[ಕವಿತಾ] ಜಿವಿತ್ ತಿಚೆಂ (- ಡೊಮಿನಿಕ್ ಅರಾವ್ಜೊ)

ಜಿವಿತ್ ತಿಚೆಂ

ಮೋಗ್ ತುಜೊ
ಕರ್ಚೊ ತಿಣೆಂ
ಸಾಂಖ್ಳೆನ್ ಬಾಂದಿಲ್ಲ್ಯಾ
ಸುಣ್ಯಾಂ ಪರಿಂ
ರಾಗ್ ತುಜೊ
ಧರ್ಚೊ ತಿಣೆಂ
ಪಿಂಜ್ರ್ಯಾಂತ್ಲ್ಯಾ
ಸುಕ್ಣ್ಯಾ ಪರಿಂ
ಮೋಗ್ ಆಸಾ ಥಂಯ್
ರಾಗ್ ಆಸ್ತಾ
ಆನಿ ರಾಗ್ ಆಸಾ ಥಂಯ್
ಮೋಗ್ ಆಸ್ತಾ
ತುಜ್ಯಾಚ್ ಸುಖಾ ಖಾತಿರ್
ಜಿವಿತ್ ತಿಚೆಂ
ಅಶೆಂಚ್ ತಗ್ತಾ

ನ್ಹವ್ ಮ್ಹಯ್ನೆ
ಪೊಟಾಂತ್ ತಿಚ್ಯಾ
ತುಕಾ ಕಾಮ್ ನಾಸ್ತಾ
ತುಂ ಕೆದ್ನಾಂ ನ್ಹಿದ್ತಾ
ಕೆದ್ನಾಂ ಉಟ್ಟಾ
ತಿಕಾಚ್ ಖಬರ್ ಆಸ್ತಾ
ಕೆದ್ನಾಂ ತುಂ ಖೆಳ್ತಾ
ಖನ್ಟ್ ಉಕಲ್ತಾ
ತಕ್ಲಿ ಆಪ್ಟಿತಾ
ತೆದ್ನಾಂ ತಿಕಾ
ಕಾಂಯ್ ವೆಳಾರ್
ರಾಗ್ ಯೆತಾ
ತುಜ್ಯಾಚ್ ಸುಖಾ ಖಾತಿರ್
ಜಿವಿತ್ ತಿಚೆಂ
ಅಶೆಂಚ್ ತಗ್ತಾ

ಜಲ್ಮಾಂತ್ ತುಜ್ಯಾ
ಸಗ್ಳ್ಯಾಂ ಪರಸ್
ತಿಚ್ ತುಜೊ ಚಡ್
ಮೊಗ್ ಕರ್ತಾ
ದಿಸ್ ಮ್ಹಯ್ನೆ
ವರ್ಸಾಂ ಧಾಂವ್ತಾ
ತುಂ ಭುರ್ಗೊ ಆಶಿಲ್ಲೊ
ನೆನ್ಟೊ ಜಾನ್ಟೊ ಜಾತಾ
ಜೆದ್ನಾಂ ತಿಚಿ ಪಿರಾಯ್
ಅಸ್ಕತ್ ಜಾತಾ
ತೆದ್ನಾಂ ತಿ ತುಜ್ಯಾ
ಮೊಗಾಕ್ ಆಶೆತಾ
ತುಜ್ಯಾಚ್ ಸುಖಾ ಖಾತಿರ್
ಜಿವಿತ್ ತಿಚೆಂ
ಅಶೆಂಚ್ ತಗ್ತಾ

ಮೋಗ್ ತಿಚೆರ್
ಕರ್ಚೊ ಆಸ್ಲೊ
ಥಂಡಿಂತ್ ಘೆತಿಲ್ಲ್ಯಾ
ದುಧಾ ಬಂಬಾ ಪರಿಂ
ರಾಗ್ ತಿಚೆರ್
ಕಾಡ್ಚೊ ಕಿತ್ಯಾಕ್
ಭುಕೆಲಲ್ಯಾ
ಜಂವಾರಾ ಪರಿಂ
ಸಾಂಖ್ಳೆನ್ ಬಾಂದುನ್
ಪಿಂಜ್ರ್ಯಾಂತ್ ದವ್ರುನ್
ಖನ್ಟೊ ಮಾರುನ್
ತಕ್ಲಿ ಆಪ್ಟುನ್
ತುಜ್ಯಾಚ್ ಸುಖಾ ಖಾತಿರ್
ಜಿವಿತ್ ತಿಚೆಂ
ಅಶೆಂಚ್ ತಗ್ತಾ

 ******

- ಡೊಮಿನಿಕ್ ಅರಾವ್ಜೊ. [ಜ್ಯೂನ್, 2020]

[kovita] Jivit Tichem (- Dominic Arauzo, Kuwait)

Jivit Tichem


Mog tuzo
korcho tinnem
sankhllen bandil’lea
sunneam porim
rag tuzo
dhorcho tinnem
pinzreantlea
suknnea porim
mog asa thoim
rag asta
ani rag asa thoim
mog asta
tujeach sukha khatir
jivit tichem
oxench togta

nhov mhoine
pottant tichea
tuka kam nasta
tum kednam nhidta
kednam utt’tta
tikach khobor asta
kednam tum khellta
khontt ukolta
tokli apttita
tednam tika
kaim vellar
rag yeta
tujeach sukha khatir
jivit tichem
oxench togta

zolmant tujea
soglleam poros
tich tuzo chodd
mog korta
dis mhoine
vorsam dhanvta
tum bhurgo axil’lo
nentto zantto zata
zednam tichi piray
oskot zata
tednam ti tujea
mogak axeta
tujeach sukha khatir
jivit tichem
oxench togta

mog ticher
korcho aslo
tonddant ghetil’lea
dudha bomba porim
rag ticher
kaddcho kiteak
bhukelolea
zonvara porim
sankhllen bandun
pinzreant dovrun
khontto marun
tokli apttun
tujeach sukha khatir
jivit tichem
oxench togta

******

- Dominic Arauzo, Kuwait. [Jun, 2020]

[कविता] जिवीत तिचें (- डोमिनीक अरावजो)

एका असतुरेचीं रुपां वेग-वेगळीं; जांव ती धूव, जांव ती बायल, जांव ती आवय पूण असतुरी ती असतुरीच, मोगाचो, दयेचो, त्यागाचो दरयोच. तिच्या रुपांनी आसची गुंडाय कोणेंय मेजुंक जायनाये. स्वता एक अपरूप तियात्रिसत जावनासच्या बाब डोमिनीक अरावजोच्या कवितेचें चिंतप हेंच.

- सं

[कविता] जिवीत तिचें (- डोमिनीक अरावजो)

जिवीत तिचें

मोग तुजो
कर्चो तिणें
सांखळेन बांदिल्ल्या
सुण्यां परीं
राग तुजो
धर्चो तिणें
पिंजऱ्यांतल्या
सुकण्या परीं
मोग आसा थंय
राग आसता
आनी राग आसा थंय
मोग आसता
तुज्याच सुखा खातीर
जिवीत तिचें
अशेंच तग्ता

न्हव म्हयने
पोटांत तिच्या
तुका काम नासता
तूं केदनां न्हिदता
केदनां उट्टा
तिकाच खबर आसता
केदनां तूं खेळता
खनट उकल्ता
तकली आपटिता
तेदनां तिका
कांय वेळार
राग येता
तुज्याच सुखा खातीर
जिवीत तिचें
अशेंच तग्ता

जल्मांत तुज्या
सगळ्यां परस
तीच तुजो चड
मग कर्ता
दीस म्हयने
वर्सां धांवता
तूं भुर्गो आशिल्लो
नेनटो जानटो जाता
जेदनां तिची पिराय
असकत जाता
तेदनां ती तुज्या
मोगाक आशेता
तुज्याच सुखा खातीर
जिवीत तिचें
अशेंच तग्ता

मोग तिचेर
कर्चो आसलो
थंडिंत घेतिल्ल्या
दुधा बंबा परीं
राग तिचेर
काडचो कित्याक
भुकेलल्या
जंवारा परीं
सांखळेन बांदून
पिंजऱ्यांत दवरून
खनटो मारून
तकली आपटून
तुज्याच सुखा खातीर
जिवीत तिचें
अशेंच तग्ता

******

- डोमिनीक अरावजो. [ज्यून, २०२०]

ದಾಯ್ಜ್.ಕೊಮ್