ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ನಾಕಾರಿ ಫಳ್ (- ಮೊನಿಕಾ ಡೆ’ಸಾ ಮಥಾಯಸ್)

ಹಿ ಕವಿತಾ ವಯ್ಲೆಭಾರ್ ವಾಚ್ತಾನಾ ಭೋವ್ ಸೊಂಪಿ ಮ್ಹಳ್ಳೆಪರಿಂ ದಿಸುಂಕ್ ಪುರೊ ಪುಣ್ ಹ್ಯಾ ಕವಿತೆಚ್ಯಾ ಎಕೆಕಾ ಪಂಗ್ತೆಂನಿ ಆಸ್ಚ್ಯಾ ಕಥೆಂಚ್ಯಾ ಸಾವ್ಳೆಕ್ ತಶೆಂಚ್ ಮೂಳ್ ಚಿಂತ್ಪಾಕ್ ಸಮ್ಜುಂಚೆಂ ಪ್ರೇತನ್ ಕೆಲ್ಯಾರ್ ಹಿ ಸೊಂಪಿ ಕವಿತಾ ನ್ಹಯ್. ಪ್ರಸ್ತುತ್ ಕ್ರೂರ್ ಮನ್ಶಾಚಿಂತ್ಪಾಚೆರ್ ಫಾಂಕಯಿಲ್ಲೊ ಉಜ್ವಾಡ್ ಅಶೆಂ ಭಗ್ತಾ. ಎಕಾ ಘರಾಂತ್ ಏಕ್ ಅಸ್ತುರಿ ಎಕಾ ದಿವ್ಯಾಪರಿಂ, ಫಕತ್ ಅಪ್ಣಾಕ್ ಜಳವ್ನ್ ಹೆರಾಂಕ್ ಉಜ್ವಾಡ್ ದಿತಾ ಪುಣ್ ಕೆದಿಂಚ್ ತೊ ದಿವೊ ಅಪ್ಣಾಪಾಸತ್ ಪೆಟಾನಾ. ಎಕಾ ಘರಾಂತ್ ಏಕ್ ಅಸ್ತುರಿ ಏಕ್ ಫುಲಾಪರಿಂ, ಸದಾಂಚ್ ಹೆರಾಂಕ್ ಅಪ್ಲೊ ಪರ್ಮಳ್ ದಿತಾ ಪುಣ್ ಕೆದಿಂಚ್ ತೆಂ ಫುಲ್ ಅಪ್ಣಾಪಾಸತ್ ಫುಲಾನಾ.

ಕಥಾಕಾರ್ ಕವಿ ಬಾಯ್ ಮೊನಿಕಾ ಹಿಂ ಲ್ಹಾ-ಲ್ಹಾನ್ ಸಂವೇದನಾಂ ಭೋವ್ ಅಪುರ್ಭಾಯೆನ್ ಅಪ್ಲ್ಯಾ ಕವಿತೆಂನಿ ಉತ್ರಾಂವ್ಚಿ ಕಲಾ ಭೋವ್ ಸೊಭಿತ್ ರಿತಿನ್ ಸಮ್ಜಾಲ್ಲಿ ಕವಿ. ಕೊಂಕಣಿಚ್ಯಾಕೀ ಚಡಿತ್ ಇಂಗ್ಲಿಶ್ ಭಾಶೆಂನಿ ಹಿಣೆಂ ಕವಿತಾ ಬರಯ್ಲ್ಯಾತ್ ಆನಿ ತಿಚ್ಯಾ ಕವಿತೆಂಕ್ ಖಾಯ್ಸ್ ಕರ್ಚೊ ತಿಚೊಚ್ ಏಕ್ ಅಭಿಮಾನಿ ವರ್ಗ್ ಆಸಾ. ತಿಚ್ಯಾ ಕೊಂಕಣಿ ಕವಿತೆಂಚೆಂ ಪುಸ್ತಕ್ ’ಪಾನಾಂಚ್ ಫುಲಾಂ ಜಾತಾನಾ’ ವೆಗಿಂಚ್ ಪ್ರಕಾಶಿತ್ ಜಾವ್ನ್ ಯೆಂವ್ಚ್ಯಾರ್ ಆಸಾ ಮ್ಹಳ್ಳಿ ಏಕ್ ಸೊಂತೊಸಾಚಿ ಖಬರ್. ತಿಚ್ಯಾ ಹ್ಯಾ ಸಾಧಾರ್ಣ್ ಮ್ಹಳ್ಳೆಪರಿಂ ದಿಸ್ಚ್ಯಾ ಕವಿತೆಂತ್ಲ್ಯಾ ಅಸಾಧಾರಣ್ ಭಾವನಾಂಕ್ ಸಮ್ಜುಂಕ್ ಆತಾಂ ತುಕಾಚ್ ಸೊಡ್ತಾಂ.

- ಸಂ

[ಕವಿತಾ] ನಾಕಾರಿ ಫಳ್ (- ಮೊನಿಕಾ ಡೆ’ಸಾ ಮಥಾಯಸ್)

ನಾಕಾರಿ ಫಳ್ ನಾಕಾರಿ ಫಳ್ ಹಾಂವ್ ಕಸಾಪ್ಪ್ಯಾನ್ ಖಾವ್ನ್ ಉಡಯಿಲ್ಲೆಂ ನಾಂವ್ ನಾತ್ಲೆಂ ಜಡ್ ಹಾಂವ್ ಪ್ರಥ್ವೆ ಗರ್ಭಾಂತ್ ಜಲ್ಮಾಲ್ಲೆಂ ಅಂಕ್ರೆಲಿಂ ವಾಡೊನ್ ಅಯ್ಲಿಂ ಅಮೊಲಿಕ್ ಉದ್ಕಾ ಝರಿನ್ ರಕ್ಶಣ್ ಮ್ಹಾಕಾ ಲಾಭಯ್ಲೆಂ ಅಪರಿಚಿತ್ ಮೊಗಾ ವೆಂಗೆನ್ ಪರ್ಕಿ ಭುರ್ಗ್ಯಾಂ ಬಾಳಾಂಕ್ ಧಲಯ್ಲೆಂ ಮ್ಹಜ್ಯಾ ಬಾವ್ಳ್ಯಾ ಪಾಳ್ಣ್ಯಾರ್ ಗರ್ಜೆವಂತಾಂಕ್ ವಿಶೆವ್ ಲಾಭ್ಲೊ ಮ್ಹಜ್ಯಾ ನಿಸ್ಕಳ್ ಉಸ್ಕ್ಯಾರ್ ಹಾಂವ್ ಆಜ್ ನಾಕಾರಿ ರೂಕ್ ಜಾವ್ನ್ ವಾಡ್ಲ್ಯಾಂ ಕಾಸಾಪ್ಪ್ಯಾನ್ ಮ್ಹಜ್ಯಾ ಮುಳಾಕ್ ಕುರಾಡ್ ಮಾರ್ಲ್ಯಾ ನಾಂ ಮ್ಹಾಕಾ ಕೊಣೀ ಆರಾಯ್ತಲೊ ಹಾಂವ್ ಧರ್ಣಿಕ್ ಶೆವ್ಟಾತಾನಾ ತರೀ ಮ್ಹಜ್ಯಾ ಸುಕ್ಲೆಲ್ಯಾ ಗುತಿಯೆಕ್ ಫುಟ್ಲ್ಯಾಂತ್ ಭರ್ವಶ್ಯಾಚಿಂ ಪಾನಾಂ **** - ಮೊನಿಕಾ ಡೆ’ಸಾ ಮಥಾಯಸ್**. [ಮಾರ್ಚ್, 2023]

	ಮೊನಿಕಾ ಡೆ’ಸಾ ಮಥಾಯಸ್, ಡಬ್ಲಿನ್: ಮೂಳ್ ಶಾಂತಿಪುರಾಚಿ, ನರ್ಸಿಂಗ್ ಸಿಕುನ್ ಸದ್ದ್ಯಾಕ್ ಅಯರ್‌ಲೆಂಡಾಚ್ಯಾ ಡಬ್ಲಿನಾಂತ್ ವಾವ್ರ್ ಕರುನ್ ಆಸ್ಚಿ ಬಾಯ್ ಮೊನಿಕಾ ಡೆ’ಸಾ ಏಕ್ ಕಥಾಕರ್, ಕವಿ ತಶೆಂಚ್ ಸಂವೇದನ್‌ಶೀಳ್ ಬರವ್ಪಿ. ಕಾಂಯ್ ಪಂಚ್ವೀಸ್ ವರ್ಸಾಂ ಥಾವ್ನ್ ಹಿಣೆಂ ಸಭಾರ್ ಕಥಾ, ಕವಿತಾ ಬರಯ್ಲ್ಯಾತ್ ತಶೆಂಚ್ ಇನಾಮಾಂ ಆಪ್ಣಾಯ್ಲ್ಯಾಂತ್.
[kovita] Nakari Foll* (- Monica D'Sa Mathais, Dublin)*
Hi kovita voilebhar vachtana bhovo sompi mholl'lleporim disunk puro punn hea kovitechea ekeka pongtemni aschea kothenchea saullek toxench mull chintpak somzunchem preton kelear hi sompi kovita nhoi. Prostut krur monxachintpacher fankoyil'lo ujvadd oxem bhogta. Eka ghorant ek osturi eka diveaporim, fokot opnnak zolloun herank ujvadd dita punn kedinch to divo opnnapasot pettana. Eka ghorant ek osturi ek fulaporim, sodanch herank oplo pormoll dita punn kedinch tem ful opnnapasot fulana. Kothakar kovi bai monika him lha-lhan somvedonam bhovo opurbhayen oplea kovitemni utramvchi kola bhovo sobhit ritin somzal'li kovi. Konkonnicheaki choddit inglix bhaxemni hinnem kovita boroileat ani tichea kovitenk khais korcho tichoch ek obhimani vorg asa. Tichea konkonni kovitenchem pustok ’pananch fulam zatana’ veginch prokaxit zaun yemvchear asa mholl'lli ek sontosachi khobor. Tichea hea sadharnn mholl'lleporim dischea kovitentlea osadharonn bhaunank somzunk atam tukach soddtam. - Som
[kovita] Nakari Foll* (- Monica D'Sa Mathais, Dublin)*
*Nakari Foll* nakari foll hamv kosappean khaun uddoyil'lem namv natlem zodd hamv prothve gorbhant zolmal'lem onkrelim vaddon oylim omolik udka zhorin rokxonn mhaka labhoilem oporichit moga vengen porki bhurgeam ballank dholoilem mhojea baullea pallnnear gorjeuntank vixevo labhlo mhojea niskoll uskear hamv az nakari ruk zaun vaddleam kasappean mhojea mullak kuradd marlea nam mhaka konni araitolo hamv dhornnik xeuttatana tori mhojea suklelea gutiek futtleant bhorvoxeachim panam **** - Monica D’Sa Mathais.** [March, 2023]

	Monica D’Sa Mathais, Dublin: mull xantipurachi, norsing sikun sod'deak oyor‌lenddachea ddoblinant vaur korun aschi bai monika dde’sa ek kothakor, kovi toxench somvedon‌xill boroupi. Kaim ponchvis vorsam thaun hinnem sobhar kotha, kovita boroileat toxench inamam apnnaileant.
[कविता] नाकारी फळ (- मोनिका डे’सा मथायस)
ही कविता वयलेभार वाचताना भोव सोंपी म्हळ्ळेपरीं दिसुंक पुरो पूण ह्या कवितेच्या एकेका पंग्तेंनी आसच्या कथेंच्या सावळेक तशेंच मूळ चिंत्पाक समजुंचें प्रेतन केल्यार ही सोंपी कविता न्हय. प्रसतूत क्रूर मनशाचिंत्पाचेर फांकयिल्लो उज्वाड अशें भग्ता. एका घरांत एक असतुरी एका दिव्यापरीं, फकत अपणाक जळवन हेरांक उज्वाड दिता पूण केदिंच तो दिवो अपणापासत पेटाना. एका घरांत एक असतुरी एक फुलापरीं, सदांच हेरांक अपलो पर्मळ दिता पूण केदिंच तें फूल अपणापासत फुलाना. कथाकार कवी बाय मोनिका हीं ल्हा-ल्हान संवेदनां भोव अपुर्भायेन अपल्या कवितेंनी उत्रांवची कला भोव सोभीत रितीन समजाल्ली कवी. कोंकणिच्याकी चडीत इंगलीश भाशेंनी हिणें कविता बरयल्यात आनी तिच्या कवितेंक खायस कर्चो तिचोच एक अभिमानी वर्ग आसा. तिच्या कोंकणी कवितेंचें पुसतक ’पानांच फुलां जाताना’ वेगिंच प्रकाशीत जावन येंवच्यार आसा म्हळ्ळी एक सोंतोसाची खबर. तिच्या ह्या साधार्ण म्हळ्ळेपरीं दिसच्या कवितेंतल्या असाधारण भावनांक समजुंक आतां तुकाच सोडतां. - सं
[कविता] नाकारी फळ (- मोनिका डे’सा मथायस)
नाकारी फळ नाकारी फळ हांव कसाप्प्यान खावन उडयिल्लें नांव नातलें जड हांव प्रथवे गर्भांत जल्माल्लें अंक्रेलीं वाडोन अयलीं अमोलीक उदका झरीन रक्षण म्हाका लाभयलें अपरिचीत मोगा वेंगेन पर्की भुर्ग्यां बाळांक धलयलें म्हज्या बावळ्या पाळण्यार गर्जेवंतांक विशेव लाभलो म्हज्या निसकळ उसक्यार हांव आज नाकारी रूक जावन वाडल्यां कासाप्प्यान म्हज्या मुळाक कुराड मारल्या नां म्हाका कोणी आरायतलो हांव धर्णीक शेवटाताना तरी म्हज्या सुकलेल्या गुतियेक फुटल्यांत भर्वश्याचीं पानां **** - मोनिका डे’सा मथायस.** [मार्च, २०२३]

	मोनिका डे’सा मथायस, डबलीन: मूळ शांतिपुराची, नर्सिंग सिकून सद्द्याक अयर‌लेंडाच्या डबलिनांत वावर करून आसची बाय मोनिका डे’सा एक कथाकर, कवी तशेंच संवेदन‌शीळ बरवपी. कांय पंचवीस वर्सां थावन हिणें सभार कथा, कविता बरयल्यात तशेंच इनामां आपणायल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.