ಪರ್ತೂನ್ ಎತ್ತಲಿ ಗುಲ್

ತಿನ್ನೀ ಮಳ್ಯೇರಿ ಅಸಚೆ
ಮಿಜೆಂ ಘರಾ ಕಂಡ್ಯೇಂತು
ನಿಲ್ಕೂನು ಹಾಸ್ತಾತಿ
ತಾಂಬ್ಡೀ ತಾಂಬ್ಡೀ ಗುಲ್ಮೊಹರ್

ಜೊಲ್ಲೆ ಹಾಥ ಘಾಲ್ನು ತಾಂಡಲ್ಯಾರಿ ಮೆಳತ ಮ್ಹಣೂನ ದಿಸ್ತಾ,ಮಳನಾ.. ಅನಿ
ಕೊಕ್ಯಾ ಬೊಡ್ಡೊ ಸಿರ್ಕಾವೊನು ತಾಂಡೂಚೆ ಮಿಜೊ ಜಾಯಮಾನ ನ್ಹಯೀ

ರುಕ್ಕಾ ಮುಳಾಂತೂನು ಪಳೈಲ್ಯಾರಿ ತಾಂಬ್ಡೆ ಪಾಚ್ವೆ ಚಿತ್ರಾ ಛತ್ರೀ ಶೆ ದಿಸ್ಚೆ ಹಾಂಕಾ ಮಿಗೆಲಾಗ್ಗಿ ಕಿತ್ತೆಕೀ ಲಗಾವ್
ಕಾಂಕ್ರೀಟ್ ಮಾಂಡೂನ್ ಗೆಲ್ಲೆಲ್ಯಾ ಮಾಕ್ಕಾಯ್
ಹೀಂ ಗುಲ್ ಚಂಪೇಂಚಿ ಜೀವನ ಪ್ರೀತಿಚೆ ಪಶೆಂ

ಸಂಜೇಚ್ಯಾ ಥಂಡ ವಾರ್ಯಾಕ ಮಾಲ್ವೂನು ಸರಳಾ ಲಗ್ಗೀಚ ಎತ್ತಾತಿ ಭಿತ್ತರೆವ್ಚೆ ಮಃನ ಅಸಲ್ಯಾ ವರಿ
ತೆದ್ನಾ, ವೇಳು ಪೊಳೊವುನು ಜಾಯಿತ್ಲೆ ತಾಂಡೂನ ಕಾಣುಘೆವ್ಯೆತ್..
ಮ್ಹೂಣ್, ಹಾಂವ ತಾಂಡೂನ ಕಾಡ್ತಲೊನ್ಹೈ

ಅಪ್ಪುಡಾನಾಶೀ ಧಡಲ್ಯಾರಿ ತನ್ನೀ ಕೊಪ್ತಾತಿ
ನಿರ್ಲಕ್ಷ್ಯ ಕೆಲ್ಯಾರಿ ತನ್ನೀ ವಳವಳ್ತಾತಿ
ನೀಳ ಮಳಬಾರಿ ಕಾಳೇಂ ದಾಟ ಜಾತ್ತಾನಾ
ರಬ್ಬೊಚ್ಯಾಕ ಜಾಯ್ನಾಶಿ ಜೊರ್ ವಾರ್ಯಾ ಏಕ ಫೂಲ ಲಟ್ಟನೇ ಮೊಡೂನು ಭಿತ್ತರಿ ಪಡ್ತಾ

ಇತ್ಲೆ ಜಾಲ್ಲೆ ಮಾಗೀರಿ ಹಾಂವೈ ಸೊಡತಲೊ ನ್ಹೈ
ಉಬ್ಬಾರೂನು ಪಕ್ಳ್ಯೊ ಪಕ್ಳ್ಯೊ ಪರ್ಸೀತಾಂ
ಗಳ್ಯಾರಿ ತೊಂಡಾರಿ ಧಾವ್ಡಾನು ಸುಖ ಪಾವ್ತಾಂ
ಅಭ್ರ ರಂಗಾಚ್ಯಾ ಭಿತ್ತವೈಲೊ ತಿಜೊ ಸೂಕ್ಷ್ಮ ಪರಮೊಳು ಘೆತ್ತಾಂ
ತಿಗೆಲಿ ಅಪ್ಪುಟ ಚಂದಾಯೇಕ ಸೊಲ್ವುನು
ಫುಲ್ಲಾದಾನೀಂತು ದವರೂನು
ಸಾನಶೆ ಹಾಸ್ತಾಂ
ಸುರೂಪ ಪಳೈಯ್ತಾ ನಿದೊನ ಪಡ್ತಾಂ

ಸಾಕಾಳಿಂ ಜಲ್ಯಾರಿ ಗುಲ್ಮೊಹರ್ 'ಕೀ'ಮ್ಹಣಚ್ಯಾ ರುಕ್ಕಾ ಚ್ಯಾ ರೊಂಪ್ಯಾರಿ ಪಳೊಚ್ಯಾಕ ಲಗ್ಗೀ ಅಪ್ಪುಡಚ್ಯಾಕ ಧೂರ ಮ್ಹಳೆಲ್ಯಾ ಅಂತ್ರಾರಿ ಲಾಂಬ್ತಾತ್

ಏಕ ಪಾವ್ಟೀ ಮಧೇ ಮೇ ಮ್ಹಹಿನ್ಯಾಂತು ಮರ್ಲೆಲ್ಯಾ ಶಿರಾಂದಾರಿ ಪಾವ್ಸಾಕ
ಫುಲ್ಲಂ ಫುರಾ ಝಡ್ಲೀಂ
ತ್ಯಾದೀಸು ಮಾರ್ಗಾಚ್ಯಾ ಹರ್ದ್ಯಾಕ ದಾಟಿ ತಾಂಬ್ಡೀ ಗೊದ್ದೊಡಿ ಪಾಂಗುರ್ಲೀ

ರೊಂಪ್ಯಾರಿ ಕಾಂಯೀಂ ಫುಲ್ಲಚ್ ನಾಂತಿ
ಸಕ್ಕಡ ಅರ್ಧ ವಾಡ್ಡೀಲೆ ಮಿಟ್ಟೆ
ಮಕಾ ಕಿತ್ಯಾಕ ಪೊಟಾಕ ಉಜ್ಜೊಕೀ ಗೊತ್ತುನಾ
ತ್ಯಾ ದೀಸು ಹಾಂವೆ ಕಂಡಿ ಕಳ್ಲೀಚ್ ನಾ

ವಚ್ಚೀಲೆ ಪುಸ್ತಕಾ ಮಧ್ಧೇಂತು ಫುರಾ ಕೆದ್ನಕೀ ದವರೂನು ವಿಸರ್ಲೆಲೆ ಗುಲ್ಮೊಹರಾಚೆಂ ಸುಕ್ಕಲೆ ಪಕ್ಳ್ಯೊ
ಪನ್ನ ಘವ್ಡಾಯ್ತಾನಾ ನಿಸೊರ್ನು, ನಿಕೊಳ್ನು ರಿಗ್ಗೂನು ಭಾರ್ಯಿ ಪಡ್ತಾತಿ
ಕಿತ್ಯಾಕ್ಕೀ ಮಸ್ತ ಭರಲಾಂ ಹೇಂ
ಮಜ್ಜೆ ಭಿತರ್

ಮಗೀರಿ, ಹಾಂವ್ ಕಂಡೀ ಕಾಡೂನಚ್ ಕಡ್ತಲೊಂ
ಭೂಂಯಿಚ್ಯಾತೂನು ಧೂರ ಪಾತ್ಲಾನು ಘೇವುನು
ಆಕಾಶ ಸಗ್ಳೇ ತಾಂಬ್ಡೊ ರಂಗು ಶಿಂಪುಡ್ಚಿ ಗುಲ್
ಶೆಹೆರಾಚೆಂ ಭಾಗ ಜಾವ್ನು ಕೊಣೈಂ ಮನಾಕ ವ್ಹರನತ್ಲ್ಯಾ ವರಿ ಅಸ್ಸ
ಜವಾಬ್ದಾರಿನಾತ್ತೀಲಿ ಚರ್ಡುಪಣಾಚಿ ಚೆಲ್ಲಿ
ಕೊಣಖೈ ಪೊಳೊವುನು ಎಕಿ ಉಮೇದಿ ದಖೈತಿಲಿ ನ್ಹೈ
ತಿಜ್ಜೆಇತ್ಲ್ಯಾಕ ತೀ

ಪ್ರಾಯೇಚೊ ಭರಮು ತಿಕಾ
ಮಕಾ ಮಸ್ಕಿರಿ ಕರಚೊ ಹಾಸು
ಭಯಂ-ಭೀತ ನತ್ತೀಲೊ ಖೇಳು
ಸಪೂರ ಸೊ ಪರಮೊಳು ಸೊಡೂನು ಮಕಾ ಅಪ್ಪೈತನಾ ಪೊಳೊವುನು ಹಾಂವ ನುತ್ತ ಜತ್ತಾಂ

ಜೂನ್ ಸಂಪ್ಚೆ ಫೂಡೆ ಪರತ ಎತ್ತಾಲಿ ಗುಲ್ ಪೊಳೊಕ್ವಾ....
ತಿಣೇಚ್ ಜಾವ್ನು ಅಯ್ಲೆ ಶಿವಾಯ್ ಮ್ಹೊಗು ಕಶೀಂ ಕರೂಂ?

ಮನಿಸ್ ಹ್ಯಾ ಧರ್ತೆಚೊ ಯೆಜ್ಮಾನ್ ಕಸೊ ಜಿಯೆತಾ ದೆಕುನ್ ಹೆರ್ ಜಿವಿಂಚೆರ್, ಸುಕಣ್ಯಾಂಚೆರ್, ಝಡಾಂಚೆರ್ ಅಪ್ಲಿ ರಾಜ್ವಟ್ಕಿ ಚಲಯ್ತಾ. ದೀಸ್ ಗೆಲ್ಲೆಪರಿಂಚ್ ಮನಶಾಚೊ ಸಂಸಾರ್ ಲ್ಹಾನ್ ಲ್ಹಾನ್ ಜಾವ್ನ್ ವೆತಾ; ಜಶೆಂ ಎಕಾ ತೆಂಪಾರ್ ಹಳ್ಳೆಂನಿ, ಶೆತಾ-ಭಾಟಾಂನಿ, ಉಗ್ತ್ಯಾ ಮಯ್ದಾನಾಂನಿ ಅಪ್ಲೆಂ ಭುರ್ಗೆಂಪಣ್ ಖರ್ಚಿಲ್ಲೊ ಮನಿಸ್ ಆಜ್ ತಾಚಿಂ ಭುರ್ಗಿಂ ಫ್ಲೆಟಾಂನಿ, ಲ್ಹಾನ್ ಲ್ಹಾನ್ ಕುಡಾಂನಿ ಜಿಯೆವ್ನ್ ಆಸಾತ್ ದೆಕುನ್ ರಸ್ತೊಚ್ ತಾಂಚೆಂ ಖೆಳಾ-ಮಯ್ದಾನ್. ಹಳ್ಳೆಂತ್ಲ್ಯಾ ಘರಾಸಮೊರ್ ಆಂಗಣ್ ಆನಿ ಆಂಗ್ಣಾಭಂವ್ತೊಣಿಂ ವೆಗ್-ವೆಗಳಿಂ ಫುಲಾಂ ಝಡಾಂ ಆನಿ ರೂಕ್ ಆಸ್ಲೆ ಪುಣ್ ಕೊಂಕ್ರೆಟಿಚ್ಯಾ ಲ್ಹಾ-ಖಾನ್ ಫ್ಲೆಟಾಂನಿ ಸಯ್ತ್ ಚಟ್ಟೆಂನಿ ತ್ಯಾ ಭಾಗಿಂತ್ ಜಿಯೆಜಾಯ್ ಆಸ್ಚ್ಯಾ ಫುಲಾಂ-ಝಡಾಂಕ್ ಜಿಯೆಂವ್ಕ್ ಪಡ್ಲಾಂ. ಹಿ ಕವಿತಾ ಫಕತ್ ಇತ್ಲೆಂಚ್ ನ್ಹಯ್; ಖೂಬ್ ವಿಚಾರ್ ಸಾಂಗುನ್ ವೆತಾ.

ಪುಣ್ ಫುಲ್ಚೆಂ ಗುಲ್‌ಮೊಹರ್, ರಸ್ತ್ಯಾಚೆರ್ ಝಡ್‌ಲ್ಲಿಂ ಫುಲಾಂ, ಮಾಯ್ ಮಯ್ನೊ ಸಂಪುನ್ ಜ್ಯೂನ್ ಮಯ್ನೊ ಯೆತಾನಾ ಸಗಳೆಂ ಬದಲ್ಚೆಂ ಸಕ್ಕಡ್ ಎಕೇಕ್ ಕಾಣಿಯೊ ಸಾಂಗುನ್ ವೆತಾತ್. ಗುಲ್‌ಮೊಹರ್ ಏಕ್ ಸಾಂಕೇತಿಕ್ ಸಾಹೆತ್ ಕರ್ನ್ ಕವಿತಾ ಕಾಂಯ್ ವೆಗ್-ವೆಗಳ್ಯೊ ಕಾಣಿಯೊ ಸಾಂಗುನ್ ವೆತಾನಾ ಕವಿತಾರಸಿಕಾಕ್ ಅಶೆಂ ಭಗ್ತಾ ಅಪುಣ್ ಏಕ್ ವೆಗಳೊ ಸಂಸಾರ್ ಪಳೆತಾಂ. ಕವಿತಾ ವಾಚುನ್ ಜಾಲ್ಲಿಚ್ ಪರತ್ ಏಕ್ ಪಾವ್ಟಿಂ ವಾಚುಂಕ್ ಪ್ರೇರಿತ್ ಕರ್ಚಿ ಕವಿತಾ ಹಿ.

- ಸಂ

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 11 [Oct 2020]

ಸ್ಮಿತಾ ಶೆಣಯ್: ಕೊಂಕಣಿ, ಕನ್ನಡ್, ಇಂಗ್ಲಿಶ್ ನೆಮಾಳ್ಯಾಂನಿ ತಶೆಂಚ್ ಜಾಳಿಜಾಗ್ಯಾಂನಿ ಬರಂವ್ಚಿ ಹಿ ಮಂಗ್ಳುರ್‌ಚ್ಯಾ ಬೆಸೆಂಟ್ ಕೊಲೆಜಿಂತ್ ಪತ್ರಿಕೋಧ್ಯಮ್ ವಿಭಾಗಾಚಿ ಮುಖೇಸ್ತ್ ಜಾವ್ನ್ ವಾವ್ರ್ ಕರುನ್ ಆಸಾ. ಟಿವಿ ಚ್ಯಾನಲಾಂನಿ ನಿರೂಪಕಿ, ನಾಟಕಾಂನಿ ಅಭಿನಯ್, ಮಂಗ್ಳುರ್ ಆಕಾಶ್‌ವಾಣಿಂತ್ ಕಾರ್ಯಕ್ರಮಾಂ, ಡಿಜಿಟಲ್ ಆಡಿಯೊಂತ್ ಕಥಾ ಸಾದರ್‌ಪಣ್ ಅಶೆಂ ಹಿಚಿ ಪ್ರತಿಭಾ ವೆವೆಗಳ್ಯಾ ಶೆತಾಂತ್ ಆಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 10 [Sep 2020]

ಅಮೇಯ್ ನಾಯ್ಕ್, ಗೊಂಯ್: ಬಿ.ಕೊಮ್. ಶಿಕ್ಪಿ ಅಮೇಯ್ ವಿಶ್ರಾಮ್ ನಾಯ್ಕ್ ಗೊಂಯ್ಚೊ ಉದೆವ್ನ್ ಯೆಂವ್ಚೊ ಪ್ರತಿಭಾವಂತ್ ಕವಿ. ಆಕಾಶ್‌ವಾಣಿಚೆರ್, ಕವಿಸಮ್ಮೇಳನಾಂನಿ ಕವಿತಾ ಸಾದರ್ ಕೆಲ್ಯಾತ್. ಸುನಾಪರಾಂತ್, ಭಾಂಗಾರ್ ಭುಂಯ್, ಬಿಂಬ್ ನೆಮಾಳ್ಯಾಂನಿ ಪರ್ಗಟ್ಲ್ಯಾಂತ್. ತಾಚ್ಯಾ ಕವಿತಾಜಮ್ಯಾಚೆಂ ನಾಂವ್ ’ಮೋಗ್ ಡೊಟ್ ಕೊಮ್’. 2017 ಇಸ್ವೆಚೊ ಸಾಹಿತ್ ಅಕಾಡೆಮಿಚೊ ’ಯುವ ಪುರಸ್ಕಾರ್’ ಜೊಡ್ಪಿ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 9 [Aug 2020]

ಉರ್ಜಿತಾ ಭೊಬೆ: ಸಾಹಿತಿಕ್ ಅಭಿರುಚ್ ಆಸ್ಚಿ ಗೊಂಯ್ಚಿ ಉರ್ಭೆವಂತ್ ಕವಯತ್ರಿ ಹಿ. ಕವಿಸಮ್ಮೇಳನಾಂನಿ ತಿ ಕಾರ್ಯಾಳ್. ಹೆರ್ ಭಾಸೆಂತ್ಲಿಂ ಕವಿತಾ ಸಯ್ತ್ ವಾಸ್ಚಿ ಅಭಿರುಚ್ ಆಸ್ಚ್ಯಾ ಹಿಚೊ ಫುಡ್ಲದ್ ಕವಿತಜಮೊ ’ಉರ್ಜಾಸ್ರೋತ್’ ಪರ್ಗಟ್ ಜಾಲಾ. ಕೊಂಕಣಿ ಕವಿತೆಂನಿ ನವಿ ಸಕತ್ ಭರ್ಚೆ ದಿಶೆನ್ ಬಾಯ್ ಉರ್ಜಿತಾ ವಾವ್ರ್ ಕರುನ್ ಆಸಾ. ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧೊ 2018 ಚೆರ್ ಹಿಚ್ಯಾ ಕವಿತೆಕ್ ದುಸ್ರೆಂ ಇನಾಮ್, ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧೊ 2019 ಚೆರ್ ಪಯ್ಲೆಂ ಇನಾಮ್ ಲಾಭ್ಲಾಂ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 8 [July 2020]

ನೀಲ್ಬಾ ಖಾಂದೇಕರ್: ಗೊಂಯಾಂತ್ ವಸ್ತಿ ಕರುನ್ ಆಸ್ಚೊ ನಾಮ್ನೆಚೊ ಕೊಂಕಣಿ ಕವಿ, ಚಿಂತ್ಪಿ ಆನಿ ವಿಶ್ಲೇಶಕ್. ಹಾಂಚ್ಯಾ ಕವಿತೆಂಚಿ ಪುಸ್ತಕಾಂ; ವೇಧ್ (1989), ಸೂರ್ಯವಂಶೀ (1999), ಅಗ್ನೀ (2002), ಬ್ಲೇಂಕ್ (2006), The Words (2017) ಯೆದೊಳ್ ಪರ್ಗಟ್‌ಲ್ಲ್ಯಾಂತ್. ಕಲಾ ಅಕಾಡೆಮಿಚೊ ಪುರಸ್ಕಾರ್, ಸಾಹಿತ್ಯ್ ಅಕಾಡೆಮಿಚೊ ಪುರಸ್ಕಾರ್ ಹಾಂಕಾಂ ಲಾಭ್‌ಲ್ಲೆ ಪ್ರಮುಕ್ ಪುರಸ್ಕಾರ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 7 [June 2020]

ಲಾರೆನ್ಸ್ ವಿನೋದ್ ಬಾರ್ಬೋಜ್: ಶಿರ್ವಾಂ ಗಾಂವಾಂತ್ ಜಲ್ಮುನ್ ಇಜ್ನೆರಾಚೆಂ ಶಿಕಪ್ ಜೊಡುನ್ ಸದ್ದ್ಯಾಕ್ ಮಾಂಚೇಸ್ಟರ್ ಯು.ಕೆ.ಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರ್ಚೊ ಹೊ ಬರೊ ವಾಚ್ಪಿ ತಶೆಂಚ್ ಸಾಹಿತಿಕ್ ಅಭಿಮಾನಿ ಜಾವ್ನಾಸಾ. ಕವಿತಾ, ಲೇಖನಾಂ ತಶೆಂಚ್ ಸಮೀಕ್ಶಾ ಬರವ್ನ್ ಆಸ್ಚಾ ಹಾಣೆಂ ಡಿಜಿಟಲ್ ಕೊಂಕಣಿಂತ್ ಸಯ್ತ್ ವಾವ್ರ್ ಕರುನ್ ಆಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 6 [May 2020]

ಗ್ವಾದಲುಪ್ ಡಾಯಸ್: ಗೊಂಯಾಂತ್ಲಿ ನಾಮ್ಣೆಚಿ ಕೊಂಕ್ಣಿ ಕವಯತ್ರಿ. ಸ್ತ್ರಿ ಸಂವೆದನ್ ಸಾಹಿತ್ಯಾಕ್ ಲಾಗೊನ್ ಫಾಮಾದ್. ಸಮಾಜೆಚ್ಯಾ ಪೊಕೊಳ್ ವಿಚಾರಾಂಚೆರ್ ಆರ್ಸೊ ಧರ್ಚಿಂ ಚಿಂತ್ನಾಂ ಆಪ್ಲ್ಯಾ ಕವಿತೆಂನಿ ವ್ಹಾಳ್ಯಿಲ್ಲ್ಯಾ ಹಿಕಾ ಸಭಾರ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಲಾಭ್ಲ್ಯಾಂತ್, ಕವಿಗೊಶ್ಟಿಂನಿ ಹಿಣೆಂ ಭಾಗ್ ಘೆತ್ಲಾ.  ’ಭುಂಯ್‌ಫೊಡ್ (2006), ಮೊಳೊಬ್‌ಗಂಗಾ (2007), ಜಲಸ್ಥಳ್ (2009), ನಾತೆಂ (2014)’ ಹಿಚೆ ಪರ್ಗಟ್ ಜಾಲ್ಲೆ ಕವಿತಾಜಮೆ. ಮಾಮಾಚೊ ಗಾಂವ್ (2010) ಭುರ್ಗ್ಯಾಂಚಿಂ ಕವಿತಾ ಆಟಾಪ್ಚೊ ಬೂಕ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 5 [Apr 2020]

ಸಂಗೀತಾ ನಾಯ್ಕ್: ಡಿಜಿಟಲ್ ಗೋವಾಚಿ ಎಕ್ಸೆಕ್ಯುಟಿವ್ ಸಂಪಾದಕ್ ಜಾವ್ನ್ ವಾವ್ರ್ ಕರುನ್ ಆಸ್ಚಿ ಬಾಯ್ ಸಂಗೀತಾ ನಾಯ್ಕಾಕ್ ಪ್ರತಿಶ್ಟಿತ್ ಎಮ್.ಬಿಲಿಯನ್ತ್ ಪುರಸ್ಕಾರ್ ಸೌತ್ ಏಶಿಯಾ 2018 ಲಾಭ್ಲಾ. ಗೊಂಯ್ ಕೊಂಕಣಿ ಅಕಾಡೆಮಿಂತ್ ಸಯ್ತ್ ವಾವ್ರ್ ಕೆಲ್ಲ್ಯಾ ಹಿಣೆಂ ಪತ್ರಿಕೋಧ್ಯಮ್, ಸಾಹಿತ್ಯ್, ಶಿಕ್ಷಣ್ ಅಶೆಂ ವೆವೆಗ್ಳ್ಯಾ ಶೆತಾಂತ್ ಖೂಬ್ ವಾವ್ರ್ ಕೆಲಾ. ಕೊಂಕಣಿ ಸಾಹಿತ್ಯಾಂತ್ ಸಯ್ತ್ ತಿಚಿ ದೇಣ್ಗಿ ಆಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 4 [Mar 2020]

ಮನೋಜ್ ನರೇಂದ್ರ ಕಾಮತ್: ಪಾಟ್ಲ್ಯಾ ವೀಸ್ ವರ್ಸಾಂ ಥಾವ್ನ್ ಕೊಂಕ್ಣೆಂತ್ ಬರ್ಪಾಂ ಬರಂವ್ಚೊ ಬಾಬ್ ಮನೋಜ್ ನರೇಂದ್ರ ಕಾಮತ್ ವೃತ್ತೆನ್ ಪ್ರಾಧ್ಯಾಪಕ್ ಜಾವ್ನ್ ಗೊಯಾಂತ್ ವಸ್ತಿ ಕರುನ್ ಆಸಾ. ’ತಾಂಬ್ಶಿ’, ’ನವಿದಾದಿಚೆಂ ಶಿಕಪ್’ (ಶಿಕ್ಷಕ್, ಪಾಲಕ್ ಆನಿ ವಿಧ್ಯಾರ್ಥಿಂ ಖಾತಿರ್), ’ಕೊಂಕ್ಣಿ’ (ವಿಧ್ಯಾರ್ಥಿಂಖಾತಿರ್ ಶೈಕ್ಷಣಿಕ್ ಆಧಾರಾವಳ್), ’ರಂಗ್‌ಫಳ್', 'ಆತ್ಮ-ಬ್ರಹ್ಮ’ ಹಾಚೆ ಯೆದೊಳ್ ಪರ್ಗಟ್‌ಲ್ಲೆ ಬೂಕ್. ಕವಿತೆಂಕ್ ಸಭಾರ್ ಇನಾಮಾಂ/ಪುರಸ್ಕಾರ್ ಹಾಕಾ ಲಾಭ್ಲ್ಯಾತ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 3 [Feb 2020]

ರುಪಾಲಿ ಮಾವ್ಜೊ ಕೀರ್ತನಿ: ಕೊಂಕಣಿ, ಮರಾಠಿ, ಇಂಗ್ಲಿಶ್ ಆನಿ ಹಿಂದಿಂತ್ 300 ವಯ್ರ್ ಕವಿತಾ ಬರಯಿಲ್ಲಿ ಬಾಯ್ ರುಪಾಲಿ ಮಾವ್ಜೊ ಕೀರ್ತನಿಚೆ ಮ್ಹಜ್ಯಾಂತಲೆಂ ಹಾಂವ್ (2012), ಮಳ್ಬಥಾವ್ನ್ (2012), Wings - chap book (2012), My mirror - chap book (2017) ಕವಿತಾಜಮೆ ಪರ್ಗಟ್ಲ್ಯಾತ್. ಸಾವ್ದಿತಲೆ ತೆ ದೀಸ್ (2016) ಇಸ್ವೆಂತ್ ಪರ್ಗಟ್ಲಾ. ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಪುರಸ್ಕಾರ್, TMA Pai ಶಿಫಾರಸ್ ಪುರಸ್ಕಾರ್ ಹಿಕಾ ಲಾಭ್‌ಲ್ಲೆ ಪ್ರಮುಕ್ ಪುರಸ್ಕಾರ್.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 2 [Jan 2020]

ಶೈಲೆಂದ್ರ್ ಮೆಹ್ತಾ: ಕಾಂಯ್ ಚಾಳಿಸ್ ವರ್ಸಾಂ ಥಾವ್ನ್ ಮರಾಠಿ ತಶೆಂಚ್ ಕೊಂಕಣಿಂತ್ ಕವಿತಾ ಬರವ್ನ್ ಆಯಿಲ್ಲೊ ಬಾಬ್ ಶಯ್ಲೇಂದ್ರ ಮೆಹ್ತಾ, ಪಾರಂಪರಿಕ್ ಕವಿತಾ ನ್ಹಯ್ ಬಗಾರ್ ಆಧುನಿಕ್ ಕವಿತಾ ಬರಯ್ತೆಲ್ಯಾಂಚ್ಯಾ ಪಂಗ್ತೆರ್ ಆಸಾ. ಅಮೂರ್ತ್ ಸಂಕೇತ್ (Abstract images) ಅಪ್ಲ್ಯಾ ಕವಿತೆಂನಿ ಗುಂತುನ್ ಉತ್ರಾಂತಲ್ಯಾ ಅರ್ಥಾಂಚ್ಯಾ ಗರ್ಭಾಂನಿ ತಿಂ ಲಿಪಂವ್ಚಿ ಶ್ಯಾಥಿ ಆಸ್ಚೊ ತಾಕ್ತೆವಂತ್ ಕವಿ. ತಾಚೊ ಕವಿತಾಜಮೊ ’ಸಿಸಿಫಸ್ ತೆಂಗ್‌ಶೆರ್’ ಆಯ್ಲೆವಾರ್ ಪರ್ಗಟ್ ಜಾಲ್ಲೊ ಜಾವ್ನಾಸಾ.

 [ಸ್ಪರ್ಧೊ] ಮಯ್ನ್ಯಾಚೊ ಕವಿ - 1 [Dec 2019]

ಜೋನ್ ಸುಂಟಿಕೊಪ್ಪ: ಕಾನಡಿ ಭಾಸೆಂತ್ ಅಪುರ್ಭಾಯೆಚ್ಯೊ ಕವಿತಾ/ಕಾಣ್ಯೊ ಬರಂವ್ಚೊ  ಜೋನ್ ಡಿ’ಸೋಜ್, ವೃತ್ತೆನ್ ಏಕ್ ಶಿಕ್ಷಕ್. ಸಾಹಿತ್ಯಾಚೆಂ ಪದ್ಯುತ್ತರ್ ಶಿಕಾಪ್ ಜೊಡುನ್ ಆಸ್ಚೊ ಹೊ ಏಕ್ ಭೋವ್ ಸಂವೇದನ್‌ಶೀಲ್ ತಶೆಂಚ್ ಭೋವ್ ಮೊವಾಳ್/ಖಾಲ್ತೊ. ಪುಣ್ ಚಿಂತ್ನಾಂನಿ ತಿತ್ಲೊಚ್ಚ್ ಪರಿಪಕ್ವ್. ಸಮಾಜಿಂತ್ಲ್ಯಾ ವಾಂಕ್ಡ್ಯಾಂಚೆರ್ ವಿಮರ್ಶಾತ್ಮಕ್ ನದರ್ ಘಾಲ್ಚೆಂ ಚಿಂತಾಪ್ ಹಾಚ್ಯಾ ಚಡ್ತಾವ್ ಬರ್ಪಾಂನಿ ನಿಶೆತಾ. 'ಮೊನಿ ಬೋಬ್' (2017) ಹಾಚ್ಯಾ ಕೊಂಕಣಿ ಕವಿತೆಂಚೊ ಪಯ್ಲೊ ಜಮೊ ಆಶಾವಾದಿನ್ ಪ್ರಕಾಶನಾನ್ ಕಾನಡಿ ತಶೆಂಚ್ ನಾಗರಿ ಲಿಪಿಯೆಂತ್ ಪರ್ಗಟ್ಲಾ.

 [Spordho] Moineacho Kovi - 11 [Oct 2020]

Smitha Shennoy: Konkonni, Kon'nodd, Inglix nemalleamni toxench zallizageamni boromvchi hi mongllur‌chea Besant Collejint potrikodhyom' vibhagachi mukhest zaun vaur korun asa. Ttivi cheanolamni nirupoki, nattokamni obhinoi, mongllur akax‌vannint karyokromam, ddijittol addiont kotha sador‌ponn oxem hichi protibha vevegollea xetant asa.

 [Spordho] Moineacho Kovi - 10 [Sep 2020]

Amey Naik, Gõy: B.Com'. Xikpi Amey Vishram Naik Gõycho udeun yemvcho protibhaunt kovi. Akax‌vannicher, kovisom'mellonamni kovita sador keleat. Sunaporant, bhangar bhum-i, bimb nemalleamni porgottleant. Tachea kovitazomeachem namv ’mog ddott kom'’. 2017 isvecho sahit okaddemicho ’yuvo puroskar’ zoddpi.

 [Spordho] Moineacho Kovi - 9 [Aug 2020]

Urjita Bhobe: sahitik obhiruch aschi gõychi urbheunt kouyotri hi. Kovisom'mellonamni ti kareall. Her bhasentlim kovita soit vaschi obhiruch aschea hicho fuddlod kovitozomo ’urzasrot’ porgott zala. Konkonni kovitemni novi sokot bhorche dixen bai urjita vaur korun asa. Poinnari-viz sahitik spordho 2018 cher hichea kovitek dusrem inam' labhlam. Poinnari-viz sahitik spordho 2019 cher poilem inam' labhlam.

 [Spordho] Moineacho Kovi - 8 [July 2020]

Nilba khandekor: Gõyant vosti korun ascho namnecho konkonni kovi, chintpi ani vixlexok. Hanchea kovitenchi pustokam; Vedh (1989), Suryounxi (1999), Ogni (2002), Blank (2006), The Words (2017) yedoll porgott‌l'leant. Kola Okaddemicho Puroskar, Sahity Okaddemicho puroskar hankam labh‌l'le promuk puroskar.

 [Spordho] Moineacho Kovi - 7 [June 2020]

Lawrence V Barboza, Manchester, UK: Mongllur mullacho Lawrence Vinod Barboza sod'deak U.K.ntlea Manchesterant vosti korun ascho ek boro vachpi zaunasa. Konkonnint lekonam boroileant toxench konkonni kareamni kriall riticho vaur korun ascho. Kothadaizant hannem ek kanniechem sadar‌ponn kelam.

 [Spordho] Moineacho Kovi - 6 [May 2020]

Guadalupe Dias: Gõyantoli namnnechi konknni kouytri. Stri somvedon sahiteak lagon famad. Somajechea pokoll vicharancher arso dhorchim chintnam aplea kovitemni vhallyil'lea hika sobhar sahitik spordheamni inamam labhleant, kovigoxttimni hinnem bhag ghetla. ’bhum-i‌fodd (2006), mollob‌gonga (2007), zolstholl (2009), natem (2014)’ hiche porgott zal'le kovitazome. Mamacho gamv (2010) bhurgeanchim kovita attapocho buk.

 [Spordho] Moineacho Kovi - 5 [Apr 2020]

Songita Naik: Ddijittol govachi eksekyuttiv sompadok zaun vaur korun aschi bai songita naikak protixttit em'.Biliyont puroskar sout exia 2018 labhla. Gõy konkonni okaddemint soit vaur kel'lea hinnem potrikodhyom', sahity, xikxonn oxem vevegllea xetant khub vaur kela. Konkonni sahiteant soit tichi denngi asa.

 [Spordho] Moineacho Kovi - 4 [Mar 2020]

Manoz Narendra Kamat: Pattlea vis vorsam thaun konknnent borpam boromvcho bab monoz norendro kamot vrit'ten pradheapok zaun goyant vosti korun asa. ’Tambxi’, ’Novidadichem Xikop’ (xikxok, palok ani vidhearthim khatir), ’Konknni’ (vidhearthinkhatir xoikxonnik adharaull), ’Rong‌foll', 'Atmo-Brohmo’ hache yedoll porgott‌l'le buk. Kovitenk sobhar inamam/puroskar haka labhleat.

 [Spordho] Moineacho Kovi - 3 [Feb 2020]

Rupali Mauzo Kirtani: Konkonni, Moratthi, Inglix ani Hindint 300 voir kovita boroyil'li bai rupali mauzo kirtoniche Mhojeantolem Hamv (2012), Mollbothaun (2012), Wings - chap book (2012), My mirror - chap book (2017) kovitazome porgottleat. Sauditole te dis (2016) isvent porgottla. Konkonni bhaxa monddoll (Gõy) puroskar, TMA Pai xifaros puroskar hika labh‌l'le promuk puroskar.

 [Spordho] Moineacho Kovi - 2 [Jan 2020]

Shailendra Mehta: Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi. Tacho kovitazomo ’Sisifos Teng‌xer’ ailevar porgott zal'lo zaunasa.

 [Spordho] Moineacho Kovi - 1 [Dec 2019]

John Suntikoppa: kanoddi bhasent opurbhayecheo kovita/kanneo borouncho zon ddi’soz, vrit'ten ek xikxok. Sahiteachem podyut'tor xikap zoddun ascho ho ek bhovo somvedon‌xil toxench bhovo movall/khalto. Punn chintnamni titlochch poripokv. Somajintlea vankddeancher vimorxatmok nodor ghalchem chintap hachea choddtavo borpamni nixeta. 'moni bob' (2017) hachea konkonni kovitencho poilo zomo Ashawadi Prakashanan kanoddi toxench nagori lipient porgottla. 

 [स्पर्धो] मयन्याचो कवी - ११  [Oct 2020]

अमेय नायक

पर्तून एत्तली गूल


तिन्नी मळ्येरी असचे
मिजें घरा कंड्येंतू
निल्कूनू हासताती
तांबडी तांबडी गुल्मोहर

जोल्ले हाथ घालनू तांडल्यारी मेळत म्हणून दिसता,मळना.. अनी
कोक्या बोड्डो सिर्कावोनू तांडूचे मिजो जायमान न्हयी

रुक्का मुळांतूनू पळैल्यारी तांबडे पाचवे चित्रा छत्री शे दिसचे हांका मिगेलाग्गी कित्तेकी लगाव
कांक्रीट मांडून गेल्लेल्या माक्काय
हीं गूल चंपेंची जीवन प्रीतिचे पशें

संजेच्या थंड वाऱ्याक मालवूनू सरळा लग्गीच एत्ताती भित्तरेवचे मःन असल्या वरी
तेदना, वेळू पोळोवुनू जायितले तांडून काणुघेव्येत..
म्हूण, हांव तांडून काडतलोन्है

अप्पुडानाशी धडल्यारी तन्नी कोप्ताती
निरलक्ष्य केल्यारी तन्नी वळवळताती
नीळ मळबारी काळें दाट जात्ताना
रब्बोच्याक जायनाशी जोर वाऱ्या एक फूल लट्टने मोडूनू भित्तरी पडता

इतले जाल्ले मागीरी हांवै सोडतलो न्है
उब्बारूनू पकळ्यो पकळ्यो पर्सीतां
गळ्यारी तोंडारी धावडानू सूख पावतां
अभ्र रंगाच्या भित्तवैलो तिजो सूक्ष्म परमोळू घेत्तां
तिगेली अप्पूट चंदायेक सोलवुनू
फुल्लादानींतू दवरूनू
सानशे हासतां
सुरूप पळैयता निदोन पडतां

साकाळीं जल्यारी गुल्मोहर 'की'म्हणच्या रुक्का च्या रोंप्यारी पळोच्याक लग्गी अप्पुडच्याक धूर म्हळेल्या अंत्रारी लांबतात

एक पावटी मधे मे म्हहिन्यांतू मरलेल्या शिरांदारी पावसाक
फुल्लं फुरा झडलीं
त्यादीसू मार्गाच्या हर्द्याक दाटी तांबडी गोद्दोडी पांगुरली

रोंप्यारी कांयीं फुल्लच नांती
सक्कड अर्ध वाड्डीले मिट्टे
मका कित्याक पोटाक उज्जोकी गोत्तुना
त्या दीसू हांवे कंडी कळलीच ना

वच्चीले पुसतका मध्धेंतू फुरा केदनकी दवरूनू विसरलेले गुल्मोहराचें सुक्कले पकळ्यो
पन्न घवडायताना निसोर्नू, निकोळनू रिग्गूनू भाऱ्यी पडताती
कित्याक्की मसत भरलां हें
मज्जे भितर

मगीरी, हांव कंडी काडूनच कडतलों
भूंयिच्यातूनू धूर पातलानू घेवुनू
आकाश सगळे तांबडो रंगू शिंपुडची गूल
शेहेराचें भाग जावनू कोणैं मनाक व्हरनतल्या वरी अस्स
जवाब्दारिनात्तीली चर्डुपणाची चेल्ली
कोणखै पोळोवुनू एकी उमेदी दखैतिली न्है
तिज्जेइतल्याक ती

प्रायेचो भरमू तिका
मका मसकिरी करचो हासू
भयं-भीत नत्तीलो खेळू
सपूर सो परमोळू सोडूनू मका अप्पैतना पोळोवुनू हांव नुत्त जत्तां

जून संपचे फूडे परत एत्ताली गूल पोळोकवा....
तिणेच जावनू अयले शिवाय म्होगू कशीं करूं?

मनीस ह्या धर्तेचो येज्मान कसो जियेता देकून हेर जिविंचेर, सुकण्यांचेर, झडांचेर अपली राज्वटकी चलयता. दीस गेल्लेपरिंच मनशाचो संसार ल्हान ल्हान जावन वेता; जशें एका तेंपार हळ्ळेंनी, शेता-भाटांनी, उग्त्या मयदानांनी अपलें भुर्गेंपण खर्चिल्लो मनीस आज ताचीं भुर्गीं फ्लेटांनी, ल्हान ल्हान कुडांनी जियेवन आसात देकून रसतोच तांचें खेळा-मयदान. हळ्ळेंतल्या घरासमोर आंगण आनी आंगणाभंवतोणीं वेग-वेगळीं फुलां झडां आनी रूक आसले पूण कोंक्रेटिच्या ल्हा-खान फ्लेटांनी सयत चट्टेंनी त्या भागिंत जियेजाय आसच्या फुलां-झडांक जियेवंक पडलां. ही कविता फकत इतलेंच न्हय; खूब विचार सांगून वेता.

पूण फुल्चें गूल‌मोहर, रसत्याचेर झड‌ल्लीं फुलां, माय मयनो संपून ज्यून मयनो येताना सगळें बदल्चें सक्कड एकेक काणियो सांगून वेतात. गूल‌मोहर एक सांकेतीक साहेत कर्न कविता कांय वेग-वेगळ्यो काणियो सांगून वेताना कवितारसिकाक अशें भग्ता अपूण एक वेगळो संसार पळेतां. कविता वाचून जाल्लीच परत एक पावटीं वाचुंक प्रेरीत कर्ची कविता ही.

- सं

 [स्पर्धो] मयन्याचो कवी - ११ [Oct 2020]

स्मिता शेणय: कोंकणी, कन्नड, इंगलीश नेमाळ्यांनी तशेंच जाळिजाग्यांनी बरंवची ही मंगळूर‌च्या बेसेंट कोलेजिंत पत्रिकोध्यम विभागाची मुखेसत जावन वावर करून आसा. टिवी च्यानलांनी निरूपकी, नाटकांनी अभिनय, मंगळूर आकाश‌वाणिंत काऱ्यक्रमां, डिजिटल आडियोंत कथा सादर‌पण अशें हिची प्रतिभा वेवेगळ्या शेतांत आसा.

 [स्पर्धो] मयन्याचो कवी - १० [Sep 2020]

अमेय नायक, गोंय: बी.कोम. शिकपी अमेय विश्राम नायक गोंयचो उदेवन येंवचो प्रतिभावंत कवी. आकाश‌वाणिचेर, कविस्म्मेळनांनी कविता सादर केल्यात. सुनापरांत, भांगार भुंय, बिंब नेमाळ्यांनी पर्गटल्यांत. ताच्या कविताज्म्याचें नांव ’मोग डोट कोम’. २०१७ इस्वेचो साहीत अकाडेमिचो ’यूव पुर्सकार’ जोडपी.

 [स्पर्धो] मयन्याचो कवी - ९ [Aug 2020]

उर्जिता भोबे: साहितीक अभिरूच आसची गोंयची उर्भेवंत कवयत्री ही. कविसम्मेळनांनी ती काऱ्याळ. हेर भासेंतलीं कविता सयत वासची अभिरूच आसच्या हिचो फुडलद कवितजमो ’उर्जास्रोत’ पर्गट जाला. कोंकणी कवितेंनी नवी सकत भर्चे दिशेन बाय उर्जिता वावर करून आसा. पयणारी-वीज साहितीक स्पर्धो २०१८ चेर हिच्या कवितेक दुस्रें इनाम लाभलां. पयणारी-वीज साहितीक स्पर्धो २०१९ चेर पयलें इनाम लाभलां.

 [स्पर्धो] मयन्याचो कवी - ८ [July 2020]

नीलबा खांदेकर: गोंयांत वसती करून आसचो नाम्नेचो कोंकणी कवी, चिंत्पी आनी विशलेशक. हांच्या कवितेंची पुसतकां; वेध (१९८९), सूऱ्यवंशी (१९९९), अग्नी (२००२), ब्लेंक (२००६), The Words (२०१७) येदोळ पर्गट‌ल्ल्यांत. कला अकाडेमिचो पुरसकार, साहित्य अकाडेमिचो पुरसकार हांकां लाभ‌ल्ले प्रमूक पुरसकार.

 [स्पर्धो] मयन्याचो कवी - ७ [June 2020]

लारेन्स वी. बारबोज, म्यांचेसटर, यू.के.: मंगळूर मुळाचो लारेन्स विनोद बारबोज सद्द्याक यू.के.ंतल्या म्यांचेसटरांत वसती करून आसचो एक बरो वाचपी जावनासा. कोंकणिंत लेकनां बरयल्यांत तशेंच कोंकणी काऱ्यांनी क्रियाळ रितिचो वावर करून आसचो. कथादायजांत हाणें एक काणियेचें सादार‌पण केलां.

 [स्पर्धो] मयन्याचो कवी - ६ [May 2020]

ग्वादलूप डायस: गोंयांतली नामणेची कोंकणी कवयत्री. स्त्री संवेदन साहित्याक लागोन फामाद. समाजेच्या पोकोळ विचारांचेर आर्सो धर्चीं चिंत्नां आपल्या कवितेंनी व्हाळ्यिल्ल्या हिका सभार साहितीक स्पर्ध्यांनी इनामां लाभल्यांत, कविगोश्टिंनी हिणें भाग घेतला. ’भुंय‌फोड (२००६), मोळोब‌गंगा (२००७), जलस्थळ (२००९), नातें (२०१४)’ हिचे पर्गट जाल्ले कविताजमे. मामाचो गांव (२०१०) भुर्ग्यांचीं कविता आटापचो बूक.

 [स्पर्धो] मयन्याचो कवी - ५ [Apr 2020]

संगीता नाईक: डिजिटल गोवाची एक्सेक्युटीव संपादक जावन वावर करून आसची बाय संगीता नायकाक प्रतिश्टीत एम.बिलियनत पुरसकार सौत एशिया २०१८ लाभला. गोंय कोंकणी अकाडेमिंत सयत वावर केल्ल्या हिणें पत्रिकोध्यम, साहित्य, शिक्षण अशें वेवेगळ्या शेतांत खूब वावर केला. कोंकणी साहित्यांत सयत तिची देणगी आसा.

 [स्पर्धो] मयन्याचो कवी - ४ [Mar 2020]

मनोज नरेंद्र कामत: पाटल्या वीस वर्सां थावन कोंकणेंत बर्पां बरंवचो बाब मनोज नरेंद्र कामत वृत्तेन प्राध्यापक जावन गोयांत वसती करून आसा. ’तांबशी’, ’नविदादिचें शिकप’ (शिक्षक, पालक आनी विध्यार्थीं खातीर), ’कोंकणी’ (विध्यार्थिंखातीर शैक्षणीक आधारावळ), ’रंग‌फळ', 'आत्म-ब्रह्म’ हाचे येदोळ पर्गट‌ल्ले बूक. कवितेंक सभार इनामां/पुरसकार हाका लाभल्यात.

 [स्पर्धो] मयन्याचो कवी - ३ [Feb 2020]

रुपाली मावजो कीर्तनी: कोंकणी, मराठी, इंगलीश आनी हिंदिंत ३०० वयर कविता बरयिल्ली बाय रुपाली मावजो कीर्तनिचे म्हज्यांतलें हांव (२०१२), मळबथावन (२०१२), Wings - chap book (२०१२), My mirror - chap book (२०१७) कविताजमे पर्गटल्यात. सावदितले ते दीस (२०१६) इस्वेंत पर्गटला. कोंकणी भाशा मंडळ (गोंय) पुरसकार, TMA Pai शिफारस पुरसकार हिका लाभ‌ल्ले प्रमूक पुरसकार.

 [स्पर्धो] मयन्याचो कवी - २ [Jan 2020]

शैलेंद्र मेहता: कांय चाळीस वर्सां थावन मराठी तशेंच कोंकणिंत कविता बरवन आयिल्लो बाब शयलेंद्र मेहता, पारंपरीक कविता न्हय बगार आधुनीक कविता बरयतेल्यांच्या पंग्तेर आसा. अमूर्त संकेत (Abstract images) अपल्या कवितेंनी गुंतून उत्रांतल्या अर्थांच्या गर्भांनी तीं लिपंवची श्याथी आसचो ताक्तेवंत कवी. ताचो कविताजमो ’सिसिफस तेंग‌शेर’ आयलेवार पर्गट जाल्लो जावनासा.

जोन सुंटिकोप्प: कानडी भासेंत अपुर्भायेच्यो कविता/काण्यो बरंवचो जोन डी’सोज, वृत्तेन एक शिक्षक. साहित्याचें पद्युत्तर शिकाप जोडून आसचो हो एक भोव संवेदन‌शील तशेंच भोव मोवाळ/खाल्तो. पूण चिंत्नांनी तितलोच्च परिपकव. समाजिंतल्या वांकड्यांचेर विमर्शात्मक नदर घाल्चें चिंताप हाच्या चडताव बर्पांनी निशेता. 'मोनी बोब' (२०१७) हाच्या कोंकणी कवितेंचो पयलो जमो आशावादी प्रकाशनान कानडी तशेंच नागरी लिपियेंत पर्गटला.