸ್ತಾನಾ ಘಡ್ತಾತ್. ತಾಂಚ್ಯೊ ಕವಿತಾ ಬಂಧ್ ಕುಡಾಂನಿ ದಾರಾಂ ಧಾಂಪುನ್ ದೆತಾತ್. ತಾಂಚ್ಯೊ ಕವಿತಾ ಪೋಟ್ ಭರ್ನ್ ಜೇವ್ನ್ ಧೆಂಕ್ ಕಾಡ್ತಾನಾ ವೇಳ್ ಪಾಶಾರ್ ಕರ್ಚೆಂ ಅನ್ಯೇಕ್ ವಿಕಲ್ಪ್ ಭಾಶೆನ್ ಯೆತಾತ್. ಖರೆಂಪಣಿಂ ಹ್ಯಾ ಮಯ್ನ್ಯಾಚ್ಯಾ ಕವಿತಾ ಸರ್ತೆಂತ್ ಸಭಾರ್ ಕವಿತಾ ಹ್ಯಾ ’ಕೊರೊನಾ’ಚೆರ್ ಆಯ್ಲ್ಯೊ ಪುಣ್ ಚಿಂತ್ಪಾಚಿ ಗುಂಡಾಯ್ ಜಾಂವ್, ವಯ್ಚಾರಿಕ್ ವೈವಿಧ್ಯತಾ ಜಾಂವ್ ತಾಂತುಂ ಆಸ್ಲಿ ಭೋವ್ ಪಾತಳ್. ಇತ್ಲೊ ವೇಳ್ ಆಸ್ಲೊ ಪುಣ್ ಹ್ಯಾ ವೆಳಾಂತ್ ವಾಚ್ಪಾಚೊ ಬೊರ್ಗೊಳ್ ಉಟುನ್ ದಿಸ್ತಾಲೊ.

ಪುಣ್ ಥೊಡ್ಯೊ ಕವಿತಾ ಖರೆಂಚ್ ಜಾವ್ನ್ ಭೋವ್ ಸಮಧಾನ್ ಹಾಡುಂಕ್ ಸಕ್ಲ್ಯಾತ್ ಮ್ಹಣ್ಚ್ಯಾಂತ್ ದುಭಾವ್ ನಾ. ತಾಂತುಂ ಹಿ ಕವಿತಾ ಖಂಡಿತ್ ಏಕ್. ದೆಕುನ್ ’ಮಯ್ನ್ಯಾಚಿ ಕವಿತಾ’ ಜಾವ್ನ್ ವಿಂಚುಂಕ್ ಕಸ್ಲೆಚ್ ತ್ರಾಸ್ ಜಾಲೆನಾಂತ್.

- ಸಂ

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 5 [Apr 2020]

ಸಂಗೀತಾ ನಾಯ್ಕ್: ಡಿಜಿಟಲ್ ಗೋವಾಚಿ ಎಕ್ಸೆಕ್ಯುಟಿವ್ ಸಂಪಾದಕ್ ಜಾವ್ನ್ ವಾವ್ರ್ ಕರುನ್ ಆಸ್ಚಿ ಬಾಯ್ ಸಂಗೀತಾ ನಾಯ್ಕಾಕ್ ಪ್ರತಿಶ್ಟಿತ್ ಎಮ್.ಬಿಲಿಯನ್ತ್ ಪುರಸ್ಕಾರ್ ಸೌತ್ ಏಶಿಯಾ 2018 ಲಾಭ್ಲಾ. ಗೊಂಯ್ ಕೊಂಕಣಿ ಅಕಾಡೆಮಿಂತ್ ಸಯ್ತ್ ವಾವ್ರ್ ಕೆಲ್ಲ್ಯಾ ಹಿಣೆಂ ಪತ್ರಿಕೋಧ್ಯಮ್, ಸಾಹಿತ್ಯ್, ಶಿಕ್ಷಣ್ ಅಶೆಂ ವೆವೆಗ್ಳ್ಯಾ ಶೆತಾಂತ್ ಖೂಬ್ ವಾವ್ರ್ ಕೆಲಾ. ಕೊಂಕಣಿ ಸಾಹಿತ್ಯಾಂತ್ ಸಯ್ತ್ ತಿಚಿ ದೇಣ್ಗಿ ಆಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 4 [Mar 2020]

ಮನೋಜ್ ನರೇಂದ್ರ ಕಾಮತ್: ಪಾಟ್ಲ್ಯಾ ವೀಸ್ ವರ್ಸಾಂ ಥಾವ್ನ್ ಕೊಂಕ್ಣೆಂತ್ ಬರ್ಪಾಂ ಬರಂವ್ಚೊ ಬಾಬ್ ಮನೋಜ್ ನರೇಂದ್ರ ಕಾಮತ್ ವೃತ್ತೆನ್ ಪ್ರಾಧ್ಯಾಪಕ್ ಜಾವ್ನ್ ಗೊಯಾಂತ್ ವಸ್ತಿ ಕರುನ್ ಆಸಾ. ’ತಾಂಬ್ಶಿ’, ’ನವಿದಾದಿಚೆಂ ಶಿಕಪ್’ (ಶಿಕ್ಷಕ್, ಪಾಲಕ್ ಆನಿ ವಿಧ್ಯಾರ್ಥಿಂ ಖಾತಿರ್), ’ಕೊಂಕ್ಣಿ’ (ವಿಧ್ಯಾರ್ಥಿಂಖಾತಿರ್ ಶೈಕ್ಷಣಿಕ್ ಆಧಾರಾವಳ್), ’ರಂಗ್‌ಫಳ್', 'ಆತ್ಮ-ಬ್ರಹ್ಮ’ ಹಾಚೆ ಯೆದೊಳ್ ಪರ್ಗಟ್‌ಲ್ಲೆ ಬೂಕ್. ಕವಿತೆಂಕ್ ಸಭಾರ್ ಇನಾಮಾಂ/ಪುರಸ್ಕಾರ್ ಹಾಕಾ ಲಾಭ್ಲ್ಯಾತ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 3 [Feb 2020]

ರುಪಾಲಿ ಮಾವ್ಜೊ ಕೀರ್ತನಿ: ಕೊಂಕಣಿ, ಮರಾಠಿ, ಇಂಗ್ಲಿಶ್ ಆನಿ ಹಿಂದಿಂತ್ 300 ವಯ್ರ್ ಕವಿತಾ ಬರಯಿಲ್ಲಿ ಬಾಯ್ ರುಪಾಲಿ ಮಾವ್ಜೊ ಕೀರ್ತನಿಚೆ ಮ್ಹಜ್ಯಾಂತಲೆಂ ಹಾಂವ್ (2012), ಮಳ್ಬಥಾವ್ನ್ (2012), Wings - chap book (2012), My mirror - chap book (2017) ಕವಿತಾಜಮೆ ಪರ್ಗಟ್ಲ್ಯಾತ್. ಸಾವ್ದಿತಲೆ ತೆ ದೀಸ್ (2016) ಇಸ್ವೆಂತ್ ಪರ್ಗಟ್ಲಾ. ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಪುರಸ್ಕಾರ್, TMA Pai ಶಿಫಾರಸ್ ಪುರಸ್ಕಾರ್ ಹಿಕಾ ಲಾಭ್‌ಲ್ಲೆ ಪ್ರಮುಕ್ ಪುರಸ್ಕಾರ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 2 [Jan 2020]

ಶೈಲೆಂದ್ರ್ ಮೆಹ್ತಾ: ಕಾಂಯ್ ಚಾಳಿಸ್ ವರ್ಸಾಂ ಥಾವ್ನ್ ಮರಾಠಿ ತಶೆಂಚ್ ಕೊಂಕಣಿಂತ್ ಕವಿತಾ ಬರವ್ನ್ ಆಯಿಲ್ಲೊ ಬಾಬ್ ಶಯ್ಲೇಂದ್ರ ಮೆಹ್ತಾ, ಪಾರಂಪರಿಕ್ ಕವಿತಾ ನ್ಹಯ್ ಬಗಾರ್ ಆಧುನಿಕ್ ಕವಿತಾ ಬರಯ್ತೆಲ್ಯಾಂಚ್ಯಾ ಪಂಗ್ತೆರ್ ಆಸಾ. ಅಮೂರ್ತ್ ಸಂಕೇತ್ (Abstract images) ಅಪ್ಲ್ಯಾ ಕವಿತೆಂನಿ ಗುಂತುನ್ ಉತ್ರಾಂತಲ್ಯಾ ಅರ್ಥಾಂಚ್ಯಾ ಗರ್ಭಾಂನಿ ತಿಂ ಲಿಪಂವ್ಚಿ ಶ್ಯಾಥಿ ಆಸ್ಚೊ ತಾಕ್ತೆವಂತ್ ಕವಿ. ತಾಚೊ ಕವಿತಾಜಮೊ ’ಸಿಸಿಫಸ್ ತೆಂಗ್‌ಶೆರ್’ ಆಯ್ಲೆವಾರ್ ಪರ್ಗಟ್ ಜಾಲ್ಲೊ ಜಾವ್ನಾಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 1 [Dec 2019]

ಜೋನ್ ಸುಂಟಿಕೊಪ್ಪ: ಕಾನಡಿ ಭಾಸೆಂತ್ ಅಪುರ್ಭಾಯೆಚ್ಯೊ ಕವಿತಾ/ಕಾಣ್ಯೊ ಬರಂವ್ಚೊ  ಜೋನ್ ಡಿ’ಸೋಜ್, ವೃತ್ತೆನ್ ಏಕ್ ಶಿಕ್ಷಕ್. ಸಾಹಿತ್ಯಾಚೆಂ ಪದ್ಯುತ್ತರ್ ಶಿಕಾಪ್ ಜೊಡುನ್ ಆಸ್ಚೊ ಹೊ ಏಕ್ ಭೋವ್ ಸಂವೇದನ್‌ಶೀಲ್ ತಶೆಂಚ್ ಭೋವ್ ಮೊವಾಳ್/ಖಾಲ್ತೊ. ಪುಣ್ ಚಿಂತ್ನಾಂನಿ ತಿತ್ಲೊಚ್ಚ್ ಪರಿಪಕ್ವ್. ಸಮಾಜಿಂತ್ಲ್ಯಾ ವಾಂಕ್ಡ್ಯಾಂಚೆರ್ ವಿಮರ್ಶಾತ್ಮಕ್ ನದರ್ ಘಾಲ್ಚೆಂ ಚಿಂತಾಪ್ ಹಾಚ್ಯಾ ಚಡ್ತಾವ್ ಬರ್ಪಾಂನಿ ನಿಶೆತಾ. 'ಮೊನಿ ಬೋಬ್' (2017) ಹಾಚ್ಯಾ ಕೊಂಕಣಿ ಕವಿತೆಂಚೊ ಪಯ್ಲೊ ಜಮೊ ಆಶಾವಾದಿನ್ ಪ್ರಕಾಶನಾನ್ ಕಾನಡಿ ತಶೆಂಚ್ ನಾಗರಿ ಲಿಪಿಯೆಂತ್ ಪರ್ಗಟ್ಲಾ.

 [Spordho] Moineacho Kovi - 5 [Apr 2020]

Songita Naik: Ddijittol govachi eksekyuttiv sompadok zaun vaur korun aschi bai songita naikak protixttit em'.Biliyont puroskar sout exia 2018 labhla. Gõy konkonni okaddemint soit vaur kel'lea hinnem potrikodhyom', sahity, xikxonn oxem vevegllea xetant khub vaur kela. Konkonni sahiteant soit tichi denngi asa.

 [Spordho] Moineacho Kovi - 4 [Mar 2020]

Manoz Narendra Kamat: Pattlea vis vorsam thaun konknnent borpam boromvcho bab monoz norendro kamot vrit'ten pradheapok zaun goyant vosti korun asa. ’Tambxi’, ’Novidadichem Xikop’ (xikxok, palok ani vidhearthim khatir), ’Konknni’ (vidhearthinkhatir xoikxonnik adharaull), ’Rong‌foll', 'Atmo-Brohmo’ hache yedoll porgott‌l'le buk. Kovitenk sobhar inamam/puroskar haka labhleat.

 [Spordho] Moineacho Kovi - 3 [Feb 2020]

Rupali Mauzo Kirtani: Konkonni, Moratthi, Inglix ani Hindint 300 voir kovita boroyil'li bai rupali mauzo kirtoniche Mhojeantolem Hamv (2012), Mollbothaun (2012), Wings - chap book (2012), My mirror - chap book (2017) kovitazome porgottleat. Sauditole te dis (2016) isvent porgottla. Konkonni bhaxa monddoll (Gõy) puroskar, TMA Pai xifaros puroskar hika labh‌l'le promuk puroskar.

 [Spordho] Moineacho Kovi - 2 [Jan 2020]

Shailendra Mehta: Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi. Tacho kovitazomo ’Sisifos Teng‌xer’ ailevar porgott zal'lo zaunasa.

 [Spordho] Moineacho Kovi - 1 [Dec 2019]

John Suntikoppa: kanoddi bhasent opurbhayecheo kovita/kanneo borouncho zon ddi’soz, vrit'ten ek xikxok. Sahiteachem podyut'tor xikap zoddun ascho ho ek bhovo somvedon‌xil toxench bhovo movall/khalto. Punn chintnamni titlochch poripokv. Somajintlea vankddeancher vimorxatmok nodor ghalchem chintap hachea choddtavo borpamni nixeta. 'moni bob' (2017) hachea konkonni kovitencho poilo zomo Ashawadi Prakashanan kanoddi toxench nagori lipient porgottla. 

 [स्पर्धो] मयन्याचो कवी - ५  [Apr 2020]

संगीता नाईक

Read POETRY OF THE MONTH

संसारांत येदोळ पासोन कोणेंच कल्पन करुंक जात‌ल्ल्या काळांत आमी जियेवन आसांव. भोवशा म्हा-झुजावेळार सयत जांव असले दीस कोणेंच काड‌ल्लेविशीं आमी इतिहासाच्या बुकांनी वाचुंक ना. कोवीड व कोरोना वायरसान अख्ख्या मनशा कुळाक‌च धुस्पटायलें. सुरवेर फोकाणां केल्ल्यांनी सयत जेदना आव्याचें उदक वयर आयिल्लेपरीं संकश्ट अपल्याच गांवाक जेदनां हें वायरस रिगलें तेदनां चिंतुंक मजबूर जावन आपापल्या घरांनी बंध जाले.

कवी म्हळ्यार सभार अर्थ आसुयेता. चरित्रेच्या बुकांनी रायांनी अपणाची व्हडवीक गांवच्याक पोस‌ल्ले कवी जियेवन आसताले. तांचें काम फकत पाटोसाचेर बोस‌ल्ल्या रायांचेर, तांच्या कायदे कानुनांचेर होगळीक उचार्णी कर्चें शिवाय हेर कितेंच तांकां पडोन गेल्लें ना. तो काळ रोम्यांटिसमाच्याकी आधलो आसुयेता. उपरांत रोम्यांटिसम आयलें, काळ बदलन गेल्लेपरिंच कविच्या अर्थाचो सयत बदलावण जावन आयलें. मोडर्न, पोसट मोडर्न उपरांत दलीत-बंडाय कवितेंनी कविंचें रूप‌च बदलिलें. एका तेंपादीं कवी म्हळ्यार रायांक हर्सुंक आसले आतां समाजीक काळजी आसचे, समाजेच्या दणसल्ल्यांच्या जिविताचेर समाजेच्या संघर्शांचेर स्पंदन कर्चे जाले. पूण वीपऱ्यास म्हळ्यार अजून जायते कवी तेच पारंपरीक वर्गांतले जावन उरल्यात. तांच्यो कविता फकत सक्कड सार्कें आसताना घडतात. तांच्यो कविता बंध कुडांनी दारां धांपून देतात. तांच्यो कविता पोट भर्न जेवन धेंक काडताना वेळ पाशार कर्चें अन्येक विकल्प भाशेन येतात. खरेंपणीं ह्या मयन्याच्या कविता सर्तेंत सभार कविता ह्या ’कोरोना’चेर आयल्यो पूण चिंत्पाची गुंडाय जांव, वयचारीक वैविध्यता जांव तांतूं आसली भोव पातळ. इतलो वेळ आसलो पूण ह्या वेळांत वाचपाचो बोर्गोळ उटून दिसतालो.

पूण थोड्यो कविता खरेंच जावन भोव समधान हाडुंक सकल्यात म्हणच्यांत दुभाव ना. तांतूं ही कविता खंडीत एक. देकून ’मयन्याची कविता’ जावन विंचुंक कसलेच त्रास जालेनांत.

- सं

 [स्पर्धो] मयन्याचो कवी - ५ [Apr 2020]

संगीता नाईक: डिजिटल गोवाची एक्सेक्युटीव संपादक जावन वावर करून आसची बाय संगीता नायकाक प्रतिश्टीत एम.बिलियनत पुरसकार सौत एशिया २०१८ लाभला. गोंय कोंकणी अकाडेमिंत सयत वावर केल्ल्या हिणें पत्रिकोध्यम, साहित्य, शिक्षण अशें वेवेगळ्या शेतांत खूब वावर केला. कोंकणी साहित्यांत सयत तिची देणगी आसा.

 [स्पर्धो] मयन्याचो कवी - ४ [Mar 2020]

मनोज नरेंद्र कामत: पाटल्या वीस वर्सां थावन कोंकणेंत बर्पां बरंवचो बाब मनोज नरेंद्र कामत वृत्तेन प्राध्यापक जावन गोयांत वसती करून आसा. ’तांबशी’, ’नविदादिचें शिकप’ (शिक्षक, पालक आनी विध्यार्थीं खातीर), ’कोंकणी’ (विध्यार्थिंखातीर शैक्षणीक आधारावळ), ’रंग‌फळ', 'आत्म-ब्रह्म’ हाचे येदोळ पर्गट‌ल्ले बूक. कवितेंक सभार इनामां/पुरसकार हाका लाभल्यात.

 [स्पर्धो] मयन्याचो कवी - ३ [Feb 2020]

रुपाली मावजो कीर्तनी: कोंकणी, मराठी, इंगलीश आनी हिंदिंत ३०० वयर कविता बरयिल्ली बाय रुपाली मावजो कीर्तनिचे म्हज्यांतलें हांव (२०१२), मळबथावन (२०१२), Wings - chap book (२०१२), My mirror - chap book (२०१७) कविताजमे पर्गटल्यात. सावदितले ते दीस (२०१६) इस्वेंत पर्गटला. कोंकणी भाशा मंडळ (गोंय) पुरसकार, TMA Pai शिफारस पुरसकार हिका लाभ‌ल्ले प्रमूक पुरसकार.

 [स्पर्धो] मयन्याचो कवी - २ [Jan 2020]

शैलेंद्र मेहता: कांय चाळीस वर्सां थावन मराठी तशेंच कोंकणिंत कविता बरवन आयिल्लो बाब शयलेंद्र मेहता, पारंपरीक कविता न्हय बगार आधुनीक कविता बरयतेल्यांच्या पंग्तेर आसा. अमूर्त संकेत (Abstract images) अपल्या कवितेंनी गुंतून उत्रांतल्या अर्थांच्या गर्भांनी तीं लिपंवची श्याथी आसचो ताक्तेवंत कवी. ताचो कविताजमो ’सिसिफस तेंग‌शेर’ आयलेवार पर्गट जाल्लो जावनासा.

जोन सुंटिकोप्प: कानडी भासेंत अपुर्भायेच्यो कविता/काण्यो बरंवचो जोन डी’सोज, वृत्तेन एक शिक्षक. साहित्याचें पद्युत्तर शिकाप जोडून आसचो हो एक भोव संवेदन‌शील तशेंच भोव मोवाळ/खाल्तो. पूण चिंत्नांनी तितलोच्च परिपकव. समाजिंतल्या वांकड्यांचेर विमर्शात्मक नदर घाल्चें चिंताप हाच्या चडताव बर्पांनी निशेता. 'मोनी बोब' (२०१७) हाच्या कोंकणी कवितेंचो पयलो जमो आशावादी प्रकाशनान कानडी तशेंच नागरी लिपियेंत पर्गटला.