’ಪಾನಾಂ ಸುಕಲ್ಯಾರ್ ಪುಣಿಂ ಪಾಲೆತಿತ್ ಪುಣ್ ಪಾಳಾಂ ಸುಕಲ್ಯಾರ್ ನ್ಹಯ್’

ಮನಶಾಕ್ ಪನಾಂಚಿ ಮಾತ್ರ್ ವಳೊಕ್, ಫುಲಾಂ-ಫಳಾಂಚಿ ಮಾತ್ರ್ ವಳೊಕ್ ಶಿವಾಯ್, ರುಕಾ-ಝಡಾಂಕ್ ಜೀವ್ ದಿತಲ್ಯಾ ಪಾಳಾಂಚಿ ವಳೊಕ್ ನಾ. ಸಮಾಜೆಚ್ಯಾ ಮನಶಾಂ ಮಧೆಂ ಏಕ್ ಕವಿ ಕಂಯ್ ಆಸಾ? ಕವಿಚೆಂ ಚಿಂತಪ್ ಕಂಯ್ ಆಸಾ? ಕವಿಚಿ ನದರ್ ಕಂಯ್ ಆಸಾ?

ಆಯ್ಚ್ಯಾ ಸಮಾಜೆಂತ್ ಮನಶಾಚೆಂ ಜಿಣೆಂ ದಾಕವಪಾಚೆಂ ಜಾಲಾಂ. ದೆಕುನ್ ದರೇಕಾ ಮನಶಾಕ್ ಭಗುಂಕ್ ಏಕ್ ಆನಿ ದಾಕಂವ್ಕ್ ಅನಯೇಕ್. ಆನಿ ಹೆಂ ದಾಕವ್ಪ್ ಸಮಾಜಿಕ್ ಜಾಳಿಜಾಗ್ಯಾಂನಿ ವಾ ಗುಪಿತ್ ರಿತಿನ್. ಬರೆಂ, ನೀತ್, ಸತ್, ಆದರ್ಶ್, ಸಮಾನತಾ, ಅಪ್ಲಿಂ-ಪೆಲಿಂ ಮ್ಹಳ್ಳೆ ವಿಶ್ಯಾಂಚೆರ್ ಖೂಪ್ ಬರಯ್ತಲೆ ಖರೆಪಣಿಂ ಪಾಳತಾತ್? ಹೆಂ ಸವಾಲ್ ದರೇಕಾ ಕವಿನ್ ಅಪಣಾಕ್ ಕರ್ಚಿ ಗರಜ್ ಆಸಾ.

ರೋಬರ್ಟ್ ಇಂಗರ್‌ಸೋಲಾಚ್ಯಾ ಉತರಾಂನಿ ಸಾಂಗ್ಚೆಂ ತರ್;We rise by lifting others. ಪುಣ್ ಕವಿ ಜಾಲ್ಲೆ ಉಭೆ ಆಸ್ಚ್ಯಾ ಹೆರಾಂಕ್ ಲೊಟುನ್ ಘಾಲುನ್ ಜೀಕ್ ಆಪಣಾಯ್ತಾತ್ ತರ್, ತೆ ನಿಜಾಯ್ಕೀ ಕವಿ? ಹಿಂ ಥೊಡಿಂ ಆಮಿ ಚಿಂತುಂಕ್ ಜಾಯ್ ಜಾಲ್ಲಿಂ ಪ್ರಶ್ನಾಂ.

ಹಿ ಕವಿತಾ ಕಾಂಯ್ ಅಮೂರ್ತ್ ಚಿಂತ್ಪಾಚಿ ನ್ಹಯ್, ತಾತ್ವಿಕ್ ಚಿಂತ್ಪಾಚಿ ನ್ಹಯ್, ಮನೋ ವೈಗ್ಯಾನಿಕ್ ಚಿಂತ್ಪಾಚಿ ವಾ ಆಧ್ಯಾತ್ಮಿಕ್ ಚಿಂತ್ಪಾಚಿ ನ್ಹಯ್ ಪುಣ್ ಸೊಂಪ್ಯಾ ಚಿಂತ್ಪಾಚಿ. ಜೆಂ ಅಜೂನ್ ಮನಿಸ್ ಸಮ್ಜುಂಕ್ ಸಕುಂಕ್ ನಾ. ಅಪ್ಲ್ಯಾ ಶಕ್ತೆಚೆರ್ ಭರ್ಮ್ ಆಸ್ಚೊ ಮನಿಸ್ ಕೆದ್ನಾಂಚ್ ಅಪ್ಲ್ಯಾ ಕಮಿಯಾಂಚೆರ್ ಚಿಂತುಂಕ್ ವೆತಾ? ಜೆದ್ನಾಂ ಮನಿಸ್ ಅಪ್ಲ್ಯಾ ಕಮಿಯಾಂಚೆರ್ ಚಿಂತುನ್, ಹೆರಾಂಕ್ ಬರೆಂಚ್ ದಿಂವಚೆಂ ಚಿಂತಪ್ ಘೆವ್ನ್ ಯೆತಾ, ತಿ ಫಕತ್ ಕವಿತಾ ಜಾವ್ನ್ ಉರಾನಾ. ಏಕ್ ಉತ್ತೀಮ್ ಲಿಸಾಂವ್ ಜಾತಾ.

- ಸಂ

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 3 [Feb 2020]

ರುಪಾಲಿ ಮಾವ್ಜೊ ಕೀರ್ತನಿ: ಕೊಂಕಣಿ, ಮರಾಠಿ, ಇಂಗ್ಲಿಶ್ ಆನಿ ಹಿಂದಿಂತ್ 300 ವಯ್ರ್ ಕವಿತಾ ಬರಯಿಲ್ಲಿ ಬಾಯ್ ರುಪಾಲಿ ಮಾವ್ಜೊ ಕೀರ್ತನಿಚೆ ಮ್ಹಜ್ಯಾಂತಲೆಂ ಹಾಂವ್ (2012), ಮಳ್ಬಥಾವ್ನ್ (2012), Wings - chap book (2012), My mirror - chap book (2017) ಕವಿತಾಜಮೆ ಪರ್ಗಟ್ಲ್ಯಾತ್. ಸಾವ್ದಿತಲೆ ತೆ ದೀಸ್ (2016) ಇಸ್ವೆಂತ್ ಪರ್ಗಟ್ಲಾ. ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಪುರಸ್ಕಾರ್, TMA Pai ಶಿಫಾರಸ್ ಪುರಸ್ಕಾರ್ ಹಿಕಾ ಲಾಭ್‌ಲ್ಲೆ ಪ್ರಮುಕ್ ಪುರಸ್ಕಾರ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 2 [Jan 2020]

ಶೈಲೆಂದ್ರ್ ಮೆಹ್ತಾ: ಕಾಂಯ್ ಚಾಳಿಸ್ ವರ್ಸಾಂ ಥಾವ್ನ್ ಮರಾಠಿ ತಶೆಂಚ್ ಕೊಂಕಣಿಂತ್ ಕವಿತಾ ಬರವ್ನ್ ಆಯಿಲ್ಲೊ ಬಾಬ್ ಶಯ್ಲೇಂದ್ರ ಮೆಹ್ತಾ, ಪಾರಂಪರಿಕ್ ಕವಿತಾ ನ್ಹಯ್ ಬಗಾರ್ ಆಧುನಿಕ್ ಕವಿತಾ ಬರಯ್ತೆಲ್ಯಾಂಚ್ಯಾ ಪಂಗ್ತೆರ್ ಆಸಾ. ಅಮೂರ್ತ್ ಸಂಕೇತ್ (Abstract images) ಅಪ್ಲ್ಯಾ ಕವಿತೆಂನಿ ಗುಂತುನ್ ಉತ್ರಾಂತಲ್ಯಾ ಅರ್ಥಾಂಚ್ಯಾ ಗರ್ಭಾಂನಿ ತಿಂ ಲಿಪಂವ್ಚಿ ಶ್ಯಾಥಿ ಆಸ್ಚೊ ತಾಕ್ತೆವಂತ್ ಕವಿ. ತಾಚೊ ಕವಿತಾಜಮೊ ’ಸಿಸಿಫಸ್ ತೆಂಗ್‌ಶೆರ್’ ಆಯ್ಲೆವಾರ್ ಪರ್ಗಟ್ ಜಾಲ್ಲೊ ಜಾವ್ನಾಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 1 [Dec 2019]

ಜೋನ್ ಸುಂಟಿಕೊಪ್ಪ: ಕಾನಡಿ ಭಾಸೆಂತ್ ಅಪುರ್ಭಾಯೆಚ್ಯೊ ಕವಿತಾ/ಕಾಣ್ಯೊ ಬರಂವ್ಚೊ  ಜೋನ್ ಡಿ’ಸೋಜ್, ವೃತ್ತೆನ್ ಏಕ್ ಶಿಕ್ಷಕ್. ಸಾಹಿತ್ಯಾಚೆಂ ಪದ್ಯುತ್ತರ್ ಶಿಕಾಪ್ ಜೊಡುನ್ ಆಸ್ಚೊ ಹೊ ಏಕ್ ಭೋವ್ ಸಂವೇದನ್‌ಶೀಲ್ ತಶೆಂಚ್ ಭೋವ್ ಮೊವಾಳ್/ಖಾಲ್ತೊ. ಪುಣ್ ಚಿಂತ್ನಾಂನಿ ತಿತ್ಲೊಚ್ಚ್ ಪರಿಪಕ್ವ್. ಸಮಾಜಿಂತ್ಲ್ಯಾ ವಾಂಕ್ಡ್ಯಾಂಚೆರ್ ವಿಮರ್ಶಾತ್ಮಕ್ ನದರ್ ಘಾಲ್ಚೆಂ ಚಿಂತಾಪ್ ಹಾಚ್ಯಾ ಚಡ್ತಾವ್ ಬರ್ಪಾಂನಿ ನಿಶೆತಾ. 'ಮೊನಿ ಬೋಬ್' (2017) ಹಾಚ್ಯಾ ಕೊಂಕಣಿ ಕವಿತೆಂಚೊ ಪಯ್ಲೊ ಜಮೊ ಆಶಾವಾದಿನ್ ಪ್ರಕಾಶನಾನ್ ಕಾನಡಿ ತಶೆಂಚ್ ನಾಗರಿ ಲಿಪಿಯೆಂತ್ ಪರ್ಗಟ್ಲಾ.

 [Spordho] Moineacho Kovi - 3 [Feb 2020]

Rupali Mauzo Kirtani: Konkonni, Moratthi, Inglix ani Hindint 300 voir kovita boroyil'li bai rupali mauzo kirtoniche Mhojeantolem Hamv (2012), Mollbothaun (2012), Wings - chap book (2012), My mirror - chap book (2017) kovitazome porgottleat. Sauditole te dis (2016) isvent porgottla. Konkonni bhaxa monddoll (Gõy) puroskar, TMA Pai xifaros puroskar hika labh‌l'le promuk puroskar.

 [Spordho] Moineacho Kovi - 2 [Jan 2020]

Shailendra Mehta: Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi. Tacho kovitazomo ’Sisifos Teng‌xer’ ailevar porgott zal'lo zaunasa.

 [Spordho] Moineacho Kovi - 1 [Dec 2019]

John Suntikoppa: kanoddi bhasent opurbhayecheo kovita/kanneo borouncho zon ddi’soz, vrit'ten ek xikxok. Sahiteachem podyut'tor xikap zoddun ascho ho ek bhovo somvedon‌xil toxench bhovo movall/khalto. Punn chintnamni titlochch poripokv. Somajintlea vankddeancher vimorxatmok nodor ghalchem chintap hachea choddtavo borpamni nixeta. 'moni bob' (2017) hachea konkonni kovitencho poilo zomo Ashawadi Prakashanan kanoddi toxench nagori lipient porgottla. 

 [स्पर्धो] मयन्याचो कवी - ३ [Feb 2020]

रुपाली मावजो कीर्तनी

Read POETRY OF THE MONTH

’पानां सुकल्यार पुणीं पालेतीत पूण पाळां सुकल्यार न्हय’

मनशाक पनांची मात्र वळोक, फुलां-फळांची मात्र वळोक शिवाय, रुका-झडांक जीव दितल्या पाळांची वळोक ना. समाजेच्या मनशां मधें एक कवी कंय आसा? कविचें चिंतप कंय आसा? कविची नदर कंय आसा?

आयच्या समाजेंत मनशाचें जिणें दाकवपाचें जालां. देकून दरेका मनशाक भगुंक एक आनी दाकवंक अनयेक. आनी हें दाकवप समाजीक जाळिजाग्यांनी वा गुपीत रितीन. बरें, नीत, सत, आदर्श, समानता, अपलीं-पेलीं म्हळ्ळे विश्यांचेर खूप बरयतले खरेपणीं पाळतात? हें सवाल दरेका कवीन अपणाक कर्ची गरज आसा.

रोबर्ट इंगर‌सोलाच्या उतरांनी सांगचें तर;We rise by lifting others. पूण कवी जाल्ले उभे आसच्या हेरांक लोटून घालून जीक आपणायतात तर, ते निजायकी कवी? हीं थोडीं आमी चिंतुंक जाय जाल्लीं प्रश्नां.

ही कविता कांय अमूर्त चिंत्पाची न्हय, तात्वीक चिंत्पाची न्हय, मनो वैग्यानीक चिंत्पाची वा आध्यात्मीक चिंत्पाची न्हय पूण सोंप्या चिंत्पाची. जें अजून मनीस समजुंक सकुंक ना. अपल्या शक्तेचेर भर्म आसचो मनीस केदनांच अपल्या कमियांचेर चिंतुंक वेता? जेदनां मनीस अपल्या कमियांचेर चिंतून, हेरांक बरेंच दिंवचें चिंतप घेवन येता, ती फकत कविता जावन उराना. एक उत्तीम लिसांव जाता.

- सं

 [स्पर्धो] मयन्याचो कवी - ३ [Feb 2020]

रुपाली मावजो कीर्तनी: कोंकणी, मराठी, इंगलीश आनी हिंदिंत ३०० वयर कविता बरयिल्ली बाय रुपाली मावजो कीर्तनिचे म्हज्यांतलें हांव (२०१२), मळबथावन (२०१२), Wings - chap book (२०१२), My mirror - chap book (२०१७) कविताजमे पर्गटल्यात. सावदितले ते दीस (२०१६) इस्वेंत पर्गटला. कोंकणी भाशा मंडळ (गोंय) पुरसकार, TMA Pai शिफारस पुरसकार हिका लाभ‌ल्ले प्रमूक पुरसकार.

 [स्पर्धो] मयन्याचो कवी - २ [Jan 2020]

शैलेंद्र मेहता: कांय चाळीस वर्सां थावन मराठी तशेंच कोंकणिंत कविता बरवन आयिल्लो बाब शयलेंद्र मेहता, पारंपरीक कविता न्हय बगार आधुनीक कविता बरयतेल्यांच्या पंग्तेर आसा. अमूर्त संकेत (Abstract images) अपल्या कवितेंनी गुंतून उत्रांतल्या अर्थांच्या गर्भांनी तीं लिपंवची श्याथी आसचो ताक्तेवंत कवी. ताचो कविताजमो ’सिसिफस तेंग‌शेर’ आयलेवार पर्गट जाल्लो जावनासा.

जोन सुंटिकोप्प: कानडी भासेंत अपुर्भायेच्यो कविता/काण्यो बरंवचो जोन डी’सोज, वृत्तेन एक शिक्षक. साहित्याचें पद्युत्तर शिकाप जोडून आसचो हो एक भोव संवेदन‌शील तशेंच भोव मोवाळ/खाल्तो. पूण चिंत्नांनी तितलोच्च परिपकव. समाजिंतल्या वांकड्यांचेर विमर्शात्मक नदर घाल्चें चिंताप हाच्या चडताव बर्पांनी निशेता. 'मोनी बोब' (२०१७) हाच्या कोंकणी कवितेंचो पयलो जमो आशावादी प्रकाशनान कानडी तशेंच नागरी लिपियेंत पर्गटला.