ಸಂಸಾರ್‌ಭರ್ ಕಲಾಕಾರಾಂಕ್, ಪ್ರತ್ಯೇಕ್ ಜಾವ್ನ್ ಸಂವೇದನ್‌ಶೀಳ್ ಚಿಂತ್ಪಾಚ್ಯಾ ಮನಶಾಂಕ್ ಪಾಟ್ಲೆ ಥೊಡೆ ಮಯ್ನೆ ಚಡ್ ಆತಂಕಾಚೆ. ಎಕಾ ವಾಟೆನ್ ಗಯ್ರೆಂ ದಿಸ್ಚೆಂ ಫಾಲೆಂ, ದುಸ್ರೆ ವಾಟೆನ್ ಇತ್ಲೆ ವೆಗಿಂ ಬದ್ಲುನ್ ಯೆಂವ್ಚಿಂ ಚಿಂತಪಾಂ. ಚಡ್ತಿಕ್ ಕಿತೆಂಚ್ ಕಾಮ್ ನಾಸ್ತಾನಾ ಅಪಲ್ಯಾಚ್ ಘರಾಂನಿ ಬಂಧಿ ಜಾವ್ನ್ ಉರಲ್ಯಾರೀ, ಕ್ರಿಯಾತ್ಮಕ್ ಚಿಂತ್ಪಾಕ್ ಮಹತ್ವಾಚೆಂ ಕಿತೆಂಚ್ ಕರುಂಕ್ ಯೇನಾಸ್ಚೆಂ ಮನ್. ಕಿತೆಂಕೀ ಘಡುಂಕ್ ನ್ಹಜೊ ಜಾಲ್ಲೆಂ ಘಡುನ್ ಆಸಾ, ಅಶೆಂ ಜಾಂವ್ಕ್ ನ್ಹಜೊ ಆಸ್ಲೆಂ ಪುಣ್ ಜಾವ್ನ್ ಆಸಾ ಅನಿ ಹ್ಯಾ ಪರಿಗತೆಂತ್ ಹಾಂವ್ ದಾಕವ್ಪಾಕ್ ತೊಂಡಾಚೆರ್ ಮಾಸ್ಕ್ ನ್ಹೆಸ್ತಾಂ ಪುಣ್ ಹಕೀಗತೆಂತ್ ತೆಂ ಮಾಸ್ಕ್ ನ್ಹೆಸ್ಲಾಂ ದೊಳ್ಯಾಂಚೆರ್, ಕಾಳ್ಜಾಚೆರ್ ಮ್ಹಳ್ಳಿಂ ಅಪ್ರಾದಿಂ ಚಿಂತ್ನಾಂ ಧೊಸ್ತಾತ್. ಎಕಾ ವಾಟೆರ್ ಕಾಲ್ ಆಮ್ಚೆಲಾಗಿಂ ಉಲಯಿಲ್ಲೆ ಆಜ್ ಪಿಡೆಂತ್ ಪಡ್ಲ್ಯಾತ್, ಕಾಲ್ ಕಾಮಾಕ್ ಗೆಲ್ಲೆ ಆಜ್ ಕಾಮಾಂ ಹೊಗ್ಡಾವ್ನ್ ಆಸಾತ್. ಕಾಲ್ ಭಾಡ್ಯಾಚೆಂ ತರ್‌ಯೀ ಏಕ್ ಲ್ಹಾನ್ ಬಿಡಾರ್ ಆಸ್ಲೆ ಆಜ್ ಬಿಡಾನ್ ನಾಸ್ತಾಂ ರಸ್ತ್ಯಾರ್ ಪಾವ್ಲ್ಯಾತ್. ಆನಿ ಹ್ಯಾ ಸರ್ವ್ ಘಡಿತಾಂಕ್ ಅನಿಕ್‌ಯೀ ಮಾರೆಕಾರ್ ಕರುಂಕ್ ಧರ್ತಿ ಕಾಂಪ್ಣಿ ಜಾಲಿ. ಉಜ್ಯಾನ್ ಸಭಾರಾಂಕ್ ಗ್ರಾಸಿಲೆಂ. ಹ್ಯಾ ದುಸ್ಪಟ್ ದಿಸಾಂನಿ ಖರಿ ಸಂವೇದನ್‌ಶೀಳತಾ ಕಶಿ ಅಪ್ಲಿ ಅಭಿವ್ಯಕ್ತಿ ಕರುಂಕ್ ಸಕತ್?

ಪುಣ್ ಹೆರಾಂಚ್ಯಾ ರಗ್ತಾಂತ್ ನ್ಹಾವ್ನ್ ಸವಯ್ ಜಾಲ್ಲ್ಯಾಂಕ್ ಹೆಂಚ್ ಜಾಯ್. ಮೆಲ್ಲ್ಯಾ ಕುಡಿಕ್ ಮಾತಿಯೆಕ್ ಪಾವಂವ್ಚ್ಯಾದಿಂ ಸಯ್ತ್ ತಾಂತುಂ ಕಸಲೊ ಆನಿ ಕಿತ್ಲೊ ಫಾಯ್ದೊ ಜೊಡ್ಚೊ ಮ್ಹಳ್ಳಿ ಕಲಾ ಸಮ್ಜಲ್ಲ್ಯಾಂಕ್ ಟಿವಿಂನಿ, ಸಮಾಜಿಕ್ ಮಾಧ್ಯಮಾಂನಿ ಯೇವ್ನ್ ನವಿಂ ಆಶ್ವಾಸನಾಂ ದಿಲ್ಯಾರ್ ಜಾಲೆಂ ಆನಿ ತೆಚ್ ಕುಳಿಯೆಚ್ಯಾ ಭಿರ್ಯಾಕ್ ಹಿಂ ಪೊಕೊಳ್ ಆಶ್ವಾಶನಾಂ ಸಮಾಜಿಕ್ ಮಾಧ್ಯಾಂನಿ ಗಾಜಂವ್ಕ್ ಜಾಲೆಂ ಪುಣ್ ಹಕೀಗತೆಂತ್ ದುಬ್ಳೊ ಚಡಿತ್ ದುಬ್ಳೊ ಜಾವ್ನ್ ಹೆಂ ಶೆರ್ ಸೊಡುನ್ ಅಪ್ಲೊ ಗಾಂವ್ ಮ್ಹಣುನ್ ಶೆಂಭೊರಾಂ ಮಯ್ಲಾಂಚಿ ವಾಟ್ ಆಪ್ಲ್ಯಾ ಖಾಂದ್ಯಾರ್ ವೊಜಿಂ ಘೆವ್ನ್ ಹ್ಯಾ ಗರ್ಮೆಚ್ಯಾ ದಿಸಾಂನಿ ಚಲುನ್ ವಚುಂಕ್ ಪಡ್ಲೆಂ ಆನಿ ಪರ್ಗಾಂವಾಂತ್ ಆಮ್ಚೊ ಲೋಕ್ ಪಯ್ಣ್ ಕರುಂಕ್ ನಾಸ್ತಾನಾ ವ್ಹಳ್ವಳುನ್ ಮೆಲೊ ಆನಿ ತಸಲ್ಯಾಂಕ್ ಮಾತಿಯೆಕ್ ಪಾವಂವ್ಕ್ ಸಯ್ತ್ ತಾಂಚ್ಯಾ ಕುಟ್ಮಾಕ್ ಜಾಲೆಂ ನಾ. ಆನಿ ಹೆಂಚ್ ಆತ್ಮ್‌ನಿರ್ಭರ್?

ಕವಿ ಬಾಯ್ ಗ್ವಾದಲುಪ್ ಡಾಯಸಾಚಿಂ ಉತರಾಂ ಮಾತ್ರ್ ನ್ಹಯ್, ತಿಚಿ ಜಿಣಿಂಚ್ ಏಕ್ ಕವಿತಾ ಮ್ಹಳ್ಳೆಂ ತಿಕಾ ಲಾಗ್ಶಿಲ್ಯಾನ್ ವ್ಹಳ್ಕಲ್ಲ್ಯಾಂಕ್ ಮಾತ್ರ್ ಕಳಿತ್ ಆಸಾ. ತಿಚ್ಯಾ ಕವಿತೆಚ್ಯಾ ಎಕೆಕಾ ಉತ್ರಾಂನಿ ಜೀವ್ ಆಸ್ತಾ, ಸತ್ ಆಸ್ತಾ ಆನಿ ವಾಸ್ತವಿಕತಾ ಆಸ್ತಾ. ದೆಕುನ್ ತಿ ಧಾರುಣ್ ಮ್ಹಣ್ ದಿಸತ್. ಪೂಣ್ ಖರೆಂಪಣಿಂ, ಜಿ ದೂಕ್ ಸ್ವತಾ ಭಗ್ತೆಲ್ಯಾಂಕ್ ಮಾತ್ರ್ ಕಳಿತ್ ದೂಕ್ ಮ್ಹಳ್ಯಾರ್ ಕಿತೆಂ ಮ್ಹಣ್. ಹ್ಯಾ ಕವಿತೆಕ್ ಮಯ್ನ್ಯಾಚಿ ಕವಿತಾ ಮ್ಹಣುನ್ ವಿಂಚುಂಕ್ ಆಮ್ಕಾಂ ಖರೆಂಚ್ ಭೋವ್ ಚಡ್ ಸಂತೊಸ್ ಭಗ್ತಾ. ಖಂಡಿತ್ ಜಾವ್ನ್ ಹೊ ಮಾನ್ ಕವಿತೆಕ್; ಕೊಂಕಣಿ ಕವಿತೆಕ್.

- ಸಂ

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 6 [May 2020]

ಗ್ವಾದಲುಪ್ ಡಾಯಸ್: ಗೊಂಯಾಂತ್ಲಿ ನಾಮ್ಣೆಚಿ ಕೊಂಕ್ಣಿ ಕವಯತ್ರಿ. ಸ್ತ್ರಿ ಸಂವೆದನ್ ಸಾಹಿತ್ಯಾಕ್ ಲಾಗೊನ್ ಫಾಮಾದ್. ಸಮಾಜೆಚ್ಯಾ ಪೊಕೊಳ್ ವಿಚಾರಾಂಚೆರ್ ಆರ್ಸೊ ಧರ್ಚಿಂ ಚಿಂತ್ನಾಂ ಆಪ್ಲ್ಯಾ ಕವಿತೆಂನಿ ವ್ಹಾಳ್ಯಿಲ್ಲ್ಯಾ ಹಿಕಾ ಸಭಾರ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಲಾಭ್ಲ್ಯಾಂತ್, ಕವಿಗೊಶ್ಟಿಂನಿ ಹಿಣೆಂ ಭಾಗ್ ಘೆತ್ಲಾ.  ’ಭುಂಯ್‌ಫೊಡ್ (2006), ಮೊಳೊಬ್‌ಗಂಗಾ (2007), ಜಲಸ್ಥಳ್ (2009), ನಾತೆಂ (2014)’ ಹಿಚೆ ಪರ್ಗಟ್ ಜಾಲ್ಲೆ ಕವಿತಾಜಮೆ. ಮಾಮಾಚೊ ಗಾಂವ್ (2010) ಭುರ್ಗ್ಯಾಂಚಿಂ ಕವಿತಾ ಆಟಾಪ್ಚೊ ಬೂಕ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 5 [Apr 2020]

ಸಂಗೀತಾ ನಾಯ್ಕ್: ಡಿಜಿಟಲ್ ಗೋವಾಚಿ ಎಕ್ಸೆಕ್ಯುಟಿವ್ ಸಂಪಾದಕ್ ಜಾವ್ನ್ ವಾವ್ರ್ ಕರುನ್ ಆಸ್ಚಿ ಬಾಯ್ ಸಂಗೀತಾ ನಾಯ್ಕಾಕ್ ಪ್ರತಿಶ್ಟಿತ್ ಎಮ್.ಬಿಲಿಯನ್ತ್ ಪುರಸ್ಕಾರ್ ಸೌತ್ ಏಶಿಯಾ 2018 ಲಾಭ್ಲಾ. ಗೊಂಯ್ ಕೊಂಕಣಿ ಅಕಾಡೆಮಿಂತ್ ಸಯ್ತ್ ವಾವ್ರ್ ಕೆಲ್ಲ್ಯಾ ಹಿಣೆಂ ಪತ್ರಿಕೋಧ್ಯಮ್, ಸಾಹಿತ್ಯ್, ಶಿಕ್ಷಣ್ ಅಶೆಂ ವೆವೆಗ್ಳ್ಯಾ ಶೆತಾಂತ್ ಖೂಬ್ ವಾವ್ರ್ ಕೆಲಾ. ಕೊಂಕಣಿ ಸಾಹಿತ್ಯಾಂತ್ ಸಯ್ತ್ ತಿಚಿ ದೇಣ್ಗಿ ಆಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 4 [Mar 2020]

ಮನೋಜ್ ನರೇಂದ್ರ ಕಾಮತ್: ಪಾಟ್ಲ್ಯಾ ವೀಸ್ ವರ್ಸಾಂ ಥಾವ್ನ್ ಕೊಂಕ್ಣೆಂತ್ ಬರ್ಪಾಂ ಬರಂವ್ಚೊ ಬಾಬ್ ಮನೋಜ್ ನರೇಂದ್ರ ಕಾಮತ್ ವೃತ್ತೆನ್ ಪ್ರಾಧ್ಯಾಪಕ್ ಜಾವ್ನ್ ಗೊಯಾಂತ್ ವಸ್ತಿ ಕರುನ್ ಆಸಾ. ’ತಾಂಬ್ಶಿ’, ’ನವಿದಾದಿಚೆಂ ಶಿಕಪ್’ (ಶಿಕ್ಷಕ್, ಪಾಲಕ್ ಆನಿ ವಿಧ್ಯಾರ್ಥಿಂ ಖಾತಿರ್), ’ಕೊಂಕ್ಣಿ’ (ವಿಧ್ಯಾರ್ಥಿಂಖಾತಿರ್ ಶೈಕ್ಷಣಿಕ್ ಆಧಾರಾವಳ್), ’ರಂಗ್‌ಫಳ್', 'ಆತ್ಮ-ಬ್ರಹ್ಮ’ ಹಾಚೆ ಯೆದೊಳ್ ಪರ್ಗಟ್‌ಲ್ಲೆ ಬೂಕ್. ಕವಿತೆಂಕ್ ಸಭಾರ್ ಇನಾಮಾಂ/ಪುರಸ್ಕಾರ್ ಹಾಕಾ ಲಾಭ್ಲ್ಯಾತ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 3 [Feb 2020]

ರುಪಾಲಿ ಮಾವ್ಜೊ ಕೀರ್ತನಿ: ಕೊಂಕಣಿ, ಮರಾಠಿ, ಇಂಗ್ಲಿಶ್ ಆನಿ ಹಿಂದಿಂತ್ 300 ವಯ್ರ್ ಕವಿತಾ ಬರಯಿಲ್ಲಿ ಬಾಯ್ ರುಪಾಲಿ ಮಾವ್ಜೊ ಕೀರ್ತನಿಚೆ ಮ್ಹಜ್ಯಾಂತಲೆಂ ಹಾಂವ್ (2012), ಮಳ್ಬಥಾವ್ನ್ (2012), Wings - chap book (2012), My mirror - chap book (2017) ಕವಿತಾಜಮೆ ಪರ್ಗಟ್ಲ್ಯಾತ್. ಸಾವ್ದಿತಲೆ ತೆ ದೀಸ್ (2016) ಇಸ್ವೆಂತ್ ಪರ್ಗಟ್ಲಾ. ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಪುರಸ್ಕಾರ್, TMA Pai ಶಿಫಾರಸ್ ಪುರಸ್ಕಾರ್ ಹಿಕಾ ಲಾಭ್‌ಲ್ಲೆ ಪ್ರಮುಕ್ ಪುರಸ್ಕಾರ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 2 [Jan 2020]

ಶೈಲೆಂದ್ರ್ ಮೆಹ್ತಾ: ಕಾಂಯ್ ಚಾಳಿಸ್ ವರ್ಸಾಂ ಥಾವ್ನ್ ಮರಾಠಿ ತಶೆಂಚ್ ಕೊಂಕಣಿಂತ್ ಕವಿತಾ ಬರವ್ನ್ ಆಯಿಲ್ಲೊ ಬಾಬ್ ಶಯ್ಲೇಂದ್ರ ಮೆಹ್ತಾ, ಪಾರಂಪರಿಕ್ ಕವಿತಾ ನ್ಹಯ್ ಬಗಾರ್ ಆಧುನಿಕ್ ಕವಿತಾ ಬರಯ್ತೆಲ್ಯಾಂಚ್ಯಾ ಪಂಗ್ತೆರ್ ಆಸಾ. ಅಮೂರ್ತ್ ಸಂಕೇತ್ (Abstract images) ಅಪ್ಲ್ಯಾ ಕವಿತೆಂನಿ ಗುಂತುನ್ ಉತ್ರಾಂತಲ್ಯಾ ಅರ್ಥಾಂಚ್ಯಾ ಗರ್ಭಾಂನಿ ತಿಂ ಲಿಪಂವ್ಚಿ ಶ್ಯಾಥಿ ಆಸ್ಚೊ ತಾಕ್ತೆವಂತ್ ಕವಿ. ತಾಚೊ ಕವಿತಾಜಮೊ ’ಸಿಸಿಫಸ್ ತೆಂಗ್‌ಶೆರ್’ ಆಯ್ಲೆವಾರ್ ಪರ್ಗಟ್ ಜಾಲ್ಲೊ ಜಾವ್ನಾಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 1 [Dec 2019]

ಜೋನ್ ಸುಂಟಿಕೊಪ್ಪ: ಕಾನಡಿ ಭಾಸೆಂತ್ ಅಪುರ್ಭಾಯೆಚ್ಯೊ ಕವಿತಾ/ಕಾಣ್ಯೊ ಬರಂವ್ಚೊ  ಜೋನ್ ಡಿ’ಸೋಜ್, ವೃತ್ತೆನ್ ಏಕ್ ಶಿಕ್ಷಕ್. ಸಾಹಿತ್ಯಾಚೆಂ ಪದ್ಯುತ್ತರ್ ಶಿಕಾಪ್ ಜೊಡುನ್ ಆಸ್ಚೊ ಹೊ ಏಕ್ ಭೋವ್ ಸಂವೇದನ್‌ಶೀಲ್ ತಶೆಂಚ್ ಭೋವ್ ಮೊವಾಳ್/ಖಾಲ್ತೊ. ಪುಣ್ ಚಿಂತ್ನಾಂನಿ ತಿತ್ಲೊಚ್ಚ್ ಪರಿಪಕ್ವ್. ಸಮಾಜಿಂತ್ಲ್ಯಾ ವಾಂಕ್ಡ್ಯಾಂಚೆರ್ ವಿಮರ್ಶಾತ್ಮಕ್ ನದರ್ ಘಾಲ್ಚೆಂ ಚಿಂತಾಪ್ ಹಾಚ್ಯಾ ಚಡ್ತಾವ್ ಬರ್ಪಾಂನಿ ನಿಶೆತಾ. 'ಮೊನಿ ಬೋಬ್' (2017) ಹಾಚ್ಯಾ ಕೊಂಕಣಿ ಕವಿತೆಂಚೊ ಪಯ್ಲೊ ಜಮೊ ಆಶಾವಾದಿನ್ ಪ್ರಕಾಶನಾನ್ ಕಾನಡಿ ತಶೆಂಚ್ ನಾಗರಿ ಲಿಪಿಯೆಂತ್ ಪರ್ಗಟ್ಲಾ.

 [Spordho] Moineacho Kovi - 6 [May 2020]

Guadalupe Dias: Gõyantoli namnnechi konknni kouytri. Stri somvedon sahiteak lagon famad. Somajechea pokoll vicharancher arso dhorchim chintnam aplea kovitemni vhallyil'lea hika sobhar sahitik spordheamni inamam labhleant, kovigoxttimni hinnem bhag ghetla. ’bhum-i‌fodd (2006), mollob‌gonga (2007), zolstholl (2009), natem (2014)’ hiche porgott zal'le kovitazome. Mamacho gamv (2010) bhurgeanchim kovita attapocho buk.

 [Spordho] Moineacho Kovi - 5 [Apr 2020]

Songita Naik: Ddijittol govachi eksekyuttiv sompadok zaun vaur korun aschi bai songita naikak protixttit em'.Biliyont puroskar sout exia 2018 labhla. Gõy konkonni okaddemint soit vaur kel'lea hinnem potrikodhyom', sahity, xikxonn oxem vevegllea xetant khub vaur kela. Konkonni sahiteant soit tichi denngi asa.

 [Spordho] Moineacho Kovi - 4 [Mar 2020]

Manoz Narendra Kamat: Pattlea vis vorsam thaun konknnent borpam boromvcho bab monoz norendro kamot vrit'ten pradheapok zaun goyant vosti korun asa. ’Tambxi’, ’Novidadichem Xikop’ (xikxok, palok ani vidhearthim khatir), ’Konknni’ (vidhearthinkhatir xoikxonnik adharaull), ’Rong‌foll', 'Atmo-Brohmo’ hache yedoll porgott‌l'le buk. Kovitenk sobhar inamam/puroskar haka labhleat.

 [Spordho] Moineacho Kovi - 3 [Feb 2020]

Rupali Mauzo Kirtani: Konkonni, Moratthi, Inglix ani Hindint 300 voir kovita boroyil'li bai rupali mauzo kirtoniche Mhojeantolem Hamv (2012), Mollbothaun (2012), Wings - chap book (2012), My mirror - chap book (2017) kovitazome porgottleat. Sauditole te dis (2016) isvent porgottla. Konkonni bhaxa monddoll (Gõy) puroskar, TMA Pai xifaros puroskar hika labh‌l'le promuk puroskar.

 [Spordho] Moineacho Kovi - 2 [Jan 2020]

Shailendra Mehta: Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi. Tacho kovitazomo ’Sisifos Teng‌xer’ ailevar porgott zal'lo zaunasa.

 [Spordho] Moineacho Kovi - 1 [Dec 2019]

John Suntikoppa: kanoddi bhasent opurbhayecheo kovita/kanneo borouncho zon ddi’soz, vrit'ten ek xikxok. Sahiteachem podyut'tor xikap zoddun ascho ho ek bhovo somvedon‌xil toxench bhovo movall/khalto. Punn chintnamni titlochch poripokv. Somajintlea vankddeancher vimorxatmok nodor ghalchem chintap hachea choddtavo borpamni nixeta. 'moni bob' (2017) hachea konkonni kovitencho poilo zomo Ashawadi Prakashanan kanoddi toxench nagori lipient porgottla. 

 [स्पर्धो] मयन्याचो कवी - ६  [May 2020]

ग्वादलूप डायस

Read POETRY OF THE MONTH

संसार‌भर कलाकारांक, प्रत्येक जावन संवेदन‌शीळ चिंत्पाच्या मनशांक पाटले थोडे मयने चड आतंकाचे. एका वाटेन गयरें दिसचें फालें, दुस्रे वाटेन इतले वेगीं बदलून येंवचीं चिंतपां. चडतीक कितेंच काम नासताना अपल्याच घरांनी बंधी जावन उरल्यारी, क्रियात्मक चिंत्पाक महत्वाचें कितेंच करुंक येनासचें मन. कितेंकी घडुंक न्हजो जाल्लें घडून आसा, अशें जावंक न्हजो आसलें पूण जावन आसा अनी ह्या परिगतेंत हांव दाकवपाक तोंडाचेर मासक न्हेसतां पूण हकीगतेंत तें मासक न्हेसलां दोळ्यांचेर, काळजाचेर म्हळ्ळीं अपरादीं चिंत्नां धोसतात. एका वाटेर काल आमचेलागीं उलयिल्ले आज पिडेंत पडल्यात, काल कामाक गेल्ले आज कामां होगडावन आसात. काल भाड्याचें तर‌यी एक ल्हान बिडार आसले आज बिडान नासतां रसत्यार पावल्यात. आनी ह्या सर्व घडितांक अनीक‌यी मारेकार करुंक धर्ती कांपणी जाली. उज्यान सभारांक ग्रासिलें. ह्या दुस्पट दिसांनी खरी संवेदन‌शीळता कशी अपली अभिव्यक्ती करुंक सकत?

पूण हेरांच्या रग्तांत न्हावन सवय जाल्ल्यांक हेंच जाय. मेल्ल्या कुडीक मातियेक पावंवच्यादीं सयत तांतूं कसलो आनी कितलो फायदो जोडचो म्हळ्ळी कला समजल्ल्यांक टिविंनी, समाजीक माध्यमांनी येवन नवीं आश्वासनां दिल्यार जालें आनी तेच कुळियेच्या भीऱ्याक हीं पोकोळ आश्वाशनां समाजीक माध्यांनी गाजवंक जालें पूण हकीगतेंत दुबळो चडीत दुबळो जावन हें शेर सोडून अपलो गांव म्हणून शेंभोरां मयलांची वाट आपल्या खांद्यार वोजीं घेवन ह्या गर्मेच्या दिसांनी चलून वचुंक पडलें आनी पर्गांवांत आमचो लोक पयण करुंक नासताना व्हळवळून मेलो आनी तसल्यांक मातियेक पाववंक सयत तांच्या कुटमाक जालें ना. आनी हेंच आत्म‌निर्भर?

कवी बाय ग्वादलूप डायसाचीं उतरां मात्र न्हय, तिची जिणिंच एक कविता म्हळ्ळें तिका लागशिल्यान व्हळकल्ल्यांक मात्र कळीत आसा. तिच्या कवितेच्या एकेका उत्रांनी जीव आसता, सत आसता आनी वासतविकता आसता. देकून ती धारूण म्हण दिसत. पूण खरेंपणीं, जी दूक स्वता भग्तेल्यांक मात्र कळीत दूक म्हळ्यार कितें म्हण. ह्या कवितेक मयन्याची कविता म्हणून विंचुंक आमकां खरेंच भोव चड संतोस भग्ता. खंडीत जावन हो मान कवितेक; कोंकणी कवितेक.

- सं

 [स्पर्धो] मयन्याचो कवी - ६ [May 2020]

ग्वादलूप डायस: गोंयांतली नामणेची कोंकणी कवयत्री. स्त्री संवेदन साहित्याक लागोन फामाद. समाजेच्या पोकोळ विचारांचेर आर्सो धर्चीं चिंत्नां आपल्या कवितेंनी व्हाळ्यिल्ल्या हिका सभार साहितीक स्पर्ध्यांनी इनामां लाभल्यांत, कविगोश्टिंनी हिणें भाग घेतला. ’भुंय‌फोड (२००६), मोळोब‌गंगा (२००७), जलस्थळ (२००९), नातें (२०१४)’ हिचे पर्गट जाल्ले कविताजमे. मामाचो गांव (२०१०) भुर्ग्यांचीं कविता आटापचो बूक.

 [स्पर्धो] मयन्याचो कवी - ५ [Apr 2020]

संगीता नाईक: डिजिटल गोवाची एक्सेक्युटीव संपादक जावन वावर करून आसची बाय संगीता नायकाक प्रतिश्टीत एम.बिलियनत पुरसकार सौत एशिया २०१८ लाभला. गोंय कोंकणी अकाडेमिंत सयत वावर केल्ल्या हिणें पत्रिकोध्यम, साहित्य, शिक्षण अशें वेवेगळ्या शेतांत खूब वावर केला. कोंकणी साहित्यांत सयत तिची देणगी आसा.

 [स्पर्धो] मयन्याचो कवी - ४ [Mar 2020]

मनोज नरेंद्र कामत: पाटल्या वीस वर्सां थावन कोंकणेंत बर्पां बरंवचो बाब मनोज नरेंद्र कामत वृत्तेन प्राध्यापक जावन गोयांत वसती करून आसा. ’तांबशी’, ’नविदादिचें शिकप’ (शिक्षक, पालक आनी विध्यार्थीं खातीर), ’कोंकणी’ (विध्यार्थिंखातीर शैक्षणीक आधारावळ), ’रंग‌फळ', 'आत्म-ब्रह्म’ हाचे येदोळ पर्गट‌ल्ले बूक. कवितेंक सभार इनामां/पुरसकार हाका लाभल्यात.

 [स्पर्धो] मयन्याचो कवी - ३ [Feb 2020]

रुपाली मावजो कीर्तनी: कोंकणी, मराठी, इंगलीश आनी हिंदिंत ३०० वयर कविता बरयिल्ली बाय रुपाली मावजो कीर्तनिचे म्हज्यांतलें हांव (२०१२), मळबथावन (२०१२), Wings - chap book (२०१२), My mirror - chap book (२०१७) कविताजमे पर्गटल्यात. सावदितले ते दीस (२०१६) इस्वेंत पर्गटला. कोंकणी भाशा मंडळ (गोंय) पुरसकार, TMA Pai शिफारस पुरसकार हिका लाभ‌ल्ले प्रमूक पुरसकार.

 [स्पर्धो] मयन्याचो कवी - २ [Jan 2020]

शैलेंद्र मेहता: कांय चाळीस वर्सां थावन मराठी तशेंच कोंकणिंत कविता बरवन आयिल्लो बाब शयलेंद्र मेहता, पारंपरीक कविता न्हय बगार आधुनीक कविता बरयतेल्यांच्या पंग्तेर आसा. अमूर्त संकेत (Abstract images) अपल्या कवितेंनी गुंतून उत्रांतल्या अर्थांच्या गर्भांनी तीं लिपंवची श्याथी आसचो ताक्तेवंत कवी. ताचो कविताजमो ’सिसिफस तेंग‌शेर’ आयलेवार पर्गट जाल्लो जावनासा.

जोन सुंटिकोप्प: कानडी भासेंत अपुर्भायेच्यो कविता/काण्यो बरंवचो जोन डी’सोज, वृत्तेन एक शिक्षक. साहित्याचें पद्युत्तर शिकाप जोडून आसचो हो एक भोव संवेदन‌शील तशेंच भोव मोवाळ/खाल्तो. पूण चिंत्नांनी तितलोच्च परिपकव. समाजिंतल्या वांकड्यांचेर विमर्शात्मक नदर घाल्चें चिंताप हाच्या चडताव बर्पांनी निशेता. 'मोनी बोब' (२०१७) हाच्या कोंकणी कवितेंचो पयलो जमो आशावादी प्रकाशनान कानडी तशेंच नागरी लिपियेंत पर्गटला.