ಇಶ್ಟಾಗತೆವಿಶಿಂ ಕೆದ್ನಾಂಯ್ ನಿಯಾಳ್ತಾನಾ ಎಕಾ ಸಾಂಗ್ಣೆಚೊ ಉಡಾಸ್ ಯೆತಾ Love is flowerlike but friendship is like a sheltering tree. ಹಾಂಗಾಸರ್ ಆಸ್ರೊ ದಿತಲೊ ರೂಕ್ ಆನಿ ಫಾಯ್ದ್ಯಾಖಾತಿರ್ ಗಳ್ಸುಂಚೆಂ ದೋನ್ ವೆವೆಗ್ಳೆಂ ದೆಕುನ್ ಫಾಯ್ದ್ಯಾಖಾತಿರ್ ಕೆಲ್ಲಿ ಇಶ್ಟಾಗತ್ ಚಡ್ ತೇಂಪ್ ಬಾಳ್ವನಾ ಮ್ಹಳ್ಳೊಚ್ಚ್ ಹ್ಯೇ ಕವಿತೆಚೊ ಸಾರ್.

ಸುರೇಶ್ ಸಲ್ಡಾನ್ಹಾ ಕೊಂಕ್ಣಿ ಕವಿತಾಶೆತಾಕ್ ನವೊ ಪುಣ್ ಫೇಸ್‌ಬುಕ್ಕಾಂತ್ ಆನಿ ವಾಟ್ಸ್‌ಆಪಾಂತ್ ನವೊ ನ್ಹಯ್. ಪ್ರಸ್ತುತ್ ಅಭುದಾಬಿಂತ್ ಕಾಮ್ ಕರುನ್ ಆಸ್ಚೊ ಹೊ ಕೊಂಕ್ಣಿ ಸಾಹಿತಿಕ್ ಅಭಿರುಚ್ ಆಸ್ಚೊ. ಕಾಮಾಚ್ಯಾ ರಾಟಾವಳಿಂಮಧೆಂ ಆಜ್‌ಕಾಲ್ ವೆಳಾಚೊ ಅಭಾವ್ ಸರ್ವಾಂಕ್ ಧೊಸ್ತಾ ತರ್‌ಯೀ ಚಡಿತ್ ಆನಿ ಚಡಿತ್ ವಾಚಪ್ ಮಾತ್ರ್ ಆಮ್ಚ್ಯಾ ಸಾಹಿತಿಕ್ ಸುಧ್ರಾಪಾಕ್ ಉಪ್ಕಾರಾಕ್ ಪಡ್ತಾ ದೆಕುನ್ ಹೊ ಆಪ್ಲಿ ಮಿನತ್ ಮುಖಾರುನ್ ವ್ಹರಿತ್ ತರ್ ಕೊಂಕ್ಣಿ ಸಾಹಿತಿಕ್ ಶೆತಾಂತ್ ಅಪ್ಲೆಂಚ್ಚ್ ಮ್ಹಳ್ಳೆಂ ಅಸ್ಥಿತ್ವ್ ರುತಾಂ ಕರುಂಕ್ ಸಕ್ಚಾಂತ್ ದುಭಾವ್ ನಾ.

- ಸಂ

[ಬ್ರೊತೊ - 6] ಇಶ್ಟಾಗತ್

ಇಶ್ಟಾಗತ್

ಮೊಚೆ,
ವಸ್ತುರ್
ಯಾ ಕಾರ್
ನವೆಂ ಘೆತಾನಾ
ಪಳೆಂವ್ಕ್ ಭೋವ್
ಸುಂದರ್
ವಾಪಾರ್ನ್ ವಾಪಾರ್ನ್
ಪರ್ನೆ ಜಾತಾನಾ
ಉಡಯ್ತಾಂವ್
ಕಚ್ರ್ಯಾಕ್
ಬಣ್ಶಿರ್‍ಯಾಕ್
ಗುಜ್ರಿಕ್

ತಶೆಂಚ್
ಇಶ್ಟಾಗತ್
ಸುರ್ವೆರ್
ಮೊಗಾನ್ ಮಯ್ಪಾಸಾನ್
ಹಾಸೊನ್ ಖೆಳುನ್
ಉಲವ್ನ್
ಅಖೇರಿಕ್
ಉದಕ್ ನಾಸ್ತಾನಾ
ರೂಕ್ ಸುಕುಲ್ಲೆಪರಿ
ಸುಕೊನ್
ಏಕ್ ದೀಸ್ ತಿ
ಜಳೊನ್ ವೆತಾ

[- ಸುರೇಶ್ ಸಲ್ಡಾನ್ಹಾ, ಅಭುದಾಬಿ, ಸಪ್ತೆಂಬರ್, 2016.]

ಸುರೇಶ್ ಸಲ್ಡಾನ್ಹಾ ಅಭುದಾಭಿ: ಸುರೇಶ್ ಸಲ್ಡಾನ್ಹಾ ಕೊಂಕ್ಣಿ ಕವಿತಾಶೆತಾಕ್ ನವೊ ಪುಣ್ ಫೇಸ್‌ಬುಕಾಚೆರ್ ಆನಿ ವಾಟ್ಸ್‌ಆಪಾಚೆರ್ ನವೊ ನ್ಹಯ್. ಪ್ರಸ್ತುತ್ ಅಭುದಾಬಿಂತ್ ಕಾಮ್ ಕರುನ್ ಆಸ್ಚೊ ಹೊ ಕೊಂಕ್ಣಿ ಸಾಹಿತಿಕ್ ಅಭಿರುಚ್ ಆಸ್ಚೊ. ಕಾನಡಿ ಆನಿ ಕೊಂಕ್ಣಿ ಲಿಪಿಂನಿ ಬರಂವ್ಚಾ ಹಾಣೆಂ ಥೊಡ್ಯಾ ಕವಿತಾಗೋಶ್ಟಿಂನಿ ವಾಂಟೊ ಘೆತ್ಲಾ.

इश्टागत

इश्टागतेविशिं केद्नांय नियाळ्ताना एका सांग्णेचो उडास येता Love is flowerlike but friendship is like a sheltering tree. हांगासर आस्रो दितलो रूक आनि फाय्द्याखातिर गळ्सुंचें दॊन वेवेग्ळें देकुन फाय्द्याखातिर केल्लि इश्टागत चड तॆंप बाळ्वना म्हळ्ळोच्च ह्यॆ कवितेचो सार.

सुरॆश सल्डान्हा कोंक्णि कविताशेताक नवो पुण फॆस्‌बुक्कांत आनि वाट्स्‌~आपांत नवो न्हय. प्रस्तुत अभुदाबिंत काम करुन आस्चो हो कोंक्णि साहितिक अभिरुच आस्चो. कामाच्या राटावळिंमधें आज्‌काल वेळाचो अभाव सर्वांक धोस्ता तर्‌यी चडित आनि चडित वाचप मात्र आम्च्या साहितिक सुध्रापाक उप्काराक पड्ता देकुन हो आप्लि मिनत मुखारुन व्हरित तर कोंक्णि साहितिक शेतांत अप्लेंच्च म्हळ्ळें अस्थित्व रुतां करुंक सक्चांत दुभाव ना.

- सं

[ब्रोतो - ७] इश्टागत

इश्टागत

मोचे,
वस्तुर
या कार
नवें घेताना
पळेंव्क भॊव
सुंदर
वापार्न वापार्न
पर्ने जाताना
उडय्तांव
कच्र्याक
बण्शियाक
गुज्रिक

तशेंच
इश्टागत
सुर्वेर
मोगान मय्पासान
हासोन खेळुन
उलव्न
अखॆरिक
उदक नास्ताना
रूक सुकुल्लेपरि
सुकोन
ऎक दीस ति
जळोन वेता

 
[- सुरॆश सल्डान्हा, अभुदाबि, सप्तेंबर २०१६]

सुरॆश सल्डान्हा, अभुदाबि: कोंक्णि कविताशेताक नवो पुण फॆस्‌बुकाचेर आनि वाट्स्‌~आपाचेर नवो न्हय. प्रस्तुत अभुदाबिंत काम करुन आस्चो हो कोंक्णि साहितिक अभिरुच आस्चो. कानडि आनि कोंक्णि लिपिंनि बरंव्चा हाणें थोड्या कवितागॊश्टिंनि वांटो घेत्ला.