ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಪಾಚ್ವೊ ರಂಗ್ (- ದೊ|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ)

ಪಾಚ್ವೊ ರಂಗ್ ಜಿವಾಚೊ ಸಂಕೇತ್. ಮನಿಸ್ ಅಪ್ಲ್ಯಾ ಅಬ್ಲೇಸ್‌ಪಣಾಕ್ ಲಾಗುನ್ ಹ್ಯಾ ಧರ್ತೆಚೆರ್ ಕಾಂಯ್ ತೆಂಪಾ ಥಾವ್ನ್ ಜುಲುಮ್ ಚಲವ್ನ್ ಆಯ್ಲಾಸ್ತಾಂ ಆಯ್ಚ್ಯಾ ಪಿಳ್ಗೆಕ್ ತಾಚೊ ಪರಿಣಾಮ್ ಮಾರೆಕಾರ್ ಜಾವ್ನ್ ಧೊಸುಂಕ್ ಲಾಗ್ಲಾ. ಅಶೆಂಚ್ ಮುಕಾರುನ್ ಗೆಲೆಂ ತರ್ ಮುಕ್ಲೆ ದೀಸ್ ಖರೆಚ್ ಭಿರಾಂಕುಳ್ ಜಾವ್ನ್ ಉದೆಂವ್ಚ್ಯಾಂತ್ ದುಭಾವ್ ನಾ. ಹ್ಯಾ ಕವಿತೆಂತ್ ಸಯ್ತ್ ಧರ್ತೆವಯ್ಲಿಂ ಝಡಾಂ, ರೂಕ್ ಸಯ್ತ್ ಎಕಾಮೆಕಾ ಉಲವ್ನ್ ಮನ್ಶಾಕ್ ಸೊಭಿತ್ ರಿತಿನ್ ಚಿಂತುಂಕ್ ಲಾಯ್ತಾತ್.

ಪಾಂಗ್ಳಾ (ಶಂಕರಪುರ) ದೋನ್ ಸಂಗ್ತೆಂಕ್ ನಾಂವ್ ವೆಲ್ಲೊ ಗಾಂವ್; ಪಯ್ಲೆಂ - ಪಾಂಗ್ಳಾಚೆ ಕಳೆ ತರ್ ದುಸ್ರೆಂ ಪಾಂಗ್ಳಾಚೆಂ ತಾಲೆಂತ್. ಬಾಯ್ ಫ್ಲಾವಿಯಾ ಏಕ್ ಬರಿ ವಾಚ್ಪಿಣ್, ತಿಣೆಂ ಕೊಂಕಣಿ ತಶೆಂಚ್ ಕನ್ನಡ ಭಾಶೆಂತ್ ಸಭಾರ್ ಬರ್ಪಾಂ ಬರಯ್ಲ್ಯಾಂತ್. ವೆಗಿಂಚ್ ತಿಚ್ಯಾ ಕೊಂಕಣಿ ಕವಿತೆಚೊ ಬೂಕ್ ಪರ್ಗಟುನ್ ಯೆಂವ್ಚ್ಯಾರ್ ಆಸಾ. ಹಿಚೆಥಾವ್ನ್ ಫುಡೆಂ ಸಯ್ತ್ ಕವಿತೆಚೊ ವ್ಹಾಳೊಚ್ ವ್ಹಾಳುಂದಿ ಆನಿ ಕೊಂಕಣಿ ಕವಿತಾಶೆತಾಕ್ ಗ್ರೇಸ್ತ್ ಕರುಂದಿ ಮ್ಹಳ್ಳೆಚ್ ಮ್ಹಜೆ ಆಂವ್ಡೆ.

- ಸಂ

[ಕವಿತಾ] ಪಾಚ್ವೊ ರಂಗ್ (- ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ)

ಪಾಚ್ವೊ ರಂಗ್ ಪಾಚ್ವೆಂ ಪಾಚ್ವೆಂ ಪರಿಸರ್ ಆಮ್ಚೆಂ ಪಾಟ್ಲ್ಯಾನ್ ಮುಖ್ಲ್ಯಾನ್ ದಾವ್ಯಾಕ್ ಉಜ್ವ್ಯಾಕ್ ರಂಗ್ ಪಾಚ್ವೊ ಭರ್ಲಾ ಸರ್ವ್ ಭಂವ್ತೊಣಿ ಪೊಪಾಯೆ ರೂಕ್ ಗಾಯ್ತಾ ಆಯ್ಕಾ ಹಾಂವ್ ಮಾತ್ಯೆಚಾ ಮೊಗಾರ್ ಪಡ್ಲಾಂ ಜಾಂಬ್ಳಾ ರೂಕ್ ಮ್ಹಣ್ತಾ ಪಳೆಯಾ ದೆಗೆನ್ ಮಾಕಾ ಲಾಯ್ಲಾಯ್ ಕಿತ್ಯಾಕ್ ವರ್ಸಾ ಗಾಟ್ಲ್ಯಾನ್ ದಿತಾಂ ತರೀ ಜಾಂಬ್ಳಾ? ಹಾಲೊನ್ ಧಲೊನ್ ಮಾಡ್ ಸಾಂಗ್ತಾ ತಯಾರ್ ಆಸಾತ್ ಬೊಂಡೆ ಪಿಯೆಯಾ ವಾಡ್ಚ್ಯೊ ಮಾಡ್ಯೊ ಮ್ಹಣ್ತಾತ್ ಸದಾಂ ಪೊಪ್ಳಾಂ ಆಸಾತ್ ತಯಾರ್ ಘೆಯಾ ಕಾಂರ್ಬೊಳಾಂಚೊ ರೂಕ್ ವಿಚಾರ್ತಾ ಕಿತ್ಯಾಕ್ ಲಾಂವ್ಕ್ ನಾಂಯ್ ಬಿಂಬ್ಲ್ಯಾ ಝಡಾಕ್? ವಾಲ್ ಭರ್ನ್ ಫುಲ್ತಾತ್ ಹಳ್ದುವಿಂ ಫುಲಾಂ ಮೊಸ್ರಾನ್ ಧಲ್ತಾತ್ ತಾಂಬ್ಡಿಂ ಫುಲಾಂ ಘಡಿಯಾಳ್ ಫುಲಾಂ ಮ್ಹಣ್ತಾತ್ ಆಪುಣ್ ರಾಣಿ ಸುವಾಸಿಕ್ ಪೊರ್ಮಳಾನ್ ಜಳ್ತಾತ್ ಮೊಗ್ರಿಂ ಬರ್ಕಿಡ್ಸ್ ಫುಲೊನ್ ಮಹಿನೊಭರ್ ಸೊಭ್ತಾನಾ ಕಾಗ್ದಾ ಫುಲಾಂ ರಡೊನ್ ಸಾಂಗ್ತಾತ್ ಕಾತ್ರುನ್ ಕೆದಿಂಚ್ ಉಡಯ್ನಾಕಾ ತೊಟಾಂತ್ ತುಜ್ಯಾ ದವರ್ ಮಾಕಾ ದಾದೊಸ್ಕಾಯ್ ದಿಂವ್ಚ್ಯಾ ಮಿಟಾಯ್ ಫುಲಾಂ ಸಂಗಿಂ ದೊಳ್ಯಾಂಕ್ ಮನಾಂಕ್ ದಾದೊಸ್ ಕರ್ತಾ ಭಂವ್ತಿ ಸೊಭ್ತಾ ಪಾಚ್ವೊ ಪರಿಸರ್ ಪಾಚ್ವ್ಯಾ ರಂಗಾ ಸಾಂಗೊಡಿಂ ಆಮ್ಕಾಂ ಶಿಕಯ್ತಾ ಪರಿಸರ್ ವಾಡೊನ್ ಜಿಯೆಂವ್ಕ್. ****** - ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ. [ಜ್ಯೂನ್, 2020]

	ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ: ಸಮಾಜ್‌ಶಾಸ್ತಿರಾಂತ್ ಪದ್ಯುತ್ತರ್, MA, MSc, PhD ದೊತೊರ್‌ಗಿರಿ ಶಿಕ್‌ಲ್ಲಿ ಮೂಳ್ ಪಾಂಗ್ಳಾ (ಶಂಕರಪುರ) ಗಾಂವ್ಚಿ ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಸೈಂಟ್ ಇಗ್ನೇಶಿಯಸ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ಸಾಯನ್ಸ್ ಹೊನ್ನಾವರ್ ಹಾಂಗಾಸರ್ ಸಹ-ಪ್ರಾಧ್ಯಾಪಕ್ ಜಾವ್ನ್ ವಾವ್ರ್ ಕರ್ತಾ. ಬರಿ ಕೊಂಕಣಿ ವಾಚ್ಪಿ ಜಾವ್ನಾಸ್ಚ್ಯಾ ಹಿಣೆಂ ಸಭಾರ್ ಕಾಣಿಯೊ, ಕವಿತಾ ಬರಯ್ಲ್ಯಾತ್. ವಿಗ್ಯಾನಾಚೆರ್ ಹಿಚಿಂ ಸಂಶೋದ್ ಬರ್ಪಾಂ ಪರ್ಗಟ್ಳ್ಯಾಂತ್. ಹಿಚ್ಯಾ ಕೊಂಕಣಿ ಕವಿತೆಚೊ ಜಮೊ ವೆಗಿಂಚ್ ಬುಕಾರುಪಾರ್ ಪರ್ಗಟುನ್ ಯೆಂವ್ಚ್ಯಾರ್ ಆಸಾ.
[kovita] Pachvo Rong (- Dr.Flavia Castelino, Shankerpura)
Pachvo rong jivacho sonket. Monis oplea obles‌ponnak lagun hea dhortecher kaim tempa thaun zulum' choloun ailastam aichea pillgek tacho porinnam' marekar zaun dhosunk lagla. Oxench mukarun gelem tor mukle dis khorech bhirankull zaun udemvcheant dubhavo na. Hea kovitent soit dhorteuylim zhoddam, ruk soit ekameka uloun monxak sobhit ritin chintunk laitat. Panglla (shankerpura) don songtenk namv vel'lo gamv; poilem - pangllache kolle tor dusrem pangllachem talent. Bai flavia ek bori vachpinn, tinnem konkonni toxench kon'noddo bhaxent sobhar borpam boroileant. Veginch tichea konkonni kovitecho buk porgottun yemvchear asa. Hichethaun fuddem soit kovitecho vhalloch vhallundi ani konkonni kovitaxetak grest korundi mholl'llech mhoje amvdde. - Som
[kovita] Pachvo Rong (- Dr.Flavia Castelino, Shankerpura)
Pachvo Rong pachvem pachvem porisor amchem pattlean mukhlean daveak ujveak rong pachvo bhorla sorv bhomvtonni popaye ruk gaita aika hamv matyecha mogar poddlam zamblla ruk mhonnta polleya degen maka lailai kiteak vorsa gattlean ditam tori zamblla? halon dholon madd sangta toyar asat bondde pieya vaddcheo maddeo mhonntat sodam popllam asat toyar gheya kamrbollancho ruk vicharta kiteak launko nam-i bimblea zhoddak? val bhorn fultat hollduvim fulam mosran dholtat tambddim fulam ghoddiall fulam mhonntat apunn ranni suvasik pormollan zolltat mogrim borkidds fulon mohinobhor sobhtana kagda fulam roddon sangtat katrun kedinch uddoinaka tottant tujea dour maka dadoskai dimvchea mittai fulam songim dolleank monank dados korta bhomvti sobhta pachvo porisor pachvea ronga sangoddim amkam xikoita porisor vaddon jieunko. **** - Dr \| Flavia Castelino, Shankerpura.** [Jun, 2020]

	Dr \| Flavia Castelino, Shankerpura: Somaz‌xastirant podyut'tor, MA, MSc, PhD dotor‌giri xik‌l'li mull Panglla (Shankerpura) gamvchi Dr.Flavia Castelino, St.Ignetias Institute of Health Science, Honnnavara hangasor soho-pradheapok zaun vaur korta. Bori konkonni vachpi zaunaschea hinnem sobhar kannio, kovita boroileat. Vigeanacher hichim sonxod borpam porgottlleant. Hichea konkonni kovitecho zomo veginch bukarupar porgottun yemvchear asa.
[कविता] पाचवो रंग (- दो\|फ्लाविया क्यासतलिनो, शंकरपूर)
पाचवो रंग जिवाचो संकेत. मनीस अपल्या अबलेस‌पणाक लागून ह्या धर्तेचेर कांय तेंपा थावन जुलूम चलवन आयलासतां आयच्या पिळगेक ताचो परिणाम मारेकार जावन धोसुंक लागला. अशेंच मुकारून गेलें तर मुकले दीस खरेच भिरांकूळ जावन उदेंवच्यांत दुभाव ना. ह्या कवितेंत सयत धर्तेवयलीं झडां, रूक सयत एकामेका उलवन मनशाक सोभीत रितीन चिंतुंक लायतात. पांगळा (शंकरपूर) दोन संग्तेंक नांव वेल्लो गांव; पयलें - पांगळाचे कळे तर दुस्रें पांगळाचें तालेंत. बाय फ्लाविया एक बरी वाचपीण, तिणें कोंकणी तशेंच कन्नड भाशेंत सभार बर्पां बरयल्यांत. वेगिंच तिच्या कोंकणी कवितेचो बूक पर्गटून येंवच्यार आसा. हिचेथावन फुडें सयत कवितेचो व्हाळोच व्हाळुंदी आनी कोंकणी कविताशेताक ग्रेसत करुंदी म्हळ्ळेच म्हजे आंवडे. - सं
[कविता] पाचवो रंग (- दो\|फ्लाविया क्यासतलिनो, शंकरपूर)
पाचवो रंग पाचवें पाचवें परिसर आमचें पाटल्यान मुखल्यान दाव्याक उज्व्याक रंग पाचवो भरला सर्व भंवतोणी पोपाये रूक गायता आयका हांव मात्येचा मोगार पडलां जांबळा रूक म्हणता पळेया देगेन माका लायलाय कित्याक वर्सा गाटल्यान दितां तरी जांबळा? हालोन धलोन माड सांग्ता तयार आसात बोंडे पियेया वाडच्यो माड्यो म्हणतात सदां पोपळां आसात तयार घेया कांरबोळांचो रूक विचार्ता कित्याक लावंक नांय बिंबल्या झडाक? वाल भर्न फुल्तात हळदुवीं फुलां मोस्रान धल्तात तांबडीं फुलां घडियाळ फुलां म्हणतात आपूण राणी सुवासीक पोर्मळान जळतात मोग्रीं बर्किडस फुलोन महिनोभर सोभताना कागदा फुलां रडोन सांग्तात कात्रून केदिंच उडयनाका तोटांत तुज्या दवर माका दादोसकाय दिंवच्या मिटाय फुलां संगीं दोळ्यांक मनांक दादोस कर्ता भंवती सोभता पाचवो परिसर पाचव्या रंगा सांगोडीं आमकां शिकयता परिसर वाडोन जियेवंक. **** - दो\|फ्लाविया क्यासतलिनो, शंकरपूर.** [ज्यून, २०२०]

	दो\|फ्लाविया क्यासतलिनो, शंकरपूर: समाज‌शासतिरांत पद्युत्तर, MA, MSc, PhD दोतोर‌गिरी शीक‌ल्ली मूळ पांगळा (शंकरपूर) गांवची दो\|फ्लाविया क्यासतलिनो, सैंट इग्नेशियस इन्स्टिट्यूट आफ हेल्त सायन्स होन्नावर हांगासर सह-प्राध्यापक जावन वावर कर्ता. बरी कोंकणी वाचपी जावनासच्या हिणें सभार काणियो, कविता बरयल्यात. विग्यानाचेर हिचीं संशोद बर्पां पर्गटळ्यांत. हिच्या कोंकणी कवितेचो जमो वेगिंच बुकारुपार पर्गटून येंवच्यार आसा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.